استشارة عاجلة في لاب توب

[Mamoud salah H]

السلام عليكم

كنت عايز لناس الي ليها خبرة في مجال الكمبيوتر ومواصفات الاجهزة من كروت شاشة وبروسيسور
تقول رأيها في اللاب توب دة من حيث قدرته علي تشغييل الالعاب الجديدة التقيلة زي call of duty ghosts و need for speed rivals wوالابعاب بتاعت السنة الي فاتت والسنادي
لان هودة هيكون استخدامه بالنسبالي عشان عندي واحد تاني للشغل

https://egypt.dubizzle.com/ar/cairo/items-for-sale/computers-tablets/listing/7-listings-8d0de069eda955278e8c7467422db0cd/show/?back=L2FyL2NhaXJvL2l0ZW1zLWZvci1zYWxlL2NvbXB1dGVycy10YWJsZXRzL3NlYXJjaC8_aXNfc2VhcmNoPUZhbHNlJnBhZ2

متعشم يكون في ردود سريعة عشان الحق اشترييه لو كويس

معلش هتعبكم معايا

[nodey]

الجهاز حلو ويشغل العاب لكنه مستخدم عشان كدا ممكن تفاوض في السعر علي قد ما تقدر تحياتي

[abdulkhaleq]

الجهاز حلو
بس تنسى موضوع الألعاب ده وتشيله من دماغك
الا لو فيفا وبس حاجات كده مثلا

اللاب ده مش مصمم لكده
في لابات للجيمز بس دي سعرها معدي
لو انت جيمر انصحك تجمع كيسه طبعا بنفس تمن اللاب هتكون أقوى منه بمراحل

[Mamoud salah H]

الجهاز حلو ويشغل العاب لكنه مستخدم عشان كدا ممكن تفاوض في السعر علي قد ما تقدر تحياتي

اه طبعا في كلام لما اجي انفذ بس حبيت اعف هيكون مناسب ولا لا
وشكرا علي النصيحة والرد السريع

[rotanamasoud]

مبدئيا مفيش لاب يقدر ينافس نصف قدره مكونات ديسكتوب
لاكن الفيجه جيده بالنسبه لاى لاب شيك عليه كويس جدا واتاكد انه متفتحش واوعى تشتريه لو اتفتح
وهو حيفتح الالعاب بس مش على الهاى لو ميديم يبقى تمام

[Mamoud salah H]

الجهاز حلو
بس تنسى موضوع الألعاب ده وتشيله من دماغك
الا لو فيفا وبس حاجات كده مثلا

اللاب ده مش مصمم لكده
في لابات للجيمز بس دي سعرها معدي
لو انت جيمر انصحك تجمع كيسه طبعا بنفس تمن اللاب هتكون أقوى منه بمراحل

هو انا لقيته بنفس السعر الي متوفر معايا كاقصي حد عشان كدة قولت اني ممكن اشترييه للاسف مش هقدر اجمع كيسة او اشتري جيمز لاب
عني رأي حضرتك انو مش هينفع في العاب غير فيفيا بس

[smsm2015]

لو تقدر ترفع المبلغ شويه هات ده خاصة انه فيه كارت شاشة ممتاز جدا بالنسبة لسعره :

Samsung NP300E5V-S03 Notebook PC | Price in Egypt سعر فى مصر | Egypt Laptop

[Mamoud salah H]

مبدئيا مفيش لاب يقدر ينافس نصف قدره مكونات ديسكتوب
لاكن الفيجه جيده بالنسبه لاى لاب شيك عليه كويس جدا واتاكد انه متفتحش واوعى تشتريه لو اتفتح
وهو حيفتح الالعاب بس مش على الهاى لو ميديم يبقى تمام

حلو ميديم زي الفل علي قد فلوسي
بس ازاي اعرف انه اتفتح قبل كدة من غير ما اسأل صاحبه

[Mamoud salah H]

لو تقدر ترفع المبلغ شويه هات ده خاصة انه فيه كارت شاشة ممتاز جدا بالنسبة لسعره :

Samsung NP300E5V-S03 Notebook PC | Price in Egypt سعر فى مصر | Egypt Laptop

للاسف انا عايز حاجةi5
وغر كدة اسمع من ناس كتيير ان سامسونج مش كويسة في اللاب توب معرفش لييه بصراحة

[أبو آسر]

أولا الرابط اتحذف غالبا صاحب اللاب باعه
ثانيا منصحكش أبدا بلاب توب لو استخدامك ألعاب أو ديزاين أو Heavy work عموما اللابات مش عملية في الأمور دي الPC برقبتها وأرخص كمان
بنفس المبلغ اللي هتشتري بيه اللاب انزل مول كمبيوتر وليكن سوق العصر بروكسي لو قريب منك وروح شركة محترمة ولتكن ماكسيمم هاردوير وقولهم عايز جهاز في رينج المبلغ اللي معايا ده وهما هيجمعولك أنسب حاجة في حدود إمكانياتك وأهم حاجة تقولهم استخدامي كذا وكذا علشان يهتموا بقطعة كارت الشاشة

[rotanamasoud]

حلو ميديم زي الفل علي قد فلوسي
بس ازاي اعرف انه اتفتح قبل كدة من غير ما اسأل صاحبه

حتبص على المسامير كويس وتتاكد انها مفيهاش اى تجريح او خدوش مكان الفتح من المفك وتبص كويس على التقفيل وراجع صددات جلد للشاشه (غالبا بتقع عند تغيير الشاشه لان لزقها بيضعف)وتشوف جسم الجهاز ممتاز ولا فى كتابات ممسوحه علامه الاستخدام الكبير

[Mamoud salah H]

أولا الرابط اتحذف غالبا صاحب اللاب باعه
ثانيا منصحكش أبدا بلاب توب لو استخدامك ألعاب أو ديزاين أو Heavy work عموما اللابات مش عملية في الأمور دي الPC برقبتها وأرخص كمان
بنفس المبلغ اللي هتشتري بيه اللاب انزل مول كمبيوتر وليكن سوق العصر بروكسي لو قريب منك وروح شركة محترمة ولتكن ماكسيمم هاردوير وقولهم عايز جهاز في رينج المبلغ اللي معايا ده وهما هيجمعولك أنسب حاجة في حدود إمكانياتك وأهم حاجة تقولهم استخدامي كذا وكذا علشان يهتموا بقطعة كارت الشاشة

واضح ان من كلامكم ان pc احسن بالنسبة للالعاب وكمان واضح ان فيه اجمااع علي كدة
بس م عارف هل مبلغ 2500:2600 يجيبولي جهاز محترم يعيش فترة من غيير تغيير
مش عارف الفكرة بدأت تلعب في دماغي واني كمان اصبر شوية واحوش مبلغ اكبر واجيب حاجة في الجون

متشكر جدا علي التفاعل والاهتمام

[abdulkhaleq]

هو انا لقيته بنفس السعر الي متوفر معايا كاقصي حد عشان كدة قولت اني ممكن اشترييه للاسف مش هقدر اجمع كيسة او اشتري جيمز لاب
عني رأي حضرتك انو مش هينفع في العاب غير فيفيا بس

تمام شوف بقى السعر ده ايه واظبط كيسه حلوه
لأن اللابات فعلا مش معموله لكده, ولا معموله انها تشتغل 24 ساعه زي الديسك توب

لو هتتوكل على الله شوف انت عايز تعمل ايه, يعني تعتمد على amd ولا intel عشان تعرف المكونات وكده, وخدلك لفتين تلاته في السوق برضه

[أبو آسر]

واضح ان من كلامكم ان pc احسن بالنسبة للالعاب وكمان واضح ان فيه اجمااع علي كدة
بس م عارف هل مبلغ 2500:2600 يجيبولي جهاز محترم يعيش فترة من غيير تغيير
مش عارف الفكرة بدأت تلعب في دماغي واني كمان اصبر شوية واحوش مبلغ اكبر واجيب حاجة في الجون

متشكر جدا علي التفاعل والاهتمام

طبعا الpc أفضل 100 مرة وأكثر تحملا واعتمادية وأسهل في الصيانة وتغيير وتبديل وتحديث القطع وكمان تقدر تشتري شاشة كبيرة علشان الرؤية تبقى أوضح غير اللاب اللي غالبا آخره شاشة 15 بوصة هتتعب عنيك وكمان ممكن توصله بالتليفزيون عن طريق كابل hdmi لو كارت الشاشة اللي هتجيبها محترم وبيدعم ده وهتبقى متعة تانية أيوة ممكن توصل اللاب برده بالتليفزيون بس أنا قصدي إنك هتبقى وفرت تمن شاشة وجبت كيسة بس بدل ما تجيب لاب كامل بشاشة صغيرة
والمبلغ ده كويس يجيب حاجة معقولة تعيش معاك بس لو تقدر تصبر شوية وتزوده هيبقى أحسن طبعا علشان انت عشان تشغل الألعاب التقيلة دي هتحتاج كارت شاشة ميقلش عن 900 جنيه لوحده ده غير البوردة والرامات والبروسيسور فاصبر شوية أفضل علشان تجيب حاجة تعيش معاك كذا سنة متفكرش تغيرها كل شوية