حمايه الاجهزه الكهربائيه فى حاله ارتفاع التيار الكهربائى

[sherif_mahalla]

أنا عايز أجيب الجهاز ده
ممكن حضرتك تعمل موضوع منفصل

[khaledinside]

في جهاز ببرمجه حاجة بسيطة - بيحمي الشقة بالكامل عند أي ارتفاع او انخفاض في الجهد والي بيتكرر كتير الفترة دي مش لعدم ثبات انتاج الكهرباء بس - ولكن أيضا لتكرار سرقة البارات النحاس من اكشاك التوزيع وهو شئ هايجنن شركة الكهرباء للاسف ومش قادرين يوصلوا لحل عملي فيه حتى الآن

وللعلم المشكلة في انخفاض الجهد أكبر من ارتفاعه - لان انخفاض الجهد يتسبب في ارتفاع التيار مما يتسبب ان عمارات بالكامل أجهزتها الكهربية بتطير

تصحيح للمعلومة - انخفاض الجهد لا يرفع التيار - بالعكس بيخفض التيار - الخطر فى ارتفاع الجهد وليس انخفاضة

التيار المسحوب فى الاجهزة الكهربائية بيبقى بناء على مقاومة الاجهزة للكهرباء - (قانون اوم للمقاومة)

اذا زاد الجهد زاد التيار المار بمقاومة معينة (جهاز معين)

مثال لو عندك جهاز - هنفترض مثلا دفاية - مقاومة الدفاية للكهرباء 48.9 اوم

لو عدى فيها 220 فولت (طبقا لقانون المقاومة i=v/r) = التيار = الجهد على المقاومة = 220/48.9 = تيار 4.4 امبير
فى حين ان لو الجهد قل ل 100 فولت مثلا - وباستخدام نفس القانون = 100/48.9 = تيار 2 امبير

ارتفاع الجهد هيتسبب فى مرور تيار اعلى ويحرق الجهاز
فلو مثلا الجهد زاد ل 350 فولت = وباستخدام نفس القانون = 350/48.9 = تيار 7.1 امبير - ودة اعلى بكتير من المصمم للجهاز وهيتحرق

الجهد بينخفض فى وقت الزروة بسبب تشغيل الناس لاجهزة كتير ومع ذلك لا يحدث اى ضرر للاجهزة - ولكن انخفاض الجهد يصل الى حد معين يكون غير قادر على دفع التيار للاجهزة وبالتالى تتوقف عن العمل