طريق القاهرة-اسكندرية الصحراوى!!!

[menaraafat85]

بعد أحلى مسا على أحلى منتدى فى الدنيا
أخدت قرار بإذن ربنا إن عشنا وكان لينا عمر أطلع أنا والأسرة الكريمة على الخطاطبة يوم الجمعة الجاية
أولا أنا لسة جديد فى السواقة أصلا (بقالى شهر بس)
ثانيا مش عارف الطريق إلا من خلال خرائط جوجل
فاحبيت أسأل حضراتكم عن حال الطريق اليومين دول (اصلاحات - تحويلات - كمائن - ...إلخ)
شكرا لمساعدتكم مقدما

[amr011111]

لو لسه جديد فى السواقه بلاش تطلع على طرق سفر فى الاول كده
لانك هتلاقى عربيات ماشيه بسرعه عاليه جداً
ولازم برضه يبقى عندك خبره بالميكانيكا او يكون معاك بعض قطع الغيار المستهلكه
بحيث لو لا قدر الله عطلت يبقى تعرف تتصرف

[cameeron]

و بلاش الجمعة الجاية علشان قلق 25 يتاير المتوقع

[Shocky]

هقولك كل اللى اعرفه:
فى تحويلات على الطريق .. وشوية تنزل تاخد الطريق الفرعى وترجع تانى
والتحويلات بتتغير .. وبيكون قبلها لمبات تحذير ودى بتنفع بالليل .. أما بالنهار مفيش أى لافتة بخصوص الموضوع دة
الطريق حالياً تحت الإصلاح وبقاله كدة زمن :d .. وكل شركة واخدة جزء وشغاله بمزاجها

حالة الطريق عموماً مختلفة .. لإن فى قطاعات خلصت وفى لسة مخلصش .. الجزء الأسوأ هو اللى قبل إسكندرية على طول .. دى أصلاً حارة إتجاة واحد وحالياً قسموها بطوب كدة وخلوها رايح جاى لمسافة مش بسيطة وقبل اسكندرية بتطلع تانى على الطريق بتاعك

الجزء من بعد بوابات القاهرة لحد حوالى 50 كيلو .. كويس جداً .. دة للإتجاهين وخصوصاً اللى راجع من اسكندرية
من بعد النوبارية الجديدة .. الكيلو 75 .. لحد إسكندرية .. معقول .. دة للإتجاهين برضو .. من معقول إلى سئ

لو فى أى سؤال إتفضل

[look344]

الوصلة من الاسكندرية الصحراوى الى طريق الخطاطبة - الطريق كله مكسر بمعنى الكلمة ومطباته مطبات النقل التقيل
فى نفس الوصلة احتمال تركب معدية نيل انت والعربية :) علشان تعدوا الناحية التانية
اوعا ثم اوعا مرة تانية انت تاخد طريق الخطاطبة القناطر الخيرية لانى مرة تعرضت فيه لساعة وقوف بالعربية وكان معدى حوالى 1000 جمل عمالين يزقوا بعض بغباوة :) انا كنت مرعوب يا جمل منهم يتخض بس او يريح على السقف :)

الطريق بتاع الخطاطبة اتجاهين رايح جاى فى حارة واحدة خلى بالك كويس وياريت متروحش المشوار ده خالص وخصوصا 25 يناير كمان :)

ربك يستر

[menaraafat85]

لو لسه جديد فى السواقه بلاش تطلع على طرق سفر فى الاول كده
لانك هتلاقى عربيات ماشيه بسرعه عاليه جداً
ولازم برضه يبقى عندك خبره بالميكانيكا او يكون معاك بعض قطع الغيار المستهلكه
بحيث لو لا قدر الله عطلت يبقى تعرف تتصرف

شكرا لنصيحتك ياباشا
عموما أنا مش بمشى بسرعة كبيرة إلا فى الأماكن اللى حافظها
من ناحية الميكانيكا إن شاء الله هاشيك عليها قبل السفر وربنا يسترها فى الباقى

[menaraafat85]

و بلاش الجمعة الجاية علشان قلق 25 يتاير المتوقع

شكرا للنصيحة بس للأسف مش قدامى غير الجمعة دى وربنا يسترها من عنده

[look344]

خلى بالك بردوا متاخدش طريق الخطاطبة برقاش - الا لو كان معاك بربيز ازاز مستغنى عنه
لان ده طريق النقل وبسسسسسسسسسسسسسس
نقل زلط - طوب - حجارة
انا والله مرة طارلى بربيز بسبب النقل ده عالطريق ده
كويس انى فتكرت وقلتلك

[menaraafat85]

هقولك كل اللى اعرفه:
فى تحويلات على الطريق .. وشوية تنزل تاخد الطريق الفرعى وترجع تانى
والتحويلات بتتغير .. وبيكون قبلها لمبات تحذير ودى بتنفع بالليل .. أما بالنهار مفيش أى لافتة بخصوص الموضوع دة
الطريق حالياً تحت الإصلاح وبقاله كدة زمن :d .. وكل شركة واخدة جزء وشغاله بمزاجها

حالة الطريق عموماً مختلفة .. لإن فى قطاعات خلصت وفى لسة مخلصش .. الجزء الأسوأ هو اللى قبل إسكندرية على طول .. دى أصلاً حارة إتجاة واحد وحالياً قسموها بطوب كدة وخلوها رايح جاى لمسافة مش بسيطة وقبل اسكندرية بتطلع تانى على الطريق بتاعك

الجزء من بعد بوابات القاهرة لحد حوالى 50 كيلو .. كويس جداً .. دة للإتجاهين وخصوصاً اللى راجع من اسكندرية
من بعد النوبارية الجديدة .. الكيلو 75 .. لحد إسكندرية .. معقول .. دة للإتجاهين برضو .. من معقول إلى سئ

لو فى أى سؤال إتفضل

شكرا على الشرح الوافى ده
أنا مش هاوصل لحد اسكندرية أنا لحد الخطاطبة بس يعنى حوالى 70 - 75 كم تقريبا على قد معرفتى من خرائط جوجل

[menaraafat85]

الوصلة من الاسكندرية الصحراوى الى طريق الخطاطبة - الطريق كله مكسر بمعنى الكلمة ومطباته مطبات النقل التقيل
فى نفس الوصلة احتمال تركب معدية نيل انت والعربية :) علشان تعدوا الناحية التانية
اوعا ثم اوعا مرة تانية انت تاخد طريق الخطاطبة القناطر الخيرية لانى مرة تعرضت فيه لساعة وقوف بالعربية وكان معدى حوالى 1000 جمل عمالين يزقوا بعض بغباوة :) انا كنت مرعوب يا جمل منهم يتخض بس او يريح على السقف :)

الطريق بتاع الخطاطبة اتجاهين رايح جاى فى حارة واحدة خلى بالك كويس وياريت متروحش المشوار ده خالص وخصوصا 25 يناير كمان :)

ربك يستر

خلى بالك بردوا متاخدش طريق الخطاطبة برقاش - الا لو كان معاك بربيز ازاز مستغنى عنه
لان ده طريق النقل وبسسسسسسسسسسسسسس
نقل زلط - طوب - حجارة
انا والله مرة طارلى بربيز بسبب النقل ده عالطريق ده
كويس انى فتكرت وقلتلك

ألف مليون شكر لنصايحك الغالية دى يا باشا
أنا مش ناوى على طريق برقاش
أنا بتكلم على طريق القاهرة اسكندرية الصحراوى لحد وصلة الخطاطبة يمين وبعدين الوصلة نفسها