حد عايز يشترى شقه فى زايد ؟؟؟؟؟ يتفضل يدخل

[midoabdeen]

السلام عليكم ورحمه الله وبركاته

باختصار كده بنفكر انا وواحد تانى معايا اننا نشترى شقه
ووصلنا لفكره اننا نجمع عدد وندخل مع بعض شركاء فى حته ارض ونبنيها وكل واحد ياخد ليه شقه
الموضوع مكلف شويه بس عايز عدد علشان المبلغ يقل على كل واحد
بس طبعا اللى متابع اسعار السوق هيعرف احنا ليه فكرنا فى حاجه زى كده
دا انا الشقق اللى بلاقيها كلها على قد فلوسى 65م ياعنى اروح ادفع 140الف ج فى شقه 65 م

احنا حسبناها تقريبيا لاقينا ان الواحد هيتحمل حوالى 150الف فى شقه لا تقل عن 120 م

هل فى حد بيفكر زيينا يشترى هناك مكن يشترك معانا
ولو حد عنده فكره ياريت يقلنا عليها ولو حد عنده خلفيه ممكن الموضوع كله يتكلف كام ياريت يدلنا يكسب فينا ثواب

[atala]

متابع بشدة

[amr011111]

موضوع تمام ومش اول مره يتعمل ولو معاكم مهندس مدنى ياخد شقه يبقى هيسهلكم الموضوع اكتر واكتر
لو عاوز اى حاجه فى تكلفة البناء قولى سعر الحديد والاسمنت بكام وانا اديك التكلفه
وقولى مساحة البناء على كام
والموضوع فعلا موفر

[Abo Yasso]

متابع

[sfahmy6]

فكرة موجوده ...............ومكسبها مضممون 100%

[Merooxx]

متابع ويارب توصلو لحاجا

[Ahmed_Rahem]

فكر زيك وجمعنا بعض ولكن الموضوع مكملش علشان مش لاقيين ارض مناسبة، دة غير طلبات غريبة من ملاك الاراضى. عموماً الموضوع كويس جداً، خصوصاً انك بتختار جارك قبل سكنك.
الاول زايد واكتوبر اغلبة ارضى و3 ادوار - يعنى لو الدور شقتين الاجمالى بالارضى 8 شقق، البدروم والسطح ياما منفعة عامة للكل ياما يتحطوا كحصة ويتوزعوا. توزيع الشقق يكون قبل اى حاجة - او على الاقل اسس التوزيع، حصص او شقق فقط. بتعمل اتحاد ملاك ولية رئيس وهو الى بيشرف على المشروع، او اى طريقة تانية ان واحد (او اثنين بالكتير) يكون مسئول وطبعاً يفضل الى لية خبرة.
لو انت عايز شقة 120 متر - الدور شقتين - يبقى الدور 240 مترن والبناء على 60% من الارض يبقى انت عايز ارض في حدود 400 متر. طبعاً الرقم هيختلف لو نسبة البناء اكتر او اقل، واى اختلاف في مساحة الشقة.

والسلام ختام

[atala]

طب ايه اخبار حدائق الاهرام انا اسمع ان اسعارها اقل بكتير من زايد وقريبة للقاهرة اكتر

[midoabdeen]

هو كله متابع ويطلع يجرى
هى كده ياعنى
طيب اللى يعرف تكلفه بناء المتر كام واسعار الاراضى فى المكان دا بكام يقولنا
لانى بسمع ارقام فلكيه جدااااااا فى اسعار الاراضى والبناء لسه طبعا مش عارف
ياعنى اللى يعرف يقولنا على تكلفه الموضوع كام وبالتفصيل يبقى كسب فينا ثواب

[emam]

لو كنت فكرت فى التجمع كنت دخلت معاكو - عموما هى فكرة جميلة وربنا يوفقوا وتكملوها

[abdulkhaleq]

ياباشا
انتوا كام واحد ؟
الأرض موجوده ولا لأ ؟
البناء في حد ذاته مش هيكون غالي (بعد اما يتقسم عليكم)
بس ماتنساش تحسب التشطيبات
وماتنساش ان بنود التشطيب الخارجي وترك السطح والبدروم كجراج (مثلا) تتكتب في العقد برضه
تظل الأرض
حاليا ما اعتقدش ان في اراضي في زايد لأن حتى الحي ال 16 وهو اخر حي فيه بناء حاليا كلله بيبني فيه

[أبو صلاح]

لو كنت فكرت فى التجمع كنت دخلت معاكو - عموما هى فكرة جميلة وربنا يوفقوا وتكملوها

ياباشا انا معاك في قصة التجمع دي
خصوصا اني لقيت عمارة عبارة عن بدروم و ارضي و 3 ادوار وروف في المستشمرين جنوبي
صاحبها كان بداية الكلام طالب 2 مليون
يعني الشقة واقفة على 400 الف
والشقة تعمل حوالي 200 متر
لو عندك حد مهتم نفكر فيها ونكمل العدد نتشتريها من بابها

[emam]

ياباشا انا معاك في قصة التجمع دي
خصوصا اني لقيت عمارة عبارة عن بدروم و ارضي و 3 ادوار وروف في المستشمرين جنوبي
صاحبها كان بداية الكلام طالب 2 مليون
يعني الشقة واقفة على 400 الف
والشقة تعمل حوالي 200 متر
لو عندك حد مهتم نفكر فيها ونكمل العدد نتشتريها من بابها

معاك بشدة انا كنت لسة من قريب بدور على شقة فى المستثمرين الجنوبية وكانت على فيو ممتاز (حديقة) بس للاسف اختلفت مع صاحب العمارة كان بايع على 560 بدون تسهيلات - ومحصلش نصيب وعلى فكرة كان لسة شارى العمارة بردة كلها .

عموما انا جاهز معاك لو فى نيه - ياريت لو حد ساكن هناك يقلنا اخبار المنطقة من الامان وهل فى عرب هناك وكدة - ومياة الحى عشان سمعت انها مش اد كدة

(ومعلش بعتذر لصاحب الموضوع اننا خرجنا شوية عن منطقة زايد - لو يحب ممكن نعمل موضوع تانى)

[أبو صلاح]

معاك بشدة انا كنت لسة من قريب بدور على شقة فى المستثمرين الجنوبية وكانت على فيو ممتاز (حديقة) بس للاسف اختلفت مع صاحب العمارة كان بايع على 560 بدون تسهيلات - ومحصلش نصيب وعلى فكرة كان لسة شارى العمارة بردة كلها .

عموما انا جاهز معاك لو فى نيه - ياريت لو حد ساكن هناك يقلنا اخبار المنطقة من الامان وهل فى عرب هناك وكدة - ومياة الحى عشان سمعت انها مش اد كدة

(ومعلش بعتذر لصاحب الموضوع اننا عن خرجنا شوية عن منطقة زايد - لو يحب
موضوع تانى)

انا حاليا متواجد بالسعودية
اديني رقم تليفونك
وياريت لو عليه واتس اب نتواصل مع بعض

[Merooxx]

ي

هو كله متابع ويطلع يجرى
هى كده ياعنى
طيب اللى يعرف تكلفه بناء المتر كام واسعار الاراضى فى المكان دا بكام يقولنا
لانى بسمع ارقام فلكيه جدااااااا فى اسعار الاراضى والبناء لسه طبعا مش عارف
ياعنى اللى يعرف يقولنا على تكلفه الموضوع كام وبالتفصيل يبقى كسب فينا ثواب

احنا بنبني قطعة ارض في دمنهور ٢٠٠ م كنا واخدنها من ٥ سنين ب ٥٠٠ دلوقتي بمليون او اكتر
المهم الأساسات ب٢٥٠ الف ( لبشة) مش خوازيق الدور الآرضي ب ١٢٠ باقي الأدوار ب٨٠ الف للدور غير التشطيب
ولو في اي استفسارات اخري تحت أمرك