التجهيزات للعمرة

[egyboy]

السلام عليكم

بدات التجهيز للعمرة ان شاء الله ومحتاج مساعدتكم وخبراتكم

اولا موضوع الاكل بيبقى ازاى هناك ونصائحكم ايه فى النقطة دى

ثانيا اخد معايا ايه من هنا وايه اللى هحتاجه هناك ...ملابس ...الخ

ثالثا انا مش عايز اشغل بالى بالتسوق او اجيب هدايا بس هى شىء لابد منه حتى لو حاجات بسيطة

اجيب من فين هدايا واجيب ايه وسعر كويس بحيث اجيب لكذا حد


منتظر الاراء

[Moustafa.yonis]

بص اكيد الناس هتدخل تقولك كل الكلام المفيد
لكن فيه حاجه مهمه جدا ياريت لو تعملها
فيه ناس كتير بتقع منها فلوسها او بتتسرق منها وهي مش واخدة بالها في الزحمة، للاسف فيه ناس مخصوص بتعمل كده
المهم لو انت طالع مع زوجتك يفضل انك تعمل كيس قماش زي الناس بتوع زمان دول او عارف صرة من الدنانير
مدككه من فوق باستك وتتعلق في الرقبة وتبقي تحت الهدوم
دي افضل طريقة واضمن طريقة علشان تحافظ علي فلوسك
قد تبدو مضحكة شوية ولكن عن تجربة دي اامن طريقة

[mesaharaty]

أولا عمرة مقبولة ولا تنسانا من صالح الدعاء
أنا حاكلم حضرتك عن اللى باعمله لما باكون رايح عمرة وخد منه ما يتناسب مع طبيعتك وظروفك واترك منه ما لا يتناسب :
موضوع الأكل :
أنا باخد شوية معلبات (للفطار) مش كتير (تونة - فول -جبنة ..) بحيث تكفينى أول يومين تلاتة وده علشان الشيلة ماتبقاش كبيرة وكمان علشان فى الأراضى المقدسة موجود كل أنواع الأكل (فول - طعمية - بطاطس - مربى - بيض أى حاجة تتخيلها)والبقالة والأطعمة الساخنة ... إلخ .
إذا كان نفسك تتغدى مثلا وجبة ساخنة عندك تنويعات كتيرة من الفراخ والأرز وكنتاكى والبيك و..... يعنى ماتقلقش خااااالص ، وفيه لحوم وغيره .
إيه اللى حتاخده معاك :
أنا دايما متعود آخد معايا الأتى :
فوطة وجه - جلاليب تكفى لأيام السفر - غيارات داخلية - شبشب حمام وشبشب خروج - معجون أسنان وفرشاة - صابونة - مسحوق غسيل - بعض أطباق الفوم + كوب وملعقة وسكينة صغيرة وفتاحة مثلا - ماكينة حلاقة (وفى هذا الصدد أنصح حضرتك بالتأكد من أن موس الحلاقة اللى حتحلق بيه بعد إنتهاء عمرتك سيكون موس خاص بك من النوع اللى بيستعمل مرة واحدة ويترمى وده حتلاقيه عند كل الحلاقين ولا تقلق ) - بعض الكريمات للتسلخات وتشقق القدمين - قلم ونوتبوك صغير - التليفون المحمول والشاحن الخاص به (فى هذا الصدد أنصح حضرتك بشراء خط محمول عندما تصل بالسلامة وهو بيبقى تقريبا بـ 40 ريال ومشحون 40 ريال برضه على ما أعتقد ولما يخلصوا اشحن تانى بفئة العشرة أو ما يناسبك وكله زى بعضه) - جوربين أو 3 قطن تلبس منهم عند الذهاب للصلاة علشان حماية القدمين - وطبعا ماتنساش لبس الإحرام لو حضرتك رايح المدينة الأول ولو رايح على مكة الأول أنصح بلبس الإحرام من المنزل حيث أحيانا يصعب تغيير اللبس فى المطار - بالنسبة للفلوس ممكن تغير من مصر وممكن من السعودية والأمر ميسر جدا - لا تنسى الأدوية إذا كنت حضرتك بتتناول أى أدوية خد منها ما يكفيك ويزيد تحسبا لأى ظروف وأنصح بوضع الأدوية فى شنطتك الهاندباج اللى بتطلع بيها الطيارة علشان تكون جنب ايدك مباشرة ولا تفقدها فى حالة لا قدر الله تعطل وصول الأغراض أو فقدت - ديتول سبراى للحمام مطهر وله رائحة عطرة وحماية من العدوى - مشروباتك المفضلة مثل الشاى والنسكافيه وسكر ... إلخ وده على الرغم من توفر الحاجات دى بس حتلاقيها غالية شوية فأنا أفضل تاخدها معاك وكلها خفيفة .
بالنسبة للهدايا
توجد هدايا رخيصة وأخرى غالية
بالنسبة للرخيصة زى السبح والطواقى والمسواك والعطور أشكال وألوان وأيضا فيه بعض الملابس سعرها معقول وسجاجيد الصلاة كل ده سعره معقول ومش غالى .
حضرتك حتلاقى عربيات بتنادى على المولات ودى بتاخدك مجانا إلى المول وبعد ما تخلص شراء حضرتك بترجع معاهم أو مع أى عربية تانية برضه مجانا إلى الحرم وهكذا .ويفضل الشراء من المولات البعيدة عن الحرم لأن هتلاقى فيها تنويعات وأسعار أحسن (المولات دى كتير وحتسمع أسامى كتييييييييييير) .
ونتمنى لك عمرة مقبولة بإذن الله

[egyboy]

بص اكيد الناس هتدخل تقولك كل الكلام المفيد
لكن فيه حاجه مهمه جدا ياريت لو تعملها
فيه ناس كتير بتقع منها فلوسها او بتتسرق منها وهي مش واخدة بالها في الزحمة، للاسف فيه ناس مخصوص بتعمل كده
المهم لو انت طالع مع زوجتك يفضل انك تعمل كيس قماش زي الناس بتوع زمان دول او عارف صرة من الدنانير
مدككه من فوق باستك وتتعلق في الرقبة وتبقي تحت الهدوم
دي افضل طريقة واضمن طريقة علشان تحافظ علي فلوسك
قد تبدو مضحكة شوية ولكن عن تجربة دي اامن طريقة

جزاك الله خيرا على النصيحة
ربنا يكرمك يارب :)

أولا عمرة مقبولة ولا تنسانا من صالح الدعاء
أنا حاكلم حضرتك عن اللى باعمله لما باكون رايح عمرة وخد منه ما يتناسب مع طبيعتك وظروفك واترك منه ما لا يتناسب :
موضوع الأكل :
أنا باخد شوية معلبات (للفطار) مش كتير (تونة - فول -جبنة ..) بحيث تكفينى أول يومين تلاتة وده علشان الشيلة ماتبقاش كبيرة وكمان علشان فى الأراضى المقدسة موجود كل أنواع الأكل (فول - طعمية - بطاطس - مربى - بيض أى حاجة تتخيلها)والبقالة والأطعمة الساخنة ... إلخ .
إذا كان نفسك تتغدى مثلا وجبة ساخنة عندك تنويعات كتيرة من الفراخ والأرز وكنتاكى والبيك و..... يعنى ماتقلقش خااااالص ، وفيه لحوم وغيره .
إيه اللى حتاخده معاك :
أنا دايما متعود آخد معايا الأتى :
فوطة وجه - جلاليب تكفى لأيام السفر - غيارات داخلية - شبشب حمام وشبشب خروج - معجون أسنان وفرشاة - صابونة - مسحوق غسيل - بعض أطباق الفوم + كوب وملعقة وسكينة صغيرة وفتاحة مثلا - ماكينة حلاقة (وفى هذا الصدد أنصح حضرتك بالتأكد من أن موس الحلاقة اللى حتحلق بيه بعد إنتهاء عمرتك سيكون موس خاص بك من النوع اللى بيستعمل مرة واحدة ويترمى وده حتلاقيه عند كل الحلاقين ولا تقلق ) - بعض الكريمات للتسلخات وتشقق القدمين - قلم ونوتبوك صغير - التليفون المحمول والشاحن الخاص به (فى هذا الصدد أنصح حضرتك بشراء خط محمول عندما تصل بالسلامة وهو بيبقى تقريبا بـ 40 ريال ومشحون 40 ريال برضه على ما أعتقد ولما يخلصوا اشحن تانى بفئة العشرة أو ما يناسبك وكله زى بعضه) - جوربين أو 3 قطن تلبس منهم عند الذهاب للصلاة علشان حماية القدمين - وطبعا ماتنساش لبس الإحرام لو حضرتك رايح المدينة الأول ولو رايح على مكة الأول أنصح بلبس الإحرام من المنزل حيث أحيانا يصعب تغيير اللبس فى المطار - بالنسبة للفلوس ممكن تغير من مصر وممكن من السعودية والأمر ميسر جدا - لا تنسى الأدوية إذا كنت حضرتك بتتناول أى أدوية خد منها ما يكفيك ويزيد تحسبا لأى ظروف وأنصح بوضع الأدوية فى شنطتك الهاندباج اللى بتطلع بيها الطيارة علشان تكون جنب ايدك مباشرة ولا تفقدها فى حالة لا قدر الله تعطل وصول الأغراض أو فقدت - ديتول سبراى للحمام مطهر وله رائحة عطرة وحماية من العدوى - مشروباتك المفضلة مثل الشاى والنسكافيه وسكر ... إلخ وده على الرغم من توفر الحاجات دى بس حتلاقيها غالية شوية فأنا أفضل تاخدها معاك وكلها خفيفة .
بالنسبة للهدايا
توجد هدايا رخيصة وأخرى غالية
بالنسبة للرخيصة زى السبح والطواقى والمسواك والعطور أشكال وألوان وأيضا فيه بعض الملابس سعرها معقول وسجاجيد الصلاة كل ده سعره معقول ومش غالى .
حضرتك حتلاقى عربيات بتنادى على المولات ودى بتاخدك مجانا إلى المول وبعد ما تخلص شراء حضرتك بترجع معاهم أو مع أى عربية تانية برضه مجانا إلى الحرم وهكذا .ويفضل الشراء من المولات البعيدة عن الحرم لأن هتلاقى فيها تنويعات وأسعار أحسن (المولات دى كتير وحتسمع أسامى كتييييييييييير) .
ونتمنى لك عمرة مقبولة بإذن الله

ربنا يجازيك خير ان شاء الله
مشاركة قيمة جدااااا
بس انا كنت محتاج هدايا عينية تانية غير التقليدية ( غير سبح وطواقى والذى منه )
انا هراجع نصائحك كلها وان شاء الله تتنفذ

بس هو انا اخد معايا ماكينة حلاقة تقصد ولا ايه ؟؟
ولا اخد موس ؟؟ علشان حلاقة الشعر الزيرو

بارك الله فيك

[elhelwany188]

السلام عليكم ورحمة الله وبركاته ...
لقد قال الاخ mesaharaty بما فيه الكفاية ...
بس هاضيف اضافات بسيطة اولا بالنسبة للهدايا انا بجيبها من حارة اليهود من العتبة كل اللى هتجيبه من هناك سواء مصليات او سبح او خمارات موجودة وتقريبا نفس السعر بس هتفرق معاك فى الشيل والوزن فى الطائرة ...
اغلى حاجة هناك التونة والجبنة البيضاء فخد معاك على قد اكلك فى مدة السفر فطار وعشاء بالنسبة للغداء سعر كويس هناك ...
اما بالنسبة لنصيحة الاخ </B>fahdebnyonis كنت بلبس تحت الجلباب سروال باثنين جيب والجيب بسوستة كنت بحط الفلوس المصرى او السعودى فيهم ...
وتروح وتيجى بالف سلامة وتبقى عمرة مقبولة ان شاء الله ولا تنسانا بالدعاء ...

[egyboy]

جزاك الله خيرا

بس انا محتاج هدايا تانية غير موضوع السبح والسجاجيد وكده

عايز افكار تانية

وربنا يكرمك يارب

[Moustafa.yonis]

اما بالنسبة لنصيحة الاخ </b>fahdebnyonis كنت بلبس تحت الجلباب سروال باثنين جيب والجيب بسوستة كنت بحط الفلوس المصرى او السعودى فيهم ...
وتروح وتيجى بالف سلامة وتبقى عمرة مقبولة ان شاء الله ولا تنسانا بالدعاء ...

طيب يا اخي بتعمل ايه وانت لابس ملابس الاحرام، لا جلابية ولا سروال ليه جيب بسوسته

[abouzaid555]

ربنا يبارك لك فى عمرتك ولا تنسانا بخالص الدعاء

[AhMeD MeTwAlY]

عمره مقبوله ان شاء الله
انا بروح الحرم كل جمعه بس مش منتظم بس ان شاء الله الجمعه الجايه في الحرم ومعروف ان الجمعه من اكتر الايام زحمه في الحرم وخصوصا ان بكون ساعة الصلاه ومعايا محفظتي وموبيلي وحجتي بالكامل ولي عامل جيوب ولي حاجه بحطهم في الحزام وبخلص اركب عربيتي وامشي
هات حزام الاحرام مش غالي هنا بحوالي 10 ريال
ولو عايز تعمل عمره في هدوء وجو الحرم منعش اعملها في الليل جو الحرم بيكون تحفه انا جربتها مره واحده ونفسي اعملها تاني بس عشان شفلي الحالي مبعرفش اروح بليل
بالنسبه للاكل معتقدش انه ممكن يكون مضلع لان هنا كل حاجه موجوده بتخش ماركت كبير بتجيب كل حاجه فيها العيش والخضروات والجبن وكل شئ وممكن تلاقي قسم للحوم فيها وكل شئ متقلقش يعني
بس انت اعمل حسابك في ريالات وانت جي عشان تنجز نفسك هنا
بالنسبه للموبيل هتجيب شريحه وهتتكلم منها الدقيقه بحوالي 55 هله
الملابس علي حسب الفتره الي هتقعدها ولو هتخرج تتفسح في البلد شوية
الهدايه هتها من مصر ولو هتجبها من هنا المحلات جمب الحرم فيها كل حاجه من الابره للصاروخ بس انا مجربتش اشتري منهم
ولو هتشتري ملابس وكدا روح المولات هتلاقي حجات كويسه جدا واسعار محترمه بردو
وشوف حضرتك هتسافر امته وان شاء الله لو في حاجه اقدر اساعدك
انا موجود في جيزان عندي مشروع هناك وبنزل جده كل ويك اند

[Moustafa.yonis]

فيه معلومة ظريفة بس مش عارف هل هي لسه موجوده لحد دلوقتي ولا لئه

في مولات في المدينة هي اللي بتحاسب علي التاكسي اللي بتاخده من اي مكان

[abouzaid555]

ياريت لو حد يقول لنا طبيعة الجو هناك ايه اليومين دول و اللبس يكون خفيف ولا تقيل عشان الواحد يعمل حسابه علشان انا ان شاء الله مسافر يوم 23 يناير

[أحمد كمال]

طيب يا اخي بتعمل ايه وانت لابس ملابس الاحرام، لا جلابية ولا سروال ليه جيب بسوسته

شنطة وسط

[mk3]

حجز

[mesaharaty]

الجو اليومين دول فى مكة ممكن يكون مائل للحرارة يعنى انا كنت السنة اللى قبل اللى فاتت فى شهر يناير وكنت باقعد فى مكة فى الفندق بهدومى الخفيفة اما المدينة المنورة فكانت معتدلة وجوها جميل وإن كانت ممكن تسقع شوية او تمطر لكن بوجه عام حلوة .

بالنسبة للمعلومة بتاعت الموس
انا اقصد إن الحلاق حاليا بيفتح لك موس خاص بك عند الحلاقة ويتم التخلص منه بعدها ولذلك يجب عليك التأكد من ان الموس مغلف ولم يستعمل من قبل .
فكرة شرا الهدايا من حارة اليهود حلوة وعملية جدا .

[egyboy]

جزاكم الله خيرا جميعا ياشباب
ربنا يكرمكم ويوفقكم وان شاء الله هدعيلكم كلكم بظهر الغيب ربنا يوفقك كل من كتب او شارك فى موضوعى وافادنى

اكرمكم الله