من أول يناير ..!

[RAPID]

قالها شعبولا من كام سنة هبطل السجاير من اول يناير
ودلوقت بدعوكم وبدعو نفسي لاستغلال الفرصة
فرصة جديدة في عام جديد بنية جديدة
ممكن تنوى انك تبطل السجاير
وبعد سنة ولا اتنين تقول الحمد لله انا بطلتها من 1/1/2014
التواريخ المميزة ليها دور فى حياة الانسان
والقرار لما يكون مرتبط بتاريخ او ذكرى معينة بينجح

هبطل السجاير او اى عادة اخرى سيئة
هراعي ضميري واتقن عملي
هنام بدري واصحي بدري
هقرب من ربنا اكتر واحافظ على الصلوات
هبطل شتايم عالفاضي والمليان
هغير منظور حياتي واسلوب التعامل في نواحي مختلفة
وهكذا،،

بس المهم من اول يناير نبدأ بخطوة ايجابية في اي اتجاه
والمهم المدوامة وعدم النسيان
وسنة سعيدة علينا جميعا ان شاء الله

[besso]

فكره جميله جدااااااا

المفروض كل واحد فينا يختلى بنفسه ويسترجع احداث 2013 ويشوف هو عايز يغير ايه من نفسه ويقرر يعمله فى 2014

[RAPID]

فكره جميله جدااااااا

المفروض كل واحد فينا يختلى بنفسه ويسترجع احداث 2013 ويشوف هو عايز يغير ايه من نفسه ويقرر يعمله فى 2014

تمام
التخطيط، وضع الاهداف، ثم التنفيذ

[RAPID]

اعرف واحد كسر علبة السجاير فجأة والولاعة كانت لسه جديدة
وخد عهد على نفسه انه ما يلمسهاش تانى
دلوقت بيقول حاسس انه ركب رئة جديدة وكل حاجة بقى لها طعم مختلف
كان مذلول ليها ومتحكمة فى حياته بشكل لا يصدق

لاصدقائي المدخنين في المنتدى:
هل تستطيع اتخاذ نفس القرار والبدء من الغد حياة جديدة؟
اعتقد ذلك لاننا اقوى بكثير من تلك العادة الذميمة

يا راجل ده لو صديق عمرك هيجيبلك سرطان هتجرى منه
فما بالك بسيجارة حقيرة ملهاش اى لازمة غير القرف والمرض والبلاوى الزرقا !!

[saddam]

صديقي المواطن
وإحنه نضم صوتنا لصوتك ودعوة جميلة للتخلي عن كل عادة سيئة خصوصا التدخين والشتائم عالفاضي والمليان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[rotanamasoud]

شخصيا مبدخنش(من كبار المدخنين السلبيين) بس اعرف ناس كتير جدا بطلو ورجعو تانى فاعتقد انه مفيش فايده

[J A G U A R]

فكره جميله

[heeshooheeshoo]

شخصيا مبدخنش(من كبار المدخنين السلبيين) بس اعرف ناس كتير جدا بطلو ورجعو تانى فاعتقد انه مفيش فايده

لماذا هذا اليأس ؟!!!!
أنا أعرف ناس كثيييييير بطلوا ومارجعوش

إذا عزمت بنية صادقة خالصة ، ودعوت الله أن يثبتك ويساعدك فيما نويت عليه وبدأته بالفعل فتأكد تماااااااما أن الله لن يخذلك .
أما إذا عدت مرة أخرى لما أقلعت عنه فتأكد تماااما أنه يوجد خطأ ما .. إما النية لم تكن خالصة أو لم تقترن بفعل إيجابى من طرفك للإقلاع عن تلك العادة أو أنك لم تطلب التثبيت من الله بقلب خالص .

العبد لله أقلع عن التدخين(سجائر ثم بايب) نهائيا (بدون سبب قهرى) فى 17/3/2000 بعد 22 سنة من التدخين وذلك بفضل الله بعد إتخاذ الخطوات السابق ذكرها ومن يومها لم ألمسها إطلاقا والحمد والشكر لله .
لا تيأس ...

وتقبل تحياتى ،،،

[S O P H O S]

دي الطريقة الي بتخلي الانسان يستمر فالقرار
ان يحدد ان فيوم محدد هيغير شئ فحياته