شراء لابتوب من مول السخاوي وسوق العصر وكارفور

[walidzakzok]

المحلات اللي فى السخاوي او سوق العصر سعرها بيبقى غالبا احسن من المحلات الكبيرة بس العيال اللي شغالة هناك بعضهم تحس انهم شماميين شوية والمحلات دي مابتديش فاتورة ضريبية ومش عارف ايه نظام الضمان معاها فهل الواحد يشتري منهم والا يعمل ايه وهل هايتسوح فى الضمان والا لا

وبالنسبة لكارفور بيبقى ايه نظام الاجهزة اللي بيبيعها من حيث الضمان برده وشكرا للافادة

[eng.salama93]

لا يا باشا انا شاري من السخاوي وواخد فاتورة فيها سجل تجاري و بطاقة ضريبية

[AboELsoud]

كارفور للاسف معرفش عشان مشترتش من هناك اجهزه الكترونيه قبل كده

بالنسبه لسوق العصر مش بحبه بحس انه اسعاره غاليه شويه عشان سمعته كبيره

اما السخاوي (و اسمه برضه سوق الكمبيوتر) بلاقي دايما فيه احسن اسعار و اشتريت منه قبل كده لاب ميني و كان بالفاتوره و الضمان و مفيش حاجه اسمها ميديكش فاتوره لانه كده محدش هيشتري منه اصلا

فيه مول زييه بالظبط و نفس التصميم حتى نفس الاسعار و فيه محلات فاتحه فرعين في المولين في مدينه نصر اسمه تكنولوجي مول ( جنب السراج )

برضه حلو و ممكن تبص فيه و كذا مره اجيب منه حاجه و بيدي فاتوره و ضمان

[shndoo]

انا مجربتش اشترى الا من كارفور محترم جدا

[walidzakzok]

كارفور للاسف معرفش عشان مشترتش من هناك اجهزه الكترونيه قبل كده

بالنسبه لسوق العصر مش بحبه بحس انه اسعاره غاليه شويه عشان سمعته كبيره

اما السخاوي (و اسمه برضه سوق الكمبيوتر) بلاقي دايما فيه احسن اسعار و اشتريت منه قبل كده لاب ميني و كان بالفاتوره و الضمان و مفيش حاجه اسمها ميديكش فاتوره لانه كده محدش هيشتري منه اصلا

فيه مول زييه بالظبط و نفس التصميم حتى نفس الاسعار و فيه محلات فاتحه فرعين في المولين في مدينه نصر اسمه تكنولوجي مول ( جنب السراج )

برضه حلو و ممكن تبص فيه و كذا مره اجيب منه حاجه و بيدي فاتوره و ضمان

بيدوا فاتورة غير ضريبية لو بصيت فيها عبارة عن عرض سعر بس

[walidzakzok]

لا يا باشا انا شاري من السخاوي وواخد فاتورة فيها سجل تجاري و بطاقة ضريبية

بس ممكن متكونش فاتورة ضريبية لانها لو ضريبية هايزودلك 10 في المية على سعره ضريبة مبيعات بس هل الضمان بيبقى مع الوكيل بتاع الماركة والا مع المحل نفسه

[walidzakzok]

انا مجربتش اشترى الا من كارفور محترم جدا

اشتريت منهم مرة شاشة ايسر بس ملقتلهاش ضمان مع وكيل محلي فى مصر يعني تعتبر من غير ضمان فمش عارف ايه نظام الضمان للاب توب اللي بيبيعوهم

[shndoo]

اشتريت منهم مرة شاشة ايسر بس ملقتلهاش ضمان مع وكيل محلي فى مصر يعني تعتبر من غير ضمان فمش عارف ايه نظام الضمان للاب توب اللي بيبيعوهم

لا معرفش الحوار دا
انا جبت لاب توشيبا من عندهم بضمان الوكيل و موبيل سامسونج برضه كان بالضمان عادى و حصله مشكله و صلحته فى التوكيل ببلاش

بس لو كده بلاش تشترى منه بقى ليكون فى لعب فى مركات و مركات وكويس انك نبهتنى لحاجه زى كده

[eng.salama93]

بس ممكن متكونش فاتورة ضريبية لانها لو ضريبية هايزودلك 10 في المية على سعره ضريبة مبيعات بس هل الضمان بيبقى مع الوكيل بتاع الماركة والا مع المحل نفسه

الضمان مع الوكيل نفسه مش المحل
و الفاتورة طالما فيها رقم السجل التجاري و رقم البطاقه الضريبية و اسم المحل اللي اشتريت منه و عنوانه تبقي فاتوره ضريبية ولا ايه ؟

[walidzakzok]

الضمان مع الوكيل نفسه مش المحل
و الفاتورة طالما فيها رقم السجل التجاري و رقم البطاقه الضريبية و اسم المحل اللي اشتريت منه و عنوانه تبقي فاتوره ضريبية ولا ايه ؟

لا مش شرط ممكن يبقى فيها البيانات دي وكاتبين على جمب عرض سعر كمان الفواتير لازم يبقى ليها سيريال نمبر على اساس انه بيقدم صورتها للضرايب بس انت عارف احنا فى بلد تيت

[walidzakzok]

الضمان مع الوكيل نفسه مش المحل
و الفاتورة طالما فيها رقم السجل التجاري و رقم البطاقه الضريبية و اسم المحل اللي اشتريت منه و عنوانه تبقي فاتوره ضريبية ولا ايه ؟

وايه اللي يضمن ليك ان الضمان مع الوكيل ما يمكن الجهاز مستورد مش عن طريق الوكيل

[eng.salama93]

مش عارف بقي والله

[A.Saad]

فيه ماركات بتحط label على الكرتونة للمكونات motherboard
ممكن تشوف محل موزع معتمد للماركة اللى عايزها
وطبعا تسال فى التوكيل مين الموزع المعتمد
او تاخد فاتورة ويكتب عليها انها ضمان من التوكيل
ولو طابعة مثلا لو لقيت علامات لشحن عليها يبقى تقلق

[Eng_hatemfathy]

كارفور عامل خصومات رهيبة على الاجهزة وخصوصا اللاب توب والتابلت وطبعا فى خلال 14 يوم لو فى مشكله بترجع لكارفور ولو بعد 14 يوم بترجع على الضمان والتوكيل
الخصومات رهيبة جدا وليا زمايل اشتروا من هناك اعتقد التخفيضات دى كانت عشر ايام ابتداء من الجمعة الماضية

[aminibrahim]

كارفور عامل خصومات رهيبة على الاجهزة وخصوصا اللاب توب والتابلت وطبعا فى خلال 14 يوم لو فى مشكله بترجع لكارفور ولو بعد 14 يوم بترجع على الضمان والتوكيل
الخصومات رهيبة جدا وليا زمايل اشتروا من هناك اعتقد التخفيضات دى كانت عشر ايام ابتداء من الجمعة الماضية

عشان العيد ال11 لكارفور

وكانو عاملين اوتري بتسحب رقم ولوكان هو رقم الترولي اللي معاك ما تدفعش مهما كان المبلغ

ده كان في كارفور الشروق