اتثبت بسلاااااح والموبايل اللي حلتي رااااااح :)

[a_nbm]

زي العنوان مابيقول الموبايل راح ... والحمد لله انا بخير
المهم اني ماكنتش حاطط اي ابلكيشن حمايه ع الموبايل غير القفل (باترن)
السوال بقى
هل في اي طريقه اقفل بيها الموبايل من خلال الشركه المصنعه مثلا او من خلال ال gmail مثلا اللي متعرف ع الموبايل

يعني مثلا ادخل من ع الجي ميل وانزل ع الموبايل برنامج حمايه واتحكم في الموبايل وكده

ملحوظه:- الموبايل اندرويد اتش تي سي وان في
هو مفيش عليه داتا مهمه بس انا عايز اخنق ع الحرامي بصراحه ههههههه ههههه

سوال كمان هل موضوع التتبع ده مفيد ولا لأ
اعرف واحد زميلي موبايله رجع بعد 5 سنين من حوار التتبع ده (هو كان نسي اصلا )

هل لو راسلت الشركه (اتش تي سي) تقدر تفيدني في حاجه

طلب اخير نزلوا ابلكيشن حمايه وتتبع وكل حاجه اجهزتكوا

شكرا

[Astro BoY]

ربنا يعوض عليك وكويس انك بخير

[Mohamed_Hamid]

الحمد لله انك بخير
سامسونج فيها النظام ده لكن مش عارف نظام htc

[J A G U A R]

حمد الله على سلامتك .. بس شكلك ناوى تظبط الحرامى

[horeen]

أولا ربنا يعوض عليك
ثانيا الكلام اللى جاى ده حقيقه ويندرج تحت باب الدعابه
حضرتك بتتفرج على قنوات أجنبى كتير وبتحسب نفسك فى دوله تكنولوجيه
إحنا هنا كل معلوماتنا عن التكنولوجيا العاب بس وسوبر ماريو
أوباما شخصيا لو موبيله إنسرق فى مصر وعليه أكواد السلاح النووى مش هيعرف يرجعه
وفيه نكته بتقول
الأجانب إخترعوا جهاز بيمسك الحراميه
فى أمريكا مسك 10 حراميه وفى لندن مسك 8 حراميه
أما فى مصر أم الدنيا الجهاز نفسه إتسرق
ربنا يعوض عليك

[AshTurbo]

للفائدة وبشكل عام هواتف سامسونج فيها الميزة دي يمكن ده من المميزات اللي خلتني أشتريت ال s3 وجربتها بنفسي كذا مرة وهي عبارة عن خدمة بتسمحلك بالآتي :

- تبعت رسالة للجهاز والرسالة دي مش رسالة عادية لا دي حاجة زي كأنك جايلك مكالمة من حد وبتظهر الرسالة اللي أنت بعتها على الشاشة الرئيسية أنا كتبت فيها ( الموبايل ده مسروق برجاء الأتصال على ..... ) .

- تقدر تعرف مكان موبايلك فين بالظبط بأسم الشارع اللي موجود فيه وفي نطاق 3 مباني تقريبا ً .

- أقوى ميزة بقى وهي أنك ممكن تقفل الجهاز ومحدش يعرف يشغله تاني غير لما أنت تفك اللوك بتاعه وده اللي كان طالبه صاحب الموضوع

[besso]

انا عندى فى موبايل نوكيا n79 هو قديم اه لكن الميزه دى عرفتها بالصدفه انى ابعت رساله للموبايل فيها رقم او كلمه انا كاتبها على الموبايل واول لما توصل الرساله الموبايل يقفل بالرقم السرى بس مش عارف اذا كان ممكن يتفتح من على الكمبوتر ولا لا

[AshTurbo]

دي لقطة للشاشة ساعة الأتصال بالموبايل المفقود لسه مصورها من جهازي وهي بتقفل أي حاجة بتعملها وبتفضل شغالة لمدة دقيقة كاملة وطبعا ممكن تكنسلها لو لقيت الموبايل اذا كان ضايع منك جوه الشقة مثلاً




بالنسب لقفل الجهاز فالخاصية بتبعت رسالة مكتوب فيها ان ده موبايل مسروق انتظر مني معلومات في اقرب وقت وبتقفل الجهاز وبعد كدة بتسمح ان الجهاز المسروق يتصل برقم واحد فقط اللي هو انت بتختاره من على جهاز الكمبيوتر اللي بتتحكم عن طريقه بالموبايل المسروق وبالطريقة دي اللي سرق الجهاز يبله ويشرب ميته ولا هيعرف يبيعه ولا يستخدمه حتى .

[samehafez]

كل برامج الحماية ملهاش لازمة اصلا ... الموبايل لما يتسرق الحرامي بيشيل البطارية و بعد كدة بيوديه للتاجر اللي بيشتري منهم و هو بيعمل hard reset فكل البرامج و ال settings بتروح ...

[gebreel]

في حاجة اسمها جووجل مانجر https://www.google.com/android/devicemanager
تقدر من خلالها تعرف التليفون فين و ترن عليه و تعمله lock و تمسح الداتا من عليه كمان لو عاوز

[الاستاذ]

طب احكى اتثبت ازاى وفين

[hugan]

طب احكى اتثبت ازاى وفين

+11111

[AboELsoud]

الصراحه كموبايل معرفش ايه اللي ممكن يحصل

انما كخط تليفون حضرتك ممكن تتصل على خدمه عملاء الشركه اللي انت تبعها و تقولهم يقفلوا تحويل الرصيد و يقفلوا المكالمات الصادره و الوارده (بس بعد مراجعه البيانات معاك ) و تروح تعمل شريحه تانيه من اي فرع

خدمه التتبع ممكن تتعمل بس لازم عن طريق النيابه يعني تعمل محضر الشرطه تسلمه للنيابه النيابه بس هيه اللي ممكن تقدر تعملك حوار التتبع ده ( و ده طبعا مش بيحصل :) )

[firstknight_eg]

حضرتك هنعمل محضر برقم تليفونك والسيريال بتاع الجهاز، هتاخد المحضر وعليك وعلي التلات شركات بتوع الموبايل (موبينيل، فودافون واتصالات)، وفي الشركة اول ما يتحط شريحة جديدة في الجهاز، هما هيطلعوا تقرير بالرقم وبياناته، وطبعا هيتبعت التقرير للنيابة، وهكذا... موضوع زي ده ممكن ياخد 6 شهور

[mazher_m]

طب احكى اتثبت ازاى وفين

يا ريت نعرف التفاصيل