الربح من جوجل ادسنس

[#MAAM#]

السلام عليكم ورحمة الله

بدور على النت ولقيت إني ممكن أعمل موقع أو مدونة واضيف عليهيم اعلانات جوجل وبالتالي يحقق لي دخل شهري .......... هل هناك من الاعضاء ليه تجارب مع جوجل ادسنس ؟؟ وهل الموضوع مجدي ماديا ؟؟ والافضل موقع ولا مدونة ؟؟ ياريت تفيدونا بخبراتكم وشكرا

[أبو آسر]

وعليكم السلام ورحمة الله وبركاته
الموضوع مجدي طبعا للي بيفهم في المواقع وطرق الإشهار والأرشفة والكلام ده
لكن مش عايز أحبطك في مشكلة صغنونة أوي وهي إن جوجل أدسنس للأسف مبقاش بيقبل عمل حسابات عربية جديدة خاصة الحسابات المصرية بسبب (الفهلوة) اللي موديانا في داهية
راجع الموضوع ده
إغلاق ربع مليون حساب أدسنس فى العام 2013، وأرقام أخرى ! - الخطة..أدسنس
والمدونة اللي فيها الموضوع نفسها مفيدة جدا للربح من أدسنس عموما
وأي استفسار أنا تحت أمرك

[أبو آسر]

لكن بالرغم من كده توجد طرق بديلة وكثيرة للربح من الإنترنت مثل affiliate وهي الترويج لمواقع أو بضائع وأخذ عمولة على كل مشتري أو زائر مثل موقع أمازون مثلا ممكن تضع أكواد بيع المنتجات على موقعك واللي هيشتري من خلالك لك عليه نسبة أو عمولة
وكذلك توجد شبكات إعلانية بديلة لأدسنس ومنها شبكات عربية مثل حسوب
لكن للأسف كل هذه الطرق أقل فائدة من أدسنس بكثير وأكثر صعوبة أيضا
لكن يمكن فتح حساب أدسنس مقيد يسمى حساب مستضاف ويمكنك من خلاله الربح عن طريق أدسنس لكن من خلال مدونات بلوجر المجانية فقط واليوتيوب بمعنى أنك تنشئ مدونة بلوجر التابعة لجوجل وتضع فيها الأكواد وتربح من خلالها وكذلك رفع فيديوهات حصرية على اليوتبوب والربح من خلال النقرات على الإعلانات المتعلقة بالفيديو

[Karim_Monir]

ويا ريت تقرا مشاركات ابو اسر وتاخدها كوبي لاننا هانحذف الموضوع لانه بشكل او باخر بيكون غلط علينا نتكلم علي كيفية الربح من جوجل اد سينس واحنا عندنا حساب عليه
اينعم انا شايله اكواده دلوقتي للتعامل مع شركه اعلانات تانية لكن مش عايز ابقي اون فوكس من جوجل بالكلمات دي :-)

[KemozTanta]

أسهل طريقة تكسب منها حاليا من أدسنس هي قنوات اليوتيوب ، أرفع محتوي ملوش حق ملكية ممكن يكون مسلسلات تركي او حتي صيني ، شوف محتوي ملوش ملكية وارفعه واعملك حساب ادسنس المشاهدات في القناة هتتحسبلك فلوس ، محتاجة منك سيرش كتيير شوية عشان تفهم كل حاجة فيه ، بس أرجع واقولك أضمن وافضل حل هي عمل موقع متكامل ناجح ، شوف انت بتحب ايه واعمل عليه موقع واشتغل فيه بجد اول 3 شهور وتأكد ان هيكون لك مكان ثابت في جوجل أدسنس..

[أبو آسر]

ويا ريت تقرا مشاركات ابو اسر وتاخدها كوبي لاننا هانحذف الموضوع لانه بشكل او باخر بيكون غلط علينا نتكلم علي كيفية الربح من جوجل اد سينس واحنا عندنا حساب عليه
اينعم انا شايله اكواده دلوقتي للتعامل مع شركه اعلانات تانية لكن مش عايز ابقي اون فوكس من جوجل بالكلمات دي :-)

اولا يا كريم باشا معتقدش إن الكلام عن طرق الربح من جوجل مخالف لسياسات جوجل لمن لديه حساب أدسنس
والدليل المدونة دي (متخصصة) في الربح من أدسنس وبالرغم من كده عامل إعلانات أدسنس
الخطة..أدسنس
وكذلك منتدى ترايدنت الشهير لديه قسم مخصوص عن خدمات جوجل ومنها أدسنس وعامل إعلانات أدسنس برده

http://www.traidnt.net/vb/f89/

[#MAAM#]

ويا ريت تقرا مشاركات ابو اسر وتاخدها كوبي لاننا هانحذف الموضوع لانه بشكل او باخر بيكون غلط علينا نتكلم علي كيفية الربح من جوجل اد سينس واحنا عندنا حساب عليه
اينعم انا شايله اكواده دلوقتي للتعامل مع شركه اعلانات تانية لكن مش عايز ابقي اون فوكس من جوجل بالكلمات دي :-)

اون فوكس ......... ايه الكلام الكبير ده ......... ماشي هاخد المشاركة copy وربنا يبعد عنك عيون جوجل

لكن بالرغم من كده توجد طرق بديلة وكثيرة للربح من الإنترنت مثل affiliate وهي الترويج لمواقع أو بضائع وأخذ عمولة على كل مشتري أو زائر مثل موقع أمازون مثلا ممكن تضع أكواد بيع المنتجات على موقعك واللي هيشتري من خلالك لك عليه نسبة أو عمولة
وكذلك توجد شبكات إعلانية بديلة لأدسنس ومنها شبكات عربية مثل حسوب
لكن للأسف كل هذه الطرق أقل فائدة من أدسنس بكثير وأكثر صعوبة أيضا
لكن يمكن فتح حساب أدسنس مقيد يسمى حساب مستضاف ويمكنك من خلاله الربح عن طريق أدسنس لكن من خلال مدونات بلوجر المجانية فقط واليوتيوب بمعنى أنك تنشئ مدونة بلوجر التابعة لجوجل وتضع فيها الأكواد وتربح من خلالها وكذلك رفع فيديوهات حصرية على اليوتبوب والربح من خلال النقرات على الإعلانات المتعلقة بالفيديو

لو تديني مثال او موقع على موضوع affiliate أكون شاكر جدا أبو اسر

أسهل طريقة تكسب منها حاليا من أدسنس هي قنوات اليوتيوب ، أرفع محتوي ملوش حق ملكية ممكن يكون مسلسلات تركي او حتي صيني ، شوف محتوي ملوش ملكية وارفعه واعملك حساب ادسنس المشاهدات في القناة هتتحسبلك فلوس ، محتاجة منك سيرش كتيير شوية عشان تفهم كل حاجة فيه ، بس أرجع واقولك أضمن وافضل حل هي عمل موقع متكامل ناجح ، شوف انت بتحب ايه واعمل عليه موقع واشتغل فيه بجد اول 3 شهور وتأكد ان هيكون لك مكان ثابت في جوجل أدسنس..

الموضوع ده مهم وهشوفه

[أبو آسر]

لو تديني مثال او موقع على موضوع affiliate أكون شاكر جدا أبو اسر

والله يا بشمهندس أنا مجربتش أتعامل في موضوع الأفيلييت ده قبل كده غير مع امازون بس ومكنش مجزي معايا لأن الموقع اللي كنت حاطط فيه الأكواد كان نايم ومكنتش مهتم بيه
لكن اللي اعرفه اشهر مواقع هي أمازون وفي موقع عربي اسمه بيت دوت كوم بتاع وظائف تقريبا
وممكن تعمل بحث في جوجل عن "مواقع affiliate" وتقرأ الناس اللي كاتبة عنها بس خللي بالك من الناس اللي عاملة إعلانات عن منتجات تشريها علشان تكسب والكلام ده سيبك منهم معظمهم هجاصين

[#MAAM#]

والله يا بشمهندس أنا مجربتش أتعامل في موضوع الأفيلييت ده قبل كده غير مع امازون بس ومكنش مجزي معايا لأن الموقع اللي كنت حاطط فيه الأكواد كان نايم ومكنتش مهتم بيه
لكن اللي اعرفه اشهر مواقع هي أمازون وفي موقع عربي اسمه بيت دوت كوم بتاع وظائف تقريبا
وممكن تعمل بحث في جوجل عن "مواقع affiliate" وتقرأ الناس اللي كاتبة عنها بس خللي بالك من الناس اللي عاملة إعلانات عن منتجات تشريها علشان تكسب والكلام ده سيبك منهم معظمهم هجاصين

شكرا ابو اسر على الاهتمام والافادة

[bekatcho]

بص ادسنس مجزى جدا بس علشان تعرف تكسب حلو لازم تعمل موقع بفكرة جديدة ومحتوى حصرى مش مكرر
انا شايف ان الاحسن ليك تشتغل يوتيوب تصور فيديوهات وتنشرها او ترفع فيديوهات ملهاش حقوق ملكية وتنشرها مكسبها حلو بس طبعا فى الحالتين محتاج تصبر يعنى ما تتوقعكش انك من اول شهر تكسب لا اعمل حسابك من 3 شهر مثلا

[MoneyWizard]

بسم الله الرحمن الرحيم

من خلال تعامل سنين مع ادسنس للاسف ادسنس اصبحت اسؤا شركه اعلانات هذه الايام لانها اصبحت صارمه جدا جدا في سياستها ضد العرب والمصريين خصوصا يعني باختصار حتعمل حساب ادسنس وتعمل موقع وتضيع وقت ومجهود وفلوس والاكونت ممكن يتقفل بسبب غلطه او موضوع منقول او كراك او اي حاجه مخالفه وطبعا ممكن يغلقو حسابات حسب المزاج بدون ما تعمل ويضيع كل مجهودك

طبعا انا مش بخوفك لاكن الموضوع مش موقع او ترفع فيديوهات وخلاص لان فيه حقوق الملكيه اصبحت صارمه في ادسنس

[#MAAM#]

بص ادسنس مجزى جدا بس علشان تعرف تكسب حلو لازم تعمل موقع بفكرة جديدة ومحتوى حصرى مش مكرر
انا شايف ان الاحسن ليك تشتغل يوتيوب تصور فيديوهات وتنشرها او ترفع فيديوهات ملهاش حقوق ملكية وتنشرها مكسبها حلو بس طبعا فى الحالتين محتاج تصبر يعنى ما تتوقعكش انك من اول شهر تكسب لا اعمل حسابك من 3 شهر مثلا

موضوع اليوتيوب عاجبني جدا هفكر فيه إن شاء الله

بسم الله الرحمن الرحيم

من خلال تعامل سنين مع ادسنس للاسف ادسنس اصبحت اسؤا شركه اعلانات هذه الايام لانها اصبحت صارمه جدا جدا في سياستها ضد العرب والمصريين خصوصا يعني باختصار حتعمل حساب ادسنس وتعمل موقع وتضيع وقت ومجهود وفلوس والاكونت ممكن يتقفل بسبب غلطه او موضوع منقول او كراك او اي حاجه مخالفه وطبعا ممكن يغلقو حسابات حسب المزاج بدون ما تعمل ويضيع كل مجهودك

طبعا انا مش بخوفك لاكن الموضوع مش موقع او ترفع فيديوهات وخلاص لان فيه حقوق الملكيه اصبحت صارمه في ادسنس

حقوق الملكية مفيهاش خوف بالنسبة ليا لأني هعمل الموقع وهيبقى كله مجاني ومش هيبقى فيه أي كراك إن شاء الله

[#MAAM#]

هل هو مجزي ماديا ؟؟ يعني يطلعلي كام في الشهر لو اشتغلت على الموقع ساعتين مثلا كل يوم ؟؟

[أبو آسر]

موضوع اليوتيوب عاجبني جدا هفكر فيه إن شاء الله

حقوق الملكية مفيهاش خوف بالنسبة ليا لأني هعمل الموقع وهيبقى كله مجاني ومش هيبقى فيه أي كراك إن شاء الله

المشكلة مش في الكراكات بس ، الكلام ده لو موقعك تخصص تحميل برامج
المشكلة إن في شروط كتير جدا وصارمة لازم تتبعها علشان حسابك يتوافق عليه أولا وثانيا علشان ميتوقفش أهمها إن محتوى موقعك ميكونش منقول من مواقع تانية كوبي بيست يعني لازم يكون حصري مش مكرر وباختصار شديد لازم يكون موقعك نافع ومفيد وبيضيف جديد لعالم الإنترنت مش مجرد تكرار علشان تكسب فلوس
أنصحك بشدة قراءة الصفحة دي أولا

https://support.google.com/adsense/answer/48182?hl=ar&utm_source=ww-ar-et-storefront_adsense&utm_campaign=ar&utm_medium=et

وياريت برده تبقى تتابع المدونة بتاعتهم
AdSense Arabia Blog: سياسة البرنامج

هل هو مجزي ماديا ؟؟ يعني يطلعلي كام في الشهر لو اشتغلت على الموقع ساعتين مثلا كل يوم ؟؟

بخصوص هل هو مجزي ماديا أو لا فباختصار هقولك إن أدسنس فاتح بيوت ناس كتير جدا وفي ناس سابت شغلها وتفرغت للربح من الإنترنت ومن أدسنس
لكن ... !
مش معنى كده إن كل واحد سجل في أدسنس واشتغل يبقى بيكسب فضلا عن إنه بيعتمد على دخل جوجل فقط
ياما ناس مسجلة في أدسنس وكل شهر بيكسبوا ملاليم
وفي المقابل ناس كتيرة جدا بتكسب عشرات الآلاف شهريا
وعندك نماذج ناجحة جدا لمواقع بتكسب عشرات الآلاف شهريا بدون مبالغة وأشهرهم اليوم السابع ومنتدى فتكات ومصراوي وأخبارك وغيرهم
بس الناس دي بتكسب كويس علشان مواقعهم بتقدم جديد وبيدخلها عدد زوار ضخم والمعادلة بتقول كلما زاد عدد الزوار كلما زاد الربح لأن متوسط نسبة عدد النقرات على إعلانات أدسنس الموجودة في أي موقع لا يقل غالبا عن 5% من إجمالي عدد الزوار
ولتقريب النظرية هنفترض ان عندك موقع مفيد بيدخله شهريا عدد زوار لا يقل عن 100 ألف زائر وبالتالي فعدد النقرات اللي هتحصل عليها من هؤلاء الزوار لن يقل عن 5 آلاف نقرة ، اضرب العدد ده في متوسط سعر النقرة هتعرف أرباحك أد إيه
طب متوسط سعر النقرة بيبقى كااااام ؟
ده السؤال اللي عقّد الملايين :) لأنه غالبا بيكون مرتبط بعدة اعتبارات أهمها الدولة اللي بيجيلك منها النقرات
عندك مثلا مصر متوسط سعر النقرة يتراوح ما بين 2-4 سنت أمريكي أي ما يساوي 14-28 قرش تقريبا وده لأن المعلنين المصريين اللي بيعلنوا على جوجل مش بيدفعوا كتير وبالتالي لما جوجل تاخد حوالي التلت من النقرة على الإعلان وحضرتك تاخد التلتين يبقى علشان واحد يعمل إعلان على أدوردز ويدفع على النقرة حوالي 30 قرش مثلا يبقى انت نصيبك من ال30 قرش هيكون 20 قرش تقريبا وجوجل 10 قروش
في دول عربية بيكون سعر النقرة عندهم كويس زي الإمارات مثلا وبعض دول الخليج بس لازم تفكر هتجيب الزوار من الدول دي ازاي بالإضافة إلى أن عدد أفراد هذه الدول أساسا قليل فمن الصعب انك تجذب زوار كتير من الدول دي إلا لو عملتلهم موقع مخصوص بدولتهم وأغلبهم مهتم إنه يدخله ويتابعه
أخيرا أفضل سعر نقرة في الغالب بيكون أمريكا وكندا وبعض الدول أحيانا زي انجلترا وفرنسا وبعض الدول الأوربية
فلو افترضنا ان متوسط سعر النقرة في أمريكا نص دولار يبقى لو حسبت عدد النقرات اللي هما 5000 × نص دولار يبقى ربحك الشهري هيكون في حدود 2500 دولار يعني حوالي 17500 جنيه وطبعا ده شيء مجزي جدا جدا بس في نفس الوقت صعب جدا جدا جدا لأنك لازم تعمل موقع ينافس المواقع الأمريكية ويقدم جديد للزائر الأمريكي يخليه يدخل الموقع كل يوم والعدد يزيد علشان تحصل على عدد زوار مستقر
ملحوظة هامة: أي أسلوب ملتوي لمحاولة الحصول على الزوار بطرق غير مشروعة أو مزعجة نتيجته عقاب جوجل فورا ، وأفضل وسيلة للحصول على الزوار هي عن طريق محرك البحث وده بيتطلب مجهود كبير جدا فيما يسمى بالSEO وهو تهيئة الموقع لمحرك البحث بحيث لما واحد يبحث في جوجل عن كلمة معينة يظهرله موقعك انت في النتائج الأولى ، ولذلك معظم الناشرين بيتجهوا لما يسمى بمواقع النيتش وهي عبارة عن موقع صغير جدا مكون من حوالي 5-10 صفحات فقط ولكنه متخصص في موضوع معين يبحث عنه عدد لا بأس به شهريا وفي نفس الوقت المنافسة على الكلمة اللي الموقع متخصص فيها قليل لذلك فرصة ظهوره في نتائج البحث بتكون كبيرة وفي نفس الوقت سعر النقرة على الإعلان المتعلق بالكلمة القائم عليها الموقع مرتفع علشان يجيب همه ، وللتفصيل في الموضوع ده أنصحك بمراجعة مدونة "الخطة أدسنس" سلسلة مواقع النيتش
آسف على الإطالة

[#MAAM#]

شكرا ياابو اسر على الرد الوافي