تجربة اختبار أمانة المصريين

[mazher_m]

اختبر الداعية أحمد الشقيرى، أمانة المصريين بالمقارنة بالسوسريين، من خلال تجربة جديدة؛ حيث وضع صندوقا داخل أحد الأتوبيسات العامة، كتب عليه «ضع الأجرة فى الصندوق الأجرة 1 جنيه»، دون وجود «كومسرى» لجمع الأجرة، وكانت المفاجئة أن نسبة الأمانة لدى المصريين كانت 95%، رغم تشائم الكثيرين وتأكيدهم أن الركاب لن يدفعوا الأجرة بهذا الشكل.
[youtube]http://www.youtube.com/watch?v=1hk4eVo5S6c#t=197[/youtube]

[شادى عبدالمنعم]

طيب الحمد لله عقبال مايهدى الحال فى بلدنا الحبيب

[أبو آسر]

أنا شفت الحلقة دي في رمضان بالفعل ومع احترامي للنتيجة اللي وصلت إليه فكثير من المصريين عندهم تناقض أو سمه نفاق
بمعنى إن ممكن يلاقي جنيه على الأرض يقوم شايله ويحاول يدور على صاحبه أو يحطه في مسجد وما شابه
لكن حطله 100 جنيه وشوف رد فعله هتلاقي أغلبهم إلا من رحم الله حطه في جيبه وحلل لنفسه إنه لقى المبلغ ده ومش هيفكر يدور على صاحبه ولا هيهون عليه يحطه في مسجد
ممكن ناس تزعل من كلامي لكن ده واقع أنا مقتنع بيه عن تجارب سابقة سيئة فخلينا نواجه واقعنا بشجاعة ونبطل تجمل علشان نوصل لعلاج الداء بدل العصبية والمظاهر الكدابة وسيبك من اللي يقولك المصريين دول شعب متدين والكلام ده لأن الواقع الحالي للأسف الشديد يثبت غير ذلك (إلا من رحم الله وعصم)

[Ahmed_Adham]

أنا لسه شايف الفيديو امبارح واذبهليت من النتيجه بس أعتقد ان السبب ان الموضوع جديد والناس لسه مش مطمنه ايه الحوار بس لما يطمنو محدش هيدفع. زي كده موظف مرتشي لما يتنقل مكان جديد هيتغل محترم فتره لحد ما يدرس الجو حواليه وبعدين الشيطان يشتغل والدليل على كده الناس اللي بتزوغ في القطر واللي بتسطح.

[الفجر]

انا فى ثورة يناير وتحديدا يوم جمعة 28 يناير وشفت كارفور المعادى وهو بيتلم بعد انهيار الامن وشفت كلة جايب شنط وعربيات وكارو عشان يحمل كل ما يستطيع حملة وانا كنت واقف مذهول من اللى بيحصل وشفت ناس محملة عواميد غسالات وتلاجات ودش ولابتوبات وكان بواكى الشكولاتات ادامى على الارض مرمية ومكنتش باخد منها حتة حتة واحدة رغم انها كدة كدة هتتلف على الارض من سوء التخزين تقريبا كنت انا الوحيد اللى عملت كدة فى المنطقة !!!

احنا بكل اسف لا نحترم القانون او حقوق الغير اذا غاب الامن والرادع

[RAPID]

المصري بطبعه بيحب يهيص في الهيصة
لقى كله ملتزم بيجيب مقشة وينضف الشارع ويعيش اللحظة
ولو خراب يبقى سلامتك يا دماغى ولا تقولى حضارة ولا متدين بطبعه ههههههه
تركيبة بنت 60 × 70 محدش فاهمها ولا حد هيفهمها !

[miceg]

حظهم جه فخط سير محترم

[أبو آسر]

لتحميل جميع حلقات برنامج خواطر الشقيري 9 الأخير

http://www.nilemotors.net/Nile/380227-9.html

[S O P H O S]

اكيد الشعب لسه عنده حاجات جميلة

[shifo]

كلنا شرفاء الى ان نختبر

[foxhonda2008]

هذا الشعب جنن الامريكان