اركب المواسير ولا لاء

[khaled_sabry]

الموضوع فعلا ان لو جهه ساكن فى بيتنا و حب يركب المواسير
ساعتها انا حقوله ايه - كده كده واجهة البيت عندنا 10 متر مع المدخل يعنى تشيل عربيتين
و فيه عربيه راكنه و قديمه و باظت و مابقتشى تتحرك يعنى يادوب فاضل مكان واحد بس
المكان ده بقى لو حد من السكان جه و عمل مواسير ساعتها انا حقوله ايه !!!
هل حقبل ؟؟ ده حتى حيبقى شكلى وحش و انا اللى صاحب البيت و خليت حد تانى يعمل مواسير و يحجز المكان
و انا بتسوح يوميا علشان اركن
و لو رفضت حنزل اقوله ايه ؟ اقوله شيل مواسيرك علشان انا عاوز اركن هنا ؟؟

بالاضافه الى ان الشارع بتاعنا بيشيل عربيه واحده مستريح و ماينفعشى عربيتين يدخلو عكس بعض لو كانت العربيات راكنه على الجنبين - يعنى المواسير مش حتعيق المرور الا لو كان احدى الرصيف بتاع عمارتنا خالى تماما من العربيات من اول الشارع لأخره (و ده مستحيل حدوثه لأن زى ماقلت فيه اكتر من عربيه مركونه بشكل دائم )
هو اللى مخليني متردد بس انى اول واحد حعملها فى الجزء اللى احنا فيه من الشارع - لكن امتداد الشارع معموله فيه و اكتر من واحد من جيرانى اصلا قالى اعملها من زمان و انا اللى كنت برفض حفاظا على شكل الشارع

[محمد يوسف]

أنا شخصيا باكره المنظر ده جدا وبادعى من قلبى على كل واحد بيعمله لأنه أذى للناس وباعتبره نوع من البلطجة والفتونة... انت حضرتك ممكن توصى البواب يمنع حد يركن غيرك قدام بيتك لكن دق المواسير ده تصرف غير حضارى ...ومتهيألى (مش متأكد ) فيه فتوى ضده

[khaled_sabry]

أنا شخصيا باكره المنظر ده جدا وبادعى من قلبى على كل واحد بيعمله لأنه أذى للناس وباعتبره نوع من البلطجة والفتونة... انت حضرتك ممكن توصى البواب يمنع حد يركن غيرك قدام بيتك لكن دق المواسير ده تصرف غير حضارى ...ومتهيألى (مش متأكد ) فيه فتوى ضده

اولا ماعنديش بواب
ثانيا ان حتى لو كان عندنا بواب فبصراحه حتبقى استفذاذ اكتر و حتبقى خناقات للصبح انك تلاقى المكان فاضى و ماتقدرشى تركن فيه ده غير انه صعب يقعد يوميا من الساعه 7 الصبح لغايه 6 المغرب لما ارجع علشان مايخليش حد يركن
و بالنسبه لموضوع الفتوى فانا مش بعمل حاجه فى ملك غيرى - انا صاحب البيت اساسا و عاوز اركن تحت بيتي
و المساحه اللى حتتاخد من الشارع بيتاخد اكتر منها لما عربيه بتركن فى المساحه دى - و كده كده فيه عربيات بتركن و من بدرى لأن الشارع حيوى
يعنى لو انا ماحجزتش المكان حيتاخد برضه مش حيتساب فاضى

[w-m-a]

بص يا سيدى هو فى حركه تانيه بتريح شويه بس بتعتمد على ادب الناس عندك فى الشارع
تجيب 3 بستلات بويه او بالونات موتور المياه
وتملاهم اسمنت وزلط وترشق فيهم ماسورة
وممكن تربطهم بسلسله
وفى الحاله دى انت حاجز المكان لكن لم تقطع الطريق او تؤذى احد
لو فى طوارئ وحد محتاج يركن او يعدى عربيه هيتاخرهم على جنب
بس هذا يعتمد على ادب وذوق الناس فى الشارع

[khaled_sabry]

بص يا سيدى هو فى حركه تانيه بتريح شويه بس بتعتمد على ادب الناس عندك فى الشارع
تجيب 3 بستلات بويه او بالونات موتور المياه
وتملاهم اسمنت وزلط وترشق فيهم ماسورة
وممكن تربطهم بسلسله
وفى الحاله دى انت حاجز المكان لكن لم تقطع الطريق او تؤذى احد
لو فى طوارئ وحد محتاج يركن او يعدى عربيه هيتاخرهم على جنب
بس هذا يعتمد على ادب وذوق الناس فى الشارع

اشكرك على الفكره دى
و هى مطبقه برضه فى شارعنا من قبل بعض الجيران - بس االكلام ده لما بيخرجو ساعه او اتنين و يرجعو على طول
لكن ماتنفعنيش للاسف لأنى بنزل من الساعه 7 الصبح و برجع على الساعه 6 او 7 المغرب
ده غير ان لو حد اتزنق مثلا من العربيات الماره فبتلاقيه بيزق الحاجز و مش بيرجعه تانى مكانه
و بعد كده بيجي احد الجيران اللى مش بيبقى واخد باله اصلا من الحجر و بيركن عادى

على فكره انا لغايه الناهرده راكن العربيه تحت البيت بقالى اسبوع بسبب القصه دى
و يتهيألى ركنى لها بشكل مستديم بيعيق المرور اكتر من لو كنت حاجز المكان بمواسير

و علشان مايبقاش فيه سوء فهم انا ناوى اعمل مواسير على بعد متر مثلا من الرصيف بحيث امنع الركن (لأن فيه ناس تانيه بيعملوها على بعد 2.5 متر علشان العربيه تدخل و يقفل وراها )

[أبو آسر]

اشكرك على الفكره دى
و هى مطبقه برضه فى شارعنا من قبل بعض الجيران - بس االكلام ده لما بيخرجو ساعه او اتنين و يرجعو على طول
لكن ماتنفعنيش للاسف لأنى بنزل من الساعه 7 الصبح و برجع على الساعه 6 او 7 المغرب
ده غير ان لو حد اتزنق مثلا من العربيات الماره فبتلاقيه بيزق الحاجز و مش بيرجعه تانى مكانه
و بعد كده بيجي احد الجيران اللى مش بيبقى واخد باله اصلا من الحجر و بيركن عادى

على فكره انا لغايه الناهرده راكن العربيه تحت البيت بقالى اسبوع بسبب القصه دى
و يتهيألى ركنى لها بشكل مستديم بيعيق المرور اكتر من لو كنت حاجز المكان بمواسير

و علشان مايبقاش فيه سوء فهم انا ناوى اعمل مواسير على بعد متر مثلا من الرصيف بحيث امنع الركن (لأن فيه ناس تانيه بيعملوها على بعد 2.5 متر علشان العربيه تدخل و يقفل وراها )

بالضبط كده
اللي بيعمل المواسير بعد أبعاد العربية ده إنسان مؤذي خاصة لو الشارع مش واسع والعربيات بتعدي فيه مستريح وده غبي برده في نفس الوقت لأنه لو عامل كده علشان العربية متتسرقش فده دليل على غبائه لأن السلسلة اللي هيحطها دي مش هتعيق الحرامي إنه يرجع بعربيته ويكسر السلسلة والعربية معاها !!
انت اعمل السلسلة زي ما قلت على بعد أقل من طول العربية بشوية يعني ممكن لحد نص الشنطة مثلا أو آخرها من جوة وبكده يبقى انت في عدم وجود العربية مش مضايق حد بالسلسلة ومش بتعيق حركة المرور بالعكس ده كده أحسن من وجود عربيتك أساسا
لكن خللي بالك لو عملت السلسلة قريبة أوي هتلاقي واحد أذكى إخواته جه ركن ورا السلسلة ووقف الطريق تماما !! فخلي أبعاد السلسلة زي ما قلتلك منعا لذكاء الأذكياء اللي مفيش أكتر منهم اليومين دول

[alrabeh]

http://www.nilemotors.net/Nile/341156-a.html

[khaled_sabry]

انت اعمل السلسلة زي ما قلت على بعد أقل من طول العربية بشوية يعني ممكن لحد نص الشنطة مثلا أو آخرها من جوة وبكده يبقى انت في عدم وجود العربية مش مضايق حد بالسلسلة ومش بتعيق حركة المرور بالعكس ده كده أحسن من وجود عربيتك أساسا
لكن خللي بالك لو عملت السلسلة قريبة أوي هتلاقي واحد أذكى إخواته جه ركن ورا السلسلة ووقف الطريق تماما !!

الحمد لله عندنا 2 او 3 من النوعيه دى
و منهم واحد كنت راكن عربيتي فى الشارع و الناحيه المقابله كانت عمارة بتتوضب و حاجزه المكان تحتها بطوب علشان كانت فيه نقلة رمل جايه تانى يوم

جه واحد منهم ركن جنب الطوب ده و ديق الشارع - المشكله بقى لما جهه اوتوبيس فحك الجانب عندى و كسرلى المرايه اليمين

و احيانا كانو بيركنو يسدو مدخل البيت تماما لمجرد انه يبقى موسطن نفسه فى الفراغ الركنه اللى جنب بوابه البيت (اللى انا عاوز اخده)

http://www.nilemotors.net/nile/341156-a.html

قرأت موضوعك الجميل و قرأت كل التعليقات
بس يتهيألى ان الحديث الشريف بيتكلم عن لو انا اغتصبت قطعه من الارض بدون وجهه حق او بمنع الركن فى المنطقه دى غتاته كده
لكن هنا احنا بنتكلم عن ركنه عربيه - فى جميع الاحوال عربيتي حتركن فى مكان ابعاده 2*4 متر
موضوع المواسير ده فقط حيضمنلى ان المساحه دى حتبقى قدام بيتي بدل مايبقى قدام بيت حد تانى
طيب انا سايب العربيه بقالى اسبوع و مش ناوى احركها غير بعد 25 يناير (علشان لو حصل قلق تبقى قدام عيني) يعنى العربيه مش حتتحرك لمده اسبوعين - هل كده ابقى مغتصب المساحه دى بدون وجهه حق؟؟؟؟

و بالمناسبه المسجد نفسه اللى فى اول شارعنا حاطط ماسورتين امام بوابته - رغم انى مش شايفله داعى و حتى لو حد ركن قدام بوابه المسجد فده مش حيعيق الدخول و الخروج منه لأن فيه رصيف

[Abo Yasso]

طب السؤال بقى
لو كل واحد جط ماسوره تحت بيته (دلوقتى الشارع كله مواسير ) لو جالك ضيوف يركنه فين ؟؟؟
بلاش
انت لو رحت عند حد هتركن فين بعيييييييييييييييييد والعربيه هتتسرق وتتاخد منها الكاسيت تانى

[khaled_sabry]

طب السؤال بقى
لو كل واحد جط ماسوره تحت بيته (دلوقتى الشارع كله مواسير ) لو جالك ضيوف يركنه فين ؟؟؟
بلاش
انت لو رحت عند حد هتركن فين بعيييييييييييييييييد والعربيه هتتسرق وتتاخد منها الكاسيت تانى

انا كده كده بركن بعيييييييييييد من غير مواسير

موضوع الضيوف بتبقى زياره يعنى لمده ساعتين او 3 و مش فارقه - انا شخصيا لما بروح زياره و مالقيش مكان مش بدايق ما انا كده كده حمشى بعد شويه و مش فارقه
المشكله بتبقى فى العربيات اللى حتبيت هى دى اللى بيبقى فيها خطوره من ناحيه السرقه و خلافه

بص كده كده فيه عربيات حتركن بعييييييد فى الشوارع الضلمه
يعنى لو كان الشارع بياخد 50 عربيه حتلاقى فعليا 70 عربيه يملكها سكان الشارع ففيه 20 عربيه حتركن فى الشوارع الجانبيه
فالموضوع عندنا اتحول لسباق مين اللى يقدر يروح الاول علشان ياخد المكان فى الشارع
لكن انا عندى ميزه انى الوحيد اللى صاحب عربيه "سليمه" فى البيت بتاعى -(بقول سليمه علشان فيه ناس جيرانا فى نفس العماره راكنين عربيتهم القديمه بقالها سنتين و باظت من كتر الركنه و الاربع كاوتشات على الارض - الناس دول راكنينها قدام العماره يعنى برضه يعتبر جزء من الواجهه قدام البيت متاخد على الفاضى )
يعنى انا اللى صاحب البيت ماقدرشى اركن عربيتي قدامه؟


و بعد كده بفرض ان كان فى البيت جراج (زى ما احد الاعضاء اقترح) كنت برضه ححط مواسير علشان اقدر ادخل و اخرج (و اظن فى الحاله دى ماحدش يلومنى) فمدام كده كده ححط مواسير فإيه اللى يمنع

[Abo Yasso]

انا كده كده بركن بعيييييييييييد من غير مواسير

موضوع الضيوف بتبقى زياره يعنى لمده ساعتين او 3 و مش فارقه - انا شخصيا لما بروح زياره و مالقيش مكان مش بدايق ما انا كده كده حمشى بعد شويه و مش فارقه
المشكله بتبقى فى العربيات اللى حتبيت هى دى اللى بيبقى فيها خطوره من ناحيه السرقه و خلافه

بص كده كده فيه عربيات حتركن بعييييييد فى الشوارع الضلمه
يعنى لو كان الشارع بياخد 50 عربيه حتلاقى فعليا 70 عربيه يملكها سكان الشارع ففيه 20 عربيه حتركن فى الشوارع الجانبيه
فالموضوع عندنا اتحول لسباق مين اللى يقدر يروح الاول علشان ياخد المكان فى الشارع
لكن انا عندى ميزه انى الوحيد اللى صاحب عربيه "سليمه" فى البيت بتاعى -(بقول سليمه علشان فيه ناس جيرانا فى نفس العماره راكنين عربيتهم القديمه بقالها سنتين و باظت من كتر الركنه و الاربع كاوتشات على الارض - الناس دول راكنينها قدام العماره يعنى برضه يعتبر جزء من الواجهه قدام البيت متاخد على الفاضى )
يعنى انا اللى صاحب البيت ماقدرشى اركن عربيتي قدامه؟


و بعد كده بفرض ان كان فى البيت جراج (زى ما احد الاعضاء اقترح) كنت برضه ححط مواسير علشان اقدر ادخل و اخرج (و اظن فى الحاله دى ماحدش يلومنى) فمدام كده كده ححط مواسير فإيه اللى يمنع

تعالى ندردش مع بعض مع انك واخد القرار انك عاوز تحط ماسوره
انا عارف ان البيت بتاعك وملكك بس الشارع مش بتاعك ومش من ملكيتك الخاصه حتى الرصيف اللى قدام العماره مش بتاعك ده منفعه عامه
خلى بالك ان الطريق له حق
سيبك من فكره ان مفيش قانون دلوقتى واخد حقى بدراعى والكلام ده كله
احنا بندردش عشان انت بتقول مش عاوز تسن سنه سيئه فى الشارع مع العلم انك بكره ممكن تلاقى حد تانى حط ماسوره مش قصدى قدام العماره عندك انا بقصد فى اى حته ساعتها متقولش شوفت انا كنت هعمل كده
ملكش دعوى بيه خالص كل واحد يوم القيامه بيشيل شلته لوحده
اوعى تفتكرنى شيخ ولا حاجه ............ياريت
مش لازم تحط ماسوره قدام مدخل الجراج يافطه تكفى جدا
وخليك فاكر
مش معنى ان كل اللى حواليك غلط لازم انك تكون انت كمان غلط ,,,,,,,,,,,,عشان تبقى صح
لو عاوز تعمل كده اعمل
بس خليك مقتنع وانت بتعمل ده انه غلط مش صح ..................... متحولش تحللها لنفسك

[khaled_sabry]

بص يافندم اولا انا وقت ماعملت الموضوع ده كنت متردد - بس بصراحه الردود اللى هنا هى اللى اقنعتنى بالموضوع
لأن كل اللى ضد الفكره بيتكلم على اساس انى حعيق المرور
مين قال انى حعيق المرور ؟؟؟
زى ماقولت قبل كده العربيه لما بتبقى مركونه بتاخد مساحه 2*4 متر - لو انا عملت موضوع المواسير حبقى مقتطع من الشارع مساحه 1*4 متر اثناء فتره غيابى
الموضوع ده حيبقى رخم لو المكان حيفضل فاضى و انا بره
لكن اللى بيحصل ان حتلاقى اكتر من عربيه حتاخد المكان و بالتالى اقتطعت المساحه 2*4 متر تانى - يبقى ساعتها وجود المواسير كان افضل للشارع و للسيوله المروريه
و زى ماقولتلك انا دلوقتى حالا سايب عربيتي تحت البيت و مقتطع 2*4 متر بركنتها - ده افضل و لا انى اقتطع 1*4 متر ؟؟
و فى الحالتين انا مش حعيق المرور لأن الشارع عرضه 10 متر

طيب ايه رأيك بقى انى سألت واحد زميلى "متدين" قالى حتبقى حرام لو حتعيق المرور او حتسبب فى ضرر لاحد الجيران - لكن فى حالتك (بما انى الوحيد اللى معاه عربيه فى البيت ) فالضرر بيقع عليك انتا لأن كده حيبقى قصاد بيتك عربيات غريبه و الحركه دى بتحافظ على حرمة البيت

[Elawany13]

[img3]http://img843.imageshack.us/img843/909/qpaw.jpg[/img3]

أنا عارف انك معذور وبتحاول تدور على حل لمشكلتك
بس متصدرش مشكلتلك لغيرك
وتسيئ زى باقى الناس وتحاول تحللها لنفسك
وترضى ضميرك

المواسير والطوب والكاوتش وماشابه كلها أذيه لخلق الله
وياما عربياتنا اتحكت واتخبطت من القرف اللى فى الشوارع
وحسبنا الله ونعم الوكيل
وزى ما قولتلك مش حكاية ركنه وبس
شوارعنا ضيقة ولما بتدخل شارع ويقابلك عربية مقابله
بنفضل نتزنق فى اى حته فاضية علشان نعدى بعض
ما بالك الحتت الفاضية فيها كمان مواسير وحجارة !!!
بلاش دى
تاكسى عايز ينزل زبون معاه والشارع كله عربيات والمكان الفاضى فيه مواسير
البيه هيقف فى وسط الشارع زى ما بيحصل وينزل الزبون
وخلاص هوه ده العادى دلوقتى
ويتحرق اللى ماشى وراه

[khaled_sabry]

المواسير والطوب والكاوتش وماشابه كلها أذيه لخلق الله
وياما عربياتنا اتحكت واتخبطت من القرف اللى فى الشوارع
وحسبنا الله ونعم الوكيل
وزى ما قولتلك مش حكاية ركنه وبس
شوارعنا ضيقة ولما بتدخل شارع ويقابلك عربية مقابله
بنفضل نتزنق فى اى حته فاضية علشان نعدى بعض
ما بالك الحتت الفاضية فيها كمان مواسير وحجارة !!!
بلاش دى
تاكسى عايز ينزل زبون معاه والشارع كله عربيات والمكان الفاضى فيه مواسير
البيه هيقف فى وسط الشارع زى ما بيحصل وينزل الزبون
وخلاص هوه ده العادى دلوقتى
ويتحرق اللى ماشى وراه

ماشى يافندم حضرتك قولتلى نقطتين سلبيتين
1- انى حديق على اللى عاوز يعدى عربيه فى المقابل
2- اخلاء مكان لتنزيل زبون من تاكسى مثلا

الاجابه على النقطتين انى لما بمشى بعدها بساعه او ساعتين حتلاقى المكان اتاخد و بالتالى الجزئيتين تم ضحدهم
المشكله ان فى كل الردود اللى هنا بتفترضو ان لما بسيب المكان المكان بيبقى فاضى !! المكان تحت البيت لو فضل فاضى ساعه على بعض يبقى انجاز تاريخي

ده غير حاجه تانيه الاول اسمحلى اشرحلك جغرافيه الشارع عندنا
انا المقطع بتاعى اللى فى الشارع طوله 100 متر تقريبا اوله و اخره تقاطعين واسعين
فحتى لو عربيتين وقفو قصاد بعض مش حتبقى مسافه طويله ان الواحد يرجعها بضهره و انا شخصيا بعمل كده حتى لو لاقيت مكان فاضى على جنب علشان ما اوجعشى دماغى بانى احضن من غير ما اخبط العربيات اللى راكنه

ده غير انى لو اقتطعت مسافه متر بالمواسير ساعتها الشارع حينفع فيه ان عربيتين يعدو قصاد بعض (لإن المواسير بتحجز حجم اقل من العربيه ) - لكن لو كانت عربيه راكنه مش حتبقى فيه مسافه كافيه لكده

[Abo Yasso]

http://www.nilemotors.net/Nile/341156-a.html#post3875381343