عايز اجيب ملابس العمرة

[egyboy]

السلام عليكم

عايز افضل مكان بسرعة اجيب ملابس العمرة الاحرام وكمان اجيب جلاليب بيضاء وكده

بس انا مبفهمش فى الانواع

فياريت تقولولى اقول للراجل ايه بالظبط والاسعار والخامات وكدة

فى انتظاركم

[mohamed_selim]

التوحيد النور

[احمد المصرى]

حنفى فرج فى شارع الازهر تقريبا دا تخصص لبس عمره وخاماته نظيفه جدا وعنده اسعار حسب الخامات ودا مشهور جدا


او التوحيد والنور

[mahmoudysf]

اخويا جاب من التوحيد والنور

[M.Hosni]

لو هتروح المدينة الأول و تحرم من هناك يبقى الأحسن تشتري ملابس الاحرام من هناك

موجودة كتير جدا هناك و أرخص من مصر و أسهلك بدل ما تشيل من هنا

[Eng_hatemfathy]

التوحيد والنور او عوف فى شارع الازهر او المدينة لو هتروحها قبل مكة

[طارق _عبد السلام]

هات الاحرام من هنا لكن الجلاليب من هناك انواعهم كثيره ونضيفه جدا
وهناك قول على الجلابيه ثوب متقلش جلابيه لانها مش للرجاله لانى وانا فى العمره كان صديق طالب منى جلابيه محترمه من هناك وبسئل سعودى اجيب جلابيه ذى اللى لابسها هو منين الراجل كان هياكلنى واتجنن

[egyboy]

اجماع على التوحيد والنور
بس ياترى فى انواع من ملابس الاحرام وافضل نوع عامل ازاى لانى معرفش بالتحديد
يعنى من الاخر اقوله ايه :)

[night_whisper]

مبروك اخى الكريم العمرة

عمرة مقبولة أن شاء الله

فى عوف فى الأزهر

بس نصيحة ماتجبش حاجة من هنا لان مع الأسف الخامات رديئة حتى فى أفضل المحلات الا لو كنت نازل على مكة أولاً كدة أشترى لبس الاحرام مضرراً

اما لو مسافر على المدينة أولاً أشترى ملابس الأحرام من هناك جودة أعلى و افضل و سعر أقل

بالنسبة للجلاليب طبعاً تشترى من هناك

الخلاصة ما تشتريش من هنا خذ شنطة فاضية و اشترى كل حاجتك من هناك

[egyboy]

اممممممممم

طيب هو انا مضطر اشترى من هنا لانى رايح مكة اولا

كمان بالنسبة للجلاليب طيب لو اشتريت من هناك هلبس ايه هناك لغاية لما اشترى

وهل الاسعار افضل واجيب من محلات ولا من ناس بتبيع لوحدها (بائعة جائلين) ولا تنصحنى بايه

[night_whisper]

اممممممممم

طيب هو انا مضطر اشترى من هنا لانى رايح مكة اولا

كمان بالنسبة للجلاليب طيب لو اشتريت من هناك هلبس ايه هناك لغاية لما اشترى

وهل الاسعار افضل واجيب من محلات ولا من ناس بتبيع لوحدها (بائعة جائلين) ولا تنصحنى بايه

خلاص توكل على الله و أشترى لبس الأحرام من هنا و بعد ما تعمل العمرة البس لبسك العادى و هتلاقى مولات بجانب المسجد مقسمة الى محلات مليانة جلاليب أشترى اللى أنت محتاجة فقط و بعد كدة كمل شراء من المدينة ---------- فى المدينة هتلاقى حاجات افضل من مكة و أهلها وادودين جداً جداً هتلاقيهم بيعملوا ليك تخفيض من نفسهم