عداد الكهربا عاوز اغيرة ديجيتل

[subzero772]

الموضوع يتركز في عداد الكهربا عندنا خانة الالف بين الارقام مستلمينة علي كدة بين 1 و 2
او 3و4 كدة يعني المهم فا الراجل اما يجي عندنا يقرووو بمزجهم مثلا ياتما علي ال3 او ال 4
والفتورة جتلنل الشهر الي فات ب 1170 لاستهلاك شهر 10و11 حصل معانا الموضوع دة في اخر السنة الي فاتت وقلولنل لزم تتدفع دفعتاها وبعديها اعدنا 5شهووور الشتا الي استهلكنا قلييل في اصلا
مغلق يا خالص ودفعات مقدمة والنتيجة ان جة شهر 10و11 جمع استهلاك الشهرين علي بعض
+1000 كيلو زيادة بتاع الارقام الي مش مظبوطة فا جة ب 2400 كيلو استهلاك 10 و11 بس
المهم رحنا نشتكي قلنا هتدفعو بردة طبعا كنا هنتجنن قلك قدم طلب فحص عداد وغيرو
وحنا طلعيين المحصل قلنل بص بلاش القدييم احسن من الديجيتل بيعد علي الشعرة
فا ايية رايكو اعمل ايية
مع العلم ان متوسط استهلاكنا في الشهر من 400 ل600 كيلو لو علي القراية المظبوطة

[A.Saad]

ممكن تعمل شكوى وتوديه المعمل يتظبط
بس اعتقد انه مش هيرجع لك تانى وهياخدوه للمعارف

[Eng_hatemfathy]

بص حضرتك
اولا موضوع ادفع وبعدين اتظلم دى مش واجبة عليك ومن حقك تطلب اعادة قراءة والموظف الكشاف هياخد فيها جزاء وغصب عنهم هيعدلوا الوصل لانك مش بتشتكى من قراية كبيرة انت بتشتكى من قراية غلط
ثانيا لو ناوى تغير اطلب عداد الكترونى بالشحن (الكارت ) وده هيريحك من وش الكشاف والمحصل وهيبقى استهلاكك بجد وحقيقى ومفيش فيه لعب ولا تحميل شهرين على بعض وتعلية شريحة
ولحد ما تغير العداد لو حصل وجالك قراية غلط خد القراية الصح وانزل بيها على شركة الكهربا واطلب مقابلة مدير الفرع وورية الايصالات القديمة والقراية الصح واعمل طلب اعادة قراءة ومتدفعش لحد الوصل ما يطبع صح

[alfath8]

بص حضرتك
اولا موضوع ادفع وبعدين اتظلم دى مش واجبة عليك ومن حقك تطلب اعادة قراءة والموظف الكشاف هياخد فيها جزاء وغصب عنهم هيعدلوا الوصل لانك مش بتشتكى من قراية كبيرة انت بتشتكى من قراية غلط
ثانيا لو ناوى تغير اطلب عداد الكترونى بالشحن (الكارت ) وده هيريحك من وش الكشاف والمحصل وهيبقى استهلاكك بجد وحقيقى ومفيش فيه لعب ولا تحميل شهرين على بعض وتعلية شريحة
ولحد ما تغير العداد لو حصل وجالك قراية غلط خد القراية الصح وانزل بيها على شركة الكهربا واطلب مقابلة مدير الفرع وورية الايصالات القديمة والقراية الصح واعمل طلب اعادة قراءة ومتدفعش لحد الوصل ما يطبع صح

معلش ممكن توضح موضوع العداد الىل بكارت ده والمحاسبة هاتبقى ازاى ولو الرصيد مثلا خلص النور يقطع ولا فيه فترة سماح

[wawamoha]

لا لما الرصيد بيخلص النور بيقطع فورا ...حصلت معانا في شقه في مطروح ..

[subzero772]

موضوع الكرت دا مش عملي بالمرة بالنسبالي
لاني مش من الناس الي بتابع وفي رايي ان اصلح مكان ليية المصايف
بس انا مش عارف ايية الحل خاييف انو يرجع القراية علي الرقم الادييم ويعض يجيبلي خالص خالص ومغلق ودفعات مقدمة وفجاة اةة اصل القراية بتيجي علي الرقم الي تحت
وبعد كدة ادفع باا علي فكرة احنا مرضنلش ندفع لمدة شهريين وتقولل للمحصل مرة يقلي هصلحالك والمرة الي بعديها يبعت واحد تاني ولا يصلح حاجة وفي النهاية يبقي الوضع علي ما هو عليية
ترووح تقلو يقلك حضرتك تتفع الفتورة وبع كدة تادم طلب فحص عداد ولو طلع بايظ عيرجعلك الباقي
والمحصل يوشوشك كدة ويقلك العداد الديجيتل بيقرا علي الشعرة وبلاش احسن ويجبلك واحد كدا معدي معاة قي الشغل يقلة خد يا هو العداد الديجيتل بيعد علي الشعرة ولا لا يقولك اة
وادفع دة احسن وبعد كدة قوول للي بيقرا العداد يقرا علي الي تحت
وترجع رييمة لعدتها القدييمة وتدخل في الدواما كلاكيت ثالث مرة ةالتلتا تبتا

[JAM]

العداد الديجيتال دا خراب بيوت... انا بندم ندم السنيين انى حولت العداد بتاعى القديم لديجيتال الله يخرب بيته

[subzero772]

متايع

[Eng_hatemfathy]

حضرتك وعن تجربة من 2010 ولحد دلوقتى العداد الرقمى الذكى (ابو كارت غاية فى الروعة)
حضرتك مش هتوصل نفسك انه يقطع عليك ول الرصيد خلص بعد 5 المغرب بيفضل شغال لحد 8 الصبخ وانا على مدى الاربع سنين دول مخلص منى الا مرة واحدة بس ودايما الكارت فى المحفظة مشحون وكل اسبوعين بفتح العلبه وانا خارج ابص باقيلى كام وبحط الكارت افضى الرصيد اللى فيه واعدى على الشركة احط رصيد تانى
مفيش قصة مغلق وتسوية ولعب فى العداد والحوارات دى
بصراحة اختراع فعال وخاصة فى ظل ازمة الضمير المصرى
مفيش محصل يخبط عليك وانت مش موجود ويحطلك كعب وتضطر تروح الشركة تدفع ومفيش كشاف يكتب مغلق بالرغم من ان العداد بره الشقة زى ما كان بيحصلى فى الرماية وكنت بلاقى فاتورة ب 500 جنيه مجمعة
فكر بجد تغير لعداد ذكى هتستريح جدا والشهر شهر يعنى بالدقيقة ومفيش دخول فى شريحة تانية اصل الكشاف نزل متأخر شوية الشهر ده والحوارات دى
حقك بتاخده وبتدفع بالمليم وبرضة بيخصموا الزبالة وهما بيشحنولك -انا عندى الشهر 8 جنيه فبشحن كل 3 شهور تقريبا فبيخصموا 24 جنيه وينزلى على الكارت 74 ونص والباقى ما بين ضرايب ودمغات ورسم اذاعة والحوارات دى فال مبلغ ده بيشغلى غالبا 3 شهور ولو التكييف شغال فى الصيف بيقى شهر ونص تقريبا او شهر وكام يوم

[jackson_75]

حضرتك وعن تجربة من 2010 ولحد دلوقتى العداد الرقمى الذكى (ابو كارت غاية فى الروعة)
حضرتك مش هتوصل نفسك انه يقطع عليك ول الرصيد خلص بعد 5 المغرب بيفضل شغال لحد 8 الصبخ وانا على مدى الاربع سنين دول مخلص منى الا مرة واحدة بس ودايما الكارت فى المحفظة مشحون وكل اسبوعين بفتح العلبه وانا خارج ابص باقيلى كام وبحط الكارت افضى الرصيد اللى فيه واعدى على الشركة احط رصيد تانى
مفيش قصة مغلق وتسوية ولعب فى العداد والحوارات دى
بصراحة اختراع فعال وخاصة فى ظل ازمة الضمير المصرى
مفيش محصل يخبط عليك وانت مش موجود ويحطلك كعب وتضطر تروح الشركة تدفع ومفيش كشاف يكتب مغلق بالرغم من ان العداد بره الشقة زى ما كان بيحصلى فى الرماية وكنت بلاقى فاتورة ب 500 جنيه مجمعة
فكر بجد تغير لعداد ذكى هتستريح جدا والشهر شهر يعنى بالدقيقة ومفيش دخول فى شريحة تانية اصل الكشاف نزل متأخر شوية الشهر ده والحوارات دى
حقك بتاخده وبتدفع بالمليم وبرضة بيخصموا الزبالة وهما بيشحنولك -انا عندى الشهر 8 جنيه فبشحن كل 3 شهور تقريبا فبيخصموا 24 جنيه وينزلى على الكارت 74 ونص والباقى ما بين ضرايب ودمغات ورسم اذاعة والحوارات دى فال مبلغ ده بيشغلى غالبا 3 شهور ولو التكييف شغال فى الصيف بيقى شهر ونص تقريبا او شهر وكام يوم

حضرتك بتشكر فى العداد الديجيتال ، وواحد تانى فى المشاركة معانا بيقول ده خراب بيوت ، طب انا عاوز أعرف بما ان حضرتك عندك عداد ديجتال ، لو أنا عندى تكيف 4 حصان وشغال بمعدل 14 ساعة فى اليوم مع موتور مياه وثلاجة وتليفزيون وكمبيوتر ، يبقى كده انا هحتاج اشحن بكام كل شهر ؟!!

[Eng_hatemfathy]

حضرتك التكييف استهلاكه بيعتمد على نظام تشغيله ونظام تشغيله بيعتمد على المساحة ودرجة حرارة الجو والدرجة المظبوط عليها يعنى ممكن التكييف يفضل شغال ميفصلش خالص وبالتالى يبقى بيستهلك كل ساعة 3 كيلو وات يعنى 14 ساعة فى اليوم تشغيل تعنى 42 كيلو وات للنكييف فى اليوم يعنى 1260 كيلو وات فى الشهر ولو شغال بنظام اه يشتغل 5 دقايق ويفصل 5 دقايق يبقى نصف الاستهلاك يعنى يستهلك فى الشهر 630 كيلو وات ولو هيشتغل 3دقيقتين ويفصل 4 دقايق زى عندى يبقى الاستهلاك هيكون 420 كيلو وات فى الشهر
ولذلك عوامل كتير بتحكم قيمة الاستهلاك
اما بالنسبة لتلاجة فلو تلاجة جديدة هتبقى موفرة يعنى تلاجة 18 قدم كريازى استهلاكها حوالى 60 كيلو وات فى الشهر والتليفزيون على الكمبيوتر مش هيعمل 30 كيلو فى الشهر وموتور المايه لو حصان ونص وهتشغله ساعة او ساعة ونص متصله (طبعا تشغيله متقطع ولكن الساعة كأنه مجمع) هيبقى استهلاكة حوالى 35جنيه فى الشهر
طبعا انت مجبتش سيرة الاضاءة ودى عامل كبير لان النجف القديم بيستهلك عالى يعنى نجفه 12 لمبه بتستهلك نص كيلو فى الساعة وشوف بقى بتشغلها كام ساعة فى اليوم وكمان الاسبوتات بتستهلك جامد
عامة لو من غير التكييف مش هتزيد عن 30 او 35 جنيه فى الشهر
بالتكييف الرهيب ده هيبقى على حسب استخدامك يعنى ممكن تبدأ ب 90 جنيه ولحد 700 جنيه

[subzero772]

متابع