سؤال خاص بلبطااقه الشخصيه

[theangel]

السلام عليكم ورحمة الله وبركاته


لو سمحتم ياجماعه انا دلوقت معايا بكالوريوس نظم معلومات اداريه وطبعا القسم ده معادل بكلية التجاره

وجالي فيزا شغل ف السعوديه والمطلوب ان الجواز بتاعي يبقي مكتوب فيه اني محاسب
وانا كنت عملت جواز السفر بس مكتوب فيه المؤهل بتاعي بس اللي هو حاصل علي بكالوريوس نظم معلومات اداريه لإني كنت مسافر عادي ف مكنتش محتاج اني اكتب الوظيفه ايه

دلوقت انا مش عارف اعمل ايه......... المطلوب مني اني اغير طبعا البطاقه الشخصيه واكتب فيها اني شغال محاسب علشان اقدر اني اغير الجواز ويتكتب فيه نفس المهنه
والفيزا لازم اني اشتريها في اقل من شهر من تاريخنا الحالي
هل الموضوع ده ممكن اعمله لو جبت شهادة من شركه قطاع خاص اني بشتغل فيها محاسب
ولا ممكن امشيه بمعرفه يعني لو اعرف حد ف البطايق مثلا
ولا اعمل ايه علشان انجز الموضوع ده بسرعه علما بإني لسه مش معايا كارنيه الخاص بنقابة التجاريين وطبعا لو قعدت اعمله يبقي مش هنخلص :(

[أحمد كمال]

المحاسب مهنة نقابية يعني لازم النقابة تختم لك

[ramyhekal]

زى ما قلت الاول بس الشركه هاتأمن عليك فى التأمينات وتلغى التأمين فى نفس الوقت علشان ما تتكومش عليهم فلوس وهاتختم ورق البطاقه من التأمينات وتروح تعمل البطاقه عادى جدا

[HeMa_LanCeR]

التأمينات مش هتسجلك محاسب غير لما يكون معاك كارنية النقابة
يعني في كل الاحوال لازم كارنية النقابة

[wawamoha]

بص انا هااقولك ... زمان كده من اكتر من 10 سنين كنت بروح للتامينات الاجتماعيه اللي في وسط البلد و بتديلهم العقد الاصلي اللي جاي من السعوديه و يقومم هما خاتمينلك عل ورق البطاقه او البسبور لو مهنتك مطابقه .. في نظير مبلغ 100 دولار او 150 دولار ...تقريبا مش فاكر ...

بص مش فاكر مكانها فين بس كانت في وسط البلد تقريبا ..
محتاج تروح التامينات الاجتماعيه وتسال هناك و هما هايدلوك ... بس لازم تاخد معاك العقد ..