«مفوضي الدولة» توصي بإلزام الحكومة بحظر استيراد «التوك توك»

[Astro BoY]

أوصت هيئة مفوضي الدولة، السبت، بإلزام الحكومة بإصدار قرار بمنع استيراد «التوك توك».

وأودع المستشار محمد الدمرداش، من هيئة مفوضي الدولة، تقرير توصيات الهيئة في الدعوى التي أقامها حمدي الفخراني، والتي طالب فيها بعدم منح تراخيص لـ«التوك توك»، وكذلك حظر استيراده لما يسببه من أخطار.

[محمد طايع]

قرار متأخر جدا للأسف بعد ما عدد التكاتك اصبح اكتر من عدد العربيات

فين ده من زمان ؟؟؟

مركبه غير مطابقه للمواصفات ومالهاش نمر ومفيش تراخيص واصحابها ما بتدفعش للدوله حاجه وهما من الأسباب الرئيسيه لأزمة البنزين ال 80

كانو مستنيين ايه تانى علشان يمنعو استيراده ؟؟؟

[hossam_elwani]

صحى النوم يادوله


دوله عالم تالت صحيح

[J A G U A R]

فى داهيه تاخدهم

[أبو آسر]

بالرغم من إني من معارضي التوكتوك بنسبة 100% ولا أطيقه ولا أطيق سائقيه
إلا أن دولتنا النبيهة لازم قبل ما تفكر تمنع أو تحظر أي شيء إنها تفكر لها في بديل أولا وقرار المنع بالتالي سيكون أسهل
يعني مثلا بدل ما تقعد تعمل غرامات ومخالفات وسحب رخص للوقوف صف تاني في مكان معين ، هل انت وفرت parking يتسع لجميع السيارات أولا وبالتالي من يقف صف ثاني يستحق العقاب والمخالفة ؟!
أما بخصوص التوكتوك فيوجد ناس بتتحمله وتتحمل قرفه وبلاويه ومخاطره وبتركبه مضطرة ومجبرة مش بمزاجها لأنه توجد أماكن كثيرة جدا لا يدخلها سوى التكاتك
لكن لو منعنا التوكتوك نهائيا الناس اللي لا معاها عربيات ولا تقدر تدفع أجرة تاكسي مستغل وبيتأمر كمان على الناس الناس دي تعمل إيه ؟!
لابد من أن توفر الدولة حلولا بديلة لأزمة التوكتوك أولا وبعد ذلك تبدأ في تطبيق قرار المنع والحظر وأنا عن نفسي أتمنى إنهم يلموا كل التكاتك من الشوارع فورا مش يحظروا استيراد الجديد فقط !!

[age]

يجب ان يتم تقنيته وليس وقفه

[ahmedwagdy03]

فعلا المفروض يمنعوه و يصادروا الموجود فى المدن - أما فى الأرياف يبقى فى حدود القرى فقط .

كفاية بقى البلاوى اللى من وراهم

[ahmedteam]

بعد خراب مالطه

[Astro BoY]

بالرغم من إني من معارضي التوكتوك بنسبة 100% ولا أطيقه ولا أطيق سائقيه
إلا أن دولتنا النبيهة لازم قبل ما تفكر تمنع أو تحظر أي شيء إنها تفكر لها في بديل أولا وقرار المنع بالتالي سيكون أسهل
يعني مثلا بدل ما تقعد تعمل غرامات ومخالفات وسحب رخص للوقوف صف تاني في مكان معين ، هل انت وفرت parking يتسع لجميع السيارات أولا وبالتالي من يقف صف ثاني يستحق العقاب والمخالفة ؟!
أما بخصوص التوكتوك فيوجد ناس بتتحمله وتتحمل قرفه وبلاويه ومخاطره وبتركبه مضطرة ومجبرة مش بمزاجها لأنه توجد أماكن كثيرة جدا لا يدخلها سوى التكاتك
لكن لو منعنا التوكتوك نهائيا الناس اللي لا معاها عربيات ولا تقدر تدفع أجرة تاكسي مستغل وبيتأمر كمان على الناس الناس دي تعمل إيه ؟!
لابد من أن توفر الدولة حلولا بديلة لأزمة التوكتوك أولا وبعد ذلك تبدأ في تطبيق قرار المنع والحظر وأنا عن نفسي أتمنى إنهم يلموا كل التكاتك من الشوارع فورا مش يحظروا استيراد الجديد فقط !!

بوص حضرتك انا معاك بس الى انتا متعرفوش ان فى اماكن عدد التكاتك فيها اكتر من عدد البنى ادمين ودة نتيجة الاءستيراد وخلاص مبيعدوش هما نزلوا قد اية ولا عملوا اية وحضرتك متوقع ان عددة هيقل ومش هيبقا فية وسيلة مواصلات للناس !!!!عدد التكاتك الى فى مصر مهول لدرجة انهم و اتوزعوا صح هيتوزعوا على مدن مصر كلها وهيبقا منهم زيادة كمان فى اماكن من كترهم بيتخانقوا معا بعض عال زباين

[S O P H O S]

هيظل قرار
لان مفيش القدرة علي التنفيذ واتمني يكون ممكن