مشكلة في dns الراوتر أرجو المساعدة

[أبو آسر]

السلام عليكم
أنا مشترك في موقع opendns اللي بيدي dns مانع للمواقع الإباحية وباخد الdns أحطه في لوحة تحكم الراوتر (D-link) وكل شيء كان ماشي تمام من فترة بس اليومين دول بكتشف إن النت عندي كل شوية مش مستقر وكل شوية بضطر أعمل ريستارت وفي يوم قلت أبص على الdns لقيته متغير !! مع إنه مفروض static
فازاي ده بيحصل ؟ إيه اللي ممكن يغير الdns اللي أنا بحطه بإيدي ؟ مع العلم إن افتراض إن حد عندي على الشبكة بيدخل على لوحة تحكم الراوتر وبيغيره مستبعد
الdns اللي بدخله:
208.67.222.222
208.67.220.220
الdns اللي لقيته دلوقتي
38.68.14.135
8.8.8.8

هل من حل للمشكلة دي بحيث أخلي الdns ميتغيرش عن اللي بدخله أنا ؟

[mr_green]

جرب تشوف لو فيه log
شوف حصل إمتى التغيير و إذاى

منفعش - إحفظ الكونفيجريشن الحالى ب screen shots
وبعدين إعمل ريست و غير الباسورد

[أبو آسر]

للأسف الlog كان معموله disabled
ودلوقتي غيرت الباسورد احتياطي
بس مفيش سبب للموضوع ده غير إن حد دخل وغيره يعني ؟! مفيش أسباب تانية ممكن تغيره بدون تدخل بشري ؟

[mr.a]

حضرتك ممكن شركة النت تغير الأعدادت -و-دون ابلاغ حضرتك :)

[Ahmed_Adham]

الشركه نفسها غيرته

[أبو آسر]

طب وده ليه ؟! إيه مصلحتهم من كده يعني هو الdns ده هيضرهم في حاجة ؟ وكمان هل بيعملوا الموضوع ده أوتوماتيك لكل المشتركين ولا بيعرفوا اللي مغيرينه بس فبيقوموا مغيرينه ليهم ؟ يعني مفيش طريقة للاحتفاظ بالdns ده علطول ؟

[الاستاذ]

شركة النت عمرها ماتخش على الروتر الا بطلب من العميل دة فيها حبس زى التجسس كدة
والdns فى الروتر المستخدم يقدر يغيرة براحته
فى كذا احتمال انى فى حد بيخش يغير الايبى
او فى برنامج بيبدل الايبى ودة فى الجهاز الرئيسى

[besso]

طب انا عايز اسألكم سؤال ا جماعه تيغر الdns ده بيغير شىء فى النت؟؟؟؟؟ يعنى لو انا حبيت اعمل زى العضو صاحب الموضوع هل سرعه النت هاتتغير يعنى تغير رقم الdns ده بيأثر على سرعه النت او اداءه؟؟؟

[mk3]

8.8.8.8 دى ان اس جوجل وهو من اقوى واسرع الدى ان اس

[mr.a]

طب وده ليه ؟! إيه مصلحتهم من كده يعني هو الdns ده هيضرهم في حاجة ؟ وكمان هل بيعملوا الموضوع ده أوتوماتيك لكل المشتركين ولا بيعرفوا اللي مغيرينه بس فبيقوموا مغيرينه ليهم ؟ يعني مفيش طريقة للاحتفاظ بالdns ده علطول ؟

آسف على تأخر الرد
بص ده ليه معرفش
لكن عندي ليك فكره جربها يمكن تنفع
طريقه للاحتفاظ ب DNS جرب تغير ID & Pass الراوتر
في الحاله دي مش هيعرفوا يدخلو راوترك ويلعبو في اعداداتك

*ملاحظه لو حضرتك نسيت ID & pass الرواتر وعايز تدخل عليه هتضطر تعمل Reset وتتصل بمزود الخدمة عشان يرجعلك Configuration

[أبو آسر]

أنا غيرت الباسورد فعلا بس النت أول امبارح قعد يلعب طول الليل يشتغل نص دقيقة ويفصل وبعدين يشتغل نص دقيقة وبعدين يفصل وهكذا طول الليل طبعا اتصلت بالدعم بدون أي فائدة غير جرب توصل الراوتر للوصلة الرئيسية من غير سبليتر ... إلخ الهري المعروف فقلتله ياعم والله النت شغال زي الفل بنفس الوصلات دي بقاله سنة وأكتر قالي لازم ناخد الخطوة دي برده قلتله طب شكرا أشوف وشك بخير !! وبرده قلت أجرب أوصل من الوصلة الرئيسية للراوتر علطول لكن بدون نتيجة فنمت وسبته وصحيت لقيت لمبة الإنترنت منورة أحمر !! وطبعا مفيش نت المهم بعد يوم شاق من وجع القلب اكتشفت ان المشكلة في السنترال وان الخط الأرضي في حرارة بس مبيتصلش !! اتصلت بالراجل بتاع التليفونات قالي في مشكلة تقريبا الكهرباء قاطعة عن محول في السنترال فجمعت كل ده وربطته بمشكلة الكهرباء اللي بتقطع كل يوم عند الناس كلها فقلت بس يبقى أزمة السولار وصلت لمحولات السنترال وكده فقدت الأمل قمت شاحن فلاشة اتصالات خلصت شغلي المستعجل ونزلت الشغل رجعت بالليل لقيت النت جه لوحده !
المهم بقى إني دخلت لوحة تحكم الراوتر دلوقتي تاني لقيت الdns اتغير برده ! وبقى 5.135.165.179 فكده يبقى هو بيتغير اوتوماتيك من الشركة نفسها وغالبا المشكلة دي ملهاش حل وأمري لله