سؤال لاصحاب الخبرة فى تجارة الذهب

[Eng_hatemfathy]

طبعا الكل عارف ان الذهب اليوم انخفض انخفاض لم يشهده على مر السنوات الماضية
طبعا لم يصل بعد لسعرة مثلا سنه 2000 لما كان الجرام عيار 18 ب 26 جتيه
دلوقتى السؤال هل لو حد معاه 20 الف او 30 الف اول عن اخر يجيب بيهم دهب ولا يجيب بيهم دولارات ولا يسيبهم زى ما هما
دلوقتى الدهب رخص وممكن يرخص تانى بس اكيد مش هيفضل كده وهييجى يوم حتى بعد سنه ولا اتنين يغلى يبقى ساعتها الفرق غطى الزكاة بتاعته وعمل مكسب ولو بسيط افضل من ركنة الفلوس فى البيت او فى بنك اسلامى
طب الدولار دلوقتى غالى بس متوقع انه يغلى اكتر -طب لو رخص زى ما حصل فى 2003 و2004 يبقى ايه العمل
بجد الموضوع عبارة عن حفظ للمال وليس تجارة لانى وعبر تجارب عديدة فااااااشل فى التجارة
فارجوا من اصحاب الخبرة الافادة

[rotanamasoud]

هى حاجه تحير اعتى الخبراء عن التوقعات وبيتدخل فيها الحظ او الرزق
يعنى تشترى دهب ب200 مثلا وينزل ل100 او يطلع ل300 حاجه بتاعت ربنا كالرزق
يبقى فى الظروف المهببه اللى البلد فيها مينفعش حد يخاطر بكل اللى معاه

[foxhonda2008]

اشتري فضه حاجه اسمها حل يعني 99% مكسبها مش كبير و خسارتها بردوا مش كبيرة
و بدل ما تجمدهم شغلهم هتكسب اكتر من الحفاظ عليهم و على فكرة دي شغلانتي من 7 سنين
و انا معاك لو عايز تسأل عن اي حاجه

[mk3]

سعر عيار 21 كام دلوقتى
متابع

[tarekmomo]

عيار 21 ب248 جنيه

[moody_687]

فعلا الواحد محتار يشتري سبائك ذهب ولا يشتري دولار مش عارفين ايه الصح والافضل

[m_marmoush]

فية رأيي:
ماتحطش البيض كلة فى سلة واحدة، يعنى شوية دولارات و شوية دهب
و رأيى المفضل: هات بيهم سبايك دهب اليومين دول طالاما مش ناوى تبيع قبل سنتين

[Eng_hatemfathy]

اشتري فضه حاجه اسمها حل يعني 99% مكسبها مش كبير و خسارتها بردوا مش كبيرة
و بدل ما تجمدهم شغلهم هتكسب اكتر من الحفاظ عليهم و على فكرة دي شغلانتي من 7 سنين
و انا معاك لو عايز تسأل عن اي حاجه

انا متشكر جدا لحضرتك
بس معذرة مفهمتش الجزء بتاع شغلهم ده معناه ايه
طب الجزء الاول ماشى وهدور على اماكن بيع الفضة وايه موضوع الحل ده واقرا شوية لحد مفهم واقدر اخد قرار
اما موضوع شغلهم ده مفهمتوش خاصة انى زى ما قلت كل تجاربى فى التجارة باءت بالفشل وتيقنت ان زرقى ليس فى التجارة واى مشروع كبر ام صغر فردى ام جماعى حتما سيخسر
ارجوا الايضاح

[Eng_hatemfathy]

فية رأيي:
ماتحطش البيض كلة فى سلة واحدة، يعنى شوية دولارات و شوية دهب
و رأيى المفضل: هات بيهم سبايك دهب اليومين دول طالاما مش ناوى تبيع قبل سنتين

يعنى ايه سبائك دهب وما هى اوزانهم وعياراتهم واماكن بيعهم وهل مدموغة ام لا وما سعر المصنعية ان وجدت
ارجوا الافادة

[michohat]

متابع الموضوع

اللي اعرفه ان في ناس بتخزن فلوسها عن طريق انها بتشتري كسر الدهب او دهب كسر وده مش بيكون عليه مصنعية

[mk3]

عيار 21 ب248 جنيه

وكان كام قبل الانخفاض المدوى

[zangry]

عيار 21 بـ245.61 في المحلات

[foxhonda2008]

انا متشكر جدا لحضرتك
بس معذرة مفهمتش الجزء بتاع شغلهم ده معناه ايه
طب الجزء الاول ماشى وهدور على اماكن بيع الفضة وايه موضوع الحل ده واقرا شوية لحد مفهم واقدر اخد قرار
اما موضوع شغلهم ده مفهمتوش خاصة انى زى ما قلت كل تجاربى فى التجارة باءت بالفشل وتيقنت ان زرقى ليس فى التجارة واى مشروع كبر ام صغر فردى ام جماعى حتما سيخسر
ارجوا الايضاح

الفضه الحل : هي الفضه الخام من غير اي اضافات يعني الكيلو الواحد ب حوالي 6000 جنيه و يوم متكون الفضه سعرها عالي ممكن تبيع الكيلو على 7500.
معني تشغلهم :انك تسافر تجيب شغل من برة مصر و الكيلو بيقف عليك بحوالي 10000 و تبعيهم هنا للمحلات ب 14000 للكيلو بس ده محتاج شويه مجهود في تنأيه الشغل و درايه بالبلد المنتجه و بردوا ازاي توزعهم و لمين
و لو عايز تسافر ممكن تتطلع معايا و ده و الله محدش هيعمل معاك كده
و بردوا انا معاك لو عايز تسأل على اي حاجه

[Eng_hatemfathy]

الفضه الحل : هي الفضه الخام من غير اي اضافات يعني الكيلو الواحد ب حوالي 6000 جنيه و يوم متكون الفضه سعرها عالي ممكن تبيع الكيلو على 7500.
معني تشغلهم :انك تسافر تجيب شغل من برة مصر و الكيلو بيقف عليك بحوالي 10000 و تبعيهم هنا للمحلات ب 14000 للكيلو بس ده محتاج شويه مجهود في تنأيه الشغل و درايه بالبلد المنتجه و بردوا ازاي توزعهم و لمين
و لو عايز تسافر ممكن تتطلع معايا و ده و الله محدش هيعمل معاك كده
و بردوا انا معاك لو عايز تسأل على اي حاجه

انا متشكر لحضرتك
بس انا كده اتلخبطت
حضرنك كاتب ان الكيلو ب 6000 الاف جنيه وبعديها كاتب الكيلو من بره ب 10 الاف جنيه
ده اول حاجه عايز افهمخا
تانى حاجه ومعلش بتقل عليك السفر هيكون لفين وكام يوم وهتحتاج قد ايه لحد ما تبيع وازاى بتدخل الكمية دى من المطار وهل ده جائز قانونا ولا لو اتمسكت تبقى مشكله
ياريت تفيدنى بخبرتك واكون شاكر

[mo7elmy]

ياباشا هات دهب سواء كان جنيهات (8 جرام عيار 21) او اونصات ( 31.1 جرام عيار 24) دة افضل وكمان انت كدة بتاجر فى الدولار فى نفس الوقت لاننا عومنا سعر الدهب واصبح سعر الدهب هو السعر العالمى والى هو بيقيم بالدولار .......... بمعنى لو مثلا اشتريت اونصة ب9500 جنية ( 1200 *7.45= 8950 +550 ضريبة ومكسب البياع) فانت هنا ممكن تكسب فى حالتين ...حاله ان المعدن طلع .....وحالة انه الدولار طلع ..... يعنى المفروض الدهب نزل جامد الفترة الى فاتت الى سند خسارته ان الدولار طلع من 7.1 الى 7.45 وطبعا دة فى السوق السودا لان تجار الدهب بيبعوا على حسب الدولار فى السوق السودا....................... ارجو ان اكون افدتك ودعواتك ليا لو استفدت