اوافق على تعيين هذا الشاب ام لا ؟

[exelence]

الحالة الوحيدة اللى بتخلينى ما اشغلش حد معين حتى لو جاى بواسطة و الله هى انه ما يكونش كفائة ... غير كده لازم يشتغل لأن ده حقه

[S O P H O S]

راي تشغله

[Ahmed TRAVCO]

معلش متزعلش

بس انت لو في دولة محترمة هتتحاكم على الكلام دا

والله العظيم اول ما قريت الموضوع كنت هقول حاجة زي كده بس خفت الأستاذ خالد صاحب الموضوع يزعل او يفهمني غلط... بس فعلا مستحيل يكون معيار توظيف الناس بالطريقة دي!!

[salodas]

الأخ صاحب الموضوع علشان عنده مروءة وأخلاق وكمان فى قلبه رحمة ... فقرر ياخد رأى الناس . أحيى فيه الأخلاق العاليه .
اسمع دى !!
أنا شغال فى شركة هاليبيرتون (the big red ) .... وكنت فى تدريب فى مقر الشركة بأمريكا من شهر .
وأخدونا فى جولة لمصنع (DRILLING BITS) حاجة فخيمة جدا ... المهم واحنا فى الجولة وقفت جنب واحد هندى طولة لا يتعدى 150 سم تقريبا والبنطلون الى لابسة واصل لغاية دقنة (زى فطوطة كده) وحالتو حاله .... بصراحة كنت قرفان وأنا واقف جنبه .... لغاية مكتشفت أنه المدير المسؤال عن المصنع من A TO Z ....
أتمنى ان الرسالة تكون وصلت

[speranz]

باشا انت كدا زعلتنى منك
لان انا الدغ فى حرف ر
وعادى يعنى مش شايف فيها اى مشكلة
وفى سمعها كمان بتكون لهجة طريفة مش بتضايق الى بيسمعها اطلاقا
واوعدك ان الراجل دا هيشرفك ويرفع راسك
لان الموضوع دا اصحابه بيتميزو بالذكاء
وحضرتك كمان اشدت بيه من قبل ماتعينه

[starlanos]

من المتسبب في الدغة ديه
اكيد قدام كفائة تشغلو

[lena jo]

مادام مش مذيع اخبار يبقي اللدغة دي مش حاجة اصلا. اهم حاجة الكفاءة و الامانة و حسن التعامل مع العملاء لو شغلة يتطلب ذلك . دول مجتمعين مع بعض حاجة نادرة هذه الايام .

[إنسانة]

عجزت عن تعلم البرمجة في دورات كثيرة جدا من أشخاص ينطقون الحروف من مخارجها بإتقان
ونجح في إفهامي البرمجة بسلاسة شديدة مدرب مبدع ( ألدغ في حرف الراء ) ولم أواجه أي مشكلة تذكر في شرحه

جايز حضرتك فاكر إن العميل هيركز أوي في موضوع الدغة أو هتأثر في موضوع التواصل
ولكن دا مش هيحصل العميل إنسان عاقل يستطيع التواصل مع إنسان عاقل آخر بنجاح
كل مايهمه هو إحترامه وتقديم الخدمة له

[خالد2013]

شكرا لكم جميعها وتم تعين الشاب
ارجوا حذف الموضوع لانتهاء الغرض منة