مشكلة في السقف واتمني النصيحة

[Moustafa.yonis]

السلام عليكم شباب المنتدي الكرام

كان عند جاري اللي فوق مشكلة في السباكة ربنا يسامحه صاحب الشقة ساب لغي صرف الحوض وعمل صرف خارجي بس العبقري ساب ماسورة الصرف مفتوحة واللي هي متصلة بماسورة البانيو
فجزء من ماية الصرف بتسرح في الحوائط والسقف عندي...عزل الحمام كويس فظهرت المشكلة في سقف اوضة النوم بقع ماية وجزء من المصيص بيقع
بعد فترة وشوية محاولات عرفنا سبب المشكلة ووقفت الماية

الوضع دلوقتي عبارة عن بطش كده وبقع مقشرة من المصيص، ولكن اجزاء كبيرة من المصيص سلمية مفيهاش حاجه
فيه بس بقعة كبيرة نصف قطرها نص متر والباقي حاجات صغيرة
هل فيه طريقة اني اعالج بيها السقف من غير ما اوقع السقف كله
الشقة ايجار جديد وانا مش عايز اشيل تكلفه انا مكنتش السبب فيها
هل فيه حاجه عند الناس بتوع الدهانات اقدر الزقها علي البقع دي علشان الشكل الجمالي

وجزاكم الله خيرا

[HeMa_LanCeR]

هات شيكارة معجونة جبسية ماركة (الممتاز)
ومعجن بيها مكان اللي وقع وخلاص كده :)

[A.Saad]

استنى لما الرطوبة تنشف

[mr_green]

إصبــــــــــر لبعد الصيف لما تنشف تماما غير كده هاتبقع تانى

[Moustafa.yonis]

هات شيكارة معجونة جبسية ماركة (الممتاز)
ومعجن بيها مكان اللي وقع وخلاص كده :)

معلش دي بتيجي جاهزة مثلا ولا انا بمعجنها في البيت

وهل هينفع اعملها انا ولا اجيب حد يعملها وهل هحتاج حاجه تانية

ملاقيش عند بتوع الدهانات حاجات لونها ابيض الزقها علي السقف وخلاص ولا مش هينفع

[محمد يوسف]

أهم حاجة مصدر المية يتمنع ..بعد كده هات النقاش يكحت الكام حتة المبقعين بسكينة المعجون ويمعجن على قدهم ويدهنلك السقف مكانهم سينيتون أبيض (مش بلاستيك)..شغلانة يوم وخلاص

[HeMa_LanCeR]

المعجونة دي عند الموان
الشيكارة في حدود 25
تبقي عاملة زي الجبس شوية مياه وتبقي زي المعجون
ومعجن بيها المكان اللي وقع وخلاص كده
هتديلك لون ابيض زي البلاستيك المط كده

[hugan]

بس الممتاز هايبقع لو لسه في رطوبه في السقف
الممتاز حل سريع لو هاتسيب الشقه بعد اسبوع
اي سقف او حائط فيه رطوبه اي دهان هايقع
الحل الوحيد تكسير المحاره او المصيص واستبدالها بجديد
في حالتك استني لما السقف ينشف نهائي
االافضل في الصيف
سكينه ممتاز \ووش تشطيب
وخلاص

[Ahmed_Adham]

لو مستعجل جيب حد يحرق السقف بمكوه لحام وبعدين اديه وش مصيص تاني هيرجع جديد بس المفروض طالما ايجار يبقى المالك يتحمل المصاريف دي طالما مش انت السبب في الضرر.