دولار ولا دهب ولا جنيه

[eng/ahmed_go]

كنت نازل اشتري عربية-اللي معايا دلوقتي بتاعة والدي- ومعايا 80 الف وبصراحة اتصدمت الفيرنا وصلت 80 الف والافيو اوتو ب101 الف والانسر139 الف (كلايسك) قولت خلاص ادور في المستعمل الاقي الاوبترا في اخر التماين
والانسر 2007 سبورت ب105 الف ....................
فطبعا قررت اني اكمل بعربية والدي مؤقتا سنة ولا اتنين كمان وبصراحة محتار ااعمل ايه في 80 الف خايف اسيبهم قيمتهم تقل ومعرفش اجيب عربية بيهم ولا احولهم دولار (مش عارف من بنك ولا صرافة احسن) ولا اجيب بيهم سبايك دهب
ولا اجيب عربية دلوقتي وخلاص مش عارف محتار جدا ساعدوني في اتخاذ القرار

[saddam]

صديقي المواطن
هي هي مفيش فرق والصح تجيب عربية أو تعمل شهادة إستثمارية ذات عائد 10،5% ودي أرباحها تتصرف كل 3 شهور وآخر السنة بفعل عوامل التضخم لو عندك 10 جنيه حيبقوا 11 جنيه ولكن القيمة الشرائية لل 11 جنيه تساوي القيمة الشرائية بتاعت ال 10 جنيه اﻷصلية بتاعتك يعني كل اللي عملته إنك حافظت على قيمة ال 80 ألف جنيه وأنصحك تكمل ألفات بسيطة وتروح بسرعى تاخد إمجراند 7 لو ليك في المانوال وبفعل إرتفاع الدولار الدائمي السنة القادمة حيزيد سعر الزيرو بتاعها وبكده بعد سنتين تلاقي عربيتك اللي عاملة مثلا 20 ألف كيلو حتتباع بنفس سعر اليوم اللي جبتها فيه زيرو ولكن ده عالورق بس
ولو عايز تاخد دولار فدلوأتي هو بيطلع كل شوية وقرارك ده كان لازم تاخده من زمان عموما روح خد دولار وإفتح وديعة في بنك عليها 5% وشوف أما الجنيهات الذهب فغير نأمونة والذهب عالميا بيسجل إنخفاضات لم يشهدها من عشر سنين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[egyptawy2010]

الاخ المواطن العزيز صدام

ممكن تشرحلى يعنى ايه وديعة عليها 5 %

هو فيه ودائع دولارية كده؟

[saddam]

الاخ المواطن العزيز صدام

ممكن تشرحلى يعنى ايه وديعة عليها 5 %

هو فيه ودائع دولارية كده؟

صديقي المواطن
كل بنك وعنده برامج معينة تبدأ من 2.5% سنويا وهناك أوعية إدخارية وشهادة إستثمار دولارية ووديعة ثلاثية وخماسية وأشهر البنوك في هذه التعاملات البنك العربي اﻷفريقي وأنا زمان أيام ما.كنت غني قبل ما أفلس وأبيع القضية كان أحد حساباتي في الدولار في بنك بلوم وأظن لسه مفتوح وفاضل فيه شوية فكة حوالي 200 دولار
وإبعد عن البنوك الحكومية مستدامة الفشل مع التعامل السيء مع العملاء وفي الخاص تبعد عن عن cib
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[hilal]

أنصحك كما ذكر أخونا صدام أن تشتري سيارة في حدود الامكانيات المتاحة
لان التضخم وارتفاع الاسعار ينعكس على أسعار السيارات بشكل واضح عن البدائل الاخرى
ولن تستطيع فوائد البنوك ولا حتى الدولار ولا الذهب ان يعوضك عن الارتفاع في أسعار السيارات كل سنة
لان ارتفاع الاسعار سياسة طبيعية لمصنعي وتجار السيارات ، بالاضافة للسياسات الاقتصادية المجهولة في بلدنا مستقبلا
ويضاف إلى ذلك زيادة تكلفة الاستيراد نتيجة الانخفاض المريع في سعر الجنيه المصري بالمقارنة مع كل العملات الاخرى

[moody_687]

طيب معلش يااستاذ صدام
دلوقتي حضرتك شايف ان الواحد يحط مبلغ بالدولار افضل مايحطه بالجنيه المصري مظبوط ؟ طيب افرض الدولار نزل ساعتها الواحد يعمل ايه ف الفلوس ؟
وماذا تتوقع هل الدولار سينخفض امام الجنيه ام سيعلى؟

[mustafavet]

اعلي عائد للدولار في المصر في البنك الاهلي المصري بقيمة 3 % شهادات استثمارية
اما بالنسبة للتحويل من الخارج لنفس البنك ف العائد 4 %

[ahmedwagdy03]

كنت نازل اشتري عربية-اللي معايا دلوقتي بتاعة والدي- ومعايا 80 الف وبصراحة اتصدمت الفيرنا وصلت 80 الف والافيو اوتو ب101 الف والانسر139 الف (كلايسك) قولت خلاص ادور في المستعمل الاقي الاوبترا في اخر التماين
والانسر 2007 سبورت ب105 الف ....................
فطبعا قررت اني اكمل بعربية والدي مؤقتا سنة ولا اتنين كمان وبصراحة محتار ااعمل ايه في 80 الف خايف اسيبهم قيمتهم تقل ومعرفش اجيب عربية بيهم ولا احولهم دولار (مش عارف من بنك ولا صرافة احسن) ولا اجيب بيهم سبايك دهب
ولا اجيب عربية دلوقتي وخلاص مش عارف محتار جدا ساعدوني في اتخاذ القرار

ريح دماغك

إنسى الدهب لإنه فى النازل و الإعتماد عليه فيه مخاطرة كبيرة فى بلد زى بتاعتنا و إنسى العقارات . لإن ممكن ييجى وقت الإنهيار الإقتصادى و متعرفش تتصرف فيها . و طبعا الجنية المصرى رحمه الله مش فى الدماغ

خليك على الدولار بس مش فى البنك لإن برضه ممكن ييجى عليك وقت تلاقى اللاحكومة بتاعتنا طلعت قرار الساعة 4 الفجر و نزل فى الجريدة الرسمية قبلها بساعتين إن اللى عايز فلوسه ياخدها بالمصرى و دة اللى عندنا و اللى مش عاجبه حيبقى إخوان

خليك فى البلاطة و اللى تحتها و لو ليك أخ أو إبن فى الخارج ممكن تشيلها عنده

[ahmedwagdy03]

طيب معلش يااستاذ صدام
دلوقتي حضرتك شايف ان الواحد يحط مبلغ بالدولار افضل مايحطه بالجنيه المصري مظبوط ؟ طيب افرض الدولار نزل ساعتها الواحد يعمل ايه ف الفلوس ؟
وماذا تتوقع هل الدولار سينخفض امام الجنيه ام سيعلى؟

الدولار نزل ساعتها . إنت بتقول نكت و عايزنا نضحك ولا إيه

من مصلحة اللاحكومة بتاعتنا إن الدولار يعلى أكتر لإن ده معناه تخفيض لخدمة الدين الداخلى الحكومى اللى هو 80% من إجمالى الدين العام يعنى بالبلدى حيخفف فاتورة الدعم من عليهم و حألبسها أنا و إنت فى صورة إرتفاع جنونى فى الأسعار

علميا : الدولار مش حينزل أمام الجنية إلا لما الدين الحكومى ينتهى أو يوجد مصدر دائم للنقد الأجنبى يرفع من الإحتياطى النقدى و هذا لن يتحقق إلا لما الحكومة تبيع كل شيىء بما فيها ملابس المواطنين الداخلية . ياريت حد من المختصين يصححلى

[M.ABDOU]

الدولار نزل ساعتها . إنت بتقول نكت و عايزنا نضحك ولا إيه

من مصلحة اللاحكومة بتاعتنا إن الدولار يعلى أكتر لإن ده معناه تخفيض لخدمة الدين الداخلى الحكومى اللى هو 80% من إجمالى الدين العام يعنى بالبلدى حيخفف فاتورة الدعم من عليهم و حألبسها أنا و إنت فى صورة إرتفاع جنونى فى الأسعار

علميا : الدولار مش حينزل أمام الجنية إلا لما الدين الحكومى ينتهى أو يوجد مصدر دائم للنقد الأجنبى يرفع من الإحتياطى النقدى و هذا لن يتحقق إلا لما الحكومة تبيع كل شيىء بما فيها ملابس المواطنين الداخلية . ياريت حد من المختصين يصححلى

الراجل ده برنس!!!!!!

[abokoko]

ريح دماغك

إنسى الدهب لإنه فى النازل و الإعتماد عليه فيه مخاطرة كبيرة فى بلد زى بتاعتنا و إنسى العقارات . لإن ممكن ييجى وقت الإنهيار الإقتصادى و متعرفش تتصرف فيها . و طبعا الجنية المصرى رحمه الله مش فى الدماغ

خليك على الدولار بس مش فى البنك لإن برضه ممكن ييجى عليك وقت تلاقى اللاحكومة بتاعتنا طلعت قرار الساعة 4 الفجر و نزل فى الجريدة الرسمية قبلها بساعتين إن اللى عايز فلوسه ياخدها بالمصرى و دة اللى عندنا و اللى مش عاجبه حيبقى إخوان

خليك فى البلاطة و اللى تحتها و لو ليك أخ أو إبن فى الخارج ممكن تشيلها عنده

المشكلة هيجيب الدولار من فين
البنوك مش هتبيع له دولار
شركات الصرافة هتبيع له بسعر مضاف عليه رسوم اوضريبه تقريبا
ده لو لقي شركة صرافه ترضي تبيع له
ولو سوق سوداء فيبقي مبلغ كبير اوفر

[S O P H O S]

احنا شكلنا مش عارفين اي شئ
كل شئ بيغلي اكتر
والفلوس حاليا مش بتجيب شئ