استشارة هندسية

[hassanin_lada]

دلوقتي انا ببني منزل علي مساحة 110 المهم والحداد وهو شغال بدل مايقطع الحديد علي 4 متر كأشارة في العامود قطعو علي 370 و 380 علما بأن الحديد المستخدم 5 لينيا
فهل توجد خطوره وهل يوجود طريقة لتصحيح هذا الخطأ ؟؟

ارجو الافاده

[walidzakzok]

المفروض طول الاشارة 50 مرة قطر السيخ يعني فى حالتك تبقى 80 سم من فوق منسوب السقف المصبوب بس حتى لو اقل من كدة شوية لحد نص متر ماشي بس هو ليه قاطع على 380 او 370 المفروض السيخ 12 متر بيتقطع تلات حتت بيبقى 4 متر الحتة وهات مهندس مدني فاهم يستلم من الحداد لو انت مش عايز عك كتير

[amr011111]

الاول تقولنا ارتفاع الدور كام متر
من ضهر سقف الدور الى ضهر سقف الدور اللى بعده
ولو ارتفاع الدور 3 متر
لا تقلق
بس الافضل ان الحداد كان يقسم السيخ الى ثلاثه اجزاء كل جزء 4 متر
لان الفضل اللى باقيه مش هتفيده

[hugan]

المفروض طول الاشارة 50 مرة قطر السيخ يعني فى حالتك تبقى 80 سم من فوق منسوب السقف المصبوب بس حتى لو اقل من كدة شوية لحد نص متر ماشي بس هو ليه قاطع على 380 او 370 المفروض السيخ 12 متر بيتقطع تلات حتت بيبقى 4 متر الحتة وهات مهندس مدني فاهم يستلم من الحداد لو انت مش عايز عك كتير

كلام سليم
السيخ طوله 12 متر يتقطع علي 4 متر
ارتفاع السقف 3 متر يتبقي 1متر اشاره للعمود الجديد

[hassanin_lada]

ياجماعه انا فاهم واللهي
بس هو تقريبا كان شارب حاجه والمقص اتزحزح منه وطبعا عشان تشيلو ثمن حديد يدخل في 1000 جنيه مش هتعرف لان مصنعيته اساسا مش مكمله نص ثمن الحديد

دلوقتي انا هرمي علي 2.6 و .4 كمر يبقي ارتفاع الدور 3 متر +.2 بلاطه يبقي المفروض الاشارة تبقي .8 هي بقت .6 هل في قلق ولا ايه ؟

سئلة صنيعية كتير قالولي ممكن وانت بترمي السقف توصل الاشاير القصيرة ب بوصلات يعني نفترض وصلت بتطول 1.6 يعني .6 مدفون و متر اشارة هل كده كويس ولا في مشكله وهل ده يضعف من قوة العمود

هو كل عمود فيه اشارتين قصيرين بس والباقي طويل

هل اوصلهم ولا اغيرهم خالص !!

[ahmad550]

دلوقتي انا هرمي علي 2.6 و .4 كمر يبقي ارتفاع الدور 3 متر +.2 بلاطه يبقي المفروض الاشارة تبقي .8 هي بقت .6 هل في قلق ولا ايه ؟

عندي رسم انشائي لمكتب استشاري مكتوب فيه ان الاشاير 45 مره قطر السيخ او 60 سم ايها اكبر .. يبقي عندك المفروض 72 سم .. رأي انك تكمل عادي بس تتأكد من ربط الاشاير بأسياخ الدور التاني كويس وتزود كانات في اول متر من العمود
حاجه تاني انت بتقول ان البلاطة 20 سم يبقي المفروض فيها شبكتين حديد وبيكون مالهاش لازمة طالما انت عامل كمرات ... السقف اللي فيه كمرات البلاطة بتكون بحد اقصي 15 سم وممكن 12 سم

[amr011111]

فيه كذا حل للموضوع ده
اول حاجه
انت ارتفاع الدور ممكن تخليه كله 3 متر
يعنى تخلى ارتفاع خرسانة العمود 2.40
وبعد كده يبقى عندك عمق الكمره 60 سم شامل سمك البلاطه

الحل الاخر انك تستعوض حديد الاعمده بدل 5 لينيا يبقى 4 لينيا

الحل الصحيح برضه بس هيكلفك انك توصل الاشاير ديه تدفن جوه العمود متر وتسيب اشاره متر
يعنى تقطع اسياخ 2 متر

وياريت برضه تقولى المبنى كام دور

[hassanin_lada]

عندي رسم انشائي لمكتب استشاري مكتوب فيه ان الاشاير 45 مره قطر السيخ او 60 سم ايها اكبر .. يبقي عندك المفروض 72 سم .. رأي انك تكمل عادي بس تتأكد من ربط الاشاير بأسياخ الدور التاني كويس وتزود كانات في اول متر من العمود
حاجه تاني انت بتقول ان البلاطة 20 سم يبقي المفروض فيها شبكتين حديد وبيكون مالهاش لازمة طالما انت عامل كمرات ... السقف اللي فيه كمرات البلاطة بتكون بحد اقصي 15 سم وممكن 12 سم

الف شكر لحضرتك بس انا عندي حوالي نص الكمر هوردي (سلاب)
لان عندي مساحة الصالة 6*6.6 يعني حوالي 39 متر يعني تعتبر سلاب

فيه كذا حل للموضوع ده
اول حاجه
انت ارتفاع الدور ممكن تخليه كله 3 متر
يعنى تخلى ارتفاع خرسانة العمود 2.40
وبعد كده يبقى عندك عمق الكمره 60 سم شامل سمك البلاطه

الحل الاخر انك تستعوض حديد الاعمده بدل 5 لينيا يبقى 4 لينيا

الحل الصحيح برضه بس هيكلفك انك توصل الاشاير ديه تدفن جوه العمود متر وتسيب اشاره متر
يعنى تقطع اسياخ 2 متر

وياريت برضه تقولى المبنى كام دور

بالنسبة لموضوع اني ارمي علي 2.4 +.6 كمر شامل البلاطه كده الدور وطي والصافي هيبقي 2.8 +.1 سيراميك فاكده الشقة بقي سقفها واطي خصوصا اني هعمل شغل جبس بورد فامش هينفع خالص

مش فاهم موضوع ال 4 لينيه ده
اخر حل انا فعلا نويية اعمل كده بعد مارمي العمدان علي 2.6 وانا شغال في السقف هنزل وصلات 1.6
.6 داخل الكمر والبلاطه و 1 متر اشارة
ولا حضرتك تقصد من قبل ما ارمي العمدان ؟؟

[hassanin_lada]

قصدي تلت السقف
لكن باقي السقف فيه سقوط 5 سم عشان تبقي البلاطه 15 سم بس

[hassanin_lada]

انا حاليا في الدور الثاني علوي

وانشألله ناوي فيما بعد اوصل للدور الثامن

بردو عاوز اسأل حضرتك في حاجه انا حاطط حوالي 7 طن حديد كله 5 لينا في اللبشة
بس الخرسانه اترمة علي .65 سم هل في مشكله اني اطلع بالبيت 8 ادوار او 9 ؟

الواجهة 14 متر يعني مسطح اللبشه124 متر
+ 4 حطان مسلح 1 رقة

معلش اسألتي كتير بس للاسف انا اول مره ادخل في الموضوع ده وشقي عمرنا كله محطوط في البيت فاعاوز الاطمن والاصح

[amr011111]

انا حاليا في الدور الثاني علوي

وانشألله ناوي فيما بعد اوصل للدور الثامن

بردو عاوز اسأل حضرتك في حاجه انا حاطط حوالي 7 طن حديد كله 5 لينا في اللبشة
بس الخرسانه اترمة علي .65 سم هل في مشكله اني اطلع بالبيت 8 ادوار او 9 ؟

الواجهة 14 متر يعني مسطح اللبشه124 متر
+ 4 حطان مسلح 1 رقة

معلش اسألتي كتير بس للاسف انا اول مره ادخل في الموضوع ده وشقي عمرنا كله محطوط في البيت فاعاوز الاطمن والاصح

هو المفروض المبنى كان يصممه مهندس انشائى لان ممكن يكون سمك اللبشه مناسب لسبعة اداور بس الحديد اللى فيها مش مناسب خاصة اماكن الحديد الاضافى
يعنى ممكن تكون حاطط 7 طن حديد موزعه بانتظام ولكن الحسابات الانشائيه كان يفترض انك تلاقى فيه اماكن محتاجه الحديد يتكثف فيها اكتر من اماكن تانيه

انما لو شغل بلدى هتلاقى المقاول بيقولك ينفع وخلاص

بس هوه عملياً كفايه على البيت 7 اداور لان كل 10 سم من اللبشه بطريقه حسابيه افتراضيه بيشيل دور

[walidzakzok]

مع احترامي لصاحب الموضوع انا بتكلم بشكل عام ....الناس في مصر بتدفع فى طن الحديد 5200 والاسمنت 600 ويستكتر 4000 جنيه تمن تصميم انشائي عند مهندس كويس ويعتمد على مقاول بلبدة وفى الاخر بيغرم اضعاف ال 4000 اللي مرضيش يدفعها فى الاول فى عمارة مش معمولها حسابات ولا يعرف يعليها ولا يبقى مطمن ليها

[hassanin_lada]

مع احترامي لصاحب الموضوع انا بتكلم بشكل عام ....الناس في مصر بتدفع فى طن الحديد 5200 والاسمنت 600 ويستكتر 4000 جنيه تمن تصميم انشائي عند مهندس كويس ويعتمد على مقاول بلبدة وفى الاخر بيغرم اضعاف ال 4000 اللي مرضيش يدفعها فى الاول فى عمارة مش معمولها حسابات ولا يعرف يعليها ولا يبقى مطمن ليها

يا فندم انا مش جاهل عشان اعمل حركه زي دي

الرسم معمول في مكتب هندسي داخل الجامعه من كلية هندسة

وكان في مهندس مشرف علي العملية (اساسا قريبي )
بس اختلفة معاه علي المقابل المادي ده غير اني ماكنتش مستريح معاه ولا كان بيفهمني هو بيعمل ايه
وكان بيمشي كلامه من غير ماياخد رأي او يشرح وجهة نظره ده غير حاجات تانيه كتير

بعد البدروم قررت اني انهي معاه الشغل
بعدها جبت مهندس تاني خريج سنة 70 اساسا وكان شغال في الاسكان
بس هو راجل كبير وحضرتكم عرفين ان الصنيعية مش محترمين الاول كان شغال كويس بس بعدين حسيته بيخاف من المقاولين ومبقتش واثق من قراراته :)

[walidzakzok]

يا فندم انا مش جاهل عشان اعمل حركه زي دي

الرسم معمول في مكتب هندسي داخل الجامعه من كلية هندسة

وكان في مهندس مشرف علي العملية (اساسا قريبي )
بس اختلفة معاه علي المقابل المادي ده غير اني ماكنتش مستريح معاه ولا كان بيفهمني هو بيعمل ايه
وكان بيمشي كلامه من غير ماياخد رأي او يشرح وجهة نظره ده غير حاجات تانيه كتير

بعد البدروم قررت اني انهي معاه الشغل
بعدها جبت مهندس تاني خريج سنة 70 اساسا وكان شغال في الاسكان
بس هو راجل كبير وحضرتكم عرفين ان الصنيعية مش محترمين الاول كان شغال كويس بس بعدين حسيته بيخاف من المقاولين ومبقتش واثق من قراراته :)

الاشراف محتاج مهندس مررقع علشان يظبط المقاول

[walidzakzok]

بص يا باشا انت لو عملت طول مدفون 60 سم واساسا الاشارة 60 سم يبقى انت معملتش حاجة

من الاخر اشتغل على الاشارة المعمولة وخلاص ليه بقى؟

اجاوبك بما ان انت عندك حوائط خرسانية دي بتشتغل مع الزلازل والعمدان عندك بتتحمل قوى ضغط فقط فانت مش محتاج طول رباط كبير وال 60 سم زي الفل