تجربة سيئة مع كارفور المعادي

[lonedoctor]

ياباشا لو جات على كدة يبقى كويس ايه رايك انهم دبسونى فى شاشة مكسورة لتلفزيون ساسمسونج بلازما 50 بوصةوالشاب اللى بيبيع خبى مكان الكسر وهو بيفرجنى عليها وبعد لما وصلت البيت فوجئت بذلك برغم انه نبهته انها فيها شرخ فى الجنب قالى ده من الاستيكر اللى عليها وصدقته ومشيت ورجعت ليهم بعد نص ساعة رفضوا يغيروها لانى بسلامتى خلونى وقعت انى استلمتها سليمة وصاحية وبتلعب كمان
رميت لهم الفاتورة فى وش السيد مسئول خدمة العملا بعد لما كتبت عيها رقم تليفونى وقلت لهم حسبى الله ونعم الوكيل لما يصحى ضميركم ابقو اتصلوا على واذا فضل ميت حسابنا يوم القيامة فالحقوق لا تضيع عند الله ابدا
اتصلوا على بعد يومين او تلاتة واعطونى واحد جديد من سكات بدون اى نقاش

[ehabouf]

انا مش حاتكلم على كارفور او غيره - بس اللي يشتري اهم حاجة يكون معاك فاتورة بجد مش بيان اسعار زي بتاع شارع عبد العزيز لأن يوم ما الضمان يعمل الدنيئة معاك وتحب تشتكي لحقوق المستهلك لو مامعكش فاتورة رسمية والا يعرفك
انا كنت مشتري مايكروويف من كارفور وباظ بعد 4 شهور وفضل يمطوح فيا لأني عرفت بطريقتي الخاصة انه واخده بدون ضمان وبيبيعه بضمان سنة
عن طريق الفاتورة وحقوق المستهلك جبت المستورد لغاية البيت عندي غيره بواحد جديد (بدون ماخليه حتى يكشف على القديم) واداني شهادة ضمان لمدة سنة - لو ماكنش معايا فاتورة بجد كان زماني عامله قفص عصافير

[mesaharaty]

فى الأجهزة الكهربائية كارفور للفرجة وبس مش للشراء .
أنا متعود عند شرائى أى جهاز جديد أولا أتفرج عند كارفور وبعد كده أستقر على جهاز معين بعد عدة مقارنات فى الإمكانيات والأسعار من كارفور ومن غيره ثم آخر حاجة أتصل ببى تك لشراء الجهاز فإذا لم أجده عندهم توكلت على الله ونزلت شارع عبد العزيز وخلاص .

[marsguy]

السلام عليكم ورحمة الله وبركاته،،،

انا عاوز أقول نصيحه عامه عشان أنا إتعلمتها بعد كتير

طبعاً المنطقي إن الواحد يشوف كذا محل لحد ما يلاقي مكان أسعاره كويسه

بس المشكله إن في أماكن زي كارفور وغيره ممكن ينزل عروض كويسه جداً على كام حاجه فقط. النتيجه إننا بنتخدع ونفتكر إن طالما الكام حاجه دول أرخص من بره يبقى أكيد المحل ده كل أسعاره رخيصه.

الواقع بقى إن المحلات دي بتلعب على النقطه دي: الواحد مننا يروح كارفور يشتري كام حاجه عليها عرض ويشتري برضه بالمره كل مشترياته من عنده وكتير من المنتجات دي بتكون أغلى من بره أصلاً. وطبعاً المحصله النهائيه إنك بتكون دفعت أكتر أو يساوي من لما تشتري من محل عادي جنب البيت مش عامل أي عروض.

على فكره الموضوع ده بيتعمل في مصر وبره مصر كمان وأكبر محل شفته بيعمل كده بره مصر هو bestbuy

شكراً

[أبو آسر]

السلام عليكم ورحمة الله وبركاته،،،

انا عاوز أقول نصيحه عامه عشان أنا إتعلمتها بعد كتير

طبعاً المنطقي إن الواحد يشوف كذا محل لحد ما يلاقي مكان أسعاره كويسه

بس المشكله إن في أماكن زي كارفور وغيره ممكن ينزل عروض كويسه جداً على كام حاجه فقط. النتيجه إننا بنتخدع ونفتكر إن طالما الكام حاجه دول أرخص من بره يبقى أكيد المحل ده كل أسعاره رخيصه.

الواقع بقى إن المحلات دي بتلعب على النقطه دي: الواحد مننا يروح كارفور يشتري كام حاجه عليها عرض ويشتري برضه بالمره كل مشترياته من عنده وكتير من المنتجات دي بتكون أغلى من بره أصلاً. وطبعاً المحصله النهائيه إنك بتكون دفعت أكتر أو يساوي من لما تشتري من محل عادي جنب البيت مش عامل أي عروض.

على فكره الموضوع ده بيتعمل في مصر وبره مصر كمان وأكبر محل شفته بيعمل كده بره مصر هو bestbuy

شكراً

كلام صحيح تماما وده من أساليب التسويق الخادعة
أنا بالرغم من إني لسة شاري تليفزيون من كارفور خلال عيده السنوي من كام يوم بأقل من سعره برة حوالي 300 جنيه إلا إني انخدعت في شراء تابلت لصديق ظنيت إن سعره أرخص من برة برده لأنه نازل في العروض ولما سألت البائع قالي ده تمنه برة 2000 جنيه وفي العرض ب1700 واشتريته وأنا فاكره صفقة رابحة وبعد ما روحت بدور على النت لقيته على موقع سوق دوت كوم اللي يفترض إن أسعاره غالية ب1600 جنيه
فهما بيتبعوا مبدأ اعمل عرض وخصم حقيقي على 10 سلع ونزل معاهم 100 سلعة تانية بأسعار زي برة أو أغلى وهيجيبوا اللي نزلوه من ال10 سلع أضعاف مضاعفة هما ينهبوا واحنا ناخد على دماغنا بسبب الغش والخداع وقلة الضمير

[miceg]

كلام صحيح تماما وده من أساليب التسويق الخادعة
أنا بالرغم من إني لسة شاري تليفزيون من كارفور خلال عيده السنوي من كام يوم بأقل من سعره برة حوالي 300 جنيه إلا إني انخدعت في شراء تابلت لصديق ظنيت إن سعره أرخص من برة برده لأنه نازل في العروض ولما سألت البائع قالي ده تمنه برة 2000 جنيه وفي العرض ب1700 واشتريته وأنا فاكره صفقة رابحة وبعد ما روحت بدور على النت لقيته على موقع سوق دوت كوم اللي يفترض إن أسعاره غالية ب1600 جنيه
فهما بيتبعوا مبدأ اعمل عرض وخصم حقيقي على 10 سلع ونزل معاهم 100 سلعة تانية بأسعار زي برة أو أغلى وهيجيبوا اللي نزلوه من ال10 سلع أضعاف مضاعفة هما ينهبوا واحنا ناخد على دماغنا بسبب الغش والخداع وقلة الضمير

بالظبط كده يابو اسر
انا اشتريت تلفزيون 47 6210 ال جي
فرق سعر عن بره 600 جنيه
بس اشتريت باقي الحاجة مش عشان اتغريت فالعروض
لان الاسعار كلها هنا فمدينة نصر زي بعض لان معظمها ال جي وال جي اسعاره ثابته فكل المعارض
ماعدا وسط البلد والحتت دي
كل الفكرة اني قولت اريح دماغي ويبقا اوردر واحد من مكان واجد
والتلفزيون اهو النهاردة بقالهم 9 ايام ومجاش مع الحاجة
طيب شيل يوم الشراء ويوم الجمعه من الحسبة يبقا برضو 7 ايام ومحدش التزم بكلامه

[walidzakzok]

عدم الالتزام بالمواعيد دة العادي في مصر ومش عايز اقولك مهما اتصلت محدش هايعملك حاجة بس لازم تقرفهم بس للاسف علشان تقرفهم هاتوجع دماغك انا لو مكانك مش هاعمل اكتر من اللي عملته لان دي بلد متخلفة وفاشلة من جذورها لكن لو حد قالك اسبوع يبقى كدة فيها اسبوعين اقل واجب وممكن يكون قصده 7 ايام عمل يعني تطرح كل الاجازات من المدة

[miceg]

مش هقول غير حسبي الله ونعم الوكيل
كلمت امبارح خدمة العملاء بخصوص التلفزيون اني مستلمنتهوش
كان الرد بسيط جداااااا
ممكن يافندم تستلمه من الفرع اللي اشتريت منه لو انت مستعجل
نزلت فرع المعادي امبارح
التلفزيون خلص وممكن لو مستعجل تستلمه من فرع الشروق
هي الناس دي بتعاملنا كده ليه
جبت المديرين هناك من اصغرهم لأكبرهم
هو انتو مزاجكو تقرفو الناس
ايه الخدمة الزفت دي
لو عندي فشركتي موقف مشابه ليكو كنت قفلتها
اصل يافندم الغلطة جايه من قسم الدليفري انه مجهزش الحاجة لحضرتك
قولتله متدخلنيش فتفاصيل انا عميل مفهمش اللي انت بتقوله
اتصرفو هاتوه منن اي فرع وسلمهولي
المهم وعدني انه هيكلمني النهارده
وعاوز يعطيني بدل بنزين وهي حامل للتلفزيون او شنطة مشتريات ب 100 جنيه
قولتله انا مش عاوز حاجة منكم بعد القرف اللي شوفته
كفاية اني انشر التجربة الفاشلة دي على المنتديات

[S O P H O S]

كنت هشتري من هناك
وناس كتيرة قالتلي بلاش اجهزة من كارفور