فكرة لتخفيف معاناة الشعب السورى

[ghostmido]

السلام عليكم ورحمة الله وبركاته....

السنة دى الشتاء قارص جدا على بلادنا وخصوصا اهل الشام.
وانا قاعد على الفيس لقيت دعوة لجمع بطاطين وارسالها لاخوانا فى سوريا..
أطفال سوريا عايشين في مخيمات في تركيا والأردن وسوريا وأماكن تانيه
وبعض المخيمات دي غير آدميه بالمره
كأنه قاعد في الشارع بالضبط...
الواحد والله بيكون قاعد متدفى فى البيت وتحت البطاطين ولو اتحرك بيحس بالبرد فما بالكم باخواننا فى سوريا وضعهم مزرى ازاى

[IMG][/IMG]


[IMG][/IMG]


[IMG][/IMG]




في النهايه انت بتنقذ حياة إنسان من الموت وأهل سوريا في كرب عظيم نحن لسنا فيه وربما نكون فيه يوما


رابط الدعوة..... http://www.facebook.com/events/1404600096447578

ولو فى حد عنده افكار تانية ممكن يدلنا عليها وربنا يتقبل منا حميعا صالح اعمالنا.....[/COLOR][/SIZE][/CENTER]

[الاستاذ]

طب ابعت للى فى الصعيد ولا الى مترمين فى الشارع اولى

[al_manara]

طب ابعت للى فى الصعيد ولا الى مترمين فى الشارع اولى

الاتنين مهمين . لان دول اهلنا ودول اهلنا .

[lidosasa]

طب ابعت للى فى الصعيد ولا الى مترمين فى الشارع اولى

اللى قاعدين فى الصعيد المفروض إن فيه دولة وحكومة هى اللى تاخد بالها منهم
كمان فيه جهات تانية خيرية كتير بتحاول توصل ليهم معونات وعلى الأقل هما قاعدين فى بيوت مش فى خيم
إذا لم تستطع فعل الخير فلا تقف ضده ولو بكلمة تقلل من عزم القائمين عليه

[khaled_sabry]

طب ابعت للى فى الصعيد ولا الى مترمين فى الشارع اولى

مع احترامى
بما انى صعيدي - هو الصعيد دول فقراء يعنى و لا ايه
الصعيد بلاد عاديه فيها الغنى و فيها الفقير
الفرق الوحيد ان مثلا لما تبقى درجة الحراره هنا 8 مثلا حتلاقى هناك درجة الحراره 6 مثلا
يعنى مش فارق كبير و لا حتلاقى ثلج
لكن مش قاعدين فى العراء و لا مالهومشى مأوى و الكلام اللى بيتقال فى الاعلانات اللى هدفها تشتيت الصدقه عن مستحقينها

[abd_el_7amid]

طب ابعت للى فى الصعيد ولا الى مترمين فى الشارع اولى

قصد حضرتك صعيد سوريا؟؟

[abd_el_7amid]

وعلى فكرة فى سوريا فى ناس بتموت من البرد... بصراحة مسمعتش عن حد مات من البرد فى الصعيد
فرق كبير فى المساعدتيين...
وعلى العموم اللى معاه سعة يتوكل على الله فى الاثنين

[ghostmido]

طب ابعت للى فى الصعيد ولا الى مترمين فى الشارع اولى

سوريا_تتجمد