زياره لحديقه الحيوان

[hugan]

كنت عملت موضوع عن القريه الفرعونيه
وجدت التكلفه هاتكون عاليه
خصوصا الايام الحاليه
لحمد لله ماشيه بالستر
قولت اودي الاولاد جنينه الحيوانات
حاجه علي قدنا وبتاعت عامه الشعب
ياريتني ماروحت
حاجه اخر قرف
زباله الزباله
االخديو اسماعيل لو عايش وشاف اللي وصل ليه اول واكبر حديقه حيوان في العالم
لانتحر كمدا علي ما وصلت اليه
مش عارف اقول ايه
مفيش حيوانات مبدئيا
شويه بط علي وز علي قرود علي كام معزه جبلي مصري
الاسود هزيله ونحيله وبتشكي حظها السيء اللي وقعها مع الناس الجعاته دي
دب جربان بكل ماتعنيه الكلمه يتسول من اجل مليء بطنه رز بلبن
شمبانزي اعطي ظهره للناس قرفا ما يراه
فرس النهر يسبح في بركه من القاذورات قاذورات اقل وصف للمياه اللي بيعيش فيها
طبعا تسول الحراس واكل العيش
كميه نادره وضخمه من الاشجار اتبهدلت واتقطعت
مفيش زرافه
مفيش زواحف
مفيش نضافه
مفيش اي حاجه
الاقفاص فاضيه بنسبه 50في المايه
حزين علي اللي شفته النهارده

[salodas]

يا مان ... ده حال البلد كلها

[starlanos]

انا العيد الي فات بنتي اعدت تعيط عشان واديها وياريت مودتهم ولا سمعت الكلام من كل حاجه هناك

[hugan]

يا مان ... ده حال البلد كلها

للاسف انهيار انهيار

انا العيد الي فات بنتي اعدت تعيط عشان واديها وياريت مودتهم ولا سمعت الكلام من كل حاجه هناك

ولادي زهقوا وقالوا لي مش عايزين نيجي هنا تاني

[Ramy_2R]

روح مدينة مبارك التعليمة ال في 6 أكتوبر
فيها حديقة حيوانات بردوا

[hugan]

روح مدينة مبارك التعليمة ال في 6 أكتوبر
فيها حديقة حيوانات بردوا

بجد اول مره ا عرف

[ghostmido]

روح مدينة مبارك التعليمة ال في 6 أكتوبر
فيها حديقة حيوانات بردوا

فين دى يا باشا؟
ونظامها ايه؟

[micromoud]

افريكانوا بارك على طريق مصر اسكندريه الصحراوى الحيوانات هناك فايقه ومتغذية والاماكن نضيفه

[Elawany13]

امبارح شوفت موضوعك بتاع القرية الفرعونية
وفى آخر مشاركة ليك قولت هتروح حديقة الحيوان
كنت عاوز اقولك خليك فى بيتك احسن
وبعدين قولت سيبه يخوض التجربة ههههههههههههه

[starlanos]

افريكانوا بارك على طريق مصر اسكندريه الصحراوى الحيوانات هناك فايقه ومتغذية والاماكن نضيفه

ايه نظامها

[Y a r i s]

افريكانوا الدخول من ٩ الصبح لحد ٥ المغرب على ما اتذكر. ... وسعر التذكرة ب ٢٥٠ جنية بتدخل بعربيتك وبتتبع الاسهم وبتنزل في الحياة البرية عادي جداً وتمشي وسط الحيونات. حتى الاسود ممكن تدخل جوا القفص بعربيتك بس اذا داخل بعربية ١٢٨ او عارف ان العربية ممكن تعملها معاك او تبطل منك. بلاش مفيش ميكانيكي هيخوشلك جوا او حد يجي يزوقك :)

مدينة مبارك التعليمية. فين هيبر ون امشي شوية هتلاقي بانزينة موبيل على ايديك اليمين بص الناحية التانية هتلاقي جبل وفي طريق كده وطلعه. اطلع الجبل ده هتلاقي المدينة في قلب الجبل. بس انا اول مره اسمع ان فيها حديقة حيونات. كل الي اعرفوا عنها ... ان فيها مجسمات للدينصورات + حجات عليمة من تيلسكوب وخلافوا وحجات. روعه. بس كمان اخر مره كانت رحلة منظماها صفحة اهالي ٦ اكتوبر ان المدينة لا تتعامل مع افراد لازم مجموعات. مش اقل من اربعين شخص ... يعني ممكن نعمل رحلة هنا من نايل موترز ونبعت مندوب من المنتدى يتفاوض مع الادارة ونحجز يوم لهذه الرحلة اه وبالمناسبة هيا الدخول مجاناً والشرح كمان مجاناً هيا والسينما ال ٣d ... لو مكنش عندي ظرف وولدي بين الحيا والموت في العناية المركزة وظروفي الصعبة الي بمر بيها حالياً كنت رحت حجزتلكم بس انصحكم انكم تعملوا الحكاية دي وبالتوفيق ودعاوتكم .

[J A G U A R]

عليه العوض ومنه العوض

[Ramy_2R]

فين دى يا باشا؟
ونظامها ايه؟

بجد اول مره ا عرف

دي المدينه ال بيصححوا فيها أمتاحنات الثانويه العامة
فيه مكان تعليمي كده تحفه
في أنهار و حديقة حيوانات مصغره
و فيها سينما 3d و حاجات كتير غير مستغله للأسف

دي موجود في 6 أكتوبر

[ramymechanics]

أفريكانو بارك دى فى طريق اسكندرية الصحراوى قبل اسكندرية ب 70 كيلو بالظبط عالشمال بس وههههههههههههههههم الدخول بالعربية العربية كلها ب 250 جنيه وتصور ولادك فوق النعامة ومع سيد قشطة وتدخل قفص الأسود وتمشى بينها وبعدين بيت القرود والقرود بتطلع فوق العربية تاكل سودانى وتقعد عالبرابريز غير بقا بيت للزواحف ورحلة مائية بس دى تقريبا بفلوس لوحدها بيبقى يوم تحفة بتاخدلك جوة عالأقل ساعتين ونص بتلف بالعربية والولاد بينبسطوا جدا غير فسحة المشوار

[amr011111]

أفريكانو بارك دى فى طريق اسكندرية الصحراوى قبل اسكندرية ب 70 كيلو بالظبط عالشمال بس وههههههههههههههههم الدخول بالعربية العربية كلها ب 250 جنيه وتصور ولادك فوق النعامة ومع سيد قشطة وتدخل قفص الأسود وتمشى بينها وبعدين بيت القرود والقرود بتطلع فوق العربية تاكل سودانى وتقعد عالبرابريز غير بقا بيت للزواحف ورحلة مائية بس دى تقريبا بفلوس لوحدها بيبقى يوم تحفة بتاخدلك جوة عالأقل ساعتين ونص بتلف بالعربية والولاد بينبسطوا جدا غير فسحة المشوار

المشكله لا القرد ينط على سقف العربيه يطبقه الواحد ساعتها لا هيعرف ياخد ولا سودانى