نظارات مغربى و نظارات المحلات الاخر

[amz2011]

يا جدعان المحلات بتاعة النظارات تيجى تدخل محل يقولك الشنبر ب 65 جنيه تيجى تدخل محل تانى يقول على نفس الشنبر 120 تيجى تدخل محل تالت يقولك 250 تيجى تدخل مغربى و العالم ديه يقول 1250 او 1500 و ارقام خياليه

ايه الفرق و هل فى فرق اصلا و هل كل النظارات صينى ولا فى ايطالى؟.
ايه الوضع بالضبط؟.

[dede_dodo88]

هو في فرق في الجودة طبعاً + المغربي النظارات عنده بتبقى ماركات عالمية وده بيعمل فرق سعر برضه..
لأ مش كل النظارات صيني و الرخيص بيكون صيني, الحاجات الغالية هتلاقيها أيطالي, فرنسي أو ألماني حسب الماركة..
بس أسعار العدسات عنده مبالغ فيها الصراحة, يعني وقت ما كنت بغير نظارتي أخدني في دوكة كده بأنواع العدسات إشي hd و مش hd و أقل عدسة كان سعرها محترم برضه..
بس الصراحة جودتها كويسة, يعني النظارة وقعت مني كذا مرة وقعة غبية توقعت فيها العدسة تتجاب نصين بس الحمد لله متخربشتش حتى..

ps. اللي بـ1250 و 1500 ده في الغالب بيكون صيني..

[amz2011]

هو في فرق في الجودة طبعاً + المغربي النظارات عنده بتبقى ماركات عالمية وده بيعمل فرق سعر برضه..
لأ مش كل النظارات صيني و الرخيص بيكون صيني, الحاجات الغالية هتلاقيها أيطالي, فرنسي أو ألماني حسب الماركة..
بس أسعار العدسات عنده مبالغ فيها الصراحة, يعني وقت ما كنت بغير نظارتي أخدني في دوكة كده بأنواع العدسات إشي hd و مش hd و أقل عدسة كان سعرها محترم برضه..
بس الصراحة جودتها كويسة, يعني النظارة وقعت مني كذا مرة وقعة غبية توقعت فيها العدسة تتجاب نصين بس الحمد لله متخربشتش حتى..

ps. اللي بـ1250 و 1500 ده في الغالب بيكون صيني..

عملك العدسات بكام؟

[dede_dodo88]

عملك العدسات بكام؟

الأتنين بـ700.. الكلام ده في شهر 5 اللي فات..

[bmya]

وجولي نفس النظام بس صراحه عذساتهم نضيفه اوي انا النظاره اللي فاتت كنت جايبها من عندهم وعملت العدسلت كانت ب٥٠٠ المره الكبلم ده من ٣ سنين المره دي جبت النظاره وقالي العدسات ٨٠٠ قلت له شكرا اخدت النظاره وعملتها بره في محل عادي ب ١٠٠ جنيه بس الحق يتقال عدساتهم نضيفه اويييي وفي فرق كبير جدا لصالح عساتهم بس اسعارهم مبالغ فيها

[طارق _عبد السلام]

الصينى والفيرست كوبى بيعملوا احلى نصب فى الدنيا
صديقى صاحب محل نضارات قالى اغلب المتواجد ماركات عالميه فيرست كوبى
يعنى عند ه ماركات محترمه ومكتوب انها صناعه اوروبيه بدون لعب فى الكتابه ايطالى وفرنسى وامريكى
والنضاره اللى تعجبنى ب100 جنيه والعدسات بالانترى فلكش وبلاستيك ب 50 جنيه
احاول اروح لحد تانى نفس النضاره ونفس العدسات بسمع كلام فارغ ويحسسك ان النضاره اللى عنده متعملش منها اتنين

[amrelsha3er]

انا شايف ان الموضوع فى اشتغالات ياجماعه
انا روحت فى شرم الشيخ محل نضارات فضلت كده ربع ساعه اتفرج على العرض وامسك النضاره واقلب فيها
اوريجينال زى اللى كنت جايبها من c&co بالظبط
الرجل جه فابقوله دى بكم لو سمحت قالى ب300ج يافندم
انا اتصدمت قولتله هو ده مش اوريجينال قالى ده كوبى
انا اول مره اشوف كوبى بالنضافه دى بالسيريال والجراب والمناديل والكاتلوجات واللى انت عاوزه كله
نضاره شمس طبعا كانت
الخلاصه ان الحوار فى لعب كتير

[Ahmed.Essam]

احنا بلد كل حاجة فيها مضروبة وياريتها بتتباع على انها مضروبة

[أبو آسر]

من الآخر وعن خبرة في موضوع النضارات
أكبر حاجة فيها لعب ومتعرفش تفرق الأصلي من الهاي كوبي هو النضارات
مغربي نفسه والمحلات الكبيرة أحيانا بيبيع حاجات هاي كوبي على إنها أورجينال وبيكسب مكاسب وهمية في النضارات ممكن تتعدى ال1000%
مش كل النضارات اللي مكتوب عليها صيني بتبقى مضروبة لأن في شركات نقلت خط إنتاجها للصين والنضارة بيبقى مكتوب عليها Made In China لكن بالرغم من كده بتبقى أورجينال فعلا زي Ray-Ban
وفي المقابل مش كل النضارات اللي بيبقى مكتوب عليها Made In Italy بتبقى أصلية لأن كل الهاي كوبي بيبقى مكتوب عليه Italy أو France أو Germany أو Australia وبيبقوا كلهم هاي كوبي صيني والنظر بتتباع جملة بحوالي 60 جنيه في وسط البلد والمحلات ممكن تبيعها من 150 - 500 حسب المحل والشمس جملتها في حدود 120 جنيه وبتتباع من 250 - 750 حسب المحل برده وفي ناس كويسة بتقولك دي هاي كوبي وفي ناس مش بيتقوا ربنا يقولك دي أورجينال وانت في النهاية مش هتقدر تفرق بين الأورجينال والهاي كوبي لأن الهاي كوبي بتبقى خامتها وجودتها عالية فعلا زي الأورجينال بالضبط
من الآخر عايز تجيب حاجة أورجينال بجد وتبقى ضامن 100% إن مفيهاش لعب يبقى تجيبها من التوكيل بتاعها رأسا زي توكيل ريبان "منير نصيف" واعمل حسابك أقل نضارة ب1500 جنيه أو تجيبها من برة من مصدرها ، أو تشتريها من برة أونلاين وتشحنها على البيت أو أي حد صاحبك يجيبهالك معاه وهو جاي
لكن الهاي كوبي برده مش وحش وسعره معقول ولو حسبتها لو غيرت كل سنة نضارة ب150 جنيه أحسن ما تجيب نضارة ب1500 جنيه أصلية هتقعد معاك 10 سنين أيوة بس موضتها هتكون قدمت وهتكون زهقت منها وبرده مفيش مانع إنها تقشر أو تبوظ مش معنى إنها أورجينال يعني مصنوعة من فولاذ
لو بتدور على نضارة شمس أصلية عشان تحميك من أشعة الشمس الضارة ومتضرش عينيك يبقى هات أورجينال زي ما قلتلك من 1500 جنيه وانت طالع والهاي كوبي برده أعتقد فيها طبقة حماية بس مش بنفس نسبة الأورجينال
أما الطبي فنصيحة هات هاي كوبي وغير النضارة مع المقاسات كل سنة أو اتنين وتقدر تجيب جملة من وسط البلد عند محطة مترو محمد نجيب انزل المحطة واسأل على بتوع النضارات مليون من هيدلك بس ميشتغلكش وتفاصل معاه على أد ما تقدر
أما العدسات فروح للمحلات الكبيرة زي جولي وجراند وبركة ومغربي واعمل العدسات هناك أينعم أسعارهم مبالغ فيها بس بتبقى كويسة ، في ياباني بس غالية أوي ممكن تعدي 600 جنيه وفي تقريبا سويسري أو فرنساوي وده ممكن يعمل في حدود 300 جنيه وفي برده ضد الكسر لكن العدسات متستخسرش فيها لأنها أهم شيء في النضارة سيبك من الشنبر أي حاجة بتؤدي الغرض

[Trondo]

من المجالات اللى فيها ضرب على قفا بشكل كبييير

كل ماكان المحل مشهور كل ماكان الضرب جامد علشان سمعه المحل :)))

معظم الشغل فرست كوبي و صينى درجات

العدسات فيه مصانع فى مصر هنا زى اوبتي فيجن و محمد نور

شوف محل كويس و ميكنش مشهور و هيعملك نظاره بسعر كويس

لوعملتها ب ١٠٠ جنيه او ١٥٠ جنيه روح لمحل من المحلات المشهوره تقوله عاوز واحده اخت دى هيقولك ٥٠٠ جنيه

وهيخترعلك اى اسباب :)))

[Trondo]

انا كلامى كله على نظارات النظر

[ghostmido]

من الآخر وعن خبرة في موضوع النضارات
أكبر حاجة فيها لعب ومتعرفش تفرق الأصلي من الهاي كوبي هو النضارات
مغربي نفسه والمحلات الكبيرة أحيانا بيبيع حاجات هاي كوبي على إنها أورجينال وبيكسب مكاسب وهمية في النضارات ممكن تتعدى ال1000%
مش كل النضارات اللي مكتوب عليها صيني بتبقى مضروبة لأن في شركات نقلت خط إنتاجها للصين والنضارة بيبقى مكتوب عليها made in china لكن بالرغم من كده بتبقى أورجينال فعلا زي ray-ban
وفي المقابل مش كل النضارات اللي بيبقى مكتوب عليها made in italy بتبقى أصلية لأن كل الهاي كوبي بيبقى مكتوب عليه italy أو france أو germany أو australia وبيبقوا كلهم هاي كوبي صيني والنظر بتتباع جملة بحوالي 60 جنيه في وسط البلد والمحلات ممكن تبيعها من 150 - 500 حسب المحل والشمس جملتها في حدود 120 جنيه وبتتباع من 250 - 750 حسب المحل برده وفي ناس كويسة بتقولك دي هاي كوبي وفي ناس مش بيتقوا ربنا يقولك دي أورجينال وانت في النهاية مش هتقدر تفرق بين الأورجينال والهاي كوبي لأن الهاي كوبي بتبقى خامتها وجودتها عالية فعلا زي الأورجينال بالضبط
من الآخر عايز تجيب حاجة أورجينال بجد وتبقى ضامن 100% إن مفيهاش لعب يبقى تجيبها من التوكيل بتاعها رأسا زي توكيل ريبان "منير نصيف" واعمل حسابك أقل نضارة ب1500 جنيه أو تجيبها من برة من مصدرها ، أو تشتريها من برة أونلاين وتشحنها على البيت أو أي حد صاحبك يجيبهالك معاه وهو جاي
لكن الهاي كوبي برده مش وحش وسعره معقول ولو حسبتها لو غيرت كل سنة نضارة ب150 جنيه أحسن ما تجيب نضارة ب1500 جنيه أصلية هتقعد معاك 10 سنين أيوة بس موضتها هتكون قدمت وهتكون زهقت منها وبرده مفيش مانع إنها تقشر أو تبوظ مش معنى إنها أورجينال يعني مصنوعة من فولاذ
لو بتدور على نضارة شمس أصلية عشان تحميك من أشعة الشمس الضارة ومتضرش عينيك يبقى هات أورجينال زي ما قلتلك من 1500 جنيه وانت طالع والهاي كوبي برده أعتقد فيها طبقة حماية بس مش بنفس نسبة الأورجينال
أما الطبي فنصيحة هات هاي كوبي وغير النضارة مع المقاسات كل سنة أو اتنين وتقدر تجيب جملة من وسط البلد عند محطة مترو محمد نجيب انزل المحطة واسأل على بتوع النضارات مليون من هيدلك بس ميشتغلكش وتفاصل معاه على أد ما تقدر
أما العدسات فروح للمحلات الكبيرة زي جولي وجراند وبركة ومغربي واعمل العدسات هناك أينعم أسعارهم مبالغ فيها بس بتبقى كويسة ، في ياباني بس غالية أوي ممكن تعدي 600 جنيه وفي تقريبا سويسري أو فرنساوي وده ممكن يعمل في حدود 300 جنيه وفي برده ضد الكسر لكن العدسات متستخسرش فيها لأنها أهم شيء في النضارة سيبك من الشنبر أي حاجة بتؤدي الغرض

طيب الله يباركلك يا باشا قولنا فين بقى اللى بيبيع شنبر طبى هاى كوبى وسعره كويس....
اصل انا كونت ماشى بمبداء الاورجينال فى الطبى وكنت بغير النظارة كل سنتين تقريبا لانى بكون لابسها اغلب الوقت.
و جربت نظارة هاى كوبى قعدن معايا نفس القترة تقريبا بس كانت ب 250 مش ب 100 .

[أبو آسر]

طيب الله يباركلك يا باشا قولنا فين بقى اللى بيبيع شنبر طبى هاى كوبى وسعره كويس....
اصل انا كونت ماشى بمبداء الاورجينال فى الطبى وكنت بغير النظارة كل سنتين تقريبا لانى بكون لابسها اغلب الوقت.
و جربت نظارة هاى كوبى قعدن معايا نفس القترة تقريبا بس كانت ب 250 مش ب 100 .

ما هي اللي انت اشتريتها ب250 جنيه دي جملتها من 60 - 90 جنيه :)
انت ممكن تنزل بنفسك محطة مترو محمد نجيب وسط البلد هتلاقي المحلات هناك كتير والنضارات أشكال وألوان لكن طبعا مش هتشتري نضارة أو اتنين بسعر الجملة لكن أقصى حاجة قطاعي ممكن تلاقيها ب120 جنيه مثلا بعد الفصال
وبرده في موقع إنترنت بيبيع أونلاين بتاع ناس محترمة أعرفهم وأحدهم عضو معانا في المنتدى ممكن تتابعهم بس هما لسة منزلوش العروض الجديدة بتاعتهم فممكن تتابعهم بعد فترة لو حبيت
Half Price نظارات شمس وطبية ماركات عالمية بنصف الثمن !

[ghostmido]

ما هي اللي انت اشتريتها ب250 جنيه دي جملتها من 60 - 90 جنيه :)
انت ممكن تنزل بنفسك محطة مترو محمد نجيب وسط البلد هتلاقي المحلات هناك كتير والنضارات أشكال وألوان لكن طبعا مش هتشتري نضارة أو اتنين بسعر الجملة لكن أقصى حاجة قطاعي ممكن تلاقيها ب120 جنيه مثلا بعد الفصال
وبرده في موقع إنترنت بيبيع أونلاين بتاع ناس محترمة أعرفهم وأحدهم عضو معانا في المنتدى ممكن تتابعهم بس هما لسة منزلوش العروض الجديدة بتاعتهم فممكن تتابعهم بعد فترة لو حبيت
half price نظارات شمس وطبية ماركات عالمية بنصف الثمن !

تسلم يا باشا على التوضيح....
بس محطة محمد نجيب دى اللى عند باب اللوق وقصر عابدين؟
اصل بشوف فعلا محلات نظارات كتير هناك....

[أبو آسر]

تسلم يا باشا على التوضيح....
بس محطة محمد نجيب دى اللى عند باب اللوق وقصر عابدين؟
اصل بشوف فعلا محلات نظارات كتير هناك....

بالضبط كده
أو ممكن لو معاك عربية ودخلت من طلعت حرب هتدخل تقريبا أول يمين اللي هو عبد السلام عارف وتكمل علطول بعد مطعم جاد ومؤمن بشوية هتلاقيهم في آخر الشارع عند محطة المترو