مشكلة مع البواب

[smsm2015]

السلام عليكم

يا جماعة انا عندى شقة والحمد لله اجرتها المهم بعد سؤال المحامين قالونا تاخدوا فلوس الصيانة ونور السلم والمياه واجرة البواب من الساكن وتدفعوهم للبواب يعنى المالك هو اللى يتعامل مع اتحاد الملاك والبواب وليس الساكن المهم البواب زعلان بيقول ان الشقق المؤجرة فى العمارة لان عندنا اكثر من شقة مؤجرة فى العمارة اجرة البواب فيها بتزيد شويه عن الشقق الثانيه والمفروض الاجرة اخدها من المستاجر وليس المالك فايه رايكم والشقة مؤجرها فاضية مش مفروشة ..على الرغم من كام شهر انا زود له الاجرة .....

[احمد المصرى]

السلام عليكم

يا جماعة انا عندى شقة والحمد لله اجرتها المهم بعد سؤال المحامين قالونا تاخدوا فلوس الصيانة ونور السلم والمياه واجرة البواب من الساكن وتدفعوهم للبواب يعنى المالك هو اللى يتعامل مع اتحاد الملاك والبواب وليس الساكن المهم البواب زعلان بيقول ان الشقق المؤجرة فى العمارة لان عندنا اكثر من شقة مؤجرة فى العمارة اجرة البواب فيها بتزيد شويه عن الشقق الثانيه والمفروض الاجرة اخدها من المستاجر وليس المالك فايه رايكم والشقة مؤجرها فاضية مش مفروشة ..على الرغم من كام شهر انا زود له الاجرة .....

مش هتفرق كتير البواب هياخد فلوسه منين من المالك ولا المستاجر هو ليه فلوسه وخلاص


ثانيا :- هو مال امه ان الشقه متاجره ولا صاحبها ال ساكن فيها هى مال امه مثلا هو ليه اجرته وبس



ثالثا :- حضرتك مدخلش نفسك فى وجع الدماغ دا انت خلى المستاجر يدفعله الاجره وانت ابق راضيه باى فلوس 20 جنيه مثلا كل ما تروح تاخد الايجار علشان يخلى باله لو فى اى حاجه يكلمك غير كدا هو ملوش حاجه عندك

[Ahmed_Adham]

ده بواب ده ولا رئيس اتحاد ملاك؟ ده ناقص يقولك اعملي توكيل!

[أشرف فتحى]

عن تجربه البوابين..الا من رحم ربى.....فئه متجيش الا بقله الأدب...والمحترم والمؤدب بيتمسكنوا عليه ويشتغلوه...!

إديله على دماغه وفهم المستأجر يديله على دماغه....أنا عندى ناس مبتدفعش شهريه للبواب ومع ذلك بيخاف منها وناس زى حالاتى مراته توقفهم عشان الشهريه مش مكفيه وعايزه فلوس عشان الحراميه سرقوا منها الشهريه وهيا بره بتشترى طلبات السكان وحاجه تفقع..!!!

[mahmoud_ali]

منك للمستأجر على طول وفوكك من البواب وابقى راضيه كل شهر وبعدين ده ناقص يخليك تمضيله حضور وانصراف كمان

[reda elgohary]

بالراحة يا جماعة ، فيفتى فيفتى ع رأي أحمد زكى .. هههههه

[J A G U A R]

ملكش دعوه بالبواب .......

[salodas]

فئة بنت ستين و .........خة .
أنا بعانى من البهايم دول من زمان .
وأحسن حاجة الشباب قالوها قبلى .... أنهم فعلا مبيجوش غير بقلة الأدب .... أديلو فوق دماغه .

[أبو آسر]

يا باشا انت واجع دماغك ليه ؟ هو انت هتأجر الشقة وتشيل همها ؟ خلي البواب منه للمستأجر علطول ويعملوا في بعض زي ما يعملوا ونصيحة مجرب متدخلش نفسك في الحوارات دي لأنك هتتقرف قرف الدنيا فانت اقطع عرق وسيح دم واتفق مع المستأجر أنا مليش في أي حاجة متعلقة بالشقة طول ما انت مأجرها غير إيجاري غير كده معرفكش وأي مشكلة في فلوس صيانة أو أجرة بواب مليش فيه اتعامل انت وفهم البواب الكلام ده برده قوله المستأجر طول ما هو في الشقة تعاملك معاه وروق بالك