مستشار تحكيم دولى

[dedi]

كذا مرة باشوف البوست دة على النت وعندى 2 اصدقائى عاوزين يشاركوا بة وقلت ماحدش هايقول الخلاصة الا اخوتى فى المنتدى
الاعلان هو مستشار تحكيم دولى و الشهادة دولية و معترف بها من جامعة عين شمس
كـــن مـــســتــشــار تــحــكــيــم دولــي مــعتـمــد مــحـلـيــاَ ودولـيـا
مـــــــن جـــــــامـــــعـــــة عــــــيــــن شــــمــــس والــــــقــــاهــــرة
وThe International Cambridge Collega بــــــــإنــــــــجــــــلــتـــــرا
بــشــهــادات تــصــدق مــن الخارجية المصريه وكارنية عضوية بلــقب
(الــســيد المــسـتشار) في التحكيم يمنحك الحق في عضوية نقابة مستشاري التحكيم الدولي ونادي مستشاري التحكيم...
متابعة القراءة
هو دة العنوان حد عندة فكرة عنة و هل نصب و حد اشترك فية
طبعا بيعطيك شهادة و كارنية و بادج للسيارة

[mohamed_selim]

و بعدين بعد ما تاخد الشهاده و الكارنيه و بادج العربيه هتعمل بيهم ايه؟

[J A G U A R]

متابع

[Abo Yasso]

كذا مرة باشوف البوست دة على النت وعندى 2 اصدقائى عاوزين يشاركوا بة وقلت ماحدش هايقول الخلاصة الا اخوتى فى المنتدى
الاعلان هو مستشار تحكيم دولى و الشهادة دولية و معترف بها من جامعة عين شمس
كـــن مـــســتــشــار تــحــكــيــم دولــي مــعتـمــد مــحـلـيــاَ ودولـيـا
مـــــــن جـــــــامـــــعـــــة عــــــيــــن شــــمــــس والــــــقــــاهــــرة
وthe international cambridge collega بــــــــإنــــــــجــــــلــتـــــرا
بــشــهــادات تــصــدق مــن الخارجية المصريه وكارنية عضوية بلــقب
(الــســيد المــسـتشار) في التحكيم يمنحك الحق في عضوية نقابة مستشاري التحكيم الدولي ونادي مستشاري التحكيم...
متابعة القراءة
هو دة العنوان حد عندة فكرة عنة و هل نصب و حد اشترك فية
طبعا بيعطيك شهادة و كارنية و بادج للسيارة

طب انا مش هقول !!! انت اللى هتقول ...............اتفقنا
معلومه هتبقى مستشار فى التحكيم الدولى والداخلى والفضائى وكل اللى مكتوب ده من خلال قرص بتاخده فى ثلاث ايام ده كلام بذمتك
قول بقى انت ده اسمه ايه ؟؟؟؟؟؟؟؟؟؟؟؟؟؟؟؟

[Abo Yasso]

و بعدين بعد ما تاخد الشهاده و الكارنيه و بادج العربيه هتعمل بيهم ايه؟

انت عارف الشهاده دى عامله زى ايه ؟؟
لما تروح شركه عاوز تشتغل وتقلهم انا معايا رخصه دوليه فى قياده كمبيوتر
فاكر انت الكلام ده كان اسمها كده

[mohamed_selim]

انت عارف الشهاده دى عامله زى ايه ؟؟
لما تروح شركه عاوز تشتغل وتقلهم انا معايا رخصه دوليه فى قياده كمبيوتر
فاكر انت الكلام ده كان اسمها كده

يا فندم انا عارف ان ملهاش لازمه بس انا بحاول اتكلم مع صاحب الموضوع واحده واحده ...
و هى بالمناسبه مختلفه عن رخصة الكمبيوتر ... لو المكان معتمد و اخدت فعلا شهادة محكم دا شيئ جميل بس هتشتغل بيها ايه و فين هو ده السؤال ...
التحكيم بيكون فى مراكز معتمده و كل مركز بيكون ليه قائمه من المحكمين اللى هو بيعتم عليهم و طبعا القائمه طويله و مليئه بالاسماء الرنانه و كلهم محامين او بتوع قانون اصلا فبالتالى فرصة اى حد فاكرها حاجه سهله او مجرد الشهاده بتخليك تشتغل قليله قوى ان مكانتش معدومه ... الا لو ليك سكه جوه مركز من المراكز و لو هى دى الحاله مش هيحتاج اصلا يروح ياخد الشهاده من مكان عامل اعلان ... سكته هتظبطله الاعتماد من خلال المركز نفسه :)

[A.Saad]

اسال فى مركز التحكيم التابع لحقوق عين شمس

الاعلان ده شكله كفتة من لحمة فيران

[M.Osama]

اعتقد ان صاحب الموضوع طالما ذكر كلمة "بادج للسياره" يبقي هدفه ليس التحكيم ولكن هدفه الاساسي هوا تركيب فاميه علي السياره بدون مضايقات :d

[mido]

هتكسب انك هتشتغل امين الشرطة لما يوقفك فى لجنة :) الا لو كان متعلم شوية مش هتدخل عليه

[sha2e]

من تلات اربع شهور واحد من الساده المستشارين دول ممسوك على الدولي الساحلي بعربية مليانه مخدرات
تقريبا واخد خط ليبيا رايح جاي واي لجنه يصدرلهم الكارنيه " مكانش ايامها الموضوع اتعرف اوي" لحد ما ضابط تقريبا كان عارف حوار التحكيم ده انه أونطه وشك فيه وصمم يفتش العربيه ولاقاها مليانه مخدرات
بعدها الداخليه نشرت الموضوع ونبهت على كل الى شغالين فيها يخدو بالهم من مستشارين التحكيم الدولي دول

[dedi]

كدة وضحت الصورة يعنى هو اصدقائى لما كنا بنتكلم علية كان غرضهم الاساسى موضوع السيارة و برستيج بس انا ماكنتش مقتنع والغريب موقعم كان كاتب اسماء دكاترة محترمين فى عين شمس واسم عين شمس طبعا بيعطى ثقة ولكن دة لو صحيح اكيد نصف البلد كانت هاتبقى مستشارين دوليين