ازاي أخرج فلوسي برة مصر؟

[Mighty G]

لو سمحتوا يا شباب:

أنا عايش في الخارج مهاجر يعني وعندي فلوس بالجنيه المصري في بنك HSBC.

كان زمان قبل الثورة ممكن تحويل الفلوس دي online لأن عندي حساب هنا في HSBC بردو.

الكلام دة وقف خلاص وأنا محتاج فلوسي دي بأسرع وقت.

المبلغ كبير وبالتالي Western Union أو Moneygram اختيارات مش واقعية.

يا ترى حد عنده معلومات ازاي أعمل كدة عن طريق HSBC أو حتى أي بنك أو عن طريق دولة وسيطة؟



شكراً


تم ايقاف العضوية لتعدد العضويات وترك الموضوع بعد حذف المشاركات الخارجة عن اطاره
يرجى مراجعة قواعد المنتدى .

مشرف 6 ب
2.52am
7/1/2014

[mustafavet]

مفيش غير انك في كل سفرية تاخدلك 10 الاف دولار

[Mighty G]

مفيش غير انك في كل سفرية تاخدلك 10 الاف دولار

شكراً على رأيك.

دي حاجة إضافية كدة كدة بتتعمل. بس أنا محتاج حاجة أسرع.

كمان كل سفرية يعني طيران 1500 دولار. كدة وسترن يونيون أرخص.


شكراً

[SHNORY]

استورد بيهم بضايع من مصر
او حولهم لحساب حد تاني وهو يحولهم دولارات مثلا او اي عمله
ويعمل بيهم ايداع في بنك تاني بيسبورت التحويل

[mohamed_selim]

اخويا حول من بنك مصر لبنك فى امريكا دولارات من حسابه هنا لحسابه هناك عادى بس كان فى حد اقصى تقريبا ١٠٠الف دولار

[SHNORY]

الحساب بالجنيه المصري يا جماعه

[Mighty G]

اخويا حول من بنك مصر لبنك فى امريكا دولارات من حسابه هنا لحسابه هناك عادى بس كان فى حد اقصى تقريبا ١٠٠الف دولار

شكرا جزيلا

لو مافيهاش إحراج ممكن تفاصيل أكثر ولو على الخاص؟؟؟


تحياتي

[Mighty G]

الحساب بالجنيه المصري يا جماعه

شكرا على إهتمام حضرتك.


لو رسيت هحول الفلوس دولارات.

[mohamed_selim]

مش فاهم تفاصيل ازاى .... هو عنده حساب بالدولار فى بنك مصر و عنده حساب فى بنك فى امريكا .... راح الفرع بتاع بنك مصر و عمل تحويل للمبلغ اللى كان عنده للحساب بتاع امريكا .... الاول انا كنت متخيل ان التحويلات ممنوعه و قلتله كده بس سال و قالوله عادى لحد مبلغ تقريبا ١٠٠ الف ... طبعا هو كان بيحول مبلغ اقل بكتير .... راح حولهم و تقريبا من غير مصاريف

[Mighty G]

مش فاهم تفاصيل ازاى .... هو عنده حساب بالدولار فى بنك مصر و عنده حساب فى بنك فى امريكا .... راح الفرع بتاع بنك مصر و عمل تحويل للمبلغ اللى كان عنده للحساب بتاع امريكا .... الاول انا كنت متخيل ان التحويلات ممنوعه و قلتله كده بس سال و قالوله عادى لحد مبلغ تقريبا ١٠٠ الف ... طبعا هو كان بيحول مبلغ اقل بكتير .... راح حولهم و تقريبا من غير مصاريف

شكراً يا باشا.

يعني المفروض مجرد مشوار للبنك مع وجود حساب بالدولار طبعاً وتحويل لحد 100 ألف أو زي ما يكون دلوقتي.


كتر خيرك على المعلومات

[mohamed_selim]

ده اللى حصل .... ممكن يكون hsbc قافل التحويل بس بنك مصر شغال

[Mighty G]

ده اللى حصل .... ممكن يكون hsbc قافل التحويل بس بنك مصر شغال

تمام. عداك العيب.

هخلي الوالد يسأل في hsbc وربنا يسهل.


شكرا مرة ثانية

[firstknight_eg]

لو حسابك ادفانس في hsbc اسحب بالكارت من ماكينات hsbc عندك مصاريف السحب في المرة 20 جنيه وليك 8000 في اليوم تقريبا

[ahmedwagdy03]

لو سمحتوا يا شباب:

أنا عايش في الخارج مهاجر يعني وعندي فلوس بالجنيه المصري في بنك hsbc.

كان زمان قبل الثورة ممكن تحويل الفلوس دي online لأن عندي حساب هنا في hsbc بردو.

الكلام دة وقف خلاص وأنا محتاج فلوسي دي بأسرع وقت.

المبلغ كبير وبالتالي western union أو moneygram اختيارات مش واقعية.

يا ترى حد عنده معلومات ازاي أعمل كدة عن طريق hsbc أو حتى أي بنك أو عن طريق دولة وسيطة؟



شكراً

إنت شكلك فى أمريكا

إزاى ما تعرفش إن فيه ناس عندكم بتشتغل فى الموضوع ده .خد عندك

فيه مصريين أصحاب شركات فى أمريكا و عندهم بيزنس و فى نفس الوقت فاتحين مشاريع و ليهم إستثمارات فى مصر و بيشتغلوا فى موضوع تحويل اموال المصريين يعنى لو عايز تنزل مصر مبلغ كبير مثلا ياخده منك فى أمريكا و فى نفس اليوم حد من أهلك يروح لمندوبه فى مصر - اللى بيكون صاحب شركة طبعا - و تاخد فلوسك بعد خصم عمولته . و العكس ممكن ياخد منك الفلوس من مصر و يديلك فى أمريكا بعد أخذ العمولة طبعا .

طبعا الناس دى بتحول من و إلى مصر بمءات الآلاف تحت ستار نشاطه التجارى لذلك مفيش عليهم مشاكل

حاول تسأل عندك لإن واحد قريبى كان بيشترى شقة و فلوسه فى أمريكا و عمل كدة

[أحمد كمال]

من حقك تسحب ما يعادل 70 الف جنيه شهريا من الكارت بتاع hsbc ..... العمولة هتكون 8 جنيه على كل عملية سحب + 2% و ده ارخص كتير من انك تشتري دولار في مصر سوق سوداء