وقت الفراغ

[إنسانة]

السلام عليكم

ازاي نقضي وقت فراغنا ؟ لو حد عنده وقت فراغ كبير جدا جدا ازاي ممكن يستفيد منه

نفسي االف كتاب مثلا او اتعلم دورات عن طريق النت

او اي حاجة مفيدة

وخصوصا لو حد ملوش في مواقع التواصل ومش عارفة اصلا هكلم مين بحس انها عايزة وقت كبير وجهد عشان تبتدي تتناقش مع حد وتتعرف على ناس

او بمعنى اصح بحس ان كل حد بيكلم نفسه واساسا انا فاشلة في الحجات دي

كنت بعد فترات طويلة على المنتديات النسائية بس بجد بخرج بشحنة سالبة بتفضل معايا ايام ههههه

وكمان الاهتمامات مختلفة يعني هما اهتماماتهم ازياء والطبخ وعندهم حجات مشتركة يتناقشوا فيها وكدا والحجات دي مش بتشغلني اصلا

وبعدها فضلت وقت طويل اتفرج على صور العربيات اصلي هموت واشتري عربية واطير بيها ههههه

المهم
احسن ما الانسان يقضيها احلام وتخيلات وكدا

ايه الاشياء الي الانسان ممكن يعملها وتشغل وقته بشيء مفيد

انا على فكرة باخد دورة برمجة حاليا بس مش معقولة هعد 24 ساعة فاتحة الكورات

[samyyousef]

الوقت نعمة...
هناك من يبحث عنها
يجب ان تحاولي استغلالها..و اظنك اتجهتي الاتجاه الصحيح و هو التعلم..فالتستمري في التعلم و الاطلاع قدر استطاعتك فالكتاب صديق في الوحدة و اوقات الفراغ

[minicooper20]

العبى رياضه
نطى الحبل و العبى ايروبكس و اهتمى بنفسك اعدى كل يوم اعملى شعرك بشكل
اتعلمى مهاره جيده اتعلمى انجليش
اعملى جدزل و احفظى كل يوم ايتين قراءن
كلمى اصحابك و اسااى على قرايبك
استمرى على كده شهر بعدها هتلاقى الناس هى البتسال عليكى و انتا مش لقيا وقت تكفيهم
لحد مربنا يكرمك و تجوزى و سعتها جوزك مش هيخليلك وقت اساسن تتلفتى
regds...

[الاستاذ]

الشغل

[إنسانة]

الوقت نعمة...
هناك من يبحث عنها
يجب ان تحاولي استغلالها..و اظنك اتجهتي الاتجاه الصحيح و هو التعلم..فالتستمري في التعلم و الاطلاع قدر استطاعتك فالكتاب صديق في الوحدة و اوقات الفراغ

اقتراح جميل الكتب

طيب ايه نوع الكتب واسماءها

لما بروح المكتبة بتفرج على منظر الكتب الي بالعربي واللي في الناحية المقابلة بالانجليزية بحس اني هعيط من الحسرة

وببقى نفسي امشي اتفرج بس على الكتب

لكن للاسف معرفش انجليزي ومش ممكن امسك كل كتاب واعد اترجم

لان كمان عندنا الكتب المترجمة كتب محدودة وغالبا فيه زيها عربي

نفسي بجد ادخل عالم الكتب ويبقى عندي كتاب من تأليفي <<< بحلم عارفة ^^’

[Ahmed.Essam]

في حاجات كتير ممكن نستغلها في وقت الفراغ
اول حاجة واهم حاجة هي ممارسة الرياضة ومحدش هيحس بقيمتها غير لما يفهم يعني ايه رياضة ويستمر فيها

والكتابة لو في دماغ اي حد هتبقى سهلة جدا
اول حاجة تحددي عاوزة تكتبي عن ايه ( اي موضوع بس يكون محدد من الاول ومفيش فرصة بعد البداية في الكتابة انه يتغير عشان يكون في تركيز في حاجة معينة )
تاني حاجة تحددي الموضوع اللي هيتكتب اجزاءه ايه
وبعدين تحددي الطريقة اللي هتكتبي بيها ( لغة عربية فصحى ولا عامية وبطريقة كوميدية ولا تشويقية .. الخ )

[Ahmed_selmy]

اولا الرياضه وذلك للحفاظ على الجسم والشكل العام
ثانيا حضرتك نفسك تقرى كتب انجليزى يبقى الخطوة الاولى للوصول للنقطه دى هى اخد كورسات انجليزى والمتابعه معاها
ثالثا حضرتك شوفى طموحك فى ايه فى مجال عمل وابدئى ابحثى عن اخرتطوراته ومجاله و فروعه وحولى تطورى نفسك فيه
رابعا لو حضرتك متزوجه او حتى انثه ممكن تقرى فى مجالات الاطفال والتربيه الحديثه وخصوصا مع وجود تطورات كبيرة فى هذا المجال اللى تتيحلك انك تعرفى امكانيات طفلك من السنوات الاولى وتعملى على تطوريها وتحسنها ونقاط الضعف اللى موجوده ومحاوله زيادة النمو فيها

[احمد المصرى]

حضرتك فى السعوديه وعندك زوج وتقريبا طفله وشغاله يعنى المفروض مفيش وقت فراغ خالص


حاولى تروحى تعملى عمره هتفرق معاكى كتير جداااااااااااااااااااااااااااااا

[elfarashah]

سلام الله عليكم ورحمته وبركاته

زي منا شايفة إن حضرتك مغتربة وبكل تأكيد مأساة كل المغتربين من النساء
واللي مش بيشتغلوا هي الفراغ ، أنا مش هقولك هتفرق كتير لو متجوزة أو لسة آنسة
لأن في الحالتين الاتنين واحد والفراغ بيكون هو نفسه لأن الزوج مشغول طول الوقت
الحل الأمثل هو الشغل إبحثي عن أي وظيفة مناسبة ليكي منها هتحسي بقيمة الوقت وهتنشغلي ومنها هيعطيكِ ثقة أكتر بنفسك ، لأن مش معقول هقولك اشغلي وقتك كله في الرياضة أو في ممارسة هواية محببة ليكِ ، لكن الشغل لوحده هينظم حياتك وهيعطيها باور
وحيوية وإن شاء الله المرة الجاية هلاقيكِ عاملة موضوع اسمه " نفسي في دقيقة راحة أو فراغ " ربنا يسعدك ويكتبلك كل خير

[mohammedgido]

فراغ الوقت هذا سلاح ذو حدين
فهو إما أن يكون سبب لرفعة الانسان وتقدمه أو يجعله في أسفل السافلين للاسف
فقد يستغل الشيطان الفراغ لدى بعض الناس في فتح أبواب شر لا قبل له بها
لذلك لابد للانس ان يكون في شغل دائم وأن يشغل هذا الوقت باستمرار ولا يترك فرصة لشيطان ليدخل له مدخل سوء
لكن كيف يشغل الانسان وقته بما يفيد
ونصيحتي لك
أولا: حفظ كتاب الله ولو كل يوم شيئً فشيءً
ثم أطلعي علي تفسير ما تحفظين فهذا ادعى لثبا تلاحفظ والتدبر في الايات
ثانيا: عليك مطالعة ما يقوم به دينك
فتعلمي اولا ما يخص عقيدتك وتوحيدك بأبسط الكتب وايسرها ثم ما يتعلق بامورك الفقهيه وهكذا
لان الانسان إذا نزل قبره لن يسأل هل أتقن اللغه الفلانه او العلم الفلاني وانما سؤاله عن دينه فقدمي له من وقتك الكثير والكثير والله يبارك لك ويفتح عليك
ثالثاً: اجعلي باقي وقتك في تعلم بعض العلوم الدنيويه من لغه وغيرها
فقسمي وقتك وجعلي جله لحفظ القران والتفقه في دينك ثم باقي العلوم الاخرى بذلك تنتفعي في الدارين
وفقك الله

[SHNORY]

لو حضرتك بتحبي القرايه ممكن تدخلي الموقع ده
www.al-mostafa.com مكتبة المصطفى الالكترونية قوائم الكتب
وتبدئي تشوفي انهي مجالات حتستهويكي لقرايتها

في اوقات الفراغ ممكن تتعلمي كروشيه او تريكو صيرما لاسيه والحاجات اللي زيهم من الاشغال اليدويه وممكن تحوليها لبيزنس بعد كده

موضوع التاليف وكتابه الكتب ده لازم قبل منه تحددي مجال الكتابه
وتتعمقي فيه كويس وتقري برضه عده مجالات تانيه معاه علشان تكون عندك معلومات كافيه للي حتكتبيه ايا كان
حتي لو كتابات ساخره حتحتاجي تقري برضه كتير علشان تاخدي اسلوب معين في الكتابه

[S O P H O S]

انتاج اي شئ حتي لو فالببيت