أروح لدكتور ولا أعمل إيه بالظبط؟؟

[Xander2010_Evo]

السلام عليكم يارجالة أنا قولت مفيش حد غيركم هيفيدني فالموضوع ده
ببساطة أنا عندي 24 سنة كل مشكلتي إني مبعرفش ألعب فالجيم يعني معنديش قدرة تحمل بالذات فالتمارين المتعلقة باليدين زي الضغط مثلآ مبعرفش أعمل واحدة ضغط صح أو رفع حديد .. يعني أعصابي مش قوية كفاية
جربت معظم التمارين بتاعت تقوية الأعصاب فالمعصم والساعد بس مفيش فايدة .. مبعرفش اكملهم أساسآ .. أنا طولي 176 سم ووزني 86 تقريبآ وعندي كرش للأسف
الموضوع ده مكدرني شوية لأن نفسي أخلص من الدهون الزيادة دي وأكون عضلات معقولة يعني
الفكرة دلوقتي أروح لدكتور مين بالظبط؟؟ مخ وأعصاب ولا دكتور عظام ولا إيه الحل بالظبط؟؟
أفيدوني أفادكم الله

[SHNORY]

حضرتك روحت الجيم فتره قد ايه ؟؟
يعني قعدت تروح الجيم شهور والوضع متغيرش ؟؟؟

[minicooper20]

خد حقن بيتولفكس او تراى بى
كل كويس جدا اكل صيحى و فكك من الفاست فود
اتمرن واحده وتحده بالتدريج شلا تلعب بكيلو واحد و زود يوم بعد يوم
انتا كويس متوهمش نفسك انك ضعيف
لوواحد ضربك فى الشارع على الاقل هدافع عن نفسك يبقى انتافيك عصب
اتمرن اتمرن اتمرن
واحده واحده هتيجى

[طارق _عبد السلام]

العب باللى تقدر تشيله حتى لو البار فاضى من غير طارات ومع التتمرين واحده واحده هتبقى تمام متوهمش نفسك

[أبو آسر]

زي ما الرجالة قالوا
روح الجيم ومتعيش نفسك في الوهم وشيل على أد ما تقدر لو حتى تشيل البار فاضي ومتتضايقش لو لقيت واحد ممكن شكله مش جامد وشال أد منك 10 مرات انت مع المداومة هتشيل زيه وأكتر
بس ركز على تمارين الأعصاب شوية وخلي الكابتن يوصفلك بودر whey protein مناسب علشان يعوضلك العناصر والبروتينات اللي ناقصة في جسمك ومتقلقش ده ملوش أعراض جانبية ومش مضر بالعكس دي عناصر غذائية أساسية ناقصة في الجسم وهو بيعوضهالك
أنا فاكر إني أول ما اشتريت اليد دي

وكنت بلعب بيها كنت بجيب 10 بالعافية ! مرة في مرة لقيت نفسي بجيب 50 وأكتر ولو كنت استمريت عليها كنت ممكن وصلت لل100
كل حاجة مع المواظبة بتتحسن

[svneleven]

ما يضرش لو استشرت دكتور أعصاب كويس عشان تتطمن و يكون عندك حافز و أنت بتتمرن و تبقي عارف أن الموضوع تمرين مش أكتر. و علي فكرة الضغط مش تمرين سهل خالص. تعالي علي نفسك حتي انزل و ما تطلعش. واحدة واحدة هتعمل عدة واحدة و بعد كده تزود.

[Xander2010_Evo]

حضرتك روحت الجيم فتره قد ايه ؟؟
يعني قعدت تروح الجيم شهور والوضع متغيرش ؟؟؟

نفسي أداوم بس كل ما أحجز شهر آخري بحضر 3 أسابيع بالكتير أووي وبعدها بفيص
تقريبآ بقالي فالموضوع ده سنتين .. توتال كل إللي حجزته حوالي 5 شهور
بس الكدب خيبة أنا نفسي أروح شهور متواصلة بس للأسف مفيش حد بيشجعني ويوم ما الأقي حد من أصحابي بردو الأقيه مبيكملش الشهر زيي بس فارق إنه مبيكملهوش لأنه عنده مشاغل مش زيي

خد حقن بيتولفكس او تراى بى
كل كويس جدا اكل صيحى و فكك من الفاست فود
اتمرن واحده وتحده بالتدريج شلا تلعب بكيلو واحد و زود يوم بعد يوم
انتا كويس متوهمش نفسك انك ضعيف
لوواحد ضربك فى الشارع على الاقل هدافع عن نفسك يبقى انتافيك عصب
اتمرن اتمرن اتمرن
واحده واحده هتيجى

الحقن دي بتلعب علي إيه بالظبط؟؟
والله أنا بأكل كويس والفاست فوود بالكتير مرة فالإسبوع وكمان مبشربش حاجة ساقعة من حوالي سنة ونص

العب باللى تقدر تشيله حتى لو البار فاضى من غير طارات ومع التتمرين واحده واحده هتبقى تمام متوهمش نفسك

زي ما الرجالة قالوا
روح الجيم ومتعيش نفسك في الوهم وشيل على أد ما تقدر لو حتى تشيل البار فاضي ومتتضايقش لو لقيت واحد ممكن شكله مش جامد وشال أد منك 10 مرات انت مع المداومة هتشيل زيه وأكتر
بس ركز على تمارين الأعصاب شوية وخلي الكابتن يوصفلك بودر whey protein مناسب علشان يعوضلك العناصر والبروتينات اللي ناقصة في جسمك ومتقلقش ده ملوش أعراض جانبية ومش مضر بالعكس دي عناصر غذائية أساسية ناقصة في الجسم وهو بيعوضهالك
أنا فاكر إني أول ما اشتريت اليد دي

وكنت بلعب بيها كنت بجيب 10 بالعافية ! مرة في مرة لقيت نفسي بجيب 50 وأكتر ولو كنت استمريت عليها كنت ممكن وصلت لل100
كل حاجة مع المواظبة بتتحسن

أنا بلاقي ناس فالجيم بتأخد البادور ده وبيدوبوه في لبن تقريبآ بس خايف أجربه الأقي نفسي زي المنفوخين هوا دوول

ما يضرش لو استشرت دكتور أعصاب كويس عشان تتطمن و يكون عندك حافز و أنت بتتمرن و تبقي عارف أن الموضوع تمرين مش أكتر. و علي فكرة الضغط مش تمرين سهل خالص. تعالي علي نفسك حتي انزل و ما تطلعش. واحدة واحدة هتعمل عدة واحدة و بعد كده تزود.

طيب .. جميل .. يعني ألعب بردو علي قد ما أقدر .. وهسأل علي موضوع الحقن دي والباودر
وبردو هحاول أشوف دكتور أعصاب

[amrelsha3er]

زى مالرجاله قالت تكرار لكلامهم مش اكتر
انت مفكش شحاجه ان شاء الله ولو عاوز فعلا تروح لدطتور اعصاب للاطمئنان مش اكتر اوك
بالنسبه للجيم كلنا كنا كده ولعبنا بالبار فاضى والوزن زاد حبه بحبه لاتهتم بالوزن المهم تركز فى التمرين وتلعب براحه وتحس بجسمك وانت بتتمرن وان شاء الله الوزن هيزيد ومتستعجلش على زياده الوزن
وممكن بعد 3شهور من المواظبه على التمرين تاخد كورس مكملات غذائيه زى مالاخ قال الواى بروتين واحد من ضمن الكورس
بالتوفيق ومتيأسش