القول الفاصل فى موضوع الشقه ؟؟؟؟؟؟

[midoabdeen]

السلام عليكم ورحمة الله وبركاته

انا بقالى كتير بدور على شقه
وعملت كذا موضوع هنا والناس نصت بزايد او حدائق الاهرم

بس دلوقتى محتار جدااااا بين المكانين

المقارنه بينهم كالاتى

الشيخ زايد

شقه 65 وتقسيم الشقه مخلى المساحه كويسه تحسسك ان الشق كبيره
كهرباء ومياه وغاز داخل وشغال
اقرب من شغلى
شوارع واسعه جداااا وتقسيم ممتاز فى العمارات وكده
شقه متشطبه
هستفاد من الايجار سنتين قدام لغايه ما اجى اتجوز
الشيخ زايد انا كنت بدور فى الحى 16 على قد المبلغ المتاح


حدائق الاهرام
شقه مش اقل من 100م
ماقيش غاز
الكهرباء موجوده بس مافيش عدادات دلوقتى لسه فتره عليها
ابعد من زايد لشغلى
شقه طوب احمر ياعنى انا لسه هشطب
مش هعرف ااجرها خالص هتبقى للجواز فقط مافيش استثمارالفتره اللى قبل الجواز

ياترى بقى اختار ايه فى الاتنين والمبلغ المتاح فى حدود 130 الف وعايز حاجه قريبه من القريه الذكيه
واكتوبر نفس اسعار زايد وابعد ياعنى زايد افضل منها

ياريت الكل يقول رائيه لان الواحد اتجنن خلاص من التفكير

[wawamoha]

يا اخي دي محتاجه تفكير ......؟؟؟؟ انا زيك بشتغل في القريه الذكيه عل فكره ..

لو قدامك 10 متر في الشيخ زايد خدها و متاخدش 100 متر في حدائق الاهرام

ربنا يوفقك

[Abo Yasso]

يا اخي دي محتاجه تفكير ......؟؟؟؟ انا زيك بشتغل في القريه الذكيه عل فكره ..

لو قدامك 10 متر في الشيخ زايد خدها و متاخدش 100 متر في حدائق الاهرام

ربنا يوفقك

[MOSTAFA.EID]

اكيد الشيخ زايد .. انا بحس حدائق الاهرام ديه عشوئيات جداااا
ممكن اعرف الاسعار في زايد دلوقتي كام بالمواصفات اللي انت كاتبها ديه

[salodas]

الشيخ زايد

[mody112]

لو الاتنين نفس السعر او بمعنى تانى عقبال ما تشطب بتاعت الجايق هيكون السعر هو هو بتاع زايد فانا افضل زايد بس خد فى اعتبارك ان الحدايق دلوقتى بقت افضل م زمان بكتير يعنى الغاز بيدخل والسور حوالين المدينة بيكملوه والاسعار ابتدت تغلى هناك لان الاراضى هناك تقريبا قربت تخلص وموضوع الكهرباء ده بيتحل ن عاجلا او اجلا وانت بتعمل حاجة اسمها ممارسة تدفع مبلغ ثابت كل 3 شهور مهما استخدمت من تكييفات او غيره وهى مش عشوائية ولا حاجة بس زايد تقسيمها افضل طبعا لكن الحدايق هتبقى كمبوند متكامل فى يوم من الايام .ومتهيالى ان الحدايق هتبقى عمرانه اكتر من زايد

[TAMERMEGAHED]

اكيد الاقرب لشغل حضرتك افضل وخصوصا الدخله الخلفيه الى عند بيفرلى واكيد انصحك بزايد

[Abo Yasso]

لو الاتنين نفس السعر او بمعنى تانى عقبال ما تشطب بتاعت الجايق هيكون السعر هو هو بتاع زايد فانا افضل زايد بس خد فى اعتبارك ان الحدايق دلوقتى بقت افضل م زمان بكتير يعنى الغاز بيدخل والسور حوالين المدينة بيكملوه والاسعار ابتدت تغلى هناك لان الاراضى هناك تقريبا قربت تخلص وموضوع الكهرباء ده بيتحل ن عاجلا او اجلا وانت بتعمل حاجة اسمها ممارسة تدفع مبلغ ثابت كل 3 شهور مهما استخدمت من تكييفات او غيره وهى مش عشوائية ولا حاجة بس زايد تقسيمها افضل طبعا لكن الحدايق هتبقى كمبوند متكامل فى يوم من الايام .ومتهيالى ان الحدايق هتبقى عمرانه اكتر من زايد

بعد اذنك
انا فى نقط متفق فيها معاك تماما زى ان الحدائق بقت احسن من الاول سواء بموضوع السور او الغاز او السفلته المشكله البطىء الرهيب القاتل
السعر بتاعها هيختلف تماما بالذات بعدالقانون اللى هيطلع من وزاره الاسكان (توصيل المرافق للوحدات المخالفه) http://www1.youm7.com/News.asp?NewsI...4#.UuEIhdL8LxA
المشكله فى زايد عدم الامان يعنى الامان هناك منعدم تماما
طبعا الحدئق عمرانه اكتر من زايد
المشكله انى اعتقد ان الحدائق فى طريقها للعشوائيه

[marsguy]

زايد كل يوم بتتحسن

حدائق الأهرام كل يوم بتسوء

[mizomizomizo]

شيخ زايد بدون كلام
اييييييييييييييييييييييييييييييك و حدائق الاهرام اييييييييييييييييييييييييييييك

[J A G U A R]

الشيخ زايد طبعا

[minicooper20]

شوف زايد من 5 سنين كان ازاى و شوف الحدايق كانت ازاى
زو انتا تعرف بعد 5 سنين هيكون الفرق ايه
لو خلفت ولدين هتنيمهم لين فى 65 متر صدقنى زايد لو 150 متر ماشى لاكن 68 متر انسى موضوع
وجه نظر

[mido]

حدايق الاهرام عشوائية جدا جرب تشوف مساكن الظباط فى الرماية

[ganash]

من رأيى خد الجاهزه دى وأجرها ومن ايجارها بعد سنتين ممكن تزود عليه شويه وتجيب حاجه اكبر

[midoabdeen]

طبعا شكراااااااااا لكل اللى قال رائيه

انا نازل بكره اشوف حدائق الاهرام الدنيا فيها عامله ازاى لانى مروحتهاش قبل كده خالص

طبعا زايد اقرب لى وكمان المساحات مش هتفرق كتيير اوى ياعنى بين الاتنين فى المبلغ المتاح لانه لو جيبت فى حدائق الاهرام هتبقى ششقه لا تزيد عن 120 م مقابل خدمات اقل ومسافه ابعد ومصاريف اكتر

انما زايد هتوفر عليا النقطه دى
انا بقى اللى كنت عايز اعرفه هل فعلا الفرق بين المكانين كبير ولا لا
والحدائق فعلا بقت شعبيه ولا لا