تحذير هام لمصطافى العجمى

[ehabbadr]

انا كنت فى العجمى من يومين و الطريق داخل العجمى لحد البيطاش كويس (الشارع الرئيسى )اما الدواخل مكسره شويه بس أحسن من الاول
شارع الحنفيه فيه تكسير اللى عايز يدخل الهانوفيل عن طريق شارع رقم 8 جنب عملر أفندى و بعدين يمين لحد الاخر و بعدين شمال لحد ما يطلع على مدق معمول على رمال البحر يعنى تمشى على الشاطىء كل ده مش مهم و لكن المهم ان المجارى هناك بتصرف على مياه البحر على طول بجانب نادى الشرطه و البحر زى الزفت اوعى حد ينزل البحر فى العجمى الأن
يوم الجمعه ان شاء الله رايح تانى و أوريكم الصور و انتوا قولوا رأيكم فى القرف ده

[Islam_galal]

العجمي بقي مصيدة للسيارات و اللي مستغني عن سيارتة يمشي علي 40كم/س و سوف يتخلص منها في نصف ساعة
حتي الطريق العمومي من الكيلو 21 و حتي البيطاش عبارة عن دمار شامل
اسكندرية كلها مع المحافظ اللواء شرطة عادل لبيب بتحييكوا و بتقولوكوا محدش ييجي السنادي
و لا حول و لا قوة الا بالله

[kimo_oo]

الغريب ان فى الجرائد مصورين اسكندريه وكانها اوربا ....

[mina_ramsis]

و مدخل اكتوبر ايه اخباره دلوقتى ياريت اللى يعرف يقولى
شكرا مقدما

[ehabbadr]

مكسر مكسر مكسر يا حبيبى

[Abdallah]

يا ترى اسكندرية البلد متكسرة برضة؟؟؟
يعنى الكورنيش, ميامى وسيدى بشر, محطة الرمل وطريق بحرى؟؟؟

[mina_ramsis]

شكرا يا دكتور ايهاب كويس انك قولتلى علشان ادخل من محور التعمير بعدين من البوابة التانية علشان معديش على التكسير ده

[ehabbadr]

الاسكندريه من جوه الرصف تقريبا خلص الا بعض الشوارع الجانبيه بس حيكون فيه تعديل فى اتجاهات المرور فى منطقه سيدى بشر و ميامى كلها شوارع اتجاه واحد بدل اتنين بس لسه لم يطبق

[محمدايهاب]

شكرا أنا أن شاء الله عاوز أصيف في العجمي