هل تصلح شقة 63م لآربع أفراد ؟

[tamlove]

انا امتلك 165 ألف ولا استطيع تقسيط أى مبلغ آخر فوق ذلك المبلغ ونصحنى زملائى بأن هذا المبلغ يستطيع شراء شقة 63م بالتجمع التى أريد أن أسكن بها نظراً لقربها من العمل بعد معاناة مع الإيجار على مدار سبع سنوات لذا أريد أن آآخذ أرائكم فى ذلك الأمر وما هو رأيكم فى ال63م لى ولزوجتى وطفلين أو ال79م فى محدود الدخل بالتجمع

[amr011111]

لو تاخد فى الهرم او فيصل هتلاقى مساحات حلوه بالسعر ده

[canner]

فيه ناس اعرفهم عايشين فى المساحة دى و تمام و زى الفل

[salodas]

شوف يا صديقى .
القناعة كنز لا يفنى .... واحنا كمصريين والحمد لله بنعرف نكيف أمورنا ونعيش على قدر حالنا ..
صدقنى طول ما أنت قنوع وسعيد فى حياتك هتحس أن شقتك الصغيرة دى قصر .

تعالى بأه نتكلم عملى شوية ... انت وزوجتك مش محتاج من الشقة غير غرفة خاصة . وكمان غرفة للطفلين فضل ونعمة + حمام واحد يكفى فى الوقت الحالى + مطبخ يكفى بالغرض لغاية ربنا عز وجل يرزقك من عندة بشقة أكبر .

صدقنى فيه ناس عندها ريسيبشن 200 متر ولا يدخلة أحد غير العنكبوت .
حاجة أخيرة .... أن تمتلك 10 متر ملكك تعيش فيهم أنت وأسترك أفضل من 500 متر إيجار .

ربنا يوفقك ويسدد خطاك

[hosamsief]

انا شخصيا اتربت فى وسط اسرة مكونه من 11 فرد فى مثل هذة المساحه ( اب و ام و تسع اشقاء )

[lad]

تنفع ان شاء الله و قدام تبقى تكبر ان شاء الله

[ramymechanics]

انا اعرف 3 اشخاص بالغين عايشين فى 65 متر والحياة ماشية وزى الفل المهم السعادة الداخلية ... ربنا يرزقنا واياك

[أبو آسر]

توكل على الله وطالما أولادك لسة أطفال فالشقة هتمشي الحال لحد ما ربنا يكرمك بعد كام سنة وتقدر تحوش مبلغ على تمن الشقة لما تبيعها وتشوفلك حاجة أكبر بعد كده خاصة لو الطفلين ولد وبنت فلازم هتحتاج بعد كده شقة 3 غرفة علشان البنت مش هينفع تبقى في نفس الغرفة مع الولد لكن طالما لسة أطفال فمش مشكلة في الوقت الحالي والشقة في حد ذاتها استثمار أحسن ما فلوسك ومرتبك يروح على الإيجار ده غير قرفه

[محمد عز]

طب ما تفكر فى العبور او الشروق او اخر مدينة نصر الحى الثامن و الزهراء

ممكن تجيب شقة اكبر بنفس السعر وفى نفس الوقت قريبة من التجمع

[TAMERMEGAHED]

ربنا ييسرلك الحال

[J A G U A R]

لو حضرتك متعود على المساحه الصغيره مش هايقابلك مشاكل