محتاج مساعدتكم .. عاوز أشتري عجلة d:

[Xander2010_Evo]

السلام عليكم يارجالة
بإختصار شديد أنا عاوز أشتري عجلة لأني بحاول أخس شوية ومنه تغيير
أنا طولي 176 ووزني 90 وعندي 24 سنة أبويا بيتريق عليا ورافض الفكرة وأمي بتزعق ومرعوبة طبعآ ولا كإني هروح أجيب ريس .. الفكرة أنا مبعرفش في موضوع مقاسات العجل ده
وأنا آخر مرة ركبت عجلة كانت رابعة إبتدائي يعني ووووش أكيد هتشلفط أول إسبوعين مثلآ تعاوير وشقلباظات .. حاجة أخيرة ياريت بس لو حاجة رخيصة شوية متعديش 1000 مثلآ ولا مفيش حاجة أقل من الـ 1000 ؟؟ أنا معرفش صراحة أي أسعار

[amr011111]

فيه كذا موضوع هنا كان معمول عن العجل
بس مش محتفظ باللينكات ممكن تعمل سيرش
وكان فيه ناس بتقول ان فيه عجل منهم ممكن يتقفل ويتشال فى شنطه بحيث تخده معاك البيت بس تقريباً مش موجود فى مصر
ممكن تنزل اى فرع من فروع أبو الجوخ وتاخد فكره عن الانواع والاسعار

[Xander2010_Evo]

فيه كذا موضوع هنا كان معمول عن العجل
بس مش محتفظ باللينكات ممكن تعمل سيرش
وكان فيه ناس بتقول ان فيه عجل منهم ممكن يتقفل ويتشال فى شنطه بحيث تخده معاك البيت بس تقريباً مش موجود فى مصر
ممكن تنزل اى فرع من فروع أبو الجوخ وتاخد فكره عن الانواع والاسعار

مانا من السويس للأسف مش من القاهرة
دورت علي لينك لأبو الجوخ لقيت صفحة ليه ع الفايس بس متجددتش من أيام 2011 :-/
هعمل سيرش ماشي بس فالغالب بردو هلاقي أسعار قديمة

[salodas]

ابو الجوخ ,,,, رخيص وعنده حاجات رخيصة

[ramymechanics]

بص يا كبير .. أنا وزنى 110 كيلو وجبت عجلة سرعات من أبو الجوخ اللى فالرحاب كمان يعنى اغلى شوية من برة ب 1100 جنيه بس خد بالك فى أرخض بس هتلاقيها المونيوم مش حديد والراجل قاللى دى مش هتستحمل وزنك هى 3 سرعات قدام و 5 ورا ومقاس 26 اللى هو اكبر مقاس تقريبا دة اللى يناسب أطوالنا وكمان فيها مساعد عشان متهبدش فالمطبات أعتقد فالسويس هتبقى ارخص من عندنا

لو عاوز حاجة ماركة بقا تروح Bescletta بس دة أقل عجلة عنده ب 2500 جنيه بس ماركات وماونتن رايد وحركات ومعاك لحد 11000 جنيه

[أبو آسر]

طب ما تجيب عجلة رياضية في البيت أو مشاية كهرباء
مفيش حد بيعرف يسوق عجل في البلد ده انت مش في أوروبا :)

[Xander2010_Evo]

ابو الجوخ ,,,, رخيص وعنده حاجات رخيصة

هحاول أروح القاهرة إن شاء الله وأشوفه

بص يا كبير .. أنا وزنى 110 كيلو وجبت عجلة سرعات من أبو الجوخ اللى فالرحاب كمان يعنى اغلى شوية من برة ب 1100 جنيه بس خد بالك فى أرخض بس هتلاقيها المونيوم مش حديد والراجل قاللى دى مش هتستحمل وزنك هى 3 سرعات قدام و 5 ورا ومقاس 26 اللى هو اكبر مقاس تقريبا دة اللى يناسب أطوالنا وكمان فيها مساعد عشان متهبدش فالمطبات أعتقد فالسويس هتبقى ارخص من عندنا

لو عاوز حاجة ماركة بقا تروح Bescletta بس دة أقل عجلة عنده ب 2500 جنيه بس ماركات وماونتن رايد وحركات ومعاك لحد 11000 جنيه

ألف شكر يا كبير يبقي كده تمام .. أروح لأبو الجوخ إن شاء الله .. طب دي نوعها إيه إللي بـ 1100 ؟؟ و معلش هتقّل علي حضرتك ممكن صورة ليها؟؟ .. أنا مش عاوز حاجة غالية الصراحة لأني هستخدمها فترة لحد ما أوصل للوزن اللي عاوزه بعدها هتتركن

طب ما تجيب عجلة رياضية في البيت أو مشاية كهرباء
مفيش حد بيعرف يسوق عجل في البلد ده انت مش في أوروبا :)

والله يافندم أنا عندي جهاز الجيم الـ Multi كذا حاجة مع بعض بس المشاية عادية مش كهرباء .. بس بأمانة ممل جدآآ وبزهق بسرعة لما بستخدمه .. وبالنسبة لموضوع سواقة العجل هوا فعلآ عندك حق إحنا مش ف أوروبا
بس أهوه هحاول .. الكورنيش وقت العصرية بيبقي روعة الصراحة وطوله حوالي 5 أو 7 كيلو حلوين جدآ كبداية D:

[mahmoudysf]

احسن حاجة عشان تخس
تمشي كل يوم ساعة ماشية عسكرية
وممكن تبدا بربع ساعة وبعدين نص وكدة
صدقني هتعمل معاك شغل كبير

[الاستاذ]

الجرى او المشى افضل من العجلة لانى جسمك كلة هيخس
انت عايز تخس بتاع عشرين كيلوا جرب رجيم لمدة شهرين مع رياضة وهتخس
وانزل بعدهم العب حديد عشان تعمل عضل وتقسم جسمك وتنشف