كتابة عقد الايحار

[smsm2015]

السلام عليكم

عندى شقة ولله الحمد يا جماعة وباذن الله هاجرها قانون جديد كنت عاوز اعرف المحامى بيكتب عقد الايجار بكام ولا عقد المكاتب كافى ومعلش علشان انا اول مرة الشقة فيها شوية حاجات هل وقت كتابة العقد يتم تسليم المفتاح للساكن ولا ممكن اكتب العقد واجل تسليم الشقة يومين ثلاثة على ما افضيها ...

[smsm2015]

معلش يا جماعة هو كتابة العقد لازم يكون فيه شهود ...

[احمد المصرى]

اياك من عقد بتاع المكتبه خالص ملوش اى لازمه اكتب عقد محترم وخلى مده العقد لمده سنه واحده فقط غير قابله للتجديد نهائيا وبعد سنه اكتبله عقد تانى علشان تكون عرفته كويس خلال السنه الاولى واوع تاجر الشقه لطلبه او لمحامى

وهتاخد تامين شهر او 2 حسب الشخص ال قدامك والافضل انك تاخد وصل امانه بس مش كل الناس بتوافق على كدا

وانا هنزلك العقد ال بكتبه وربنا يسترها معاك ان شاء الله

[احمد المصرى]

عقد إيجار محدد المدة

انه في يوم : الموافق : / /2013م0
بموجب هذه الشروط الموقعه من المتعاقدين على اعتبارها كأنها محررة أمام المحكمة المختصة بذلك
قد أجر ورثه السيد : التابع لدولة : مصر المقيم : ( طرف اول – مؤجر)0
آلي السيد : التابع لدولة : المقيم : رقم بطاقه شخصيه :- ( طرف ثان – مستأجر )0

بموجب هذا العقد أجر الطرف الاول ( المؤجر ) الى الطرف الثانى ( المستأجر ) شقة بالدور الخامس رقم 10 مكونه من ثلاث حجرات وصاله وحمام ومطبخ فى العقار

– الجيزه - بقصد استعمالة سكن القيمة المتفق عليها و القيمه الايجارية تدفع مقدما ليد المؤجر بالايصال اللازم أول كل شهر 0

وقد صار عقد هذا الإيجار بالشروط آلاتية : -

بند 1 : أن مدة الايجارة تبدأ من//2013م وتنتهى مدة الايجارة في//2014م غير قابله للتجديد نهائيا0
بند 2 : إذا رغب أحد المتعاقدين فسخ هذا العقد خلال المدة المتفق عليها أن يعلن الطرف الآخر بطريق قانوني أو يتفق معه كتابة على ذلك قبل الميعاد بشهرين 0
بند 3 : يتم دفع مبلغ تأمين قدره كتأمين ترد عند نهاية مدة الايجارة في : / /2014م 00
بند 4 : إذا تأخر المستأجر عن دفع الإيجار الشهري في المواعيد المحددة ولو لمدة شهر واحد فيحق للمؤجر قطع التيار الكهربائى والمياه عن الشقه وأن يلزمه بدفع الأجرة والمصاريف الرسمية وغير الرسمية آلي تلزم فيها إذا أقيمت دعوى علية وله أيضا الحق في أن يفسخ العقد بدون الحصول على حكم قضائي لهذا الفسخ وبدون إجراءات رسمية وقد قبل المستأجر بهذه الشروط بدون احتياج للموافقة معه بذلك 0
بند 5 : لا يجوز للمستأجر أن يؤجر الشقة المذكورة من باطنه أو يسلبه لخلافه عن آي مدة كانت بدون أذن المؤجر كتابة وإذا خالف ذلك فالمؤجر الحق في أن يفسخ العقد ويسقط حق المستأجر في مبلغ التأمين ويلزمه بالعطل والأضرار والمصاريف آلتي تحدث 0
بند 6 : أن المستأجر غير مسموح له بآي تغيير بالشقة مثل هدم أو بناء أو تقسيم فتح باب غير الباب الأصلي للشقة بدون أذن كتابي من المؤجر وأن تم شي من ذلك يكون المستأجر ملزما بإرجاع الشقة لحالتها الأصلية على حسابه الشخصي 0

بند 7 : جميع مايفعلة المستأجر من تنظيمات فى الشقة المؤجرة له مثل دهانات أو لصق ورق أو ديكور وخلافه تكون مصاريفه من المستأجر ولا يلزم المالك بشي ولا يحق للمستأجر أن يطلب قيمتها ولا إعدامها عند خروجه من الشقة 0
بند8 : المستأجر ملزم بإرجاع الشقة المذكورة كما استلمها من المالك وملزم بإصلاح كل ما أتلف مده الايجارة ولو كان المتسبب عن ذلك أحد أفراد اسرته ولا يحق له تخزين مواد ملتهبة أو مفرقعات بالشقة وإذا حدث ذلك يعتبر هذا العقد لاغيا من تلقاء نفسه0
بند9 : المالك ليس مسئولا نحو المستأجر لا بعطل ولا خلافه مما ينسب للمستأجر من أعمال الجيران أو عموم الغير أو من خلافهم مهما كان نوعها 0
بند 10: قيمه استهلاك الكهرباء و المياه والغاز الطبيعى وفاتوره التليفون ومصاريف صيانه الشقه وقيمه اجره حارس العماره التي تنشأ خلال فترة الايجار على عاتق المستأجر 0
بند 11: كل مايريد المؤجر إصلاحه فى الشقه من مرمات وخلافه فى مدة الايجار له أن يجريه بدون رفض من المستأجر ولا يكون له الحق فى المطالبة بأي عطل أو ضرر 0
بند 12: اتفقا الطرفان وقبلا من ألان بدون معارضة اختصاص قاضى الأمور المستعجلة بالحكم في مسألة ترك المستأجر للمحل أذا لزم سواء كان لمخالفته شروط هذه الايجارة أو لسبب مضى مدتة بدون تجديد بالكتابة لمدة أخرى أما ما مايتعلق بوضع طلب قيمة الايجارة أو الطلب والمصاريف ما أشبه هذا يكون من خصائص المحكمة المدنية المختصة بحسب القانون وقد تحرر هذا العقد من صورتان تحت يد كل من الطرفين نسخه للعمل بموجبها موقع عليها من الطرفان0
بند13 : اذا تم مكوث المستأجر بعد نهاية الفترة الايجارية فى / /2014م يسقط حقه فى مبلغ التأمين وكذلك يتم احتساب عن كل يوم غرامه ماليه قدرها 500 جنيه فقط خمسمائه جنيه بالاضافه الى قيمه ايجارية شهرية قدرها 5000 جنيه فقط خمسه الاف جنيه لا غير عن كل شهر0

المستأجر المؤجر
الاسم : الاسم :
التوقيع : التوقيع :

رقم بطاقه قوميه :-







أقر معترفا وأنا حائز لكامل الأوصاف المعتبرة شرعا وقانونا بأنى قد ضمنت المستأجر المذكور فى أداء هذه الشروط الموضحه ضمان حضور وغرام وإلزام فى كامل ماهو ملزوم به وأكون كشخصه وأقوم مكانه بدون أحاله وقد توقع منى على هذه الضمانه برضائي واختياري 0
تحريرا فى : - / /2013 م0



الضامن :-

الاسم : التوقيع : رقم البطاقة القومى:

قائمه بالمنقولات

اقر انا السيد / التابع لدولة : المقيم : رقم بطاقه رقم قومى: مؤجر الشقه
الجيزه
باننى قد تسلمت المنقولات الاتيه بحاله جيده وسليمه واتعهد بالمحافظه عليها بالحاله التى استلمتها عليها واصبحت مسئولا عنها مسؤليه كامله امام القانون وفى حاله تبديد اى جزء منها اتعهد بدفع التعويض المناسب كما يراه المالك وبيان المنقولات كالتالى :-

1. (حجره النوم الاولى ) عدد واحد سريع 170 سم و اثنان كومودينو و دولاب ملابس كبير سته دلفه وعدد واحد تسريحه بالزجاج وعدد واحد شوفنيرة اثنان دلفه وعدد واحد سيتاره وعدد واحد نجفه0
2. ( حجره النوم الثانيه ) عدد واحد سرير 150 سم و عدد واحد دولاب اثنان دلفه بالتسريحه الزجاج وعدد واحد تربيزه تلفزيون وعدد واحد تربيزه كمبيوتر وعدد واحد مروحه سقف توشيبا العربى وعدد واحد مكتبه مقسه ثلاث اجزاء وعدد واحد سيتاره0
3. ( حجره النوم الثالثه ) عدد واحد سرير 100سم وعدد واحد مكتب دراسى 120سم وعدد واحد مكتبه مقسه ثلاث اجزاء وعدد واحد سيتاره 0
4. (ريسبشن) انتريه عباره عن ست كراسى وعدد واحد كنبه ركنه و عدد اثنان طابلوه معلق وعدد اثنان سيتاره وعدد واحد نجفه0
5. ( المطبخ ) عدد واحد بوتاجاز 60×60 وعدد واحد دولاب ارضى اثنان متر اربع دلفات وثلاجه 14 قدم0
6. تحريرا فى / /2013م0



المستأجر

الاسم :-

التوقيع :-

رقم البطاقة القومى:

اقرار

اقر انا الموقع ادناه / التابع لدولة : المقيم : رقم البطاقة القومى: بانى تنازلت عن المده المتبقيه فى عقد الايجار اعتبارا من يوم الاحد العاشر من ابريل سنه الفان واحدى عشر وانى مسؤول مسؤليه كامله عن الشقه خلال مده ايجارى للشقه المنتهيه فى تاريخه واقر بان اى شى فى الشقه من تاريخه ملكيه خاصه للمالك وليس لى الحق فى الرجوع عليه فى اى شى يخص الشقه من التاريخ المذكور كما اقر بانه تم خصم مبلغ وقدره ربعمائه جنيه مصرى لا غير من مبلغ التامين وذلك قيمه مصاريف الشقه المتفق عليها فى العقد00


الاسم :-

التوقيع :-

رقم البطاقة القومى:

[smsm2015]

الف شكر يا صديقى العزيز احمد ربنا يبارك فيك .... بس بالنسبه للشهود لازم اثنين ولا ممكن واحد ولو روحت كتبت العقد عند المحامى ياخد كام علشان ميضحكش على واسف لتعبك معايا ...

[احمد المصرى]

الف شكر يا صديقى العزيز احمد ربنا يبارك فيك .... بس بالنسبه للشهود لازم اثنين ولا ممكن واحد ولو روحت كتبت العقد عند المحامى ياخد كام علشان ميضحكش على واسف لتعبك معايا ...

انا بخلى ضامن وخلاص وممكن شهود وبخليه واحد وخلاص ...... وصدقنى موضوع التاجير دا اخر حاجه تفكر فيها العقد بمعنى ايه


اولا تبص للشخص ال جاى شكله طبيعى ولا بلطجى وبتاع مشاكل ملتزم بميعاده معاك فى الحضور لاول مره ولا مش ملتزم وطبعا اولا واخيرا تصلى استخاره


ثانيا :- المستاجر مش بياخد وصل دفع بالشهور والعقد لمده سنه واحده غير قابله للتجديد ودى اهم حاجه


ثالثا :- توكل على الله وان شاء الله خير بس لا قدر الله لو طلع وحش القانون فى مصر ضعيف جدا فى موضوع الايجارات علشان كدا تخلى بالك كويس وربك هو الستار



مره كنت باجر شقه الوالد الله يرحمه وكنت واخد ميعاج من السمسار ال ساعه 7 لقيت الراجل جاى الساعه 8 وشكله استغفر الله العظيم ذى الطبالين بتوع الكابيراهات طبعا رفض حتى انى ااجر وطبعا هو زعل وعايز يتخانق معايا وانا بكل هدوء قلتله حقق عليا وكنت هبوس راسه علشان يغور فى داهيه

[smsm2015]

شكرا جزيلا يا استاذ احمد جزءاك الله كل خير ....

[tarek12]

اهم حاجه فى القانون الجديد او المفروش هو مبلغ التامين بحيث لا يقل عن شهران فى مده السنه
او اربع شهور لو المده 3 - 5 سنوات

[احمد المصرى]

اهم حاجه فى القانون الجديد او المفروش هو مبلغ التامين بحيث لا يقل عن شهران فى مده السنه
او اربع شهور لو المده 3 - 5 سنوات

والله مبلغ التامين ملوش اى لزمه لو الراجل قالك انا هقعد فى الشقه ومش خارج