ليه الناس بقت كدا!

[Merooxx]

الناس مبقتش تخاف من ربنا ولا تعمل حساب ليوم القياة ابدا وانا حصل معايا موقف وعاوز رايكم
انا كان معايا موبايل هيفون 4s شغال بالتربو المهم والدي هبدو في الحيطة والشاشة اتكسرت ورحت صلحتها وبعد حوالي شهر الشاشة اتشرخت رحت قايل نبعو ونتقو شرو دا موبايل نحس
المهم عملت اعلان علي دوبيزل وواحد اتصل بيا للبدل بنوت 1 فوافقت المهم روحتلو وشوفت الجهاز وقولتو علي كل حاجة في الجهاز اللي معايا وهو قعد يقولي والله الجهاز مش مفتوح وكدا
واخدته ورجعت المهم روحت بعد يومين لواحد صاحبي بتاع موايلات ووريتله الجهاز قالي مفتوح وملعوب فيه المهم كلمت الولا قالي ماشي بس نبدلو ب ايفون 4 مفتوح رسمي قولتله ماشي المهم رحتله ووراني الجهاز بس كان فاصل شحن وقعد يحلفلي مفي اي حاجة وبتسرعي وغباوتي اخدت الجهاز وروحت وبشحن الجاز وافتحو لقيتو مقفول علي شبكت at&t و8 جيجا اتنرفزت والله مجالي نوم اليوم دا والجهاز وقع مني والدهر اتكسر بس وكلمت الولا ورحتلو قالي انتا بوظتو وكدا قولتلو خد 100 وصلحو والدهر اصلا مش اكتر من 40 ومرضاش ودلوقتي انا لابس في الجهاز اللي معايا ومش عارف اعمل ايه انا ممكن اكلمو واقولو عاوز اشتري منك اي جهاز (علشان هو بيتاجر فيهم ) واخد حد من صحابي وارجعو لااني كدا لابس 1000 فحرام ومش عارف اعمل ايه

[Merooxx]

انا زهئان من الناس وكارههم بصراحة لان دا مش اول مرا يحصل معايا كدا وكل ما اثق بردو في الناس واقول دولت اكيد يعرفو ربنا وخايفين منو بس اتصدم ان الفلوس والدنيا بتعميهم

[eslamrace]

بص خلينى اقولك ان موضوع الشراء والبيع عن طريق النت مش فى مصر بس فى كل دول العالم بيتطلب انك تاخد احتياطات زياده جدا ودائما تتوقع الاسوأ لان الانسان بطبعه بيحب المكسب والنت طريق سهل للمكسب فاحيانا كتير بيستغل الموضوع تجار بلا ضمير وخاصه لما بيكون بدون محل او شركه تقدر تتعامل معاه من خلالها وبالتالى بيستنصح
علشان كده اغلب المواقع اللى من النوع ده بتكتبلك انك لازم تاخد احتياطاتك وتتاكد من المنتج اللى بتشتريه ولذلك العيب مش فى كل الناس لان كتير من عمليات البيع والسراء بتتم على المواقع دى والتعامل بيكون محترم جدا وخاصه فى الاشياء الغاليه لان اللى بيشتري بيتأكد من صحه المنتج كويس جدا ومش عيب ابدا انك كنت اتاكدت وكشفت على اللى بتشتريه قبل متتمم الصفقه

المهم قدر الله وما شاء فعل الحل دلوقتى حاجه من اتنين اما انك تقابله وتاخد معاك حد من اصحابك اللى بيفهم فى الالكترونيات وتحاول تبدل الجهاز اللى معاك بجهاز تانى منه حتى لو حتدفع مبلغ ما بس حاول توصل لافضل صفقه ممكنه تكون مناسبه ليك وساعتها متحاولش تقفش معاه علشان توصل لاتفاق كويس لان القفش مش حيبقى فى صالحك
او انك تقابله وتقفش معاه ولكن ساعتها اعمل حسابك انك تستعوض ربنا فى فلوسك وتاخد حقك بالدراع او الدعاء .
والمهم فى الاخر انك متكرهش الناس لان ده طبع فى البشر مش المصريين بس والكويس موجود والوحش موجود بس الفكره اننا لما بنقابل الكويس مبنتكلمش عنه ولما بنقابل الوحش بنسيح فانت اتعلمت انك متثقش فى واحد متعاملتش معاه قبل كده خاصه لو ملهوش مكان ثابت تقدر تاخد حقك منه بالقانون
متزعلش سواء من الموقف او من كلامى وكلنا حصل معانا اللى حصل معاك واتعلمنا منه
تحياتى.

[Merooxx]

بص خلينى اقولك ان موضوع الشراء والبيع عن طريق النت مش فى مصر بس فى كل دول العالم بيتطلب انك تاخد احتياطات زياده جدا ودائما تتوقع الاسوأ لان الانسان بطبعه بيحب المكسب والنت طريق سهل للمكسب فاحيانا كتير بيستغل الموضوع تجار بلا ضمير وخاصه لما بيكون بدون محل او شركه تقدر تتعامل معاه من خلالها وبالتالى بيستنصح
علشان كده اغلب المواقع اللى من النوع ده بتكتبلك انك لازم تاخد احتياطاتك وتتاكد من المنتج اللى بتشتريه ولذلك العيب مش فى كل الناس لان كتير من عمليات البيع والسراء بتتم على المواقع دى والتعامل بيكون محترم جدا وخاصه فى الاشياء الغاليه لان اللى بيشتري بيتأكد من صحه المنتج كويس جدا ومش عيب ابدا انك كنت اتاكدت وكشفت على اللى بتشتريه قبل متتمم الصفقه

المهم قدر الله وما شاء فعل الحل دلوقتى حاجه من اتنين اما انك تقابله وتاخد معاك حد من اصحابك اللى بيفهم فى الالكترونيات وتحاول تبدل الجهاز اللى معاك بجهاز تانى منه حتى لو حتدفع مبلغ ما بس حاول توصل لافضل صفقه ممكنه تكون مناسبه ليك وساعتها متحاولش تقفش معاه علشان توصل لاتفاق كويس لان القفش مش حيبقى فى صالحك
او انك تقابله وتقفش معاه ولكن ساعتها اعمل حسابك انك تستعوض ربنا فى فلوسك وتاخد حقك بالدراع او الدعاء .
والمهم فى الاخر انك متكرهش الناس لان ده طبع فى البشر مش المصريين بس والكويس موجود والوحش موجود بس الفكره اننا لما بنقابل الكويس مبنتكلمش عنه ولما بنقابل الوحش بنسيح فانت اتعلمت انك متثقش فى واحد متعاملتش معاه قبل كده خاصه لو ملهوش مكان ثابت تقدر تاخد حقك منه بالقانون
متزعلش سواء من الموقف او من كلامى وكلنا حصل معانا اللى حصل معاك واتعلمنا منه
تحياتى.

الفشكر علي نصيحتك
وفعلا انا قررت اني اخد واحد اعرفة بس هياخد 100 ج علشان يخلصلي الموضوع ده
وانا والله لسا صغير نوعا ما ومش هقدر استحمل 1000ج خسارة
وطبعا انا هستدرجو ومش هقفش معاه خالص
بس ادعيلي ربنا يعدي المحنة اللي انا فيها

[Merooxx]

مفيش ردود ليه

[esam_refaat]

خللى زعلك فى الحدود اللى بيها تتعلم من الدرس بس ماتفقدش الثقة فى نفسك او الناس كلهم
واعلم ان الثقة فى الناس تأتى بعد تجربة وخبرة بهم اما ان تضع ثقتك فيمن تعلم ومن لا تعلم فهذا مرجعه الى براءة نفسك او طيبتها او حداثة السن
واعلم ايضا ان التعليم لابد ان يكون له مقابل ولكن الناصح هو من يجعل هذا الثمن اقل ما يمكن
الموقف سوف ينتهى كما يشاء الله وباذنه المهم هو تراكم الخبرة لديك
هذه الكلمات افضفض بها معك لانك ذكرتنى بنفسى قبل ان اختبر الدنيا والناس
انا عمرى 43 سنة واعمل منذ 22 سنة قابلت خلالهم من يستحق الثقة بعد اول ساعة من معرفته ومن لا يستحقها حتى بعد عشرة سنين

[Merooxx]

شكرا علي النصيحة
بس انا عاوز حلول للمشكلة

[mk3]

للاسف ده منتشر جدا دلوقتى وكل بيستحل الحرام الا ما رحم ربى

[Merooxx]

معا كل الردود انا لسا مش لاقي حل !!!!!

[أبو آسر]

أولا انت غلطان طبعا علشان وثقت في الشخص ده بالرغم من تأكدك إنه إنسان غشاش ونصاب وما أكثر هؤلاء للأسف
كان مفروض المرة التانية تاخد كافة احتياطاتك ومتآمنش ليه وتتأكد إن الحاجة اللي هتاخدها منه هتكون لا غبار عليها وتكشف عليها في أي محل أو تاخد معاك أي حد بيفهم في الموبايلات كويس
وبالتالي أنا آسف انت لازم تتحمل نتيجة غلطك ومعلش كويس انها جت في 1000 جنيه المرة دي (وان كنت معتقدش ان الخسارة كبيرة كده خاصة إنك كسرتله ضهر الموبايل ودي حجته وعذره إنه مش هيقدر يرجعهولك) بس آديك اتعلمت متثقش في حد
استعوض ربنا في الفلوس وادعي عليه ربنا يخلص منه وابقى خلي بالك المرة الجاية ومش كل الناس اللي بتبيع على النت بتبقى ناس محترمة ومتعلمة ومثقفة كل حاجة فيها الحلو والوحش وولاد الحرام مخلوش لاولاد الحلال حاجة وخليك مصحصح في اليومين السود اللي احنا فيهم دول ومنصحكش تتهور وتعمل حاجة مع الولد ده لأن ممكن يؤذيك وهتتسبب لنفسك في مشكلة أكبر من مشكلة ال1000 جنيه

[Merooxx]

أولا انت غلطان طبعا علشان وثقت في الشخص ده بالرغم من تأكدك إنه إنسان غشاش ونصاب وما أكثر هؤلاء للأسف
كان مفروض المرة التانية تاخد كافة احتياطاتك ومتآمنش ليه وتتأكد إن الحاجة اللي هتاخدها منه هتكون لا غبار عليها وتكشف عليها في أي محل أو تاخد معاك أي حد بيفهم في الموبايلات كويس
وبالتالي أنا آسف انت لازم تتحمل نتيجة غلطك ومعلش كويس انها جت في 1000 جنيه المرة دي (وان كنت معتقدش ان الخسارة كبيرة كده خاصة إنك كسرتله ضهر الموبايل ودي حجته وعذره إنه مش هيقدر يرجعهولك) بس آديك اتعلمت متثقش في حد
استعوض ربنا في الفلوس وادعي عليه ربنا يخلص منه وابقى خلي بالك المرة الجاية ومش كل الناس اللي بتبيع على النت بتبقى ناس محترمة ومتعلمة ومثقفة كل حاجة فيها الحلو والوحش وولاد الحرام مخلوش لاولاد الحلال حاجة وخليك مصحصح في اليومين السود اللي احنا فيهم دول ومنصحكش تتهور وتعمل حاجة مع الولد ده لأن ممكن يؤذيك وهتتسبب لنفسك في مشكلة أكبر من مشكلة ال1000 جنيه

اقسم بالله انا كنت مستني مشاركتك من زمان
وفعلا انا خلاص هستعوض ربنا في الفلوس
بس المشكلة اني مش عاوز اسيب حقي وطول الوقت بفكر اعمل معاه ايه

[أبو آسر]

اقسم بالله انا كنت مستني مشاركتك من زمان
وفعلا انا خلاص هستعوض ربنا في الفلوس
بس المشكلة اني مش عاوز اسيب حقي وطول الوقت بفكر اعمل معاه ايه

ههههههه طب مناديتش عليا ليه وأنا أجيلك علطول :)
أنا كنت عايز أعلق بس مكنتش عايز أحبطك لكن لما ألحيت على إن الناس تشارك قلت أقول اللي في نفسي وخلاص
معلش خيرها في غيرها والإنسان مش بيتعلم ببلاش واعتبرهم فدا صحتك يا سيدي بس ابقى خلي بالك المرة الجاية وابقى حتى استشيرنا هنا في المنتدى قبل ما تعمل حاجة علشان ننصحك
ربنا يعوضك عليك يا ميرو

[Merooxx]

ههههههه طب مناديتش عليا ليه وأنا أجيلك علطول :)
أنا كنت عايز أعلق بس مكنتش عايز أحبطك لكن لما ألحيت على إن الناس تشارك قلت أقول اللي في نفسي وخلاص
معلش خيرها في غيرها والإنسان مش بيتعلم ببلاش واعتبرهم فدا صحتك يا سيدي بس ابقى خلي بالك المرة الجاية وابقى حتى استشيرنا هنا في المنتدى قبل ما تعمل حاجة علشان ننصحك
ربنا يعوضك عليك يا ميرو

ههههههه الف شكر لحضرتك
بس هوا في حل قدامي وعاوز نصيحتك
انا اعرف واحد في الاسكندرية ممكن اخده معايا بس هياخد فلوس واكلم الولا علي موبايل من عندو علشان اشتريه واستناه علي اي قهوي ويكون صاحبي علي كرسي تاني ولما يجي هتكلم معاه بالزوق لو نفع ماشي لو منفعش اخلي صاحبي يجي ونضغط عليه لحد مي اخد الايفون بتاعه واخد الجهاز اللي معاه وادفع فرق علشان اقلص نسبة الخسارة
ايه رايك

[S O P H O S]

انا راي انك كده هتحل مشكلة بمشكلة
ومعلش الي حصل ده لانك غلطت من البداية
ومحدش بيشتري حاجة بالطريقة دي
ولو شايف انك خسرت فلوس فالمقابل انك المفروض اتعملت
وربنا يعوضك خير معلش
تحياتي ..

[أبو آسر]

ههههههه الف شكر لحضرتك
بس هوا في حل قدامي وعاوز نصيحتك
انا اعرف واحد في الاسكندرية ممكن اخده معايا بس هياخد فلوس واكلم الولا علي موبايل من عندو علشان اشتريه واستناه علي اي قهوي ويكون صاحبي علي كرسي تاني ولما يجي هتكلم معاه بالزوق لو نفع ماشي لو منفعش اخلي صاحبي يجي ونضغط عليه لحد مي اخد الايفون بتاعه واخد الجهاز اللي معاه وادفع فرق علشان اقلص نسبة الخسارة
ايه رايك

منا زي ما قلتلك كده هتدخل نفسك في مشكلة تانية وممكن صاحبك ميعرفش يسد مع الولد ده أو الولد يكون من النوع اللي بيأمن نفسه برده في الظروف دي فبلاش أحسن واستعوض ربنا بس آديك اتعلمت المرة دي والمرة الجاية ابقى خد حد من صحابك اللي بيفهموا في الحاجة اللي رايح تشتريها علشان ينصحك ويساعدك وأنا شخصيا مش بحب أروح أشتري أي حاجة غير لما باخد حد من صحابي معايا لأي ظروف وعلشان آخد بنصيحته لأني بحب أسمع نصايح من أثق فيهم قبل ما أقدم على عمل شيء