تكييف شارب 1.5 اسبليت هل هو جيد ام هناك الافضل ؟؟

[hossam_elwani]

تكييف شارب 1.5 اسبليت بخاصية البلازما كلاستر هل هو جيد ام هناك الافضل ؟؟

ارجو ان يكون الرد من خلال تملك او تجربه مش سمعه ولا كلام

وهل فيه مؤشر ديجيتال ولا لا ؟؟

وهل فيه توزيع هوا راسى وافقى ولا لا ؟؟



وشكرا

[Ahmed_Adham]

الهاي لاين بس اللي فيه شاشه ديجيتال وتوزيع هوا رأسي وأفقي وفيه كمان خاصيه تحديد موقعك من الغرفه من بين 9 مناطق والريش تظبط نفسها عليك أوتوماتيك. متهيألي بيزيد 300 جنيه ولا حاجه عن العادي.

الشاشه بتعرض دايما درجه الحراره الحاليه للغرفه الا لما تيجي تظبط حراره الجهاز على درجه معينه بتعرض الدرجه اللي انت بتظبط عليها كام ثانيه وترجع تاني تعرض الحراره الحاليه الفعليه. ميزه شارب ان مفيش فني تكييف مشتغلش فيه ولو الشركه قفلت بكره هتلاقي صيانه له ل 100 سنه جايه.

عيبه ان الريموت بتاعه مش عملي لأن فيه مجموعه زراير لازم تفتح باب الريموت عشان توصلها ومنها زراير تحريك الريش الافقيه والرأسيه.

[hossam_elwani]

الهاي لاين بس اللي فيه شاشه ديجيتال وتوزيع هوا رأسي وأفقي وفيه كمان خاصيه تحديد موقعك من الغرفه من بين 9 مناطق والريش تظبط نفسها عليك أوتوماتيك. متهيألي بيزيد 300 جنيه ولا حاجه عن العادي.

الشاشه بتعرض دايما درجه الحراره الحاليه للغرفه الا لما تيجي تظبط حراره الجهاز على درجه معينه بتعرض الدرجه اللي انت بتظبط عليها كام ثانيه وترجع تاني تعرض الحراره الحاليه الفعليه. ميزه شارب ان مفيش فني تكييف مشتغلش فيه ولو الشركه قفلت بكره هتلاقي صيانه له ل 100 سنه جايه.

عيبه ان الريموت بتاعه مش عملي لأن فيه مجموعه زراير لازم تفتح باب الريموت عشان توصلها ومنها زراير تحريك الريش الافقيه والرأسيه.

وايه المقصود بالهاى لاين ؟؟ هل معنها الاكبر قدره من 1.5 حصان ؟؟

[Ahmed_Adham]

وايه المقصود بالهاى لاين ؟؟ هل معنها الاكبر قدره من 1.5 حصان ؟؟

لاء بس كل قدره بينزل منها 3 موديلات حسب الكماليات اللي في الوحده الداخليه. عادي وبلازما وبلازما ديجيتال

المتوسطه بتبقى فيها البلازما بس وتوزيع هوا رأسي بس ومفيش تحديد مناطق ولا توزيع أفقي.

وأعلى فئه اللي فيها توزيع الهوا أفقي ورأسي وتوزيع المناطق وفيها الشاشه اللي في الوحده الداخليه والريموت بتاعها بيبقى كبير وشاشته كبيره.

خاصيه التربو كمان موجوده في المتوسطه والعاليه لكن مش فاكر في أقل فئه موجوده ولا لاء.

[hossam_elwani]

لاء بس كل قدره بينزل منها 3 موديلات حسب الكماليات اللي في الوحده الداخليه. عادي وبلازما وبلازما ديجيتال

المتوسطه بتبقى فيها البلازما بس وتوزيع هوا رأسي بس ومفيش تحديد مناطق ولا توزيع أفقي.

وأعلى فئه اللي فيها توزيع الهوا أفقي ورأسي وتوزيع المناطق وفيها الشاشه اللي في الوحده الداخليه والريموت بتاعها بيبقى كبير وشاشته كبيره.

خاصيه التربو كمان موجوده في المتوسطه والعاليه لكن مش فاكر في أقل فئه موجوده ولا لاء.

شكرا على المعلومات الوافيه

[طارق _عبد السلام]

كلامى على 2.25شارب لانه عندى من خمس سنين

اكثر من رااااااائع

[salodas]

بص ...هل شارب بقاله أكتر من 5 سنوات واكل الجو ... وأنا عن نفسى عندى تكيفين كاررير ولكن من كلام الناس عن شارب هشترى واحد لأخر غرفة عندى ... أنا مش بشتكى من كارير ولكن الشارب طبقا لكلام الناس رااااااااااااائع

[Angel_wolf]

انا عندى 6 تكيفات شارب 5*1.5 وواحد 3 حصان 3 منهم ممتازين واتنين مخستعين اوقات واوقات كويسين

الفكرة فى شارب خدمة مابعد البيع

ودى اللى ابصم للعربى فيها بالعشرة انوا احسن خدمة ما بعد البيع فى مصر هو ورزق الله بتاع الموبيلات

بجد العربى لو اخد توكيل عربيات واتعامل بنفس الاسلوب والله يكتسح اى حد

[mahmoudysf]

طيب 1.5 كافي لغرفة 4 *5 بحري شرق دور مش اخير وسعره كام دلوقتي

[JAM]

طيب 1.5 كافي لغرفة 4 *5 بحري شرق دور مش اخير وسعره كام دلوقتي

قليل عليها.. ١.٥ حصان يكفى ١٣ متر مربع فقط

[سيد ابو غادة]

عاوز اجيب تكيف شارب بس محتار اجيب بارد ساخن وهل الساخن بيشتعل في الشتا ولا لا وكويس في الشتا