بطلت السجاير نهااااااااااااااااائيا(بع

[DODGE2013]

صباح الخير

باختصار

حبيت اشاركم فرحتي

انا بطلت السجاير اخيرا بعد 20 سنه تدخين

واللهي ندمان على العمر الي فات والصحه ومش حقول الفلوس لان الفلوس بتروح وتيجي

لاكن الصحه بتروح بس عمرها ما بتيجي تاني للأسف

للأسف بطلتها في وقت يعتبر مناسب

جالي التهابات شديده في اللثه وتقرحات وورم صغير في بطانة الفم الجانب الايسر

ومش حخوف حد وحقوله كانسر ومش عارف ايه حقول ورم وخلاص

من الاخر السجاير سم هاري والله العظيم بيني وبين نفسي قلت ازاي اشتري حاجه

مكتوب عليها انها سبب للأمراض والسرطان وجلطة القلب وتؤيدي للوفاة

على كده المخ الي عندي ده ملوش لازمه كان سعتها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

ازاي ادفع فيها فلوس اخسرها وادمر صحتي كمان؟؟؟؟؟؟؟؟؟؟؟؟؟؟؟؟؟؟؟

غير ريحة الواحد الوحشه والمنفره واللسه الناشفه والمحروقه والصوابع رحتها وحشه ولونها بني والسنان الي زي الشمامين مهما بيضتها بترجع تسود تاني

والواحد شعره بيقع وجلده بيكرمش وهالات سوده ,, ومفيش اكسجين في الدم وغير كده وكده الواحد يضر الي حواليه كمان

بطلتها مره وحده العلبه كان باقي فيها بتاع 8 سيجارات قرفت وقطعتهم بغيظ وكيد

كان بيني وبينها طار قديم وقمت دايس عليها ومفعصها هيا والعلبه ومن يوميها بطلتها

بقالي لحد دلوقتي شهرين وصحتي في تحسن ولله الحمد الورم موجود بس الالتهابات والتقرحات راحت

بفضل الله وبطلت انهج واتعب وابقى ذليل لحاجه اسمها دخان

سيجاره لما اقوم من النوم سجيارة مع الشاي سيجارة بعد الاكل سيجارة وانا بسوق سيجارة وانا مش

عارف بعمل ايه مش ناقص الا سوري يعني لما الوحد ....... ياخد سيجاره بعدها !!!!!!!!!!!!!!!!!!!!

واللهي بقيت اشفق على الي بيدخن دلوقتي اقل شي يقال عنه انه ذليل وعبد للسيجارة

ومش قادر يتحرر

الي عايز يبطل حيبطل مره واحده وميضحكش على نفسه ويقول بالتدريج والكلام الفاضي ده

انا بعد ما قطعت العلبه والسجاير نمت يوم كامل وتاني يوم جبت ورقه ولفتها على شكل سيجارة

مع اي حاجه كنت بعملها مع السيجارة بقيت انفخ في الورقه الفاضيه ديه لمدة اسبوعين

لغاية ما سبتها هههههههههههههه (الورقه) وبعدها نسيت حاجه اسمها سيجاره

من الاخر الحق نفسك قبل ما متعرفش تلحقها ومتعملش زي

كنت ماشي على المثل الي بيقول خلاص الي راح راح حبطل دلوقتي

مش عايز اطول اكتر من كده لو لسى بدخن قطعها وارميها مش تقولي بالتدريج وتاخد بدلها لبان ولا ترول سجاير ولا تاخد لبوس ههههههههههههه

ولو حصلك موقف وحتتعصب خد نفس عميق جدا واكتمه خمس ثواني وطلعه براحه اوي

حيديك مفعول اقوى من السجاير بعشر مرات ودماغك حتلف بس طبيعي ههههههههههههههههه


بطل يهبل يالي لسى بدخن يا ذليل وعبد للسيجاره

لقد وقعنا في الفخ بتاع الهنود الحمر بس انا فقت خلاص الباقي والدور على الي بيدخن

والحمد لله ان ربنا تاب عليا وعقبالك

[Ramy_2R]

الف مبروك :)
ربنا يثبتك :)

[الجنرال]

ههههههههههه

الف مبروك وربنا يتوب علينا وعليك

انا الحمد لله عمري ما شربت سجاير اطلاقا ولا حسيت في يوم من الايام ان ليها معنى اصلا !! .. لكن بصراحة انا ماشي ومعايا علبة سجاير مارلبورو احمر في العربية لاسباب سياسية :d

[أحمد عبدالله]

مبارك بس كلمة عبد السيجارة وما على وزنها زى عبد البيادة كلمات فيها تعبيد لغير الله الظن انك لا تقصد بس خلى بالك وربنا يرزقك الاستقامة على الخير

[atala]

ممكن للي عايز يبطل بدل ما يلف ورقة وينفخ فيها يستخدم السواك كبديل للسجارة اثناء الأقلاع وممكن يستخدم النعناع والهولز قبل السجارة ده بيخلي طعم السجارة سئ وممكن يأخد معلومات اكتر من خط المساعدة للاقلاع عن التدخين التابع لوزارة الصحة 16805

[Mohamed_Hamid]

ربنا يتوب علينا جميعا. الله يثبتك

[Abo Yasso]

مبروك عليك صحتك

[Merooxx]

[QUOTE=الجنرال;3875337235]ههههههههههه

الف مبروك وربنا يتوب علينا وعليك

انا الحمد لله عمري ما شربت سجاير اطلاقا ولا حسيت في يوم من الايام ان ليها معنى اصلا !! .. لكن بصراحة انا ماشي ومعايا علبة سجاير مارلبورو احمر في العربية لاسباب سياسية :d[/QUOTE


لأسباب سياسية ههههههههههههههههههه

[saddam]

صديقي المواطن
من أسوأ العادات التي عرفتها اﻹنسانية وتجد أي طريق للشر تجد بدايته كانت هذه الملعونة وخد بالك لو إنت مهتم بالدين فالفتاوي في تحربمها أقوى وأوضح أدلتها من الفتاوي بالكراهية وغيرها وأنا سعيد من أجلك وأرجوك أرجوك أرجوك إثبت
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[adelghanem]

الف مبروك وربنا يثبتك
وعقبالى يارب

[hugan]

1000 الف مبروك
ربنا يديمها عليك نعمه

[khaled_sabry]

عاش يا وحش
انا عارف مدى صعوبه ده و انا قريت كتير اوى عن محاولات فاشله للاقلاع عن التدخين

الحمد لله انا مش مدخن اصلا
رغم انى حاولت اكتر من مره انى ادخن ايام مراهقه ثانوى بس كنت كل مره اكح جامد و صدرى يتقفل منها و اقول لأصحابى (انتو حاطينلى حاجه فى الزفت ده ) و دلوقتى بحمد ربنا 1000 مره انه كرهنى فيها من الاول و ماخلنيش ادمنها خاصه انها سببت لوالدى (عليه رحمة الله) ضيق فى الشريان التاجى ادى الى الوفاه بعد ذلك

[hossam_elwani]

مبارك بس كلمة عبد السيجارة وما على وزنها زى عبد البيادة كلمات فيها تعبيد لغير الله الظن انك لا تقصد بس خلى بالك وربنا يرزقك الاستقامة على الخير

دى كنايات

وفى حقيقة الامر هو بيبقى عبد فعلا بس فى الاشعور وعشان كده لازم نفوقه بكلام زى عبد السجاير وخلافه

[hossam_elwani]

الحمد لله الذى عافاك

انا والحمد لله عمرى ما اخدت نفس حتى


سم قاتل ومرض وتهلكه

[wawamoha]

ممتاز ربنا معاك و يتم شفاءك ان شاء الله
بص بقى نصيحه من واحد مبطل
العب رياضه
ما بقولكش بوكس زي محمد علي
لا ابتدي امشي
اشتري عجله و اتحرك بيها
روح النادي
اي حاجه و لو بسيطه .. و شوف الفرق