Tweet
في برنامج على OTV بيعمل مقالب في الناس في الشارع.. في حلقة امبارح كانوا بيناقشوا تعسف قانون المرور و ازاي ان فيه قانون جديد بيتطبق على المشاه ينص على ان كل اللي ماشي في الشارع و ماسك موبايل بيتكلم فيه و حاطط إيده التانية في جيبه او ماسك بيها شنطة بيدفعوه غرامة. طبعا المذيعة بتنزل الشارع تسأل الناس ايه رأيك في القانون ده ومش شايف انه متعسف شوية؟ فطبعا بتكون الإجابات ايوه ده منتهى التعسف.. السؤال التاني بيكون: هل تعرف حد دفع غرامة للسبب ده؟ الإجابة برضه بتكون آه كذا حد من أصحابي كان ماشي في الشارع إيد فيها الموبايل و إيده التانية في جبيه و دفع غرامة.. فيه كمان اللي قالوا انهم همه نفسهم اتعرضوا لدفع غرامة بسبب القانون ده.. و طبعا السؤال البديهي هنا دفعت غرامة كام؟ ألاقي اللي بيقول دفعت 30 جنيه.. و اللي يقول 50 جنيه.. و اللي يقول 100 جنيه 
طيب ليه الناس بتعمل كده؟ ليه شايفين انهم مضطرين يجاروا المذيع أو المذيعة في أي حاجة بيقولوها و يبدأوا يألفوا حكايات تأيد اللي بدأوا بيه كدبتهم.. طيب ليه؟ ليه مش بيستعملوا مخهم و يقولوا قدام الكاميرا لأ مافيش قانون زي ده.. حتى اللي مش عارف ان فيه قانون زي ده ولا لأ ليه ما يمرروش على عقله و ولو عقله ما قبلوش يقول بالفم المليان انه مش مقتنع ان فيه قانون زي ده أصلا؟ ليه لازم قدام الكاميرا نقول آه؟
طيب ليه الناس بتعمل كده؟ ليه شايفين انهم مضطرين يجاروا المذيع أو المذيعة في أي حاجة بيقولوها و يبدأوا يألفوا حكايات تأيد اللي بدأوا بيه كدبتهم.. طيب ليه؟ ليه مش بيستعملوا مخهم و يقولوا قدام الكاميرا لأ مافيش قانون زي ده.. حتى اللي مش عارف ان فيه قانون زي ده ولا لأ ليه ما يمرروش على عقله و ولو عقله ما قبلوش يقول بالفم المليان انه مش مقتنع ان فيه قانون زي ده أصلا؟ ليه لازم قدام الكاميرا نقول آه؟
اولا داير اهتمامه اولا فى لبس المذيعه وشعرها
Comment