تعالى أعترف .... أى نوع من الاطفال أنت ؟؟!!!

[friendship7897]

بتختلف الاطفال في سلوكهم وتصرفاتهم ونفسيتهم ..

وفيه نماذج كتير من الأطفال كنا في يوم من الأيام زيهم ..

الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مش بيدافع عن نفسه ..
الطفل العنيد
يطبق نظام البيت بالعكس .. يعمل اللي في دماغه ..
مش بيخاف من الأب أو الأم .. لو قلت له دا خطر لاتقربه .. عناد فيك يعمله ..
ينضرب كتير في طفولته .. ومع ذلك عنيد ومش بيغير رايه ..
الطفل المادي
هذا الطفل مايرد السلام الا ... بفلوس
تعامله مع اهل المنزل .. مادي بحت
يستخدمونه لتوصيل طلبات المنزل .. وكله بحسابه ..
الطفل الفتّــان
تجد عند هذا النوع جميع اخبار المنزل ..
يجد المتعه في اذلال غيره بالفتنه عليه
ما فيش معلومة تقف عنده لو أشتريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..
الطفل الدلوع
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ما يطلبها .. شخصيته اتكاليه جداً ..
الطفل العلة
يزعجك بأسئلته الي مش بتنتهي .. يستفسر من كل شي .. حتى لو عطست ..
يقول لك إزاي عطست ؟ .. وليه عطست .. ؟ وإزاي تكونت العطسه ..؟
يحرجك احياناً .. ويمكن دائماً بأسئلته .. مره تجاوب عليه ومره تطنشه ..
واكثر الاوقات مش بتلاقي اجابه لاسئلته .. لانك في الحقيقه تجهلها ..
الطفل المتشرد
هذا الطفل مستحيل يجلس في المنزل ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..
الطفل الصريح
يلتقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..
يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..
الطفل اللزقه
تلقاه مستنيك عند باب البيت .. محدش يخرج الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..
احياناً يضطرون يطلعون من نافذة المنزل للهروب منه ..
ولكن للأسف يجدونه بانتظارهم في السيارة ..ويسألهم ليه تأخرتوا عليّ ..
الطفل الهادي
هذا الطفل مالوش صوت ابد .. مطرح ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ماتكلم ..
الطفل القوي
اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ..
الطفل الحنون
يأخذ كل حقوقه بالحنية والكلمة الطيبة ..........

تتعاطف مع طلباته وكأنه بيحكي قصة مأسوية ..

يبدأ طلبة ببوسة أو حضن أو بكلمة حبيبي

ياترى انتوا من أي نوع لو كنتوا فاكريين ؟؟

يلا نطلع الطفل اللي جوانا

[Eng_hatemfathy]

كل واحد جواه كذا طفل مش طفل واحد وخاصة عبر المراحل العمرية المختلفة
يعنى تلاقى واحد بدأ حياته طفل مبيتحركش وبعدين لم دخل المدرسة قلب للطفل الحبوب اللى بييجى متخرشم وبعدين لطفل وش اجرام علشان يعرف يعيش وبعدين قلب لحاجه مختلفة تماما وهكذا
للاسف التربية فى السابق كانت بالصدفة يعنى بترجع للاب والام وتربيتهم الاصلية ولا تراعى نوع الطفل وميوله وتصنيف شخصيته من كونها حركية ام بصرية ام سمعية ام خليط بين اثنين ام بين ثلاث
احنا كمان بنربى اغلب التربية بالسليقة وساعات بنفتكر اصول التربية فى الكتب والشرايط وسريعا ما ننسى وترجع ريما لعادتها القديمة لان الغالب بيكون انت عايز ايه مش الطفل عايز ايه ومحتاج لايه

[Amr Nasir]

الطفل البرئ + المادي :d

[samyyousef]

الطفل البرئ لن تكثر اصابات وجهه الا في مصر و في مدارس مصر..التي هي نموذج للمجتمع..الذي تضيع فيه الحقوق و يعتبرون الطيبة عبط
لي صديق له ابن في مدرسة لغات اسلامية ..لا اتذكر اسمها..يتعجب من قرار المدرسة بأن الطفل الذي سيؤذي اخر ستقوم ادارة المدرسة بالقصاص للأخير بذات نوع التعدي...طبعا سبب استغرابه هو أن ابنه غالبا هو المعتدي و ليس المعتدى عليه....و هو ما نجده حتى بين اطفال العائلة ..فأم المعتدي غالبا ما تعتصم بعبارة ..اطفال و اشقية..لكن لو ابنها هو المعتدى عليه سيكون لها رأي اخر

[mohammedgido]

احنا ولا اولادنا :)

[friendship7897]

كل واحد جواه كذا طفل مش طفل واحد وخاصة عبر المراحل العمرية المختلفة
يعنى تلاقى واحد بدأ حياته طفل مبيتحركش وبعدين لم دخل المدرسة قلب للطفل الحبوب اللى بييجى متخرشم وبعدين لطفل وش اجرام علشان يعرف يعيش وبعدين قلب لحاجه مختلفة تماما وهكذا
للاسف التربية فى السابق كانت بالصدفة يعنى بترجع للاب والام وتربيتهم الاصلية ولا تراعى نوع الطفل وميوله وتصنيف شخصيته من كونها حركية ام بصرية ام سمعية ام خليط بين اثنين ام بين ثلاث
احنا كمان بنربى اغلب التربية بالسليقة وساعات بنفتكر اصول التربية فى الكتب والشرايط وسريعا ما ننسى وترجع ريما لعادتها القديمة لان الغالب بيكون انت عايز ايه مش الطفل عايز ايه ومحتاج لايه

فعلاً عندك حق
أنا شخصياً كنت طفلة هادئة جداً
وبعدين أصبحت طفلة مش مكتوبة في أنواع الأطفال اللي في المشاركة الأولى
مش عارفة نستها إزاي
أصبحت طفلة سوسة
ويمكن علشان ترتيبي الوسطى
فكنت أشوف أختي الكبيرة القوية بابا بيزعق لها أعمل العكس علشان ما يزعلش مني
وأشوف تصرفات الصغيرة ودلعها أعمل نفسى جادة علشان ما زعلش بابا
لكن أنا في الحقيقة أيه معرفش

[friendship7897]

:w_022:

الطفل البرئ + المادي :d

يا ترى الشخصيتين دول كبروا معاك ؟!
ولا أتغيروا !!

[friendship7897]

الطفل البرئ

يعني عبارة اللي يضربك أضربه دي نصيحة في محلها هنا
رغم عدم أقتناعي بها

[friendship7897]

احنا ولا اولادنا :)

أحنا علشان نتعلم من أخطاءنا ونتجنبها في ولادنا

[mohammedgido]

كنت طفل هاديء امام اهلي ومع اصدقائي شقي جدا .. دا نصنفوا ايه بقى :)

[ahmedalaahosny]

انا كنت طفل متشرد بطريقة غير عادية مع صحابي وطيب ولذيذ وكيوت ع الاخر ف البيت

[احمد المصرى]

اعتقد والله اعغلم ان ابنى من النوع العنيد جدا بس بحاول اتعامل معاه واقومه هو حاليا 3 سنوات بس وهو اصغر بكل اسف كنت بضربه فاكر ان دا صح علشان اربيه وميكنش مدلع فعرفت ان دا غلط وبدات فعلا ابطل اضربه خالص بس عنيد لدرجه غريبه يعنى مثلا عايز الموبيل بتاعى علشان يلعب لعبه جديده عليه ( بقالى كتير بس هيا اسمها لعبه جديه هو مسميها كدا ) ولو قلت لاه يعيض عياض السنين واخر لما ازهق اقوله لو بطلت عياض هتاخده فى ثانيه الدموع تتبخر ويقولى حاضر يا بابا نفسى اعرف الدموع دى بتروح فين فى ثانيه


مش عارف تربيتى كدا صح ولا غلط


ثانيا :- ان شاء الله بعد ايام ربنا هيرزقنى بمولود اذاى اتعامل مع ابنى علشان يحب المولود علشان ممكن يخلص عليه من شقاوته

[S O P H O S]

الهادي وفيه صفات من انواع تانية
ولكن الحياة الي احنا فيها قادرة علي قتل اي طفولة
واعتقد بنعيش وقت كبير بندور علي حاجات كتيرة جوانا
والله اعلم بنلاقيها ولا لا ولا من الاساس مش عارفين الي بندور عليه

[rotanamasoud]

الطفل العلة
يزعجك بأسئلته الي مش بتنتهي .. يستفسر من كل شي .. حتى لو عطست ..
يقول لك إزاي عطست ؟ .. وليه عطست .. ؟ وإزاي تكونت العطسه ..؟
يحرجك احياناً .. ويمكن دائماً بأسئلته .. مره تجاوب عليه ومره تطنشه ..
واكثر الاوقات مش بتلاقي اجابه لاسئلته .. لانك في الحقيقه تجهلها ..
اعتقد ده تصنيف غلط الصح يبق اسمه الطفل العبقرى
عايز يفهم كل حاجه حواليه عشان كده اسئلته كتير
لو شوفتى كميه وكتر الاسئله اللى انيشتين كان بيسئلها حتزهلى

[YahiaAshraf]

يا باشا ده كو فيه اطفاك اساس طب انا مره كنت رايح درس بالعربية وجاي اركن ولد يجي 8 سنين كده دضربله كلكس مفيش فايدة نزلت قولتلة حبيبي وسع شوية علشان اركن العربية قالي ايه يا عم انا واقف في ارض الحكومة الصراحة خفت اصلا الا اركن و يعمل حاجة في العربية والمصيبت انا كان بيشرب سجاير كمان شوفته الخيبة ادي الطفال في بلدنا