شبابيك الوميتال ولا pvc ولا خشب

[DreAmO]

السلام عليكم ورحمة الله وبركاته

بشطب شقه ومحتار في موضوع الشبابيك

عندي شبابيك على مناور وشبابيك على شارع .. ده غير باب البلكونه

عايز اعزل الصوت والتراب .. يعني عايز شبابيك ماتعديش الهوا .. ومحكمه جدا وسهلة الفتح والغلق

لفيت شويه عالنت لقيت ناس تقول الالوميتال بينقل الحراره والصوت علشان معدن
وناس تقول ال pvc كويس لكن بيتأثر بالحراره وبيبوظ بعد كده ( رغم ان الشركات بتقول عكس كده وانه يتحمل الحراره وعازل للصوت والحراره والتراب . الخ )

وناس تقول فكك من الهوسه دي كلها واعمل خشب نضيف وهات نجار محترم وهيبقى زي الفل

انا مش عايز حاجه غاليه يعني عايز الم الدنيا بقدر المستطاع وبنفس الوقت حاجه نضيفه ومريحه وانساها

مع العلم الشقه فيها 11 شباك مابين صغير وكبير وضلفه وضلفتين غير الابواب وباب البلكونه

اعمل ايييييييييييه ؟

ياريت الاقي ناس مجربه فعلاً .. بلاش تكون الردود معتمده على القراءه عالنت او المعرفه السطحيه .

[Gelgel2004]

من واقع شغلى بمجال التشطيبات
كل حاجه ليها مزابا و عيوب
لو منطقه متربه او على شارع زحمه يبقى الوميتال نوع كويس و ممكن قطاع الجامبو فيما فوق
لو المنطقه هاديه و مافيش زحمه يبقى خشب

و برضه اسال

[Mohamed_Rashad]

السلام عليكم ورحمة الله وبركاته

بشطب شقه ومحتار في موضوع الشبابيك

عندي شبابيك على مناور وشبابيك على شارع .. ده غير باب البلكونه

عايز اعزل الصوت والتراب .. يعني عايز شبابيك ماتعديش الهوا .. ومحكمه جدا وسهلة الفتح والغلق

لفيت شويه عالنت لقيت ناس تقول الالوميتال بينقل الحراره والصوت علشان معدن
وناس تقول ال pvc كويس لكن بيتأثر بالحراره وبيبوظ بعد كده ( رغم ان الشركات بتقول عكس كده وانه يتحمل الحراره وعازل للصوت والحراره والتراب . الخ )

وناس تقول فكك من الهوسه دي كلها واعمل خشب نضيف وهات نجار محترم وهيبقى زي الفل

انا مش عايز حاجه غاليه يعني عايز الم الدنيا بقدر المستطاع وبنفس الوقت حاجه نضيفه ومريحه وانساها

مع العلم الشقه فيها 11 شباك مابين صغير وكبير وضلفه وضلفتين غير الابواب وباب البلكونه

اعمل ايييييييييييه ؟

ياريت الاقي ناس مجربه فعلاً .. بلاش تكون الردود معتمده على القراءه عالنت او المعرفه السطحيه .

شبابيك الشقة عندي كلها pvc عزل ممتاز للصوت و الحرارة و التراب و المياه.

[amr011111]

بلاش خشب لانه فى الشتاء الهواء بيدخل منه لما بيبقى مقفول
الافضل الوميتال
وكل شبابيك المناور تعمل حديد عليها

[شاهين - بنز]

هو ياجماعة إيه ال pvc ده متنورونا :)

[mahmoud869]

الالومينتال افضل

[mahmoud869]

...

[Y a r i s]

مش فاهم هو ايه الفرق بين شبابيك الومنيوم الومنوتال ... وبين الشبابيك pvc !
انا من رئيي قد يكون الومنيوم غالي جداً بس لو جيت حسبتها على مر الزمااااان وعلى لارا ويعقوب وسنوات الضياع هتلاقي انوا ارخص من الخشب لان الخشب بيحتاج كل فترة يدهن. بعكس الالومنيوم ... الخشب كل شوية محتاج عصفورة كوميكس جديدة وسبلونة جديدة لان القديمة. صدت. الالومنيوم مش محتاج ... الخشب مع البرد والرطوبة بيتمدد وبينكمش وبتلاقي الشباك منور من الجناب وبيدخل غبار لو سافرت ... بينما الالومنيوم بيعزل . نقطة كمان انا مبحبهاش انوا لمن تكون في عمارة لازم تكون شبابيك العمارة كلها زي بعض طقم كده اذا كانت الومنيوم اعملها زيهم وازا كانت خشب امشي زيهم. علشان متبقاش شبابيك العمرة مشكلة كده ومن كل بستان زهرة ... وتحياتي

[Abo Yasso]

مش فاهم هو ايه الفرق بين شبابيك الومنيوم الومنوتال ... وبين الشبابيك pvc !
انا من رئيي قد يكون الومنيوم غالي جداً بس لو جيت حسبتها على مر الزمااااان وعلى لارا ويعقوب وسنوات الضياع هتلاقي انوا ارخص من الخشب لان الخشب بيحتاج كل فترة يدهن. بعكس الالومنيوم ... الخشب كل شوية محتاج عصفورة كوميكس جديدة وسبلونة جديدة لان القديمة. صدت. الالومنيوم مش محتاج ... الخشب مع البرد والرطوبة بيتمدد وبينكمش وبتلاقي الشباك منور من الجناب وبيدخل غبار لو سافرت ... بينما الالومنيوم بيعزل . نقطة كمان انا مبحبهاش انوا لمن تكون في عمارة لازم تكون شبابيك العمارة كلها زي بعض طقم كده اذا كانت الومنيوم اعملها زيهم وازا كانت خشب امشي زيهم. علشان متبقاش شبابيك العمرة مشكلة كده ومن كل بستان زهرة ... وتحياتي

وكمان ان انت لو جيت نحسب تكلفه الشباك الخشب احسبها من البدايه مش سعر الشباك بس لآ ده لسه مصنعيه تركيب وكمان مصنعيه دهان وكمان الدهان نفسه
عن تجربه ابعد تماما عن الخشب

[DreAmO]

طيب بخصوص ال pvc .. التركيب على حلق خشب .. ولا عالمحاره .. ولا عالمعجون بتاع الدهان مثلاً

شوفت شركات بتقول التركيب عالمحاره افضل علشان الخشب بيتمدد وينكمش حسب درجة الحراره

انا ميال لموضوع ال pvc .. ايه رأيكم ؟

[Hobgoblin]

Pvc

[Y a r i s]

لازم حلق خشب يافندم. الحيطة ذات نفسها بتتمدد وتنكمش وبتريح بالذات بعد سنة من بنى المبنى ويبين تشققات في الحوائط ... وخلي بالك من نقطة مهمة ... مش يعني انك ركبت شبابيك المونيم معناها مفيش شيش لأ انتا ممكن تعمل شيش عااااادي جداً اعمل حلق خشب والشباك المونيم وبعدين ركب الشيش وراااه. في شيش. جرار وفي الشيش البلدي بتعنا. بتاع زمان ... الشيش. مفيد جداً وبالذات مش عارف ليه عندي احساس. ان. من كتر الحجات الي الناس بتعملها في بعضها عند احساس ان ربنا هيرسل علينا لعنة كده جراد متوحش نحل قاتل عصافير مدمرة ... الشيش بيبقى ممتاز في الحالات دي او حالات الحروب بيمتص الشظايا ده غير انو بيبقى ساتر ليك من الجيران في حالت حبيت تقعد براحتك في البيت زي اي رجل مصري اصيل ... وفاتح الشباك فلو في ستارة. الهوى بيطيرها بس لو في شيش بيستر. اكتر وتقدر تكون مصري براحتك في البيت :) ... وتحياتي

[Y a r i s]

معليش نقطة كمان لوجه الله ... علشان الي بيدي النصيحه يايديها كاملة يا ميدهاش
وانا حابب اقول حاجة صغيرة لو قررت تعمل شبابيك المونيتال في نوعين من الشبابيك جرار وفي نظام الدرفتين الي بيتفتحوا الاتنين سوى



ده شكل الشبابيك الجرار ... دي وحشه ابعد عنها هتقولي ليه هقولك لان في الصيف انتا بتبقى عاوز تفتح الشباك كلو علشان يجيلك شوية اوكسجين وشوية نفس. الجرار مش هتقدر تفتح غير درفة وحده يا دي. يا دي بينما الي بتتفح نظام ابواب درف كده هيا الاحسن بيبقى عندك خيرات تحكم اكتر في نسبة الهوى. الي هيخوش الاؤوضة

نقطة تانية الراجل بتاع الشبابيك هيقولك طيب تحب نعمل لونهم ايه وهيبجلك الوان لاحصر لها ... انتا طبعاً هتقول اصل الانتريه نبيتي يبقى خلي الشببيك نبيتي. او فوحلقي. على لون مش عارف ايه ... لا لا خليك في اللون المضمون والي يمشي في جميع الاوقات حتى لو غيرت العبش او جه ساكن جديد للشقة متبقاش الشبابيك لونها شاذ وخير الامور الوسط خليك في اللون الابيض او البيج او لون الالومنيوم الطبيعي ... او امشي مع اللون السائد في العمارة ... دايماً شكل الواجه هو الي بيتحكم في لون الشبابيك وليس لون العبش ... وبالتوفيق .

[DreAmO]

لازم حلق خشب يافندم. الحيطة ذات نفسها بتتمدد وتنكمش وبتريح بالذات بعد سنة من بنى المبنى ويبين تشققات في الحوائط ... وخلي بالك من نقطة مهمة ... مش يعني انك ركبت شبابيك المونيم معناها مفيش شيش لأ انتا ممكن تعمل شيش عااااادي جداً اعمل حلق خشب والشباك المونيم وبعدين ركب الشيش وراااه. في شيش. جرار وفي الشيش البلدي بتعنا. بتاع زمان ... الشيش. مفيد جداً وبالذات مش عارف ليه عندي احساس. ان. من كتر الحجات الي الناس بتعملها في بعضها عند احساس ان ربنا هيرسل علينا لعنة كده جراد متوحش نحل قاتل عصافير مدمرة ... الشيش بيبقى ممتاز في الحالات دي او حالات الحروب بيمتص الشظايا ده غير انو بيبقى ساتر ليك من الجيران في حالت حبيت تقعد براحتك في البيت زي اي رجل مصري اصيل ... وفاتح الشباك فلو في ستارة. الهوى بيطيرها بس لو في شيش بيستر. اكتر وتقدر تكون مصري براحتك في البيت :) ... وتحياتي

انت فعلاً نبهتني لموضوع الشيش ده .. انا كنت ناوي اعمل ضلفه سلك وبداخلها ضلفه زجاج مزدوج .. والزجاج يكون من النوع اللي عليه نقوش مش شفاف

وعامة انا مصري في اي حته واي وقت

على فكره ال pvc فيه منه شيش بردو زي الشيش البلدي الخشب في شكله عادي جدا .. لكن التكلفه هتزيد اوي كده

بخصوص الحلق الخشب بقى .. انا كده بقى اتحيرت أكتر .. ولازم احدد مصير الموضوع ده قبل ما أبدأ في المحاره
وده كلام الشركه بخصوص الحلق الخشب
شبابيك,شبابيك الوميتال,شبابيك pvc | شركة بيست ويندوز لأنظمة النوافذ والابواب البى فى سى - Part 3

.

[Waleed_Fathy]

ركب علي المحاره بمسمار و فيشر و فوم افضل من قة الحلوق الخشب
ال pvc افضل بس اغلي كتير
و لو هتركب الوميتال ركب قطاع محترم و ليكن تيكنال جامبو و هو برده غالي مش رخيص بس افضل
و كمان ممكن تعمل الزجاج دابل و كمان تعمل فيه شغل جورجيا هيبقا شكله جميل بس كله بحسابه زي ما بنقول