إعـــــــلان

Collapse

.

,
See more
See less

محتاج مساعدتكم ضرورى جدا فى مقابلة بكره

Collapse
X
 
  • Filter
  • الوقت
  • Show
Clear All
new posts

  • محتاج مساعدتكم ضرورى جدا فى مقابلة بكره

    يا جماعة الموضوع بكل بساطة ان فى واحد اعرفه قالى ان عنده بنت اخته وكده وانه مش هيلاقى ليها حد احسن منى ( هى البنت والدتها اتوفت من شهرين بعد معاناه مع مرض السرطان فى المعدة ) وهى فى سنة أولى كلية وليها أخ فى اعدادى وطبعا انا قربت اكمل 27 سنة

    انا شوفت صورتها وشكلها محترم جدا جدا جدا واستريحت لها من الصورة بس طبعا لازم نشوف بعض على الحقيقة وده اللى المفروض يحصل بكره

    المشكله بقى انى خجول جدا ( مش مع البنات بس لأ مع الناس عموما ) ومش عارف اتكلم معاها فى ايه أو أقول ايه

    محتاح نصيحتكم ضرورى ضرورى ضرورى
    [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

  • #2
    عادى جدا
    كتير اوى بيحصل لهم كدة اول مرة
    وعشان تكسر الحاجز دة اتكلم فى اى مواضيع عامة عادية
    زى المظاهرات....او الكهرباء بتقطع ولا لا ........او الزحام فى الطرق..........الخ
    كدة يعنى وهتلاقى الكلام جاب بعضة
    ونصيحة متجهزش كلام تقولة
    خليك ريلاكس وهتلاقى كل حاجة سهلة ان شاء الله

    المقابلة الاولى بتبقى تعارف وقبول لا اكثر
    [SIZE=2][SIZE=5][COLOR=Blue]zarif سابقا[/COLOR][/SIZE]
    [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

    [SIZE="6"][COLOR="Blue"]zarif سابقا[/COLOR][/SIZE]

    Comment


    • #3
      نصيحة واحدة فقط ... واوعى تاخدها باستهتار .
      قوم صلى ركعتين حاجة وأدعى ربنا يوفقك وان يكتب لك الخير ويبعد عنك الشر .

      أما بالنسبة للمقابله .... فالبداية المصرية دايما .. أخباك ايه وأيه أخبار المذاكرة والكلية و........
      المهم انك تكلمها فى موضوع عام وليكن حتى السياسة وشوف تفكيرها ورد فعلها وحكمها على الأشياء .

      ربنا يوفقك أنت مقبل على اهم أختيار فى حياتك ... أوعى تختار بالشكل فقط ... اختار بعقلك

      Comment


      • #4
        مع احترامى للجميع بس سياسة اية وكهربابء اية الى يكلم فيها هو رايح يخطب رئيس الوزراء
        بص ياغالى اول حاجة اهتم بمظهرك لان دة بداية التعارف
        تانى حاجة اتكلم فى مواضيع عامة وابتسم ودردش معاها واسالها فى كلية اية والكلام هيجيب بعضة وهى بردوا هتكلم معاك

        Comment


        • #5
          خليك على طبيعتك خالص و هادي و خلي الموضوع عادي بالنسبة لك
          شوفها و لتكلم معاها , اعرف دماغها إزاي
          طبعا صعب تاخد قرار نهائي من أول مرة إلا لو في سبب قاطع
          استريحتلها يبقى تصلى صلاة إستخارة أكتر من مرة و تتوكل على الله
          و ربنا يرزقك و يرزقني بالزوجة الصالحة
          [U][FONT=Comic Sans MS][COLOR=blue]سُبْحَانَ اللَّه وبِحَمْدِهِ ... سُبْحَانَ اللَّهِ الْعَظِيمِ[/COLOR][/FONT][/U]

          Comment


          • #6
            أنا يا جماعة مليش فى السياسة خالص وبتابع الاخبار كل فين وفين ...

            وطبعا الحكم بالنسبة ليا مش مبنى على الشكل كعامل اساسى ... اهم حاجة بالنسبالى الدين والاخلاق والصراحة .. انا بختار زوجة وأم فى نفس الوقت ... مش بختار واحدة امشى معاها :)

            انا بس بيكون عندى حته الخجل دى ودايما بكون مستنى اللى قدامى اللى يكسر الحاجز ده ويا سلام لو هى كمان تكون خجوله كده هنفضل فى وضع الصامت :) ... بس أن شاء الله ربنا يسترها ....
            [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

            Comment


            • #7
              اللى عندوا أى نصيحة أوعى يبخل عليييييا هاااا مش عايزين ندالة
              [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

              Comment


              • #8
                باشا اسئلها عن طموحاتها واهدافها وان هيا بتفضل تكون ربة منزل فقط ولا هدفها انها تخلص كليه وتشتغل. بتحب ايه بتكره ايه. اسئلها نفسك فى ايه وايه اللى انتى شايفاه وعايزاه فى زوجك وعرفها على طباعك وحياتك وبالشكل ده هتلاقى الكلام بيتفتح لوحده ومتقلقش خالص وتكون شيك لان ده هيبقى اول انطباع فربنا يكرمك ويوفقك ان شاء الله بس بلاش تحكيلها حاجه عن ماضيك لو فى اى حاجه مش ولا بد ههههههه دى نصيحه منى
                ما بين تسلمـ الايادي و تتشل الايادي .. هناك ايادي مش لاقية تاكل !!
                أفيقوا يرحمكم الله

                Comment


                • #9
                  اولا و قبل اى شئ صلى صلاة الاستخارة علشان ربنا يوفقك و يعرفك اذا كانت الزوجة المناسبة ام لا
                  ثانيا ما تخافشى من اى شئ دوووووووووووس و اعمل حسابك انك تروح تملى القعدة و تثبت شخصيتك بصرف النظر عن كونها هى البنت المناسبة او لا لان دى حياتك و مصلحتك و علشان تركز اكتر فى الحكم عليها بدل ماتبقى مركز فى الكسوف و الخجل يعنى انت بتتكلم عن الخجل و انت رايح تقابل بنت معرفة امال ياراجل لو بنت غريبة خالص كنت هتعمل ايه
                  ثالثا هندم نفسك تمام لان ده من تمام الشخصية قدام اى بنت
                  رابعا ابدا بالتحيات و الكلام العام و اسالها عن تفاصيلها على قد ماتقدر علشان تشوف مواصفاتها و تفكيرها متوافق معاك و الا لا
                  [mshosh2]http://www.gtspirit.com/2012/02/24/official-bertone-nuccio-concept-revealed/?pid=45463&gallery=4010#tp[/mshosh2]

                  Comment


                  • #10
                    على فكرة البنات عادة بتبقى أخجل من الأولاد لذلك هتلاقي نفسك في موقف قوة لأنها هي اللي هتبقى غرقانة في عرقها ووشها جايب ألوان وبالتالي هتلاقي نفسك انت اللي ماسك زمام القعدة وعارف تتكلم براحتك لأنك هتلاقيها أخجل منك
                    لكن لو لقيتها جريئة ومش فارقة معاها وكده نصيحة فكر ألف مرة قبل ما ترتبط معاها لأن جرأة الستات مش كويسة والحياء شعبة من شعب الإيمان
                    وزي ما الإخوة قالوا هتلاقي الكلام جاب بعضه والموضوع اتفرع منه مواضيع وممكن تقعد ترغي بالساعة مش هتزهقوا بس اتكلم في مواضيع مهمة زي المواصفات اللي هي عايزاها في زوجها أو الكلية والدراسة والتعليم شوف وضعها إيه مع ربنا حاول تتعرف على أخلاقها وطباعها بأسلوب ذكي هل بتصلي ولا لأ كل الكلام ده مهم جدا علشان تقدر تكون قرار
                    طبعا اوعى تتكلم في السياسة وحال البلد والكلام ده زي ما البعض بيقول لأن كده القعدة هيحكم عليها بالفشل من أول مرة أو على الأقل هيكون في النفوس شيء خاصة لو انت قلت حاجة معارضة لوجهة نظرها اللي شايفاها صح هي ممكن تسمعلك ومتعلقش لكن هيكون في شيء في النفوس بسبب شيء ملوش أي لازمة لأن لا السياسة هتأكلك ولا هتأكلها عيش لما تتجوزوا
                    أخيرا والأهم طبعا هو صلاة الاستخارة ومش لازم يكون في رؤيا زي ما البعض فاكر ولكن انت هتلاقيك بتشعر شعور داخلي انك مطمئن أو العكس أو بيحصل حاجة إما بتسهل الموضوع يا إما بتفشكله فانت صلي وسيب التدابير على الله
                    وربنا يتمم بخير ويرزقك الزوجة الصالحة
                    [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                    [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                    [SIGPIC][/SIGPIC]

                    Comment


                    • #11
                      ربنا يخليكم ليا

                      أن شاء الله انا رايح اقابلهم قبل العصر كده ولما ارجع اقولكم التفاصيل

                      دعواتكم بالتوفيق
                      [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                      Comment


                      • #12
                        مبدئيا كده على كلام خال البنت أنه مكنش معرفها أى حاجة لغاية لما قربوا ينزلوا ... أنا مش فاهم ايه السبب وهل كلمها وهما جايين فى السكه ولا لأ الله أعلم

                        كنت هناك أنا ووالدتى والبنت وخالها ومراته ومجبش ولاده الصغيرين معاه ( ودى غريبة فا اكيد البنت كانت عارفة ان احنا هنكون موجودين ولا ايه ؟؟ )

                        طبعا اتكلمنا كلام عادى جدا وانا وهى متكلمناش مع بعض خالص فى اى حاجة بس هى شكلها مؤدبة ومش تنكة خالص وبعد ساعتين كده ( مدة كبيرة طبعا ) ماما اسئذنت منهم ومشينا

                        ماما شايفة انها كويسة

                        انا مش عارف احكم خالص عنها فى اى حاجة
                        [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                        Comment


                        • #13
                          أعتقد ان المقابلة كانت بهدف ان احنا نشوف بعض وكل واحد يقرر فى قبول للطرف الاخر ولا لأ
                          [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                          Comment


                          • #14
                            ايه المطلوب منى بقى دلوقتى وهل اكلم خالها ولا استنى لما هو يكلمنى ؟

                            انا مش لاقى سبب انى ارفضها وفى نفس الوقت انا معرفتش عنها اى حاجة ولا دماغها ماشية ازاى

                            فا نقدر نقول كده انى لا رافضها ولا عارف اقبلها ولا لأ ( كل اللى متأكد منه ان البنت مؤدبة ومحترمة )
                            [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                            Comment


                            • #15
                              المشاركة الأصلية كتبت بواسطة punisher مشاهدة المشاركة
                              ايه المطلوب منى بقى دلوقتى وهل اكلم خالها ولا استنى لما هو يكلمنى ؟

                              انا مش لاقى سبب انى ارفضها وفى نفس الوقت انا معرفتش عنها اى حاجة ولا دماغها ماشية ازاى

                              فا نقدر نقول كده انى لا رافضها ولا عارف اقبلها ولا لأ ( كل اللى متأكد منه ان البنت مؤدبة ومحترمة )
                              اهم شىء القبول المتبادل وحضرتك هتقول لخالها ان مفيش مانع عندك وفى انتظار ردكم ده ليعلم موقفك الاول

                              وبعدين فتره الخطوبه ان شاء الله هتتعرف عليها اكتر

                              وربنا ييسر لك الامر وتكون خير عون لك فى الدنيا والاخره
                              [SIGPIC][/SIGPIC]

                              Comment

                              Working...
                              X