إعـــــــلان

Collapse

.

,
See more
See less

بعض سلوكيات وظواهر غريبة عند ابني الصغير سنة وعشر شهور ارجو المشاركة من اصحاب الخبرة

Collapse
X
 
  • Filter
  • الوقت
  • Show
Clear All
new posts

  • بعض سلوكيات وظواهر غريبة عند ابني الصغير سنة وعشر شهور ارجو المشاركة من اصحاب الخبرة

    الزملاء الافاضل
    السلام عليكم

    كما في العنوان ابني الصغير حفظه الله عمره سنة و10 شهور و10 ايام ولم يبدأ الكلام سوي 3-4 كلمات مثل بابه -مامه -تكتك تكتك - ججه ججه فقط وقلقان عليه جدا افادني استشاري اطفال كبير بتابع معه بلزوم الكشف علي سمعه ..
    ارجو ممن له خبرة افادتي بدكتور سمعيات او مركز متخصص لقياس السمع تمهيدا لتدارك الموقف مع العلم انه غير ميال للاختلاط كثيرا مع اطفال من عمره - فقط انا ومامته . وبيتنرفز ويتعصب ويزن كثيرا ويخبط راسه في اي شئ وعصبى نوعا ما .. ويضع اي شئ في فمه حتي لو غير نظيف او ريموت او موبايل لو ايده طالته .. وعايز والدته تفضل شايلاه وينام ساعات متقطعة بالنهار ويسهر طوال الليل ..ولا اعرف اي حلول لهذه المشاكل نتيجة خطأ مننا طوال العامين بتشغيل قناة الاطفال بالتلفزيون طيور الجنة وطيور بيبي ..الا اننا توقفنا عنها من حوالي اسبوعين ..
    افيدوني افادكم الله ..وجزاكم خيرا ..
    Avatar سابقا

  • #2
    ابنك طبيعى يا باشا


    من خبرتى مع ابنى الكلام ممكن يتاخر عادى ومعروف ان الاولاد بيتاخروا فى الكلام عن البنات وهو بيتكلم بس بسيط مع الوقت هيبق لهلوبه بس تخاف من بعد سن 3 سنوات مش الان

    بخصوص فترات النوم انا ابنى قعد مده طويله عقبال لما بدا ينام كويس بليل ويصحى الصبح


    بالنسبه لانوا مش واخد على حد ابنى كان كدا لحد لما راح حضانه حاليا بقا اجتماعى الحمد لله وبقا ليه اصحاب وتاقلم شويه



    [CENTER][SIZE=5][B][B][COLOR=black][SIZE=6][COLOR=Magenta][SIZE=7][COLOR=Indigo]اللهم ارزقنى بر والدى[/COLOR][/SIZE]
    [/COLOR][/SIZE]
    [COLOR=#0000ff] [/COLOR][/COLOR][/B][/B][/SIZE][SIGPIC][/SIGPIC]
    [SIZE=5][B][B][COLOR=black][COLOR=#0000ff]
    [/COLOR] [/COLOR][/B][/B][/SIZE][/CENTER]

    Comment


    • #3
      إعرض طفلك على طبيب مختص ولا تتأخر .. لو عنده لا قدر الله ضعف في السمع لازم يتلحق من دلوقتي
      ودا شيء بيكون ملاحظ جدا من الأم
      وعموما التصرفات اللي حكيتها طبيعية جدا ولكن الكلام قليل خالص ودا طبيعي لو عايش في جو زي اللي وصفته
      حاول توديه حضانة
      بخصوص النوم تتعب معاه شوية في النهار يصحى عشان ينام بالليل
      والعصبية والنرفزة وكل دا طبيعي
      ولكن أعرضه على طبيب مختص طالما راودك الشك

      أنا بنتي لما كان عمرها سنتين كنت بقول برضو تأخرت في الكلام
      لكن دلوقتي 3 سنين وماشاء الله مش عارفين نسكتها شوية >> ودا بعد ماراحت الحضانة

      Comment


      • #4
        ياراجل دة بنت اختى نطقت بعد 4 سنين

        ودلوقت فى الجامعة وزى الفل وزى القمر وعادى مفهاش اى حاجة

        اطمئن حبيبى على ابنك

        Comment


        • #5
          انت ياباشا بتتكلم على حال معظم الاطفال
          طمن نفسك وماتقلقش
          ان شاؤ الله ابنك طبيعي
          على فكرة ابني تقريبا نفس الوضع
          ولما نومه بيتقلب نقعد نحاول نعدله مدة ممكن تصل لاكتر من شهرين
          وممكن يجي يوم ينام بالنهار من التعب او اللعب يرجع يصحى طول الليل ونقعد نعيد الكرة من تاني علشان نظبط نومه

          Comment


          • #6
            المشاركة الأصلية كتبت بواسطة احمد المصرى مشاهدة المشاركة
            ابنك طبيعى يا باشا


            من خبرتى مع ابنى الكلام ممكن يتاخر عادى ومعروف ان الاولاد بيتاخروا فى الكلام عن البنات وهو بيتكلم بس بسيط مع الوقت هيبق لهلوبه بس تخاف من بعد سن 3 سنوات مش الان

            بخصوص فترات النوم انا ابنى قعد مده طويله عقبال لما بدا ينام كويس بليل ويصحى الصبح


            بالنسبه لانوا مش واخد على حد ابنى كان كدا لحد لما راح حضانه حاليا بقا اجتماعى الحمد لله وبقا ليه اصحاب وتاقلم شويه



            شكرا أحمد باشا المصري ربنا يطمنك ..ويحفظلك أولادك ..

            المشاركة الأصلية كتبت بواسطة إنسانة مشاهدة المشاركة
            إعرض طفلك على طبيب مختص ولا تتأخر .. لو عنده لا قدر الله ضعف في السمع لازم يتلحق من دلوقتي
            ودا شيء بيكون ملاحظ جدا من الأم
            وعموما التصرفات اللي حكيتها طبيعية جدا ولكن الكلام قليل خالص ودا طبيعي لو عايش في جو زي اللي وصفته
            حاول توديه حضانة
            بخصوص النوم تتعب معاه شوية في النهار يصحى عشان ينام بالليل
            والعصبية والنرفزة وكل دا طبيعي
            ولكن أعرضه على طبيب مختص طالما راودك الشك

            أنا بنتي لما كان عمرها سنتين كنت بقول برضو تأخرت في الكلام
            لكن دلوقتي 3 سنين وماشاء الله مش عارفين نسكتها شوية >> ودا بعد ماراحت الحضانة
            إن شاء الله جاري البحث عن متخصص للإطمئنان وعشان مكونش قصرت معاه والحضانة اكيد مرحلة جاية قريب جدا .. شكرا لك حفظك الله واولادك
            المشاركة الأصلية كتبت بواسطة الفجر مشاهدة المشاركة
            ياراجل دة بنت اختى نطقت بعد 4 سنين

            ودلوقت فى الجامعة وزى الفل وزى القمر وعادى مفهاش اى حاجة

            اطمئن حبيبى على ابنك
            ربنا يحفظك واولادك شكرا طمنتني ..
            Avatar سابقا

            Comment


            • #7
              المشاركة الأصلية كتبت بواسطة أبو صلاح مشاهدة المشاركة
              انت ياباشا بتتكلم على حال معظم الاطفال
              طمن نفسك وماتقلقش
              ان شاؤ الله ابنك طبيعي
              على فكرة ابني تقريبا نفس الوضع
              ولما نومه بيتقلب نقعد نحاول نعدله مدة ممكن تصل لاكتر من شهرين
              وممكن يجي يوم ينام بالنهار من التعب او اللعب يرجع يصحى طول الليل ونقعد نعيد الكرة من تاني علشان نظبط نومه
              ربنا يحفظك ويطمنك يابوصلاح باشا ..موضوع اضطراب النوم والسهر طول الليل لحد 7 الصبح ده صعب قوى وبيفضل قاعد في اشد الاوقات برودة وممكن يتعب برد او رشح ..وحاولنا يقعد بالنهار او يخرج برضه عايز ينام مهما قعد يلعب او خرج حتي الموضوع صعب اوي في السن الصغيرة سنتين دي ..
              Avatar سابقا

              Comment


              • #8
                سؤالين مهمين يعرفوك هو فيه فعلا مشكلة و لا تأخير بسيط و عادي

                1- سمعه كويس؟ اما بتنده له و هو مديك ضهره بيسمعك؟ اما يبقى في اوضة تانية و يسمع صوت لعبة او كرتون اشتغل في التليفزيون الخ الخ الخ بييجي عالصوت؟

                2- بيفهم اللي بتقولهوله الى حد ما؟ يعني تقول له تعالى ييجي؟ و انت بتغير له هدومه بيتعاون معاك (يرفع ايده و انت بتقلعه الفانلة الخ الخ ..... او تقول له حط ايدك في الكم بيحاول يحطها) ؟

                مع ملاحظة : بيفهم .... مش بينفذ ....... مش قصدي بيقهم و ينفذ لانه ممكن يكون عنيد بيفهم و ما يعملش ........


                لو الاتنين اللي فوق دول مفيهومش مشكلة يبقى ما تقلقش و شوية احتكاك في الحضانة مع اطفال تانيين و مدرسين و هيتكلم


                بالنسبة لفحص السمع شوف اخصائي تخاطب زي د. محمود يوسف ابو العلا

                د. محمود يوسف ابو العلا, مصر الجديدة, القاهرة, مصر | اطباء | Yellow.com.eg | 53 ش نخلة المطيعى
                [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                [URL="https://goo.gl/30fu9U"]Registered Migration Agent - MARN 1575106[/URL]
                [/COLOR][/CENTER][/SIZE]

                Comment


                • #9
                  الله ينور عليك يا بو كمال

                  المشاركة الأصلية كتبت بواسطة أحمد كمال مشاهدة المشاركة
                  سؤالين مهمين يعرفوك هو فيه فعلا مشكلة و لا تأخير بسيط و عادي

                  1- سمعه كويس؟ اما بتنده له و هو مديك ضهره بيسمعك؟ اما يبقى في اوضة تانية و يسمع صوت لعبة او كرتون اشتغل في التليفزيون الخ الخ الخ بييجي عالصوت؟

                  2- بيفهم اللي بتقولهوله الى حد ما؟ يعني تقول له تعالى ييجي؟ و انت بتغير له هدومه بيتعاون معاك (يرفع ايده و انت بتقلعه الفانلة الخ الخ ..... او تقول له حط ايدك في الكم بيحاول يحطها) ؟

                  مع ملاحظة : بيفهم .... مش بينفذ ....... مش قصدي بيقهم و ينفذ لانه ممكن يكون عنيد بيفهم و ما يعملش ........


                  لو الاتنين اللي فوق دول مفيهومش مشكلة يبقى ما تقلقش و شوية احتكاك في الحضانة مع اطفال تانيين و مدرسين و هيتكلم


                  بالنسبة لفحص السمع شوف اخصائي تخاطب زي د. محمود يوسف ابو العلا

                  د. محمود يوسف ابو العلا, مصر الجديدة, القاهرة, مصر | اطباء | Yellow.com.eg | 53 ش نخلة المطيعى

                  Comment


                  • #10
                    المشاركة الأصلية كتبت بواسطة أحمد كمال مشاهدة المشاركة
                    سؤالين مهمين يعرفوك هو فيه فعلا مشكلة و لا تأخير بسيط و عادي

                    1- سمعه كويس؟ اما بتنده له و هو مديك ضهره بيسمعك؟ اما يبقى في اوضة تانية و يسمع صوت لعبة او كرتون اشتغل في التليفزيون الخ الخ الخ بييجي عالصوت؟

                    2- بيفهم اللي بتقولهوله الى حد ما؟ يعني تقول له تعالى ييجي؟ و انت بتغير له هدومه بيتعاون معاك (يرفع ايده و انت بتقلعه الفانلة الخ الخ ..... او تقول له حط ايدك في الكم بيحاول يحطها) ؟

                    مع ملاحظة : بيفهم .... مش بينفذ ....... مش قصدي بيقهم و ينفذ لانه ممكن يكون عنيد بيفهم و ما يعملش ........


                    لو الاتنين اللي فوق دول مفيهومش مشكلة يبقى ما تقلقش و شوية احتكاك في الحضانة مع اطفال تانيين و مدرسين و هيتكلم


                    بالنسبة لفحص السمع شوف اخصائي تخاطب زي د. محمود يوسف ابو العلا

                    د. محمود يوسف ابو العلا, مصر الجديدة, القاهرة, مصر | اطباء | yellow.com.eg | 53 ش نخلة المطيعى
                    الله ينور عليك يا بو كمال

                    Comment


                    • #11
                      اطمن يافندم انا ابني بالظبط عمره زي ابنك يوم بيوم هو مواليد شهر مارس 2012 الكلمه الوحيده المفهومه من كلامه عربيه بيقولها عبييه وبابا وماما وشويه هرتله في اللاوعي كده وبرضه بيزن كتير وعصبي جدا جدا وحتي كل ده مايقلقش موضوع السمع ده سهل جرب تنادي عليه باسمه شوفه هيسمعك ولا لأ انا رايي الشخصي ماترحش لحد لان الدكاتره ساعات بيعملوا مشكله من غير مشكله ماتحطش الموضوع في دماغك وان شاء الله الولد هيصدعك من الكلام وموضوع انا البنات بستبق الاولاد ده حقيقي لان بنت اخويا اكبر من ابني بشهرين وماشاء الله ربنا يحرسها بتتكلم من قبله وتعرف كلمات اكتر ده حتي في البلوغ البنات بستبق الصبيان
                      [SIGPIC][/SIGPIC]

                      Comment


                      • #12
                        دا الطفل الاول ... صح؟
                        شكلها كلها حاجات طبيعيه ... وديه حضانه و خليه يندكج مع اطفال و اتاكد من الحاجات اللى احمد كمال قال عليها
                        [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                        Comment


                        • #13
                          اكشف على موضوع السمع من باب الاطمئنان

                          عايز الحل هتله اخ بالبلدى كده خاويه واستحمل الصداع والخناق مع بعض

                          ابنك ان شاء الله طبيعى اللى عنده بسبب فرجته على التليفزيون وخطأ منك ومن ممته
                          ربنا يباركلك فيه

                          Comment


                          • #14
                            المشاركة الأصلية كتبت بواسطة أحمد كمال مشاهدة المشاركة
                            سؤالين مهمين يعرفوك هو فيه فعلا مشكلة و لا تأخير بسيط و عادي

                            1- سمعه كويس؟ اما بتنده له و هو مديك ضهره بيسمعك؟ اما يبقى في اوضة تانية و يسمع صوت لعبة او كرتون اشتغل في التليفزيون الخ الخ الخ بييجي عالصوت؟

                            2- بيفهم اللي بتقولهوله الى حد ما؟ يعني تقول له تعالى ييجي؟ و انت بتغير له هدومه بيتعاون معاك (يرفع ايده و انت بتقلعه الفانلة الخ الخ ..... او تقول له حط ايدك في الكم بيحاول يحطها) ؟

                            مع ملاحظة : بيفهم .... مش بينفذ ....... مش قصدي بيقهم و ينفذ لانه ممكن يكون عنيد بيفهم و ما يعملش ........


                            لو الاتنين اللي فوق دول مفيهومش مشكلة يبقى ما تقلقش و شوية احتكاك في الحضانة مع اطفال تانيين و مدرسين و هيتكلم


                            بالنسبة لفحص السمع شوف اخصائي تخاطب زي د. محمود يوسف ابو العلا

                            د. محمود يوسف ابو العلا, مصر الجديدة, القاهرة, مصر | اطباء | yellow.com.eg | 53 ش نخلة المطيعى
                            شكرا لتعاونك أ.احمد
                            بالنسبة للسؤالين 1-في استجابة اكيد الحمد لله بيدخل الاوضة ويسمع لما بييجي اعلان ميسي وبيبسي وحاجات تانية بيحبها في الاعلانات او البروموهات اكتر حاجة بتشده حته هذا البرنامج برعاية والمزيكا..
                            2-ممكن لو رايق تعالي ييجي وعايز اديله الساعة في ايدي يحاول يفكها بتعجبه الحكاية دي انما تغيير الهدوم ده صراع غير متعاون فيه وبيضايق من الشوز وكان بيحاول يخلعها لكن دلوقتي تحسن شوية
                            وهشوف الدكتور ان شالله للاطمئنان ..
                            اكرر شكري وتقديري وبارك الله فيك ...
                            Avatar سابقا

                            Comment


                            • #15
                              المشاركة الأصلية كتبت بواسطة elnakshabandy مشاهدة المشاركة
                              اكشف على موضوع السمع من باب الاطمئنان

                              عايز الحل هتله اخ بالبلدى كده خاويه واستحمل الصداع والخناق مع بعض

                              ابنك ان شاء الله طبيعى اللى عنده بسبب فرجته على التليفزيون وخطأ منك ومن ممته
                              ربنا يباركلك فيه
                              ربنا يرزقنا اخوه او اخته ..وخطا التلفزيون ده مش قادرين نسامح نفسنا عليه .شكرا لمشاركتك
                              المشاركة الأصلية كتبت بواسطة mohamed_selim مشاهدة المشاركة
                              دا الطفل الاول ... صح؟
                              شكلها كلها حاجات طبيعيه ... وديه حضانه و خليه يندكج مع اطفال و اتاكد من الحاجات اللى احمد كمال قال عليها
                              ايوة ياباشا الطفل الأول ربنا يحفظه ..الحضانه قادمة قريبا جدا ..شكرا لاهتمامك ..ورديت علي نقاط أحمد كمال القيمة ..
                              المشاركة الأصلية كتبت بواسطة ahmedelfeky مشاهدة المشاركة
                              اطمن يافندم انا ابني بالظبط عمره زي ابنك يوم بيوم هو مواليد شهر مارس 2012 الكلمه الوحيده المفهومه من كلامه عربيه بيقولها عبييه وبابا وماما وشويه هرتله في اللاوعي كده وبرضه بيزن كتير وعصبي جدا جدا وحتي كل ده مايقلقش موضوع السمع ده سهل جرب تنادي عليه باسمه شوفه هيسمعك ولا لأ انا رايي الشخصي ماترحش لحد لان الدكاتره ساعات بيعملوا مشكله من غير مشكله ماتحطش الموضوع في دماغك وان شاء الله الولد هيصدعك من الكلام وموضوع انا البنات بستبق الاولاد ده حقيقي لان بنت اخويا اكبر من ابني بشهرين وماشاء الله ربنا يحرسها بتتكلم من قبله وتعرف كلمات اكتر ده حتي في البلوغ البنات بستبق الصبيان
                              طمنتني ياباشا ربنا يحفظلك ابنك ويبارك في اولادنا جميعا وفعلا البنات بتسبق الولاد بنت واحدة قريبتي اصغر منه بشهرين وكلامها اكتر البنات منظمين وهاديين ..
                              Avatar سابقا

                              Comment

                              Working...
                              X