إعـــــــلان

Collapse

.

,
See more
See less

عايز رأيكم معايا ( مجال المحاسبه ولا مجال المبيعات )

Collapse
X
 
  • Filter
  • الوقت
  • Show
Clear All
new posts

  • عايز رأيكم معايا ( مجال المحاسبه ولا مجال المبيعات )

    السلام عليكم و رحمه الله و بركاته
    اخوكم لسه متخرج جديد من كليه الشعب كليه تجاره

    و طبعا في مرحله البحث عن شغل

    و زي اي شاب متخرج جديد مستني جيشه اشتغلت كول سنتر و اتسحلت

    و الحمد لله اعفاء نهائي من الجيش ( مش عايزين حسد لو سمحت )

    المهم دلوقتي قلت ادور بجد بقى و الحمد لله مش سايب حته الا و رميت السي في و مش سايب جرنال الا مفصص الوظائف بتاعته

    و بعد شويه لف لاقيت اللي معروض عليا وظائف كلها مبيعات
    على سبيل المثال مسئول مبيعات في معرض اثاث و ديكور كبير
    او مسئول مبيعات في مكتبه كتب كبيره و مشهوره

    بس انا الصراحه ميال اكتر للمجال اللي انا اتخرجت منه ( المحاسبه )
    يعني كان في تفكيري مكاتب المحاسبه و التدريب فيها
    او الحسابات في اي شركه محترمه
    بس لسه ملقتش يعني

    مع العلم اني الحمد لله بحب التعامل مع الناس او الزباين يعني
    و بجيد التعامل مع الارقام و الحسابات و الحوارات دي


    السؤال دلوقتي ايهما افضل مستقبلا
    مجال المبيعات ام مجال المحاسبه ؟
    و لو الواحد فكر يسافر ( اكيد هفكر كمان شويه ) اي مجال مطلوب اكتر ؟
    هل ابتدي بالوظيفه اللي قدامي ولا استنى الوظيفه اللي في مجالي ؟
    عايز رأيكم و خبراتكم معايا

    و شكراااااااااااااا مقدماااااااااااا
    محمود ابو السعود

    لا تقلق كثيرا بشأن الماضي / ولا تحمل هم الغد / الان هو حياتك عيشها

  • #2
    انا زيك بس لسه فى رابعه تجاره انجلش ومن رائى تشتغل دى لحد لما تلاقى مجال المحاسبه لانه افضل مستقبليلا
    ما بين تسلمـ الايادي و تتشل الايادي .. هناك ايادي مش لاقية تاكل !!
    أفيقوا يرحمكم الله

    Comment


    • #3
      طالما حابب المحاسبه اشتغل فيها. هتتبهدل شويه في الاول والعائد ممكن ميكونش مجزي قوي بس هتبقى أقيم قدام.
      مصر أنت أغلى دره ... فــوق جبين الدهـر غرَّة

      يا بلادي عيشي حره ... واسلـمي رغـم الأعــادي

      Comment


      • #4
        ماهو ده تفكيري فعلا

        معنديش مشاكل استحمل ضعف المرتب و كم الشغل الرهيب

        ادام ده هيكون ليه قيمه قدام و الواحد يبقى متميز شويه
        محمود ابو السعود

        لا تقلق كثيرا بشأن الماضي / ولا تحمل هم الغد / الان هو حياتك عيشها

        Comment


        • #5
          بالظبط كده استحمل واكيد ربنا هيكرمك
          ما بين تسلمـ الايادي و تتشل الايادي .. هناك ايادي مش لاقية تاكل !!
          أفيقوا يرحمكم الله

          Comment


          • #6
            امين يا رب ربنا يكرمك

            مستنى اراء الناس الخبره اللي في المنتدى

            ايه يا جماعه ده المنتدى مليان ما شاء الله ناس كبيره ( في المقام ) :)

            اين انتم ؟؟؟؟؟؟؟؟؟؟؟
            محمود ابو السعود

            لا تقلق كثيرا بشأن الماضي / ولا تحمل هم الغد / الان هو حياتك عيشها

            Comment


            • #7
              مهو انت ما اتبهدلتش 4 سنين عشان تبلها وتشرب ميتها فى الاخر
              خليك فى مجالك ... وده الطريق لو تقدر عليه
              خلاصة القاعدة بتقول
              مكتب = خبرة كبيرة (محاسبة +ضرائب +تأسيس +مراجعة ) = مرتب قليل = ضغط كبير ----- شرط الخبرة الكبيرة انك تعلم نفسك وعلى الاقل مكتب متوسط ومن خلال الخبرة تقدر تدوس فى اى شركة كبيرة بمرتب كبير
              .................................................. .............
              الشركة = خبرة فى نشاط الشركة والمحاسبة المالية =مرتب معقول بنسبة لمبتداء ومرتب كبير للخبرة = ضغط الشغل اقل من المكتب
              وكل وحد زى مابيحب
              النصيحة
              ان المحاسب يتبهدل فى المكاتب بعد التخرج وبعدين يدور على الشركات ويرتاح
              وربنا يكرمك
              _loma_ سابقا

              Comment


              • #8
                انامعروض عليا مكتب محاسبة ب 300 جنيه فى الشهر ! ادوس ولا ادور على شركة ؟

                Comment


                • #9
                  المحاسبه مرتابتها ضعيفه
                  السيلز مرتبه اعلى
                  مصمم على المحاسبه تتجه لمكتب مراجعه (محاسب قانونى) واهم حاجه يعملك تأمينات وخبره تدريب مع جمعيه المحاسبين المصرية عشان بعد 10 سنوات تبقى محاسب قانونى اد الدنيا
                  الانفرتر الهندى من البدايه للنهايه
                  http://www.nilemotors.net/Nile/430457-a.html

                  Comment


                  • #10
                    انا شايف لو المرتب مش فارق معاك فا خليك فى مجال المحاسبة

                    وحاول تدعم نفسك بكوسات زى ال cpa - cma - cfa

                    طبعا اغلاهم ال cpa بس هيكون ليك وضع مختف فى الشغل خالص وطبعا مرتب اعلى

                    دا اللى كنت ناوى اعمله لما اتخرجت من تجارة انجلش بس ربنا كان كاتبلى مجال شغل تانى بعيد عن المحاسبة
                    [SIZE="3"]◊◊ سبحان الله ◊◊ الحمد لله ◊◊ لا اله الا الله ◊◊ الله أكبر ◊◊[/SIZE]

                    Comment


                    • #11
                      هستفاد ايه لو بقيت محاسب قانونى ؟؟ مرتباتهم اعلى يعنى ولا زى المحاسبين العاديين ؟؟

                      Comment


                      • #12
                        المحاسب القانوني يا سيدي هوه اللي من حقه يفتح مكتب محاسبه

                        عارف شغل مكاتب المحاسبه ؟

                        اعتماد القوائم الماليه للشركات
                        انشاء الشركات المساهمه
                        تقديم الاقرار الضريبي للشركات
                        المراجعه على حسابات الشركه لاكتشاف الاخطاء
                        و حاجات تانيه كتيييييييييييييييييييير

                        طب باخدها ازاي دي ؟

                        هتدرب في مكتب محاسبه لفتره معينه و بعد ما تتثبت و يتأمن عليك هتشتغل فيه لمده 3 سنين ساعتها من حقك التسجيل في جمعيه المحاسيبن و المراجعين و بالتالي انت بقيت محاسب قانوني

                        من حقك انك تفتح مكتب زي اللي كنت بتدرب فيه و تبتدى الشغل الكبير بقى

                        المرتب بيبقى قليل شويه لحد اما تقدم شويه و لحد اما تتسجل في الجمعيه ساعتها بتبدى الشغل بجد

                        المحاسب العادي
                        اللي بيبقى شغال في شركه او اي منشأه في الحسابات و بيبقى مرتبه على حسب قيمه الشركه و مركزها في السوق و طبعا كل ما خبرته تزيد كل ما مرتبه يعلى
                        و المناصب اللي ممكن يمسكها المدير المالي و مدير الحسابات
                        محمود ابو السعود

                        لا تقلق كثيرا بشأن الماضي / ولا تحمل هم الغد / الان هو حياتك عيشها

                        Comment


                        • #13
                          المشاركة الأصلية كتبت بواسطة matrix_it مشاهدة المشاركة
                          انامعروض عليا مكتب محاسبة ب 300 جنيه فى الشهر ! ادوس ولا ادور على شركة ؟
                          دوووووووووووووس يا ريس
                          و ان شاء الله تستفاد و تحب الموضوع
                          محمود ابو السعود

                          لا تقلق كثيرا بشأن الماضي / ولا تحمل هم الغد / الان هو حياتك عيشها

                          Comment


                          • #14
                            المشاركة الأصلية كتبت بواسطة mk3 مشاهدة المشاركة
                            المحاسبه مرتابتها ضعيفه
                            السيلز مرتبه اعلى
                            مصمم على المحاسبه تتجه لمكتب مراجعه (محاسب قانونى) واهم حاجه يعملك تأمينات وخبره تدريب مع جمعيه المحاسبين المصرية عشان بعد 10 سنوات تبقى محاسب قانونى اد الدنيا
                            3 سنين بس يا ريس

                            10 سنين ليه حرااااااااااااااام
                            محمود ابو السعود

                            لا تقلق كثيرا بشأن الماضي / ولا تحمل هم الغد / الان هو حياتك عيشها

                            Comment


                            • #15
                              المشاركة الأصلية كتبت بواسطة ACC.Eslam Arif مشاهدة المشاركة
                              مهو انت ما اتبهدلتش 4 سنين عشان تبلها وتشرب ميتها فى الاخر
                              خليك فى مجالك ... وده الطريق لو تقدر عليه
                              خلاصة القاعدة بتقول
                              مكتب = خبرة كبيرة (محاسبة +ضرائب +تأسيس +مراجعة ) = مرتب قليل = ضغط كبير ----- شرط الخبرة الكبيرة انك تعلم نفسك وعلى الاقل مكتب متوسط ومن خلال الخبرة تقدر تدوس فى اى شركة كبيرة بمرتب كبير
                              .................................................. .............
                              الشركة = خبرة فى نشاط الشركة والمحاسبة المالية =مرتب معقول بنسبة لمبتداء ومرتب كبير للخبرة = ضغط الشغل اقل من المكتب
                              وكل وحد زى مابيحب
                              النصيحة
                              ان المحاسب يتبهدل فى المكاتب بعد التخرج وبعدين يدور على الشركات ويرتاح
                              وربنا يكرمك

                              انا ناوي فعلا على مكتب ان شاء الله و الصراحه مش مستريح لحوار السيلز ده
                              بس حبيت اتأكد انا كده طبيعي ولا بتحجج
                              محمود ابو السعود

                              لا تقلق كثيرا بشأن الماضي / ولا تحمل هم الغد / الان هو حياتك عيشها

                              Comment

                              Working...
                              X