احسن محافظة فى مصر من وجهة نظرك ؟

[Astro BoY]

اية احسن محافظة من حيث عدد المثقفين والناس المحترمة والشوارع الهادئة نسبيا والعيشة فيها مريحة ؟

[saddam]

صديقي المواطن
أحسن محافظة في مصر هي القاهرة ﻷن فيها كل حاجة بس عيش في أكتوبر أو الشيخ زايد لكن أفضل محافظة في مصر من حيث طيبة أهلها وهدوئهم والتعايش معهم سهل وكثر منهم أمناء هي أسوان أما شرم الشيخ فهي نظيفة لكن بما إنها سياحية فحتورد عليك كل شوية شخصيات فافي كتير شارب مقلب فث نفسه ولا لون له ولا طعم ولا رائحة أما أفضل محافظة في الزراعة الجديدة وخزانات المياه الجوفيه فهي الواحات البحرية أما ألذ أكل ولحمة فتلاقيها في مرسى مطروح وإسكندرية خلاص راحت عليها أسوأ محافظتين في مصر هما الشرقية والمنصورة لتمتعهم بأسوأ شبكة طرق في العالم تخليك تكره نفسك وزحمة على طول ومعادش فيها أرياف للأسف وعندك القليوبية لا تصلح ﻷي حاجة في أي حاجة ومشغق على من يسكن بها وربنا يوسع رزقه ويطلع منها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

وهيا دى فيها كلام .. اسكندريه طبعا

[Hunting_Eagle]

مفيش .. كلهم لا مؤاخذة شمال

:)

بس انا بحب اسكندرية و بحس انها نضيفة شوية

[محمد يوسف]

الاسماعيلية- مطروح

[Ahmed TRAVCO]

البحر الأحمر -وخصوصا الغردقة- هادية ونظيفة وخدماتها والاهتمام بها كويس... تقدر تقول هي احسن الوحشين... انما بشكل عام: ولا محافظة... البلد كلها بقت تقرف (او ربما هي كدة طول عمرها بس الواحد ما بدأش يفهم غير لما كبر)...

[AlGazar2]

مطروح - اسماعيلية

[Ahmed.Essam]

احسن محافظة في مصر هي المحافظة اللي لما تروحها ماتحسش انك غريب او ان اهلها هيتعاملوا معاك انك اقل منهم زي اسكندرية و ( القاهرة احيانا ) او تحس منهم انهم شايفينك لقطة عشان انت غريب فمتحسش بالامان لان ممكن يتنصب عليك في اي حاجة ومواقف شبيهه بكده كتير

[sting_2010]

الاسماعيلية

[starlanos]

كل محافظة فيها الحلو والوحش
انا عن نفسي معرفش اعيش برة السيدة زينب اتولدت واجوزت في نفس الشارع ورغم ان عندنا شقة اكبر في الهرم وكنت هاخد شقة في اكتوبر لكن السيدة حياتي كلها كفاية ان حد من اهلك يمشي في الشارع الناس كلها عرفه تقرب لمين او بنت مين اخري اصيف في محافظة لكن اعيش في محافظة او منطقة تانية لا
الهدوء شرم الغردقة لكن بعشق اسكندرية وراس البر

[Anaslbda]

سوهاج

[mr_vampire]

صديقي المواطن
أحسن محافظة في مصر هي القاهرة ﻷن فيها كل حاجة بس عيش في أكتوبر أو الشيخ زايد لكن أفضل محافظة في مصر من حيث طيبة أهلها وهدوئهم والتعايش معهم سهل وكثر منهم أمناء هي أسوان أما شرم الشيخ فهي نظيفة لكن بما إنها سياحية فحتورد عليك كل شوية شخصيات فافي كتير شارب مقلب فث نفسه ولا لون له ولا طعم ولا رائحة أما أفضل محافظة في الزراعة الجديدة وخزانات المياه الجوفيه فهي الواحات البحرية أما ألذ أكل ولحمة فتلاقيها في مرسى مطروح وإسكندرية خلاص راحت عليها أسوأ محافظتين في مصر هما الشرقية والمنصورة لتمتعهم بأسوأ شبكة طرق في العالم تخليك تكره نفسك وزحمة على طول ومعادش فيها أرياف للأسف وعندك القليوبية لا تصلح ﻷي حاجة في أي حاجة ومشغق على من يسكن بها وربنا يوسع رزقه ويطلع منها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ليه بس كدة يااستاذ صدام ؟؟؟؟ حضرتك بتتكلم عن اي منطقة او مدينة فالقليوبية بالذات ؟؟؟؟؟

[MOSTAFA.EID]

6 اكتوبر وبالذات لما تكون ساكن في كومبوند في الشيخ زايد هتحس انك مش في مصر اصلا وميزه الشيخ زايد انك مش هتحتاج تخرج منا كل الخدمات فيها

[ehabouf]

بورسعيد بدون منازع

[Xander2010_Evo]

أنا من السويس بس أكتر بلد بحس فيها براحة نفسية وتحس إن الناس بتحبك كده هي بورسعيد
أحلي حاجة في بورسعيد إنها صغيرة ونظيفة بنسبة 95% وناس بردو مستواهم قريب مني بس للأسف مش هلاقي فيها شغل زي إللي أنا فيه لأن كل شغلهم تقريبآ معتمد علي التجارة
مروحتش الغردقة ولا مرة بس توقعي إنها بردو مكان هادي وراقي شوية نوعآ ما
القاهرة أو إسكندرية معرفش ليه بحس إنهم بيعاملوا أي واحد من برة المحافظة كإنه كائن دوني لا يستحق إنه حتي يكلمهم -_-