جراج سيارة كهربائى حد هنا عندة؟

[mastr_n]

السلام عليكم جميعا
انا كنت عايز اعما الجراج بتاعى توماتيكى زى بتاع جارى عاملة كدة و بيفتحة بالريموت
بس ماعرفش بيتكلف اية وهل الموضوع دة عملى ولا بلاش احسن والتكلفة كام؟

ياريت لو حد عندة الجراج دة يفيتينى

[salodas]

لو عندك بواب ... خليك فى أبو منفله وريح دماغك .
البواب يفتح لك ويقفل . لأن الحاجات دى مكلفة وصيانتها غاليه كمان .
اما بأه لو معاك قرشين محيرينك ( أنا مش بحسد أنا بنؤ بس) حطهم وديعة فى البنك وأنساهم .

تقبل مرورى ... انا بلطف الجو

[mastr_n]

لو عندك بواب ... خليك فى أبو منفله وريح دماغك .
البواب يفتح لك ويقفل . لأن الحاجات دى مكلفة وصيانتها غاليه كمان .
اما بأه لو معاك قرشين محيرينك ( أنا مش بحسد أنا بنؤ بس) حطهم وديعة فى البنك وأنساهم .

تقبل مرورى ... انا بلطف الجو

ههههههههههههههه ياباشا انت نورت الموضوع
وبعدين هوة انا لو عندى بواب كنت دخلت المنتدى اصلا هههههههههههههه
القصة وما فيها ان انا ساعات برجع بليل من الشغل ومش شايف قدامى والجراج صوتة اصلا بيصحى الحتة كلها وبصراحة الناس بتقلق ومهما اشحمة وازيتة صوتة عالى بردة
وبنك اية ووديعة اية؟؟؟؟؟؟؟؟؟؟؟؟ انا فاكر ان الموضوع موتور بيركب ودمتم

[Ahmed_Adham]

http://www.nilemotors.net/Nile/279458-a.html

[Trondo]

جميل جدا و امريكا كلها كده
باب بسوسته جامده قوى و موتور
و بينزل ب ٢ او ٣ ريموت تحطهم فى العربيات اللى بتجرج

[eng/ahmed_go]

عندنا في البيت من سنتين تقريبا وشغال زي الفل كان مكلفنا اياميها 3000 جنيه

[mastr_n]

عندنا في البيت من سنتين تقريبا وشغال زي الفل كان مكلفنا اياميها 3000 جنيه

منين من الزقازيق ياباشا لاتكون انت اللى جارى ههههههههههههههههههههههه

[Trondo]

انا اللى شوفته فى امريكا باب غير اللى هنا و فيه كاوتش فى اخره و الباب بيتشد لجوه مش بيتلف زى العادى

يعنى الموتور بيشد الباب و يكون مفرود

ممكن تحط صوره للباب و الموتور اللى عندك

[eng/ahmed_go]

منين من الزقازيق ياباشا لاتكون انت اللى جارى ههههههههههههههههههههههه

المساكن التعاونية عند مدرسة جمال عبدالناصر وعلى فكرة احنا الشارع بتاعنا فيه اتنين غيرنا عملين الموضوع ده لو حبيت ممكن اجبلك رقم اللي عملنا ورقم اللي عملهم بس خد بالك ان الكهرباء بتقطع كتير وممكن تعطل لما تكون مستعجل

[mastr_n]

المساكن التعاونية عند مدرسة جمال عبدالناصر وعلى فكرة احنا الشارع بتاعنا فيه اتنين غيرنا عملين الموضوع ده لو حبيت ممكن اجبلك رقم اللي عملنا ورقم اللي عملهم بس خد بالك ان الكهرباء بتقطع كتير وممكن تعطل لما تكون مستعجل

دة عيبة تصدق ماخدتش بالى من النقطة دية
يعنى ماينفعش يرفع مانيوال لو النور قاطع؟

[gade2]

دة عيبة تصدق ماخدتش بالى من النقطة دية
يعنى ماينفعش يرفع مانيوال لو النور قاطع؟

يبقى حط كمان للميزانبه مولد كهربى
هههههههه

[eng/ahmed_go]

دة عيبة تصدق ماخدتش بالى من النقطة دية
يعنى ماينفعش يرفع مانيوال لو النور قاطع؟

ممكن يتفتح مانول عن طريق رفع سلك (تقريبا بتاع الفرامل حاجة كدا) بس لازم تدخل الجراش الاول
يعني احنا عندنا فتحة من المنور على الجراش فلازم حد ينط من المنور على الجراش ويشد السلك و حد تاني من بره يفتحه (بس في الحالة دي بردو بيكون اتقل من العادي)

[mahmoudysf]

لو عندك بواب ... خليك فى أبو منفله وريح دماغك .
البواب يفتح لك ويقفل . لأن الحاجات دى مكلفة وصيانتها غاليه كمان .
اما بأه لو معاك قرشين محيرينك ( أنا مش بحسد أنا بنؤ بس) حطهم وديعة فى البنك وأنساهم .

تقبل مرورى ... انا بلطف الجو

ايه ده للدرجة
ياباشا الراجل مش هيشتري جراج الاوبرا هههههههه
دا يداوب هيركب دايرة ريموت وموتور

[Trondo]

فيه مواتيير لو الكهرباء قطعت فيها بطاريات تفتح برضه بس اغلى شويه بس كويسه برضه