إعـــــــلان

Collapse

.

,
See more
See less

عايز رأيكم معايا ( مجال المحاسبه ولا مجال المبيعات )

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة punisher مشاهدة المشاركة
    انا شايف لو المرتب مش فارق معاك فا خليك فى مجال المحاسبة

    وحاول تدعم نفسك بكوسات زى ال cpa - cma - cfa

    طبعا اغلاهم ال cpa بس هيكون ليك وضع مختف فى الشغل خالص وطبعا مرتب اعلى

    دا اللى كنت ناوى اعمله لما اتخرجت من تجارة انجلش بس ربنا كان كاتبلى مجال شغل تانى بعيد عن المحاسبة

    انا فعلا ناوي ان شاء الله لو دخلت المجال اشوف شهاده من الشهادات المحترمه دي
    بس مش دلوقتي خالص يعني الخطه الخمسيه الجايه :)

    طب ما تقولنا ( لو تحب ) ايه المجال التاني اللي دخلته و اكيد هنستفاد من تجربتك
    محمود ابو السعود

    لا تقلق كثيرا بشأن الماضي / ولا تحمل هم الغد / الان هو حياتك عيشها

    Comment


    • #17
      حد يعرف المرتب هيبقى فى حدود كام بعد تدريب 3 سنين فى مكتب محاسبة متوسط و مش معايا cma ?
      للعلم مش أكتر و شكرا

      Comment


      • #18
        المشاركة الأصلية كتبت بواسطة aboelsoud

        3 سنين بس يا ريس

        10 سنين ليه حرااااااااااااااام
        على حسب معلوماتى
        3 سنوات دى اول مرحله
        استحاله تبقى مراجع معتمد ميزانيات بعد 3 سنوات ممكن تبقى مراجع عادى فى فريق يرأسه واحد معتمد لكن مش معتمد فى الجمعية
        الانفرتر الهندى من البدايه للنهايه
        http://www.nilemotors.net/Nile/430457-a.html

        Comment


        • #19
          السلام عليكم ورحمة الله وبركاته،،،

          تعالى نتكلم بصفة إنك إن شاء الله ناوي تبقى حاجه كويسه في أي المجالين سواء المحاسبه أو التجاره

          الأول لازم تحط لنفسك هدف توصله:

          لو إنت هاتشتغل في المبيعات: المبيعات دي تشمل من أول واحد واقف بيبيع أي حاجه ومشكر في وش الناس وكل وظيفته إنه يرد على قد السؤال ومش فارق معاه إذا كانت الحاجه إتباعت ولا لأ .... وبرضه تشمل البياع المحترف اللي يعرف يبيع الهوا ويقدرر يحسس اللي قدامه إنه يبقى أحمق لو ما إشتراش السلعه واللي بيعمل فلوس رهيبه كل شهر من العمولات.

          كمان المحاسبه تشمل الشخص اللي طول عمره كل اللي بيعمله هو شوية قيود يوميه وتقفيل مزانيات ومش عاوز يتعلم أي حاجه جديده ... وتشمل المحاسب المجتهد اللي بيذاكر على طول وبياخد شهادات وبيوصل عضو مجل إداره وهو لسه شاب.


          أنا رأيي الشخصي: المبيعات دي مش مجرد وظيفه ... المبيعات جزء كبير منها موهبه ومظهر شخصي وأسلوب تعامل ... ممكن تبقى معاك دكتوراه في علوم التسويق بس إنت بياع فاشل عشان ما عندكش موهبه.

          شوف إذا كان عندك الموهبه الأول ولا لأ.

          بالنسبه للمحاسبه: المحاسبه في الأول طريقها صعب أوي لكن لو صبرت وإجتهدت وحط تحت كلمة إجتهدت دي خمسن خط هاتوصل وهاتبقى متظبط جداً كامرتب أوي كاوضع في الشركه نفسها.

          أنصحك تدور على مكتب مراجعه كبير تشتغل فيه في ألأول وما تبصش للمرتب. بس هاتتعلم فيه في سنه اللي المحاسب العادي بيتعلمه في 10 سنين. وطبعاً زي ما قلتلك أهم حاجه الإجتهاد في الشغل وما تنساش نفسك ولازم طول مانت شغال تدرس برضه شهادات عالميه

          أنصحك بشده تدور على شغلانه في حازم حسن ... حازم حسن ده مدرسة المراجعه في مصر واللي بيشتغل فيها سنتين بينط منها على أماكن نضيفه جداً جوه مصر وبره مصر

          شكراً
          محمد سعيد
          [B]"No act of kindness is ever wasted" [/B]

          Comment


          • #20
            المشاركة الأصلية كتبت بواسطة mk3 مشاهدة المشاركة
            على حسب معلوماتى
            3 سنوات دى اول مرحله
            استحاله تبقى مراجع معتمد ميزانيات بعد 3 سنوات ممكن تبقى مراجع عادى فى فريق يرأسه واحد معتمد لكن مش معتمد فى الجمعية
            و الله يا ريس دي كانت اخر معلوماتي
            انت ممكن تعرف حاجات اكتر مني
            انا لسه في اول الطريق فمعلوماتي على قدي
            محمود ابو السعود

            لا تقلق كثيرا بشأن الماضي / ولا تحمل هم الغد / الان هو حياتك عيشها

            Comment


            • #21
              المشاركة الأصلية كتبت بواسطة marsguy مشاهدة المشاركة
              السلام عليكم ورحمة الله وبركاته،،،

              تعالى نتكلم بصفة إنك إن شاء الله ناوي تبقى حاجه كويسه في أي المجالين سواء المحاسبه أو التجاره

              الأول لازم تحط لنفسك هدف توصله:

              لو إنت هاتشتغل في المبيعات: المبيعات دي تشمل من أول واحد واقف بيبيع أي حاجه ومشكر في وش الناس وكل وظيفته إنه يرد على قد السؤال ومش فارق معاه إذا كانت الحاجه إتباعت ولا لأ .... وبرضه تشمل البياع المحترف اللي يعرف يبيع الهوا ويقدرر يحسس اللي قدامه إنه يبقى أحمق لو ما إشتراش السلعه واللي بيعمل فلوس رهيبه كل شهر من العمولات.

              كمان المحاسبه تشمل الشخص اللي طول عمره كل اللي بيعمله هو شوية قيود يوميه وتقفيل مزانيات ومش عاوز يتعلم أي حاجه جديده ... وتشمل المحاسب المجتهد اللي بيذاكر على طول وبياخد شهادات وبيوصل عضو مجل إداره وهو لسه شاب.


              أنا رأيي الشخصي: المبيعات دي مش مجرد وظيفه ... المبيعات جزء كبير منها موهبه ومظهر شخصي وأسلوب تعامل ... ممكن تبقى معاك دكتوراه في علوم التسويق بس إنت بياع فاشل عشان ما عندكش موهبه.

              شوف إذا كان عندك الموهبه الأول ولا لأ.

              بالنسبه للمحاسبه: المحاسبه في الأول طريقها صعب أوي لكن لو صبرت وإجتهدت وحط تحت كلمة إجتهدت دي خمسن خط هاتوصل وهاتبقى متظبط جداً كامرتب أوي كاوضع في الشركه نفسها.

              أنصحك تدور على مكتب مراجعه كبير تشتغل فيه في ألأول وما تبصش للمرتب. بس هاتتعلم فيه في سنه اللي المحاسب العادي بيتعلمه في 10 سنين. وطبعاً زي ما قلتلك أهم حاجه الإجتهاد في الشغل وما تنساش نفسك ولازم طول مانت شغال تدرس برضه شهادات عالميه

              أنصحك بشده تدور على شغلانه في حازم حسن ... حازم حسن ده مدرسة المراجعه في مصر واللي بيشتغل فيها سنتين بينط منها على أماكن نضيفه جداً جوه مصر وبره مصر

              شكراً


              شكرا جزيلا استاذ محمد
              مشاركتك مفيده جدا جدا
              انا فعلا قررت اني ادخل مجال المحاسبه و بدور على المكاتب اهه
              ادعولي بقى ربنا يوفقني
              محمود ابو السعود

              لا تقلق كثيرا بشأن الماضي / ولا تحمل هم الغد / الان هو حياتك عيشها

              Comment


              • #22
                المشاركة الأصلية كتبت بواسطة mk3 مشاهدة المشاركة
                على حسب معلوماتى
                3 سنوات دى اول مرحله
                استحاله تبقى مراجع معتمد ميزانيات بعد 3 سنوات ممكن تبقى مراجع عادى فى فريق يرأسه واحد معتمد لكن مش معتمد فى الجمعية
                بعد ثلاث سنوات بتكون من حقك ان تكون مسجل فى سجل المحاسبين القانونين فئة أ وده بيقى معتمد لشركات الاشخاص وبعد خمس سنوات فئة ب وده لشركات الاموال وعلى فكرة العضوية دلوقتى بالامتحان مش زى زمان تروح تاخد شهادة من التامينات وتبقى مقيد فى سجل المحاسبين القانونين وعلى فكرة الامتحانات صعبة ومش اى حد بيعدى منها الكلام ده عرفتة من اخويا --هو محاسب قانونى

                Comment


                • #23
                  يعنى الموضوع فعلا يستاهل انى ابقى محاسب قانونى و لوممكن تعملوا مقارنة بعد خمس سنين بين المحاسب العادى و المحاسب القانونى فى المرتب و الخبرة
                  و شكرااا

                  Comment


                  • #24
                    انا هتكلم في المحاسبة والمراجعة فقط علشان دة مجالى خبرنى، المحاسب القانونى كالتالى 3 سنين تحت التمرين، وبعدين يتحول جدول أ شركات افراد وبعديهة 5 سنين يتحول لجدول ب شركات مساهمة وبعدين 8 سنين يتكول جدول بنوك. عضوية جمعية المحاسبين المصرية سابقاً تدخلك جول ب مباشرة - دلوقتى معرفش النظام اتغير ولا لأ.
                    الشهادات المهنية مطلوبة جداً واساية في التفرقة بين المحاسبيين وطبعاً بتفرق جامد في المرتب، والافضل كل متاخدها بدرى علشان بيتحسب سنوات الخبرة بعد الشهادة بتقييم اكبر من سنوات الخبرة بعد الشهادة.
                    الشهادات، cpa,acca, cma, cfa, cia
                    كل شهادة ليها مميزات ومجال منفصل،
                    نقطة تانية فية محاسب وفية مراجع (المحاسب القانونى) وبردة دة مجال ودة مجالى تانى.
                    المهم في دة كلة الاجتهاد.
                    [marq="3;right;2;alternate"]
                    انظر موضوع "خـــريطـة قــسـم نيـــسان .. طريـقنا نحـــو الافـضل"
                    [/marq]

                    Comment


                    • #25
                      المشاركة الأصلية كتبت بواسطة Ahmed_Rahem مشاهدة المشاركة
                      انا هتكلم في المحاسبة والمراجعة فقط علشان دة مجالى خبرنى، المحاسب القانونى كالتالى 3 سنين تحت التمرين، وبعدين يتحول جدول أ شركات افراد وبعديهة 5 سنين يتحول لجدول ب شركات مساهمة وبعدين 8 سنين يتكول جدول بنوك. عضوية جمعية المحاسبين المصرية سابقاً تدخلك جول ب مباشرة - دلوقتى معرفش النظام اتغير ولا لأ.
                      الشهادات المهنية مطلوبة جداً واساية في التفرقة بين المحاسبيين وطبعاً بتفرق جامد في المرتب، والافضل كل متاخدها بدرى علشان بيتحسب سنوات الخبرة بعد الشهادة بتقييم اكبر من سنوات الخبرة بعد الشهادة.
                      الشهادات، cpa,acca, cma, cfa, cia
                      كل شهادة ليها مميزات ومجال منفصل،
                      نقطة تانية فية محاسب وفية مراجع (المحاسب القانونى) وبردة دة مجال ودة مجالى تانى.
                      المهم في دة كلة الاجتهاد.

                      شكرا جزيلا على مشاركتك

                      رحت النهارده اعمل انترفيو في مكتب محاسبه و ادوني امتحان اكتشفت اني ضاااااايع و معلوماتي ميييييييح

                      لازم ارجع تاني لكتب المحاسبه عشان الواحد يفتكر شويه
                      محمود ابو السعود

                      لا تقلق كثيرا بشأن الماضي / ولا تحمل هم الغد / الان هو حياتك عيشها

                      Comment


                      • #26
                        المشاركة الأصلية كتبت بواسطة aboelsoud مشاهدة المشاركة
                        شكرا جزيلا على مشاركتك

                        رحت النهارده اعمل انترفيو في مكتب محاسبه و ادوني امتحان اكتشفت اني ضاااااايع و معلوماتي ميييييييح

                        لازم ارجع تاني لكتب المحاسبه عشان الواحد يفتكر شويه
                        مش عيب انك تفشل في اول انترفيو، بس لازم تعرف نقاط ضعفك فين وتحاول تانى
                        [marq="3;right;2;alternate"]
                        انظر موضوع "خـــريطـة قــسـم نيـــسان .. طريـقنا نحـــو الافـضل"
                        [/marq]

                        Comment


                        • #27
                          المشاركة الأصلية كتبت بواسطة ahmed_rahem مشاهدة المشاركة
                          مش عيب انك تفشل في اول انترفيو، بس لازم تعرف نقاط ضعفك فين وتحاول تانى
                          بالظبط كده و مش متضايق ولا حاجه
                          و ابتدبت اقرأ تاني في كتب المحاسبه و افتكر الدنيا كانت ماشيه ازاي

                          السؤال بقى

                          حد يعرف مكاتب محاسبه طالبه حديثي التخرج ؟
                          لو حد يعرف يقول يبقى ليه كل الشكر
                          محمود ابو السعود

                          لا تقلق كثيرا بشأن الماضي / ولا تحمل هم الغد / الان هو حياتك عيشها

                          Comment


                          • #28
                            النهارده و بعد مرور 3 شهور و اسبوع من كتابه هذا الموضوع ده وضعي :

                            شغال في معرض عربيات ( له سمعه و شهره ) الحمد لله

                            بس مش مبيعات - ماسك الكول سنتر :(

                            بس فيه احتمال كبير اني ابتدي انزل مبيعات بعد فتره صغيره ان شاء الله

                            و اذ فجأه و انا بقالي هنا شهر و اسبوع الاقي مكتب محاسبه كنت مقدم فيه من ييجي 4 شهور :)

                            و بيقولولي انت قبلت معانا

                            المهم بقى : طبعا ده كاريير و ده كاريير تاني خااااااااااالص

                            وانا حابب الاتنين ( الحسابات مجال دراستي - العربيات مجال هوايتي )

                            فانا محتار جداااااااااا

                            انهي مجال فيهم ليه مستقبل قدام

                            ده غير انه في فرق في المرتب حوالي 750 جنيه لصالح المعرض ( و اكيد مش في صالح مكتب المحاسبه ) :)

                            شوروا عليا يا اهل الشورى
                            محمود ابو السعود

                            لا تقلق كثيرا بشأن الماضي / ولا تحمل هم الغد / الان هو حياتك عيشها

                            Comment


                            • #29
                              روح للى تهواه بكره هتبقى لكن شأن فيه....العربيات يعنى
                              الانفرتر الهندى من البدايه للنهايه
                              http://www.nilemotors.net/Nile/430457-a.html

                              Comment


                              • #30
                                المشاركة الأصلية كتبت بواسطة aboelsoud مشاهدة المشاركة
                                النهارده و بعد مرور 3 شهور و اسبوع من كتابه هذا الموضوع ده وضعي :

                                شغال في معرض عربيات ( له سمعه و شهره ) الحمد لله

                                بس مش مبيعات - ماسك الكول سنتر :(

                                بس فيه احتمال كبير اني ابتدي انزل مبيعات بعد فتره صغيره ان شاء الله

                                و اذ فجأه و انا بقالي هنا شهر و اسبوع الاقي مكتب محاسبه كنت مقدم فيه من ييجي 4 شهور :)

                                و بيقولولي انت قبلت معانا

                                المهم بقى : طبعا ده كاريير و ده كاريير تاني خااااااااااالص

                                وانا حابب الاتنين ( الحسابات مجال دراستي - العربيات مجال هوايتي )

                                فانا محتار جداااااااااا

                                انهي مجال فيهم ليه مستقبل قدام

                                ده غير انه في فرق في المرتب حوالي 750 جنيه لصالح المعرض ( و اكيد مش في صالح مكتب المحاسبه ) :)

                                شوروا عليا يا اهل الشورى


                                ابعد عن المحاسبة
                                والله بقولك بكل امانة انا محاسب وبقولك ابعد عن المحاسبة
                                المحاسب دماغه نضيفة وبيتعلم يقيس ويحسب كل حاجة ودماغه دايماً شغالة بس في المقابل الشغلانه مقرفة ومحتاجة تركيز ودايماً بيبقى غير مقدر في معظم الشركات (بإستثناء مكاتب المحاسبة والمراجعة ) عشان بيبقى هو اساس النشاط عكس كل الشركات التجارية او الصناعية او حتى الخدمية الاساس فيها للبيع ...... انا شوفت اكتر من شركة واكتر من مجال وبجد نصيحة خليك في المبيعات هتشتري نفسك واعصابك وهتاخد خبرة تفتحلك مجال واسع بعدين وانت ودماغك برضه
                                لو عاوز شرح اكتر في الاسباب انا مستعد وربنا يوفقك .

                                Comment

                                Working...
                                X