تنبيه هام بخصوص مروجى اشاعات البنوك

[mmtronic]

مع كامل احترامي وتقديري لشخصك الكريم
ده كلام من مصدر رسمي ولا رأيك الشخصي
ايه مصدر الثقة التامة اللي تخليك تتكلم كده
بمعني ايه الضامن لكلامك ان الارصدة امنة تماما
حضرتك متأكد ان مش هايحصل تجميد لأرصدة العملاء
في البنوك (انا بقول تجميد مش مصادرة أو استيلاء )
في ظل اوضاع اقتصادية سيئة جدا ومتدهورة باستمرار في بلدنا وكلنا عارفينها
وبعدين فيه سوابق حصلت وفي دول اوروبية كمان لموضوع تجميد الارصدة
زي اليونان وقبرص
رأيي ان معادش فيه ضامن لحاجة
ربنا يسترها علي بلدنا

اخى الكريم

اولا
الى قولته عن أمن الودائع مش من وحى خيال و لا بألف

دا لوايح البنوك و ارجع للبنك المركزى فى الرابط المرفق

ثانيا
ودائع المصريين تبعا لآخر نشره للبنك المركزى و دى كانت من حوالي شهر او شهرين ان ودائع المصريين فى البنوك المصرية هى حوال ١٢٠٠ مليار جنيه .... تانى .... ١٢٠٠ مليار ( مليار ) و يضمنها البنك المركزى ..... دا رابط البنك المركزى المصرى

كوبايه شاى كده و اقعد اقرأ براحتك

Welcome to Central Bank Of Egypt | CBE

متخفش بلدك مش حتقع حتى لو بعض من فيها عايزها تولع مش تقع بس

بص على الازامه الاقتصادية عام ٢٠٠٨ و عملت إيه فى بنوك دول كبيره منهم أمريكا و اثر ذلك ألازمه علينا ( انا بتكلم عن قطاع البنوك هذه )

البلد دى حافظها المولى عز و جل بس هيه الناس .... الناس تتقى الله فى نفسها و فى غيرها علشان ربنا يكرمنا

[hobiko]

شكرا على التنبيه

و ان شاء الله بلدنا و لا حتقع و لا حتفلس و لا حتخرب و لا حتتحول لسوريا اخرى لا قدر الله ..... كما يتمنى الأرهابيين المفسدين فى الأرض القتلة المجرمين

[mmtronic]

يعني ازاي حضرتك بتقول في مشكال علي سحب واسحبوا فلسكوا ازاي يجي الاتنين مع بعض ربنا يهدي الناس

اخى الكريم

هوه حضرتك متأكد انك قريت الموضوع كويس

تانى

أشاعه ان فى مشاكل فى سحب الفلوس من البنك هيه...... أشاعه فقط لا غير ... عايز تتأكد ... روح اسحب فلوسك بكره و حتشوف انها أشاعه و لا لا


الى مطلع الاشاعه استغلو تجميد بعض الا رصده ( الجمعيات ) فى البنوك و بيعيثو فى الارض فسادا للإضرار بالناس كلها و وقوع الدولة و إفلاسها

صاحب الاشاعه عايز الناس كلها تجرى على البنوك تسحب فولسها خوفا و ذللك من اجل انهيار القطاع المصرفى للدولة علشان بعد كده يقعد يضحك على خيبته ( وقعنا البلد .... هاهاهاهاهاهاه )

فهمت

[M.Radwan]

الواقع بيقول ان مفيش أي حاجة في البلد دي مضمونة وطالما في شعارات زي "الوطنية"، "مكافحة الإرهارب" إلخ يبقى مش بعيد فعلا يجمدو أرصدة الناس "عشان مصر" أو على الأقل بعضهم "الارهابيين مثلا" .. ومع إني شخصيا لم ولن أسحب فلوسي من البنك لإن عارف إن ده هيوقع الاقتصاد أكتر ما هو متنيل.. مقدرش ألوم أي حد يعمل إجراء وقائي زي ده أو يحول فلوسه خارج مصر.. إذا كان أنا شخصيا مهدد كل يوم اني عبوة ناسفة تنفجر فيا، هآمن على فلوسي في البنك!! هآمن إني مدخلش ضمن الإرهابيين عشان عارضت جناب الحكومة أو سيادة وزير الـ ** أو زير الـ ##؟

[mmtronic]

الواقع بيقول ان مفيش أي حاجة في البلد دي مضمونة وطالما في شعارات زي "الوطنية"، "مكافحة الإرهارب" إلخ يبقى مش بعيد فعلا يجمدو أرصدة الناس "عشان مصر" أو على الأقل بعضهم "الارهابيين مثلا" .. ومع إني شخصيا لم ولن أسحب فلوسي من البنك لإن عارف إن ده هيوقع الاقتصاد أكتر ما هو متنيل.. مقدرش ألوم أي حد يعمل إجراء وقائي زي ده أو يحول فلوسه خارج مصر.. إذا كان أنا شخصيا مهدد كل يوم اني عبوة ناسفة تنفجر فيا، هآمن على فلوسي في البنك!! هآمن إني مدخلش ضمن الإرهابيين عشان عارضت جناب الحكومة أو سيادة وزير الـ ** أو زير الـ ##؟

الموضوع بعيد عن السياسه تماما و مش حندخل فيه سياسه

ببساطه اشاعه ضاله مطلعها ناس موءزيه عايزه تازيك و تازينى و تازى غيرنا لذلك وجب التنبيه

[M.ABDOU]

اولا شكرا لصاحب الموضوع على التنبيه
*الكلام اللى جاى للتوضيح وليس موجه لاحد *
ثانيا وضعنا الاقتصادى سئ ده واقع مش حنهرب منه والحكومه بتستلف ده بيحصل ولكن ده بيحصل فى كل الحكومات المصريه يمكن من 40-50 سنه ومش عندنا بس فى اغلب دول العالم وفى الصداره منها امريكا "القوه العظمى " والدين الداخلى والخارجى بتاعها رقم عبيط كده اضعافنا فاللى بيحصل مش اختراع
واحوال البلد الاقتصاديه السيئه متدهوره من 2011 وده مش سر والتضخم كل سنه بيزيد من قبل 2011 بالرغم ان معدله زاد شويه الا ان ده بسبب حاجات كتير مش وقت سردها والتضخم بيحصل وحيفضل يحصل فى العالم كله لانه مرتبط بوجود الناس وتطلعاتهم

ثالثا فلوسك حتى لو سحبتها من البنك فانت لو مشتريتش حاجه زاد قيمه فى زاتها تبقى بتضيع نفسك "وجهه نظرى" لانك بالتالى لو شلتهم تحت البلاطه يبقى انت بتخاطر بفلوسك فى وضع امنى غير جيد وغير كده اذا بلدك مصر اعلنت افلاسها فاعتبر فلوسك ورق جرايد لا قيمه له الا لو شايلهم بعملات اجنبيه واللى صعب تجيبها حاليا .

رابعا لو حابب تساعد نفسك وبلدك وعايز تامن فلوسك اشترى حاجه تساعد فى تقدم البلد وتأمن فلوسك سواء عقار "مرخص" او ذهب او اعمل مشروع استثمارى ولو مش حابب خللى فلوسك فى البنك ومتقلقش البنك المركزى بيشترط نسبه من فلوس المودعين تبقى محفوظه عنده "مش ورقيا انما ماديا" وكده كده سنويا قيمه الودائع بتزيد سنويا فالناس مش بتبطل تحوش .

خامسا الموضوع مش مستاهل تشاؤم ومحدش يفتكر انها لما تتعك حتلبسها الحكومه او اللى ماسك البلد اول محتتعك حتيجى على دماغ الناس "انا وانت" فمش من مصلحتنا اننا نبشر ببوظان الدنيا

واخيرا الحكومه لو بتطبع فلوس مش حتستلف من البنوك ولو استلفت من ودائع البنوك "سندات " مش حتحتاج تطبع فلوس وده علشان الموضوع عامل لبس عند بعض الناس لان الحكومه بتستلف علشان تسد عجز الموازنه شامل اقساط ديونها القديمه وباقى فلوس الدعم على المنتجات وده طبعا لان مفيش فى البلد حد بيدفع ضرايب "غير الموظفين " ومفيش حد مبيتهربش من الجمارك "الا من رحم ربي" وهم دول ايرادات اى دوله فى العالم وبالتالى المشكله والحل فينا احنا "يا ندفع الضرايب ومنكتبش فى اقراراتنا اننا خسرانين وندفع جماركنا بدون مخلص يا نتحمل رفع الدعم يا نستحمل شحاته الحكومه من البنوك علشاننا "

وفى النهايه انا عايز اقول الحلول مبتبقاش بالتهوين ولا بالتهويل فيا ريت نعرف احنا ايه وظروف بلدنا ايه ومين صاحب المشكله ومين باديه الحل ودايما نفتكر ان الثوره الاصعب هى ثوره نفسنا على طباعنا وسلوكياتنا .
تحياتى .

كلاام جميل جداااااا بس سؤال وارجوا التوضيح

هوا الكلام ده مكانش ينفع قبل 30 -6 مثلا

يعنى هوا كان كل حاجه عندنا فى الاقتصاد زى الفل قبل 30 - 6 وكنا بس عاوزين ثوره

يعنى الثوره الاصعب هيا تغير سلوكنا مكانتش تنفع قبل 30-6

اللى عمل الانقلاب ده مكنتش متوقع نتايجه ولا هل النتايج مكانتش متوقعه بالحجم ده؟؟؟؟؟؟

صديقى كلامك حضرتك جميل جدااا بس انت دلوقتى على البر وبتنادى ناس فى البحر بتغرق

او بالبلدى ايدك فى الميه البارده

ملحوظه بس ليك يمكن ناسيها عمر ما الاقتصاد بيبقى كويس بالوضع الامنى فقط يمكن الامن بيأثر لكن مش كل التاثير والدليل مهما دلوقتى الوضع الامنى تحسن عمره ما حيكون زى فى 2010 مثلا ايام مبارك لما كان ماسك البلد بيد من حديد

ومع ذلك فى تلك الايام اقتصادنا كان ازاى ( عارف انه احسن من دلوقتى بس مش الاقتصاد القوى )

الاقتصاد يتصلح لما الحراميه يتحاسبوا ويتسجنوا ولما يبقى فى ناس بتشتغل بجد

بس

[زهير فكري]

انا الحمدلله , حاطط 435 الف حساب ودائع ..... وان شاء الله مفيش مشاكل في السحب ... المشكله في ارصده الجمعيات التي تم تجميدها فقط .....

[Ahmed_Adham]

رساله لكل واحد فاكر انه لما يسحب فلوسه هيحميها. لو الاقتصاد وقع الفلوس اللي انت سحبتها وخبيتها تحت البلاطه هتديها لعيالك يلعبو بيها بنك الحظ. حتى فلوس بنك الحظ ألوانها هتعجب الاطفال أكتر من فلوسك. الا اذا كنت حولتها ريال قطري تبقى حاجه تانيه بقى.

تاني حاجه حسبي الله ونعم الوكيل في كل واحد خان البلد اللي ربنا رزقه في أرضها وبيحاول بكل جهده يدمرها ولو بنشر الاشاعات وبقوله تراب البلد دي اندفن تحته أقوى امبراطوريات العالم. ناس كانت أقوى منك بكتير وبتفهم أكتر منك بمراحل اتفرمو بايدين رجاله صدقوا ما عاهدو الله عليه.

ربنا يحفظ مصر من أعداء الداخل والخارج.

[mahmoudysf]

احنا بنفكر ازاى نبنى مصر ونعليها ........وهما بيفكره ازاى يحرقو فيها ويفجرو ويولعوها ..... ويقولولك انقلاب .........طب بالزمه اللى بيحصل دا مش هو بعينه الانقلاب على مصر كلها واهلها .......صحيح كل واحد فيهم مستلف عقل غيره بيفكر بيه .......... وبكره تشوفو مصر

نفسي افهم هوا لسه في بني ادم عاقل بيفكر بعقليات الارهابيين دول
الناس دول حلها نبيدها من علي وش الارض علشان البلد دي تنضف
اشاعات وكلام ملهوش دعوه وكل ده علشان عايزين مرسي والشرعيه والبتنجانيه
فعلا ---------

يرجى الحفاظ على الاداب العامة فى اختيار الالفاظ للتعبير عن وجه نظرك

مشرف 6 ب
4.51am
28/12/2013

رداً على إشاعات الإرهابيين - الوضع الإقتصادي بيتحدد في اي دولة في العالم على اساس حاجتين
اولاً المتحصلات السيادية الي هي اهمها الضرائب ودي ما زادتش
ثانيا قيمة العملة ودي ارتفعت بداية من اول شهر 7 الي فات
الي حايفضل يتفلسففي الأسباب يخلى الفلسفة لتفسه - انا باتكلم عن واقع
الإقتصاد المصري في تحسن بداية من شهر 7 الماضي

تقرير بمشاركة سيئة
وارجو للاشراف ان يكون حازم مع هذه المشاركات
لان فيها تهكم واتهام للاعضاء المعارضين للانقلاب بالارهاب
بل زاد احد الاعضاء وطالب بابادة معارضين الانقلاب
وهو حد على العنف
اذا كان الاشراف يريد ان يحاول على فرض حد ادنى من الاحترام وعدم حث الاعضاء على التلاسن والتشاحن فيجب عمل وقفة مع هذه المشاركات العنصرية
واعتقد ان كان فيه وقفة لاشراف مع مشاركات اقل من هذه
نريد ان نرى الحياد والموضوعية

[mustafavet]

شكرا على التنبيه

و ان شاء الله بلدنا و لا حتقع و لا حتفلس و لا حتخرب و لا حتتحول لسوريا اخرى لا قدر الله ..... كما يتمنى الانقلابيين المفسدين فى الأرض القتلة المجرمين

[noureymo]

[QUOTE=mustafavet;3875351981]شكرا على التنبيه

و ان شاء الله بلدنا و لا حتقع و لا حتفلس و لا حتخرب و لا حتتحول لسوريا اخرى لا قدر الله ..... [OVERLINE]كما يتمنى الانقلابيين المفسدين فى الأرض القتلة المجرمين[[/OVERLINE]/QUOT
لا حول ولا قوة الا بالله
الي عاوز البلد تتحول لخرابة هو الي بيفجرها وبيقتل ولادها كل يوم
الي عاوز البلد تتحول لخرابة هو الي متمسك بالسلطة
الي عاوز البلد تتحول لخرابة هو الي قال دونها الرقاب
الي عاوز البلد تتحول لخرابة هو الي كان عاوز يبيعها وغير الخريطة
الي عاوز البلد تتحول لخرابة هو الي قال ان اول ما مرسي يطلع العمليات هتتوقف في سنا
مش عارف كده كفاية ولا ايه
بس يا رب الصورة تكون وضحت شوية للاخ الفاضل صاحب التعليق

[mustafavet]

الي عاوز البلد تتحول لخرابة هو الي بيفجرها وبيقتل ولادها كل يوم منهم 5 الاف في رابعة
الي عاوز البلد تتحول لخرابة هو الي انقلب علي السلطة الشرعية اللي انتخبها الشعب
الي عاوز البلد تتحول لخرابة هو الي قال ادوني تفويض اقتل المصريين بلا حق
الي عاوز البلد تتحول لخرابة هو الي بيستخدم اعمال عميل وبينشر اشاعات وقسم البلد
الي عاوز البلد تتحول لخرابة هو الي اعتدي علي المسلمين في سيناء وبيستحي النساء ويقتل الاطفال و بينسق مع اسرائيل
مش عارف كده كفاية ولا ايه

[noureymo]

اهم حاجة موضوع بينسق مع اسرائيل
الي بينسق مع اسرائيل يا سيدي الفاضل هو الي بعت رسالة لرئيس اسرائيل بيقوله صديقي العزيز

عموما حضرتك الموضوع مش تحدي بيني وبينك علشان احنا اكبر من كده بس لازم حضرتك تعرف ان الاشاعات مش طالعة من الجيش المصري الي مفيش فيه حد هربان من السجن
الاشاعات طالعة من الناس الي كانوا محتلين اشارة رابعة وواقفين حال سكان المنظقة دي
الاشاعات طالعة من الي قالوا هنفجر نفسنا
الاشاعات طالعة من الناس الي بتدعي الشرعية
مع ان الشرعية هي شرعية الشعب الي احترمهم وانتخب رئيس منهم وهو نفس الشعب الي ثار عليه بعد ما مخططهم ظهر
مش هو ده الرئيس الي قال لو 10 اعترضوا هيسيب الحكم
مش هو ده الرئيس الي قال الشرعية للشعب

وبعدين يا اخي العزيز ما الي حصل لمبارك كان بسبب الجيش الي وقف مع الشعب
ليه مبارك والفلول ما فجروش البلد ومحرقوهاش؟؟؟؟

دول يا اخي كانوا عاوزين يروحوا يجاهدوا في سوريا مع انهم هما الي قالوا على القدس رايحين شهداء بالملايين
طب ليه سوريا ما تعمل الي انت قلت عليه وروح اسرائيل
لو كان الارهابيين صح مكانتش امريكا وقفت معاهم

[mmtronic]

تانى يا جماعه علشان الموضوع ميتقفلش

الموضوع مش سياسى ... خلينا ناس عاقله

خلو الموضوع مفتوح علشان اكبر قدر من الناس يوصله التحزير علشان درء الازى

الا هو صحيح مش درء الازى مقدم عن جلب المنافع

خلونا كده نتكلم بهدوء

[noureymo]

تانى يا جماعه علشان الموضوع ميتقفلش

الموضوع مش سياسى ... خلينا ناس عاقله

خلو الموضوع مفتوح علشان اكبر قدر من الناس يوصله التحزير علشان درء الازى

الا هو صحيح مش درء الازى مقدم عن جلب المنافع

خلونا كده نتكلم بهدوء

معاك حق
انا اسف