فايدة بالعافية

[mk3]

السلام عليكم
معايا حساب جارى باحد البنوك ومفروض اللى اعرفه مفيش عليه فايدة لكنى اتفاجئت بمبلغ نزل على حسابى على النت ولم يدرج ب statement لسه.. وللاسف موظف خدمة العملاء مش عارف عنه حاجه
ده المكتوب
Interest Accrued in the previous financial year

[mk3]

upupup
upup
up

[أبو آسر]

وعليكم السلام
أعتقد والله أعلم إما المبلغ دخل حسابك بالغلط
يا إما لو مطلع فيزا أو ماستر كارد وحاجزين مبلغ من حسابك الجاري كتأمين فبيحسبوا على المبلغ المحجوز ده فوايد برده بس مش بتقدر تسحبها إلا لو لغيت الفيزا ولغوا حجز المبلغ

[mk3]

انا مطلع فيزا ديبت يعنى مفيش اقراض خالص الحمد لله
والحساب من الاساس جارى

[أحمد كمال]

فيه بنوك بتعمل Interest bearing current account

الحل انك تاخد الفلوس دي و تتبرع بيها لدار ايتام او اي ناس فقراء

[أبو آسر]

انا مطلع فيزا ديبت يعنى مفيش اقراض خالص الحمد لله
والحساب من الاساس جارى

هو مش إقراض هو لو كارت ائتماني بتدفع تأمين بقدر قيمة الحد الائتماني للمبلغ ولما تكنسل الكارت بتاخد التأمين ده تاني ، يعني أنا مطلع ماستر كارد علشان أدفع من النت بحد ائتماني 5000 جنيه فجنبوا مبلغ 5000 جنيه من حسابي الجاري كتأمين وبيطلعوا على المبلغ ده فوايد للأسف لأني لما سألت على حسابي بعدها بفترة قالي عندك مبلغ مجنب 6000 وكسر قلتله بتاع إيه المبلغ ده ؟! قالي بتاع الماستر كارد فعرفت إن المبلغ الزيادة ده فوايد على المبلغ المجنب
بس الـDebit أعتقد مش بياخدوا عليه تأمين
يبقى مفيش حل غير إن ده مبلغ دخل حسابك بالغلط أو مبلغ بتاعك بس كنت ناسيه

[mk3]

فيه بنوك بتعمل interest bearing current account

الحل انك تاخد الفلوس دي و تتبرع بيها لدار ايتام او اي ناس فقراء

يعنى ايه يا استاذ احمد

[mk3]

هو مش إقراض هو لو كارت ائتماني بتدفع تأمين بقدر قيمة الحد الائتماني للمبلغ ولما تكنسل الكارت بتاخد التأمين ده تاني ، يعني أنا مطلع ماستر كارد علشان أدفع من النت بحد ائتماني 5000 جنيه فجنبوا مبلغ 5000 جنيه من حسابي الجاري كتأمين وبيطلعوا على المبلغ ده فوايد للأسف لأني لما سألت على حسابي بعدها بفترة قالي عندك مبلغ مجنب 6000 وكسر قلتله بتاع إيه المبلغ ده ؟! قالي بتاع الماستر كارد فعرفت إن المبلغ الزيادة ده فوايد على المبلغ المجنب
بس الـdebit أعتقد مش بياخدوا عليه تأمين
يبقى مفيش حل غير إن ده مبلغ دخل حسابك بالغلط أو مبلغ بتاعك بس كنت ناسيه

كلام حضرتك صح فى حاله الكريدت كارد
لكن انا ديبت كارد

[h_shahin]

بعض البنوك بتدى عوائد على الحساب الجارى

[salodas]

غريبة جدا .
غالبا الفلوس نزلت حسابك بالغلط .
ارجع للبنك ولو مفيش حل ... خدهم وتصدق بهم والله اعلم

[Trondo]

بنك ايه ؟

[mk3]

بنك كريدى اجريكول
واى نعم البنك فوق الممتاز لكن كمان يدى فلوس ده كتير اوى اوى :)

[mk3]

الفكره انى ضد الفايدة والحساب جارى عشان كده

[Trondo]

اسئل خدمه العملاء عنها

[mk3]

اسئل خدمه العملاء عنها

لانها لم تدرج بعد بكشف الحساب الشهرى فهم لا يروها اصلا
هى نزلت لى فى كشف المعاملات من خلال الانترنت