استفسار بخصوص ريسيفر يفك الشفرات

[A_H_M_A_D]

عايز اشتري ريسيفر يفك شفرات القنوات المشفره زي art و showtime و orbit وغيرهم ,

بس بصراحه معنديش اي خبره عن الانواع الكويسه اللي موجوده في السوق دلوقتي و اسعارهم و اماكن بيعهم

وهل لازم يتوصلوا بوصلة DSL عشان يشتغلوا ؟

وطبعا انا عايزه يكون HD

ياريت اللي اشترى حاجه قريب او عنده خبره في الموضوع ده يفيدني اشتري ايه؟؟

[mohamed hussei]

لازم وصلة dsl اقل حاجة 512 لوحدك علشان ميقطعش احسن حاجة دريم بوكس انا عندي ترومان hd بس مفهوش هارد

[A_H_M_A_D]

انا اعرف ان الدريم بوكس غالي , وفيه انواع تانيه اسعارها بتكون معقوله في حدود 500 او 600 , ومش مشكلة الهارد عشان انا عندي هارد ويسترن usb هاوصله بالريسيفر , مش محتاج انه يكون فيه هارد داخلي

[طارق _عبد السلام]

مفيش حاجه بتكسر الشوتايم والاوربت
ممكن ايه ار تى وجزيره مؤقتا بيكون نازل مع الريسيفر سيرفر مجانى لمده معينه ولازم توصله بالنت

[grumby78]

ولا له لازمه حاليا . ال osn مغيره شفرتها لنظام لم يخترق في الشيرنج الى الان . والجزيره في الطريق وال art اي كلام .

[night_whisper]

افضل جهاز ممكن تشترى فى الشيرنج فورتك 999

بيكون معاة سيرفر مدفوع لمدة سنتين قوى جدا بدون ا تقطيع او تهنيج كانك مشترك بالظبط

بيفتح قنوات الارتى و الجزيرة الرياضية و معظم الباقات على كل الاقمار

و فية خاصية iptv بيفتح عليها قناة اليوم و بعض قتوات الشوتايم

الجهاز hd 1080

[Y a r i s]

متابع .

[أبو ياسين]

انا لسه شارى strong 4930 ب 2 كامة 1080 hd
ب 730 و معاه سيرفير مجانى سنتين
اشتريتة بناء على نصيحة زميل فى المنتدى

[احمد المصرى]

انا لسه شارى strong 4930 ب 2 كامة 1080 hd
ب 730 و معاه سيرفير مجانى سنتين
اشتريتة بناء على نصيحة زميل فى المنتدى

وعامل ايه معاك

[Kareem Fawzy]

انا عندى ترومان hd بصراحة ريسيفر محترم معاه سيرفر سنتين وجبتله antenna لل wifi بتشتغل من غير سلك وموصله بالراوتر بيفتح ال art والجزيرة اللى تغيرت حالياً وبقت Bein يعنى انفصلت عن الجزيرة تماماً
وبيفتح معظم القنوات على باقى الاقمار
ومفيش رسيفر بيقدر يفك شفرة الشوتايم
دة تمنه 380 جنيه

[mohamed hussei]

نصيحة اصبر شهرين كدة لما نشوف الجزيرة هتعمل اية لحد دلوقت القنوات شغاالة ممكن بعد كدة يقفلوها

[A_H_M_A_D]

يا جماعه انا مش محتاج القنوات الرياضيه بتاعة الجزيرة لأني بصراحه مش متابع لكرة القدم

انا اللي يهمني الافلام عربي و اجنبي و المسلسلات ولو امكن قنوات الديسكفري

حد ممكن يحددلي ايه القنوات اللي بيتفك شفرتها بالظبط وانهي جهاز اللي بيفكها , عشان و انا بشتري مايضحكش علي وابقى عارف انا بجيب ايه ... وشكرا ليكم

[RAPID]

يا جماعه انا مش محتاج القنوات الرياضيه بتاعة الجزيرة لأني بصراحه مش متابع لكرة القدم

انا اللي يهمني الافلام عربي و اجنبي و المسلسلات ولو امكن قنوات الديسكفري

حد ممكن يحددلي ايه القنوات اللي بيتفك شفرتها بالظبط وانهي جهاز اللي بيفكها , عشان و انا بشتري مايضحكش علي وابقى عارف انا بجيب ايه ... وشكرا ليكم

رسيفرات النت بتفتح باقتين فقط على النايلسات (beIN و ART)
باقة beIN الرياضية معروفة اما باقة الـ ART فهم 10 قنوات:
Star Movies
Star World
Nat Geo Wild
Nat Geo Adventure
Nage
افلام 1
افلام 2
سينما
حكايات
حكايات 2

والاجهزة اللي بتفك الشفرات كتير ومغرقة السوق والاسعار من 300 الى 1000 حسب مدة السيرفر المجاني (من سنة الى الف يوم) وكلها HD وافضل اماكن تجيب منها رسيفر باب اللوق او شارع عبد العزيز لرخص الاسعار عن اي مكان اخر وتنوع الماركات والموديلات، وممكن الموضوع ده يفيد حضرتك

http://www.nilemotors.net/Nile/403505-hd.html

[احمد المصرى]

طيب انا اشتريت ريسفر astra 10500 بس الجزيره الرياضيه احيانا بتشتغل واحيانا لاه وكل شويه لازم ادخل اعمل تنشيط للسيرفر انا موصل الرسيفر بفلاشه واى فاى علشان يلقط واى فاى من الراوتر بدون اسلاك هل دى ممكن تكون المشكله ولا المشكله فين بالظبط

[RAPID]

طيب انا اشتريت ريسفر astra 10500 بس الجزيره الرياضيه احيانا بتشتغل واحيانا لاه وكل شويه لازم ادخل اعمل تنشيط للسيرفر انا موصل الرسيفر بفلاشه واى فاى علشان يلقط واى فاى من الراوتر بدون اسلاك هل دى ممكن تكون المشكله ولا المشكله فين بالظبط

في كذا احتمال
ممكن يكون النت ضعيف اصلا
ممكن السيرفر نفسه بطيء او تعبان
ممكن الرسيفر يكون عاوز سوفت
انا شغال واي فاي عادي
ومفيش مشاكل ولا تقطيع غير في الماتشات المهمة ومش دايما
جرب توصل الرسيفر بالكابل مباشرة وشوف النتيجة